09/02/2025
ମାନ୍ୟବର ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ଙ୍ ଉପସ୍ଥିତିରେ ମା' ବିରଜାଙ୍କ ପବିତ୍ର ମାଟି ଯାଜପୁର ଠାରେ ସୁଭଦ୍ରା ଯୋଜନାର ପ୍ରଥମ କିସ୍ତିର ଚତୁର୍ଥ ପର୍ଯ୍ୟାୟ ସହାୟତା ପ୍ରଦାନ ସମାରୋହରେ ଯୋଗଦେଲେ ଉପମୁଖ୍ୟମନ୍ତ୍ରୀ ପ୍ରଭାତିପରିଡା । ଏହି ଯୁଗାନ୍ତକାରୀ ଯୋଜନାରେ ତିନୋଟି ପର୍ଯ୍ୟାୟରେ ୮୦ ଲକ୍ଷରୁ ଉର୍ଦ୍ଧ୍ଵ ମହିଳାଙ୍କୁ ପ୍ରଥମ କିସ୍ତି ପ୍ରଦାନ କରାଯାଇଛି । ଆଜି ଚତୁର୍ଥ ପର୍ଯ୍ୟାୟ ବିତରଣ କାର୍ଯ୍ୟକ୍ରମରେ ୧୮ଲକ୍ଷରୁ ଊର୍ଦ୍ଧ୍ଵ ନୂତନ ହିତାଧିକାରୀଙ୍କୁ ୯୦୦କୋଟିରୁ ଊର୍ଦ୍ଧ୍ଵ ଟଙ୍କାର ଆର୍ଥିକ ସହାୟତା ପ୍ରଦାନ କରାଯାଇଛି ।
ମାତ୍ର ୭ ମାସର ସମୟ ବ୍ୟବଧାନରେ ଆମେ ୯୮ ଲକ୍ଷରୁ ଅଧିକ ମହିଳାମାନଙ୍କୁ ସୁଭଦ୍ରା ଯୋଜନାର ପ୍ରଥମ କିସ୍ତି ପ୍ରଦାନ କରିବାରେ ସଫଳ ହୋଇଛୁ । ଆଉ ଯେଉଁମାନେ ରହି ଯାଇଛନ୍ତି , ସେମାନଙ୍କୁ ମଧ୍ୟ ଖୁବ ଶୀଘ୍ର ଏହି ରାଶି ପ୍ରଦାନ କରାଯିବ । ଆମେ ୧ କୋଟି ରୁ ଉର୍ଦ୍ଧ୍ଵ ମହିଳାଙ୍କୁ ସୁଭଦ୍ରା ଯୋଜନାରେ ସଶକ୍ତ କରିବାର ଯେଉଁ ଲକ୍ଷ୍ୟ ରଖିଥିଲୁ , ତାହା ଆଜି ବାସ୍ତବ ରୂପ ନେବାକୁ ଯାଉଛି ।
ବର୍ତ୍ତମାନ ସୁଦ୍ଧା ଯାଜପୁର ଜିଲ୍ଲାରେ ସମୁଦାୟ ୪ ଲକ୍ଷ ୯୪ ହଜାରରୁ ଉର୍ଦ୍ଧ୍ଵ ହିତାଧିକାରୀମାନେ “ସୁଭଦ୍ରା” ଯୋଜନାରେ ପଞ୍ଜୀକୃତ ହୋଇଥିବା ବେଳେ ୩ ଲକ୍ଷ ୭୫ ହଜାରରୁ ଉର୍ଦ୍ଧ୍ଵ ମହିଳାଙ୍କୁ ପ୍ରଥମ କିସ୍ତିର ଅର୍ଥ ରାଶି ପ୍ରାପ୍ତ ହୋଇଛି । ଆଜି ଚତୁର୍ଥ ପର୍ଯ୍ୟାୟରେ ୭୯,୫୨୭ ଜଣଙ୍କୁ ସୁଭଦ୍ରାର ପ୍ରଥମ କିସ୍ତି ଯୋଗାଇ ଦିଆଯାଇଛି । ଆମ ପାଇଁ ଗୌରବର କଥା କି ଯାଜପୁର ଜିଲ୍ଲାରେ ୧୨,୨୬୨ ଦିବ୍ୟାଙ୍ଗ ମହିଳାଙ୍କୁ ସୁଭଦ୍ରାରେ ପଞ୍ଜୀକୃତ କରାଯାଇଛି ।
ଯାଜପୁର ଜିଲ୍ଲାର ୧୦ଟି ବ୍ଲକ, ୪ଟି ସହରାଞ୍ଚଳ ଓ ୨ଟି ମ୍ୟୁନିସିପାଲିଟି ତଥା ଯାଜପୁର ଏବଂ ବ୍ୟାସନଗରରେ ୨୮୨୬ ଅଙ୍ଗନବାଡି କେନ୍ଦ୍ର ସହ ୧୦୩୪ ଜନସେବା କେନ୍ଦ୍ର ଓ ୧୮୭ଟି ମୋ ସେବା କେନ୍ଦ୍ର ସୁଭଦ୍ରା ଯୋଜନା ପାଇଁ ଅହରହ କାର୍ଯ୍ୟରତ ଅଛନ୍ତି।
ଯାଜପୁର ଜିଲ୍ଲାରେ କାର୍ଯ୍ୟରତ ସମସ୍ତ ଆଶାକର୍ମୀ, ଅଙ୍ଗନବାଡି କର୍ମୀ,ସ୍ୱୟଂ ସହାୟକ ଗୋଷ୍ଠୀର ସଦସ୍ୟାବୃନ୍ଦ , ଜନ ସେବା ଓ ମୋ ସେବା କେନ୍ଦ୍ରର କର୍ମକର୍ତ୍ତା ମାନଙ୍କୁ ମୁଁ ଧନ୍ୟବାଦ ଜଣାଉଛି ।
ସୁଭଦ୍ରା ହିତଧୀକାରୀ ମାନଙ୍କ ସୁବିଧା ପାଇଁ ଆମେ କୁହ ସୁଭଦ୍ରା ,ଶୁଣ ସୁଭଦ୍ରା ଏବଂ ସୁଭଦ୍ରା ସେତୁ କାର୍ଯ୍ୟକ୍ରମ ହାତକୁ ନେଇଛୁ। ଏହାର ମୂଳ ଉଦ୍ଦେଶ୍ୟ ହେଲା ସୁଭଦ୍ରା ହିତଧୀକାରୀମାନଙ୍କ ଅସୁବିଧାକୁ ଶୁଣିବା ଏବଂ ସେମାନଙ୍କୁ ଉଚିତ ଦିଗଦର୍ଶନ ଦେବା । ଆଗାମୀ ଦିନରେ ସୁଭଦ୍ରା ସମ୍ପର୍କ ଅଭିଯାନ ଏବଂ ମୁଦ୍ରାରେ ସୁଭଦ୍ରା କାର୍ଯ୍ୟକ୍ରମକୁ ଅଧୀକ ବ୍ୟାପକ କରାଯିବ।
#ଘରେଘରେସୁଭଦ୍ରା
