https://www.facebook.com/248949635163452/

VPK, Vatakara, Calicut (2025)

19/07/2025

New Article
Pravasi Risala July

📝ആഗോളിക/-
സോഹറാൻ മംദാനി: ഒരു രാഷ്ട്രീയ പ്രവണത
✍️വി പി കെ മുഹമ്മദ്

അമേരിക്കയിലെ ഏറ്റവുംവലിയ നഗരമായ ന്യൂയോര്‍ക്കിലെ മേയര്‍ തിരഞ്ഞെടുപ്പിലൂടെയാണ് "സോഹ്‌റാന്‍ മംദാനി''യെ ലോകം ശ്രദ്ധിച്ചു തുടങ്ങിയത്. ലോകത്തെമ്പാടുമുള്ള രാഷ്ട്രീയ ചര്‍ച്ചാവേദികളില്‍ സോഹ്‌റാന്‍ മംദാനിയുടെ രാഷ്ട്രീയ നിലപാടും കാഴ്ചപ്പാടും അദ്ദേഹത്തിന്റെ വംശവും ദേശവും മതവും ചര്‍ച്ച ചെയ്യപ്പെടുകയാണ്. കേവലമൊരു ഇന്ത്യന്‍ വംശജനെന്ന പ്രത്യേകത മാത്രമല്ല സോഹറാന്‍ മംദാനിക്കുള്ളത്. മേയര്‍ തിരഞ്ഞെടുപ്പില്‍ വിജയിക്കുന്ന ആദ്യ മുസ്ലിം എന്ന സവിശേഷതകൂടിയുണ്ട്. തികഞ്ഞ സോഷ്യലിസ്റ്റും, ഡൊമോക്രാറ്റുമായ മംദാനി, തന്റെ രാഷ്ട്രീയ നിലപാടുകൊണ്ടും അനുകരണീയമായ നേതൃപാടവം കൊണ്ടും പൊടുന്നനെയാണ് അമേരിക്കന്‍ രാഷ്ട്രീയ ഭൂപടത്തില്‍ ചുവടുറപ്പിച്ചത്. സോഹറാന്‍ തന്റെ രാഷ്ട്രീയ കാഴ്ചപ്പാടുകള്‍ രൂപപ്പെടുത്തിയത് തന്റെ പിതാവായ മഹ്‌മൂദ് മംദാനിയില്‍ നിന്നാണ്.അദ്ദേഹം തികഞ്ഞ അക്കാദമിക് വിദഗ്ദനായിരുന്നു. മഹമൂദ് മംദാനി എഴുതിയ "ഗുഡ് മുസ്ലിം ബാഡ് മുസ്ലിം', എന്ന പുസ്തകവും, പോസ്റ്റ്‌കോളനിവത്കരണ വിശകലനവും, വംശീയവും മതപരവുമായ അടിച്ചമര്‍ത്തലിനെതിരെയുള്ള നിലപാടും സോഹറാന്‍ മംദാനിയുടെ രാഷ്ട്രീയത്തെ സ്വധീനിക്കുന്നതിലും അദ്ദേഹത്തെ രൂപപ്പെടുത്തുന്നതിലും നിര്‍ണ്ണായക പങ്കുവഹിച്ചിട്ടുണ്ട്. എന്നാല്‍ മംദാനിയുടെ വംശവും പിന്തുടരുന്ന മതവും വിശ്വാസവും വേട്ടയാടലിന് വിധേയമാണ്.
