22/12/2025
ഞങ്ങളീ കോട്ടയംകാര്,
കപ്പ കൊത്തി ഉപ്പ് ഇട്ട് പാകത്തിന് വേവിച്ച് വെള്ളം ഊറ്റി കളഞ്ഞ്, അതിലോട്ട് തേങ്ങയും മഞ്ഞളും, ജീരകവും വെളുത്തുള്ളിയും, കാന്താരീം കറിവേപ്പിലയും കൂടി ചതച്ച് ചേർത്ത് ഇളക്കി കൂട്ടി എടുക്കുന്ന കപ്പപ്പുഴുക്കും,
ഞങ്ങൾടെ തനതായ ശൈലിയിൽ തലേന്ന് കൊടംപുളീം ഇട്ട് ചട്ടീൽ വെച്ച നല്ല എരിവുള്ള മീൻ കറീം മുകളിലേയ്ക്ക് ഒഴിച്ച് ഉള്ള ഒരു കഴിക്കൽ ഉണ്ട്.
അതിന് ശേഷം നല്ല കടുപ്പത്തിൽ ഒരു കടും കാപ്പീം .. ആഹാ...
പണ്ടത്തെ ഒരു ശരാശരി കോട്ടയംകാരൻ റബ്ബർ വെട്ടും കഴിഞ്ഞ് വീട്ടിൽ വന്ന് തിണ്ണയിൽ ഇരുന്ന് ഇതും കഴിച്ചിട്ട്,
പിന്നീട് പോയി വെട്ടി വെച്ച റബ്ബർ പാലും എടുത്ത് ഷീറ്റ് അടിക്കാൻ വെച്ചിട്ട് ആയിരുന്നു ജോലിക്ക് പോയിരുന്നത്.
അതാണ് ഞങ്ങടെ കോട്ടയം.
