Neruda books

09/03/2026

ശ്രീ. പി.കെ. ഗോപിയുടെ കവിതകൾ

വേര്
---------

ആയിരം
ക്യാമറക്കണ്ണിലും
പെട്ടില്ല
ആത്മസത്യത്തിൻ്റെ
തീമുഖഛായകൾ
ആരൊക്കെ
നോക്കിപ്പഠിച്ചിട്ടും
കണ്ടില്ല
ആത്മദുഃഖത്തിൻ്റെ
ആധാരവേരുകൾ!

മകുടം
-----------

മതവിദ്വേഷത്തിൻ്റെ
മാരകവിഷം ചീറ്റി
മനുഷ്യവിശ്വത്തിൻ്റെ
മകുടം തകർത്തെന്നാൽ
സകല വിജ്ഞാനവും
ചാമ്പലായ്ത്തീരും നിൻ്റെ
സമസ്തസൗഖ്യങ്ങളും
കണ്മുന്നിൽ മാഞ്ഞേ
പോവും!

രക്തസംഗീതം
-------------------------

അക്രമിക്കൂട്ട -
മഴിഞ്ഞാടിയാലതു
വിപ്ളവമാകുമെന്നാരു
ചൊല്ലീ സഖേ ?
അശ്ലീലഭാഷയി -
ലാറാടിയാലതു
വിശ്വസാഹിത്യമെന്നാരു
ചൊല്ലീ സഖേ ?
വിഡ്ഢിച്ചെകുത്താൻ്റെ -
യാസ്ഥാനവീണയിൽ
രക്തസംഗീതമൊഴുക്കുന്ന
രാത്രിയിൽ
നക്ഷത്രമോരോന്നണയുന്നു
ജീവൻ്റെ
സുപ്രഭാതങ്ങളിരുട്ടിൽ
മരിക്കുന്നു!!

പുൽക്കൊടി
-----------------------

ഭൂമിയമ്മയെ പുല്കി
ജീവിക്കാനറിയാത്ത
പാപികൾ കൊടുംഹിംസ
തുടരും ദുരന്തത്തിൽ
മാനവസ്നേഹത്തിൻ്റെ
പുൽക്കൊടിത്തുരുത്തിൽ ഞാൻ
ചേതന കെട്ടിപ്പിടിച്ചിങ്ങനെ
വിതുമ്പുന്നു !

തുഴ
-------

കാടെനിക്കേകിയ
തോണിയിൽ
ജീവൻ്റെ
കാലക്കടൽ തുഴ -
ഞ്ഞെങ്ങോട്ടു
പോവുന്നു?
ആയുസ്സിൻ്റെ
വിളിപ്പുറത്തജ്ഞാത -
ദ്വീപു കാണാൻ
പുറപ്പെട്ടു പോവുന്നു!
ആനന്ദമോ
മഹാദുഃഖമോ
ഭാവിയെന്നാർക്കറിയാം
ഞാൻ
തുഴയുകയാണെടോ!

ആത്മശില്പം
---------------------

ആർക്കുമാരെയും
വേണ്ടാത്ത കാലത്തു
വാർത്തുവയ്ക്കേണ്ട
ശില്പമേതാണെടോ?
ആത്മരാക്ഷസ -
ത്തീവിഴുങ്ങിപ്പക്ഷി
ആർത്തടുക്കുന്ന
ശില്പം മതിയെടോ!

പല്ലിവാഴ്ച
--------------------

ഭരണമില്ലാതെ
ജീവിക്കുവാൻ മറ്റു
വഴികളില്ലെൻ്റെ
കഴുതസ്സമൂഹമേ !

അപരനെങ്ങാൻ
ജയിച്ചുപോയാൽ നിൻ്റെ
സകല ജന്മവും
പാഴായെടോ സഖേ !

ഭുവനമേൽത്തട്ടു
താങ്ങുന്ന പല്ലിയാ -
യിവിടെ ഞാൻതന്നെ
ആഴണം..വാഴണം..!!

മുഖ്യം
----------

യുദ്ധതന്ത്രം പോലൊരു
തന്ത്രമാണെടോ മഹാ-
ദുഃഖവ്യാപാരത്തിൻ്റെ
മതവിദ്വേഷക്കണ്ണീർ !
മർത്ത്യത മരിക്കുമ്പോൾ
പൊയ്മുഖം വയ്ക്കുന്നവർ -
ക്കൊക്കെയുമധികാര
ലക്ഷ്യമാണെടോ മുഖ്യം !!

ഭീകരം
------------

ജീവഭൂമിയെ
കൊന്നുകൊന്നിങ്ങനെ
ഭാവിലോകം
പടുത്തുയർത്താമെടോ!
ഭീകരന്മാർക്കു
തിന്നു കൊഴുക്കുവാൻ
ആയുധം വിറ്റ
ലാഭം മതിയെടോ !!
സ്നേഹശൂന്യത
വാഴുന്നിടത്തേതു
ദീനരോദനമാരു
കേൾക്കാനെടോ?!

അന്യരക്തം
---------------------

കൊന്നു കൊന്നു
ജയിച്ചവരൊക്കെയും
മണ്ണിലെങ്ങനെ
ജീവിച്ചൊടുങ്ങിയെ -
ന്നൊന്നു വായിച്ചു
പോകണേ,പിന്നെയു-
മന്യരക്തം മണത്ത
ചെന്നായ്ക്കളേ !