ന്യൂയോര്‍ക്ക് മേയര്‍തിരഞ്ഞെടുപ്പില്‍ സ്ഥാനാര്‍ഥിയായതോടുകൂടി പല പ്രതിസന്ധികളും മംദാനി നേരിടേണ്ടിവന്നു. അതേസമയം അടിസ്ഥാന ജനവിഭാഗങ്ങളുടെയും, മധ്യവര്‍ഗത്തിന്റെയും ജീവല്‍പ്രശ്‌നങ്ങളെ ചര്‍ച്ചാവിഷയമാക്കിയും, ന്യൂയോര്‍ക്കിലെ എല്ലാതരം കമ്യൂണിറ്റികളെയും അഡ്രസ് ചെയ്തും, അവരുമായി ആശയവിനിമയം നടത്തിയുമാണ് തിരഞ്ഞെടുപ്പ് ഗോദയില്‍ മംദാനി തന്റെ സാന്നിധ്യം അറിയിച്ചത്. കൃത്യമായ രാഷ്ട്രീയം പറഞ്ഞും വികസന കാഴ്ചപ്പാട് മുന്നോട്ടുവെച്ചും തിരഞ്ഞെടുപ്പിനെ നേരിട്ടപ്പോള്‍, പ്രാഥമികഘട്ടത്തില്‍ തന്നെ മംദാനിക്ക് മികച്ച വിജയം കൈവരിക്കാന്‍ കഴിഞ്ഞു. എന്നാല്‍ മംദാനിയുടെ വിജയം തീവ്രവലതുപക്ഷത്തിനെയും, റിപ്പബ്ലിക്കന്‍ പാര്‍ട്ടിയെയും തെല്ലൊന്നുമല്ല അസ്വസ്ഥപ്പെടുത്തിയത്. തിരഞ്ഞെടുപ്പാനന്തരം അമേരിക്കയിലും മറ്റുപടിഞ്ഞാറന്‍ രാജ്യങ്ങളിലും സൊഹ്‌റാന്‍ മംദാനിയുടെ വിജയം, ഊടും പാവും നല്‍കി ഇടതുപക്ഷവും, ജനാധിപത്യവാദികളും, സെക്കുലര്‍സ്റ്റുകളും തുടങ്ങി എല്ലാ വിഭാഗമാളുകളും ആഘോഷിക്കുകയാണ്. ഈ ആഘോഷങ്ങള്‍ക്ക് കാരണമാകുന്നത് തിരഞ്ഞെടുപ്പില്‍ അദ്ദേഹം സ്വീകരിച്ച രാഷ്ട്രീയനിലപാടുകളും, പ്രചാരണതന്ത്രങ്ങളും, സമീപനങ്ങളും മറ്റുള്ളവരില്‍നിന്നും ഏറെ വ്യതിരക്തത നിറഞ്ഞത് കൊണ്ടുകൂടിയാണ്. മംദാനിയെ ആഘോഷിക്കുകയും പ്രകീര്‍ത്തിക്കുകയും ചെയ്യുന്നതിലെ ന്യായങ്ങള്‍ വിശകലനം ചെയ്യുമ്പോള്‍ അയാള്‍ കൈവരിച്ച രാഷ്ട്രീയസ്ഥിരതയും, മുന്നോട്ടുവെച്ച ആശയങ്ങളും അമേരിക്കക്കാരെ പ്രചോദിപ്പിച്ചിട്ടുണ്ട് എന്ന് വ്യക്തമാണ്. Read more....
_______________________________________
_വായിക്കാം, കേൾക്കാം;
പ്രവാസി രിസാലയിൽ_

