31/08/2026
ଭୁବନେଶ୍ୱର - ୩୧/୦୮/୨୦୨୬
ବିଧାନସଭା ଅଭିମୁଖେ ପଦଯାତ୍ରା ଏବଂ ବିଧାନସଭା ସମ୍ମୁଖରେ ବିକ୍ଷୋଭ ପ୍ରଦର୍ଶନ,
ହୋ' ଭାଷାକୁ ସାମ୍ବିଧାନିକ ମାନ୍ୟତା ପ୍ରଦାନ ପ୍ରସଙ୍ଗ -
ହୋ' ଭାଷାକୁ ସାମ୍ବିଧାନିକ ମାନ୍ୟତା ପ୍ରଦାନ ପ୍ରସଙ୍ଗରେ ହେଉଥିବା ଆମରଣ ୬ ଦିନରେ ପହଞ୍ଚିଛି। ଏହି ଆମରଣ ଅନଶନ “ବୀର ବିର୍ସା ମୁଣ୍ଡା, ଜାମଦା"ର ସଭାପତି ଶ୍ରୀ ଘନଶ୍ୟାମ ପିଙ୍ଗୁଆଙ୍କ ନେତୃତ୍ୱରେ ହେଉଅଛି । ଆଜି ଏହି ଆମରଣ ଅନଶନକୁ ଦୁଇ ଗୋଟି ହୋ ସାମାଜିକ ସଂଗଠନ ଯଥା " ହୋ ଛାତ୍ର ସଂଗଠନ, ଭୂବନେଶ୍ୱର" ଏବଂ “ ବିର୍ସା ବିକାଶ ସମିତି , ପାଲଲହଡ଼ା, ଅନୁଗୋଳ" ସମର୍ଥନ ଜଣାଇଛନ୍ତି। ଆଜି ଆନ୍ଦୋଳନକାରୀମାନେ ଶାନ୍ତିପୂର୍ଣ୍ଣ ଭାବେ ବିଧାନସଭା ଅଭିମୁଖେ ପଦଯାତ୍ରା କରିବା ସହିତ ବିକ୍ଷୋଭ ପ୍ରଦର୍ଶନ କରିଛନ୍ତି। ଛାତ୍ରନେତା ଶ୍ରୀ ପା'ସିଂ ଗୁଣ୍ଡୁଆ, କାହ୍ନା ଆଲଡା, ଜଗନ୍ନାଥ ଦଙ୍ଗ, କ୍ଷୀରୋଦ ହେମ୍ବ୍ରମ, କାଳନ୍ଦୀ ଚରଣ ବିରୁଆ, ସାମାଜିକ କର୍ମୀ ଗୀତା ହେମ୍ବ୍ରମ, ଗାମାଏ ରୀମିଲ ସିଂ ଗୋଇପାଈ, ଟୁନୁ ବାନାରା, ନବୀନ ମୁଣ୍ଡୁରୀ, ରାମେଶ୍ବର କଣ୍ଡାଂକେଲ, ତୂରୀରାମ ବିରୁଆ, କୃଷ୍ଣଚନ୍ଦ୍ର କାରଆ , ଚନ୍ଦ୍ରମୋହନ ପିଙ୍ଗୁଆ ପ୍ରମୁଖ ସକ୍ରିୟ ଭୂମିକା ନେଇ ଥିଲେ । ଆନ୍ଦୋଳନକାରୀ କହିଛନ୍ତି ଯେ, ଯେଉଁ ପର୍ଯ୍ୟନ୍ତ ସେମାନଙ୍କୁ ମୁଖ୍ୟ ମନ୍ତ୍ରୀ ମୋହନ ଚରଣ ମାଝୀ ସାକ୍ଷାତ କରି ହୋ ଭାଷା ସଂକ୍ରାନ୍ତରେ ଆଲୋଚନା କରି ନାହାନ୍ତି ସେତିକି ଦିନ ପର୍ୟ୍ୟନ୍ତ ଗାନ୍ଧୀ ମାର୍ଗରେ ଆମରଣ ଅନଶନ ଜାରି ରହିବ ବୋଲି କମିଟି ସଭାପତି ଶ୍ରୀ ପିଙ୍ଗୁଆ ସୂଚନା ଦେଇଛନ୍ତି।