-- പി.കെ. ഗോപി

09/03/2026

ഒരു കോമാളി കൊട്ടാരത്തിൽ എത്തുമ്പോൾ അവൻ രാജാവാകുന്നില്ല; മറിച്ച് ആ കൊട്ടാരം ഒരു സർക്കസ് കൂടാരമായി മാറുന്നു." തുർക്കിഷ് പഴമൊഴി

23/02/2026

Sri PK Gopi
drop of poem which reflects the sky of thought

20/02/2026

The latest poem of Sri. Raveendran Nagath

17/02/2026

സ്നേഹിപ്പു നിന്നെ ഞാനെന്തിനെന്നില്ലാതെ
നേരമോർക്കാതെയും വേരു തേടാതെയും
ആത്മസങ്കീർണ്ണതയ്ക്കക്കരെച്ചെന്നെത്തി
ഞാനെന്ന ഭാവത്തിനപ്പുറം നിന്നിതാ
സ്നേഹിപ്പു നിന്നെ ഞാൻ സ്നേഹിപ്പു നിന്നെ ഞാൻ
സ്നേഹിപ്പു നിന്നെ ഞാൻ നേർക്കുനേരേ സഖീ
എന്തിന്നു നീട്ടണം, സ്നേഹിപ്പു നിന്നെ ഞാൻ
സ്നേഹിക്കയല്ലാതെയൊന്നിനും വയ്യാതെ. *

നെരൂദ

14/02/2026

14/02/2026

Smt. Noushad

Good morning dear friends
Pls see the poem written by Naseera Noushad

13/02/2026

ശ്രീ.പി.കെ. ഗോപിയുടെ കവിത
# PKGopi

13/02/2026

ശുഭദിനം പ്രിയരേ

ബുദ്ധമൗനത്തെ വിഷയമാക്കി

നാല് വരി കുറിക്കാമോ



#

12/02/2026

മൗനത്തിൻ്റെ വീതം വെയ്ക്കൽ....................................

കാലം പകർന്ന മുറിവിൻ രേഖകളിൽ,
ചിതലരിച്ച തറവാടിൻ ചിത്രം തെളിയുന്നു മൗനമായി .

കളിചിരികൾ നിറഞ്ഞിരുന്ന അകത്തളങ്ങൾ ഇന്നിതാ
നിശ്ശബ്ദതയുടെ നിലവിളികൾ ചുമന്നുനിൽക്കുന്ന ശൂന്യരംഗം.

ഉമ്മറക്കോലായിലിന്ന്
അവകാശ തർക്കങ്ങളിൽ,
ആർക്കും വേണ്ടാതായ
രണ്ട് നിഴലുകൾ മാത്രം, അവർ,ഓർമ്മകളുടെ അനാഥസാക്ഷികൾ.
സ്വത്തിൻ്റെ വീതം വെയ്ക്കലിൽ,
രക്തബന്ധങ്ങളുടെ ഒളിമങ്ങിയ
ജീവൻ്റെ രേഖകൾ.

മാതാപിതാക്കളുടെ
ചുടു നിശ്വാസങ്ങളിൽ,
തറവാടിൻ ആത്മാവ് പതുക്കെ എരിഞ്ഞുതുടങ്ങുന്നു.

സ്നേഹവാത്സല്യങ്ങൾ ചേർത്ത് അന്നം വിളമ്പിയ
കൈകൾ
ഇന്നിതാ കാലത്തിന്റെ കാറ്റിൽ മരവിച്ചിരിക്കുന്നു.

അച്ഛൻ്റെ നിഴൽ പിടിച്ചു പിച്ചനടന്ന കുഞ്ഞുകാലുകൾ,
ജീവിതവഴികളിൽ വളർന്നു ദൂരെയായി.
ഉപേക്ഷയുടെ വരമ്പിൽ തനിച്ചായ അച്ഛൻ,
ഓർമ്മകളെ മാത്രം കൂട്ടാക്കി നിൽക്കുന്നു നിശ്ശബ്ദമായി.

മക്കളുടെ ഗർജ്ജനങ്ങൾക്കു മുന്നിൽ
വിറങ്ങലിച്ചു നിൽക്കുന്നു,
ഒരിക്കൽ പോറ്റിയ കരങ്ങളുടെ കരുണാനിഴൽ.
മൗനമിഴികളിൽ ചിതറുന്ന മഴത്തുള്ളികൾ
നോവിൻ ഗാഥകൾ ചൊല്ലിയൊഴുകുന്നു.

രക്തബന്ധങ്ങളുടെ സ്നേഹഗഹനം പോലും,
ഭൂമിയുടെ അളവിൻ തൂക്കത്തിൽ നഷ്ടമായി.
സ്വാർത്ഥതയുടെ നീണ്ട നിഴലിൽ ഹൃദയം തകർന്ന
തറവാട് മൗനമായി ചോദിക്കുന്നു,
“വീടിൻ്റെ ആത്മാവ് എവിടെ പോയ്മറഞ്ഞു?”

"സ്വത്തിൻ്റെ മുൻപിൽ, അവകാശങ്ങളുടെ വാദപ്രതിവാദങ്ങളിൽ
സ്നേഹം മരിച്ചുവോ?"

വെയിൽ വഴികളിൽ തളർന്നുപോയ ജന്മങ്ങൾ
പോയകാലത്തെ പുണ്യത്തിൻ്റെ ഓർമ്മകളുടെയോരം ചേർന്ന്
ഇന്നും കാത്തിരിക്കുന്നു,
സ്നേഹത്തിൻ്റെ ഒരു വിളിക്കായ്.

[ രശ്മ നിഷാദ് ]

08/02/2026

ഈ ചിത്രത്തെ അവലംബിച്ച് നാല് വരി രചിക്കാമോ?

08/02/2026

Illustration for story of Girija K Nair