21/06/2025

📝ചെറിയ വലിയ വംശഹത്യകൾ
✍️വി പി കെ മുഹമ്മദ്

ഇസ്രയേൽ വിഷയത്തിൽ ലോകരാജ്യങ്ങൾ ഇനിയും മൗനമാണ് ഭജിക്കുന്നതെങ്കിൽ, അവർ നീതിക്കൊപ്പമല്ല, അനീതിക്കൊപ്പമാണ്. പ്രസ്താവനകൾകൊണ്ടോ, മറ്റ് സഹകരണങ്ങൾകൊണ്ടോ പ്രശ്നപരിഹാരങ്ങൾ ഉണ്ടാവുന്നില്ല. ക്രൂരമായി കൊല്ലപ്പെടുന്ന ഒരു ജനതയെ, മരണത്തിനും ജീവിതത്തിനും ഇടയിൽ പിടയുന്ന നിരാലംബരായ സ്ത്രീകളും കുട്ടികളും വൃദ്ധരുമായവരെ തിരഞ്ഞുപിടിച്ച് കശാപ്പ് ചെയ്യുന്ന ഈ ഒരു കൊടുംഭീകരവാഴ്ചയെ കണ്ടില്ലെന്ന് നടിക്കുന്നത് മനുഷ്യമനസ്സുകളെ സ്തംഭിപ്പിക്കുന്നതിന് തുല്യമാണ്. ഒരേ സമയം ആക്രമണത്തെ അപലപിക്കുകയും, മറുഭാഗത്ത് ആയുധവും പണവും നൽകി ഇസ്രയേലിനെ ശക്തിപ്പെടുത്തുകയും ചെയ്യുന്ന അമേരിക്കയും പടിഞ്ഞാറൻ രാജ്യങ്ങളും മനുഷ്യരാശിക്ക് തന്നെ ഭീഷണിയാണ്. ആളപായത്തിന്റെ തോതനുസരിച്ച് ഇടക്കിടെ അപലപിച്ച്, ഭക്ഷണവും, വസ്ത്രവും നൽകി കടമ നിറവേറ്റുന്ന അറബ് ലീഗിന്, പാലസ്തീൻ വിഷയം രമ്യമായി-ശാശ്വതമായി പരിഹരിക്കാനോ, ഇസ്രായേലിനെ നിലക്ക് നിറുത്തുവാനോ ഉള്ള ശേഷിയോ താല്പര്യമോ ഇല്ല എന്നത് അറബ് ലോകത്തെ നിസ്സഹായവസ്ഥയാണ് ചൂണ്ടിക്കാണിക്കുന്നത്. ലോകത്ത് ഏറ്റവും വിശപ്പുള്ള ഇടമായി ഗാസ മാറിയെന്ന റിപ്പോർട്ടുകൾ വരുമ്പോഴും ലോകത്തിന് മാതൃകയായ ഇന്ത്യയും ഇസ്രിയേലിനെ ഈ അവസരത്തിൽ പോലും തള്ളിപ്പറയാൻ കൂട്ടാക്കുന്നില്ല. ഒന്ന് ചെറുത്ത് നിൽക്കാൻ പോലും ശേഷിയില്ലാത്ത ദുർബലരായ ജനതയ്ക്കുവേണ്ടി മുന്നോട്ടുവരുന്ന ഐക്യരാഷ്ട്രസഭയ്ക്ക് കൂടുതലായി എന്തെങ്കിലും ചെയ്യാനോ എതിർപ്പ് പ്രകടിപ്പിച്ച് മുന്നോട്ടുവരുന്ന രാജ്യങ്ങൾക്ക് ചുരുങ്ങിയത് ഒരു സമ്മർദ്ദ ശക്തിയാകാൻ പോലും കഴിയുന്നില്ല. എങ്കിലും അത്തരം രാജ്യങ്ങളിലെ പൗരന്മാർ, ഇതിനെതിരെ സിമ്പോസിയവും സമരവും പ്രതിഷേധവും ഉയർത്തുന്നു എന്നത് ഒരു പ്രതീക്ഷയാണ്. ഈ ഒരു സാഹചര്യത്തിൽ ഇസ്രായേൽ ഭരണകൂടത്തിനെതിരെ ലോകത്തിന്റെ വ്യത്യസ്തങ്ങളായ കോണുകളിൽ നിന്നും കൂടുതൽ മനുഷ്യർ ഈ ഭീകരതക്കെതിരെ എഴുതിയും പറഞ്ഞും പോകുക തന്നെ ചെയ്യണം അത് ആ ജനതയോട് നാം ചെയ്യുന്ന മാനസികമായ ഐക്യപ്പെടലാകും. വംശഹത്യകൾ ചെറുതും വലുതുമില്ല . എല്ലാം ഗൗരവത്തിൽ സമീപിക്കേണ്ടതും മനുഷ്യ വംശം ഒറ്റക്കെട്ടായി എതിർക്കേണ്ടതുമാണ്. നാസികളും കമ്മ്യൂണിസ്റ്റുകളും പ്രതിയാകുമ്പോൾ വംശഹത്യയും വെള്ളക്കാരൻ അക്രമകാരിയാകുമ്പോൾ സാങ്കേതികത്വം പറഞ്ഞ് ഉരുണ്ടു കളിക്കുന്നതും ആഗോള രാഷ്ട്രീയത്തിലെ ഏറ്റവും ദാരുണവും മ്ലേച്ഛവുമായ കാഴ്ച്ചയാണ്. നേര് പറഞ്ഞുകൊണ്ടേയിരിക്കലാണ് മറുമരുന്ന്.
_______________________________________
👇🏻രിസാല വെബ്പോർട്ടലിൽ വായിക്കാൻ👇🏻

https://risalaupdate.com/pravasi/pravasi-risala-june-2025/chapters/6

©️ 𝐑𝐈𝐒𝐀𝐋𝐀 𝐔𝐏𝐃𝐀𝐓𝐄
| | | | | | | | | |

20/03/2025

📜വിഭജനത്തിന്റെ നിഴലിൽ പാക്കിസ്ഥാൻ
✍️ വി പി കെ മുഹമ്മദ്

പാക്കിസ്ഥാന്‍ - അഫ്ഗാന്‍-ഇറാന്‍ അതിര്‍ത്തി പ്രദേശങ്ങളോട് ചുറ്റപ്പെട്ട ദേശമാണ് ബലൂചിസ്ഥാന്‍ വംശീയമായും, സംസ്‌കാരികമായും, രാഷ്ട്രീയപരമായും സാമ്പത്തികമായും വ്യത്യസ്ത ജീവിത സാഹചര്യവും ശൈലിയും പാരമ്പര്യവുമാണ് അവരുടേത്. അരക്ഷിതാവസ്ഥ നേരിടുന്ന സമൂഹം എന്ന നിലയില്‍ തുടര്‍ച്ചയായ സംഘര്‍ഷവും, അസ്വസ്ഥതയും, അനുഭവിക്കുന്നവരാണ് ബലൂചി ജനത. പാക്കിസ്ഥാന്‍ രാജ്യ വിസ്തൃതിയില്‍ 44 ശതമാനം ബലൂചിസ്ഥാന്‍ പ്രദേശം അടങ്ങിയതാണ്. ബലൂചിലെ രാഷ്ട്രീയവും, സാമൂഹികവും സാമ്പത്തികവുമായ പ്രശ്‌നങ്ങള്‍ അതി വൈകാരികവും, വളരെ സങ്കീര്‍ണവുമാണ്. സ്വതന്ത്ര ബലൂചിസ്ഥാന്‍ രാഷ്ട്രമെന്ന ആശയത്തിനുവേണ്ടി പതിറ്റാണ്ടുകളായി പാക്കിസ്ഥാന്‍ സര്‍ക്കാരുമായി സംഘര്‍ഷത്തിലാണവർ. ഇന്നിപ്പോള്‍ ആശയപരമായ സംവാദങ്ങളില്‍നിന്നും സമരങ്ങളില്‍നിന്നും വഴിമാറി സായുധ പോരാട്ടങ്ങളിലേക്കും, ഭീകരപ്രവര്‍ത്തനങ്ങളിലേക്കും തീവ്ര ദേശീയവാദികള്‍ രാജ്യത്തെ കൊണ്ടെത്തിച്ചിട്ടുണ്ട്.

_വായിക്കാം, കേൾക്കാം;
പ്രവാസി രിസാലയിൽ_

17/04/2024

പുതിയ എഴുത്ത് ✍️

തിരഞ്ഞെടുപ്പ് വർഷമായ 2024ൽ, 68 രാജ്യങ്ങളിലാണ് തിരഞ്ഞെടുപ്പ് നടക്കുന്നത്. ഏപ്രിൽ മാസത്തിൽ ദക്ഷിണ കൊറിയയിലും, മാലദ്വീപിലുമാണ് തിരഞ്ഞെടുപ്പ്. ഇരു രാജ്യങ്ങളും തിരഞ്ഞെടുപ്പിൽ മുന്നോട്ടുവെക്കുന്ന രാഷ്ട്രീയ തന്ത്രങ്ങൾ, നയനിലപാടുകൾ, അതിനെ തുടർന്നുണ്ടാകുന്ന അന്താരാഷ്ട്ര പ്രതിസന്ധികൾ, രാജ്യങ്ങൾ തമ്മിലുണ്ടാകുന്ന അകൽച്ച, നിലയ്ക്കാത്ത യുദ്ധ ഭീഷണികൾ, ആഭ്യന്തര രാഷ്ട്രീയ പ്രതിസന്ധികൾ തുടങ്ങിയവ ആഗോളികയിൽ ചർച്ച ചെയ്യുന്നു.

02/02/2024

ഗ്യാൻവ്യാപി മസ്ജിദ് - പൂജ തുടരും

ഗ്യാൻവ്യാപി മസ്ജിദിൽ നടക്കുന്ന പൂജയ്ക്കെതിരെ മസ്ജിദ് കമ്മിറ്റി നൽകിയ ഹരജി അലഹബാദ് ഹൈക്കോടതി തള്ളിയ വിവരമാണ് ഇപ്പോൾ പുറത്ത് വന്നിരിക്കുന്നത്. തീർച്ചയായും ഹൈക്കോടതി പുറപ്പെടുവിച്ച വിധിയിൽ അത്ഭുതമൊന്നും തോന്നുന്നില്ല, പ്രത്യേകിച്ച് യുപിയിൽ. മനുഷത്വ വിരുദ്ധവും ജനാധിപത്യ വിരുദ്ധവുമായ എത്ര വിധിപ്രസ്താവങ്ങളാണ് UP അലഹബാദ് ഹൈക്കോടതിയിൽ നിന്ന് ഇതിനകം പുറത്തുവന്നിരിക്കുന്നത്. അജണ്ടകൾ മുൻകൂട്ടി നിശ്ചയിച്ച് നീതിന്യായ വ്യവസ്ഥിതിയെ തങ്ങളുടെ ഇംഗതത്തിനു വഴിപ്പെടുത്തുക എന്ന നില തുരടുന്നു എന്ന് മാത്രം. മസ്ജിദിൽ ആരാധന നടന്നുകൊണ്ടിരിക്കുന്ന കാലം കൂടിയാണിതെന്ന് ഓർക്കണം. സമീപഭാവിയിൽ ഉണ്ടായേക്കാവുന്ന വിപത്തുകളെ മുൻകൂട്ടി കണ്ടുകൊണ്ടെങ്കിലും നിലവിലെ സാഹചര്യത്തിൽ സ്റ്റേ നൽകുന്നതിന് പകരമാണ് തീർത്തും പക്ഷപാധിതരമായ ഉത്തരവുണ്ടാകുന്നത്.

ഹിന്ദു മതത്തിന്റെ സംരക്ഷകർ എന്നനിലയിൽ വിശ്വാസികളെ വരുതിയിലാക്കുകയാണ്. അതിന് പിൻബലമായി ഗീബൽസിയൻ സിദ്ധാന്തം നന്നായി പടച്ചുവിടുകയാണ്. ആർക്കിയോളജിസ്റ്റ് ഡിപ്പാർട്ട്മെന്റ് നിയന്ത്രിക്കപ്പെടുന്നത് തന്നെ ആഭ്യന്തര വകുപ്പാണ്. തീർത്തും ചരിത്രത്തെ വികലമായ രീതിയിൽ വിശ്വാസികളിലേക്ക് എത്തിക്കുവാൻ മീഡിയകളെ നന്നായി ഉപയോഗിക്കുന്നു. അക്കാദമിക് തലങ്ങളിൽ പൊള്ളവാദങ്ങൾ പടച്ചുവിടാൻ ടീം സെറ്റാണ്. ജനാധിപത്യം നഷ്ടപ്പെടാൻ ഇനി എത്രനാൾ എന്ന ചോദ്യം മാത്രം ബാക്കി.

02/11/2023

റിപ്പോർട്ടർ ടിവി ഒരു ദുരന്തമായി മാറിയിരിക്കുകയാണ്... അതിനു സാക്ഷികളായി, ജീവച്ഛവങ്ങളായി രണ്ട് ‌പല്ല് കൊഴിഞ്ഞ 'സിംഹങ്ങളും'. ആർജ്ജിക്കപ്പെട്ട നിലപാടുകളും ബോധ്യങ്ങളും ചാനലിനായി അവർ അടിയറവ്‌ വെക്കെപ്പെട്ടു എന്നതാണ് സത്യം. റിപ്പോർട്ടർ ടിവിയുടെ അജണ്ട കൃത്യമായിതന്നെ ജനങ്ങൾക്ക്‌ ഇതിനകം ബോധ്യമായിട്ടുണ്ട്‌‌. പ്രത്യേകിച്ചും തുടർന്നുവരുന്ന നയങ്ങളും നിലപാടുകൊണ്ടും അവരത്‌ സ്പഷ്ടമാക്കിയിട്ടുണ്ട്‌. റിപ്പോർട്ടർ ചാനൽ ഉന്നംവെയ്ക്കുന്നത്‌, ന്യൂനപക്ഷത്തെയും, ഇടതുപക്ഷത്തെയുമാണ്. ഉയർത്തിപ്പിടിക്കുന്നതാവട്ടെ പരിവാർ അജണ്ടകളും. പ്രത്യക്ഷത്തിൽ ചാനൽ അവതരിപ്പിക്കുന്ന ചർച്ചകൾ ജനാധിപത്യപരമെന്ന് തോന്നുമെങ്കിലും ചാനലിന്റെ intention വളരെ കൃത്യമാണ്. അതിൽ സുജയ പാർവതി ഒരു മുന്നണിപോരാളിയാണ്. അതേസമയം ഉണ്ണി ബാലകൃഷ്ണൻ സെയിലന്റ്‌ കില്ലറുമാണ്. എന്നാൽ ഞങ്ങൾ നിക്ഷപക്ഷരാണ് എന്ന തോന്നിപ്പിക്കും വിധത്തിൽ അരുൺ കുമാറും നികേഷും… ആർക്കോ വേണ്ടി ഓരിയിടുന്നു എന്നതിൽ കവിഞ്ഞ് മറ്റൊന്നുമില്ല.

ചാനലിനെതിരെയുള്ള കേസ് -

കളമശ്ശേരി ബോംബ് സ്ഫോടനത്തിൽ പല ഓൺലൈൻ ചാനലുകളും ,സംഘ്പരിവാർ നേതാക്കളും, കാസയും കൃത്യമായി ലക്ഷ്യവെച്ചത് ന്യൂനപപക്ഷങ്ങളായ മുസ്ലിം നാമധാരികളെയായിരുന്നു. ഇതിൽ റിപ്പോർട്ടർ ചാനലും സുജയയും അടക്കം, പരിവാർ അജണ്ടയ്ക്കൊപ്പം നിൽക്കുകയും അവരത് പറയാൻ ശ്രമിക്കുകയും ചെയ്തു. അതുകൊണ്ട് തന്നെയാണ് റിപ്പോർട്ടർ ചാനലിനെതിരെയും സുജയക്കെതിരെയും പോലീസ് എഫ് ഐ ആർ ഇട്ടത്. എഡിറ്റേഴ്സ് മീറ്റിൽ കേസിനെ നേരിടും എന്നുപറഞ്ഞ് ഗീർവാണം മുഴക്കുമ്പോഴും സുജയ ഒരു സങ്കോചവും കൂടാതെ പറയുന്നത്, ഒരു പ്രത്യേക വിഭാഗമാണ് എന്നെ ടാർഗറ്റ് ചെയ്യുന്നത് എന്നാണ്. അഹന്തയും അഹങ്കാരവും വർഗ്ഗീയതയും നിറഞ്ഞ വെല്ലുവിളി ഒരു ചാനൽ പ്ലാറ്റ്ഫോമിൽ നടത്തുമ്പോൾ, ഒരു മാധ്യമ സ്ഥാപനം ഇങ്ങനെ ഇത്രമാത്രം അധപതിക്കുന്നത് ആദ്യമായായിരിക്കും കാണാൻ കഴിയുന്നത്. കൂട്ടത്തിൽ പത്രപ്രവർത്തക യൂണിയൻ തനിക്കുവേണ്ടി നിലകൊള്ളാത്തതിൽ പരിതപിക്കുന്നുമുണ്ട് ആ മാന്യവനിത. ഇവർ ആർക്കുവേണ്ടിയാണ് തിളക്കുന്നതും നിലകൊള്ളുന്നതും എന്ന് വ്യക്തമാണ്.

ചാനലുകൾ സമൂഹത്തിലുണ്ടാകുന്ന ഫാബ്രിക്കുകൾ എത്രത്തോളമെന്ന് കേരളം തിരിച്ചറിഞ്ഞു തുടങ്ങിയിട്ടുണ്ട്. ജനങ്ങളുടെ മനസിൽ വർഗീയതയുടെയും, അപരവിദ്വേഷത്തിന്റെയും തീക്കനലാണ് ചാനലുകളിലൂടെ സമൂഹത്തിൽ വമിപ്പിക്കുന്നത്. മേലിൽ ഇത്തരം അവാസ്തവമായ വാർത്തകളും കുറിപ്പുകളും പ്രചരിപ്പിക്കുന്നവർക്കെതിരെ സർക്കാർ ശക്തമായി നടപടി കൈകൊള്ളണം. സർക്കാർ ഇപ്പോൾ എടുത്ത നടപടി വൈകിപ്പോയി എന്നെ പറയാനുള്ളൂ..!

03/10/2023

🎥 Watch full:
https://youtu.be/UEYdCzlF6Uw
https://youtu.be/UEYdCzlF6Uw
https://youtu.be/UEYdCzlF6Uw

06/06/2023

ഹജ്ജ്‌ കാലം, ആർ എസ്‌ സിയുടെ സേവന പ്രവർത്തന കാലം

സൗദിയിലെ രിസാല സ്റ്റഡിസർക്കിൾ പ്രവർത്തകരെ സംബന്ധിച്ചെടുത്തോളം ഹജ്ജ്കാല സേവനപ്രവർത്തനം ആത്മീയ ജീവതത്തിലേക്കുള്ള കരുതിവെപ്പാണ്. സംഘ പ്രവർത്തനങ്ങളിലൂടെ ലഭിക്കുന്ന ഏറ്റവും വലിയ ആത്മീയ നിർവൃതിയാണിത്‌‌. മക്കയിലെത്തുന്ന ഹാജിമാരെ സേവിക്കാൻ ലഭിക്കുന്ന ഒരു സുവർണാവസരമായാണ് അവർ ഇതിനെ കാണുന്നത്‌‌‌. തീർച്ചയായും വളരെ മൂല്യമുള്ള, മഹത്തായ ഒരു സേവന പ്രവർത്തനമാണ് ആർ എസ്‌ സി നേതൃത്വത്തിൽ നടക്കുന്ന ഈ ഹജ്ജ്‌ വളണ്ടിയർ കോർ അഥവാ HVC പ്രവർത്തനങ്ങൾ.

ഹജ്ജ്‌ കാലത്ത്‌ ആർ എസ്‌ സിയുടെ പ്രവർത്തകർ ഒരിക്കലെങ്കിലും‌ വളണ്ടിയറാവാത്തവർ വളരെ വിരളമായിരിക്കും. പലരും തുടർച്ചയായി/വർഷങ്ങളോളം മുടങ്ങാതെ സേവന രംഗത്ത്‌ നിലയുറപ്പിക്കുന്നവരാണ്. ഇതൊരു ആവേശമാണ്, അതിലുപരി പുണ്യപ്രവർത്തിയാണ്‌. വളണ്ടിയറാവാൻ തയാറെടുക്കുന്ന അംഗങ്ങളിൽ പലരും ജോലിയിൽ നിന്ന് ലീവെടുത്തും, ഭാഗികമായി ജോലി ചെയ്തും, ബാക്കിയുള്ള സമയം ഇതിനായി മാറ്റിവെച്ചുമാണ് സേവന സന്നദ്ധരാവുന്നത്‌‌. തങ്ങൾക്ക്‌ ലഭിക്കുന്ന നിർദേശങ്ങൾ കൃത്യമായി പൂർത്തീകരിക്കുന്നതിന്, തന്നാലാവും വിധം സർവ്വവും സമർപ്പിച്ച്‌ സേവന രംഗത്ത്‌‌ നിതാന്ത ജാഗ്രതയോടെ നാലു ദിക്കിലേക്കും ഓടിയെത്തുന്ന പ്രവർത്തകരെ നമുക്ക്‌ മക്കയിലെമ്പാടും കാണാം. പ്രായമായ ഹാജിമാർക്ക്‌ വഴികാട്ടികളായും, വീണുപോയവരെ തോളിലേറ്റിയു൦ കാതങ്ങൾ പിന്നിടുന്ന ചിത്രങ്ങളും ഇതിനകം നമ്മുടെ മുന്നിൽ മായാതെ കിടപ്പുണ്ട്‌ . ഹാജിമാരെ സംബന്ധിച്ച്‌ ജീവിതത്തിൽ ഇന്നേവരെ കാണാത്ത ജനക്കൂട്ടമായിരിക്കും ‌മക്കയിൽ അനുഭവപ്പെടുക. ദിശയറിയാതെ അങ്ങോട്ടുമിങ്ങോട്ടും തപ്പിതടയുന്ന ഹാജിമാർക്ക്‌‌ ‌വേണ്ട മാർഗനിർദേശം നൽകി അവരുടെ കർമ്മങ്ങൾ പൂർത്തികരിക്കാൻ ഒപ്പം നിൽക്കുന്നു. വന്ന വഴിമറന്ന് തന്റെ ടെന്റിലേക്ക്‌ അഭയം പ്രാപിക്കാൻ ആഗ്രഹിക്കുന്ന ഹാജിമാരെ സുരക്ഷിതമായി എത്തിക്കുന്ന കാഴ്ചകളും നമ്മൾ കാണുന്നുണ്ട്‌. ഇതിനൊക്കെ പകരമായി ലഭിക്കുന്നത്‌ അവരുടെ ഹൃദയത്തിൽ നിന്നുള്ള പ്രാർഥനയും, ആശീർവാദവും, പൊരുത്തവുമാണ്. ഇതിലപ്പുറം ആർ എസ്‌ സി പ്രവർത്തക വ്യൂഹത്തിന് മറ്റെന്ത്‌ ലഭിക്കാൻ?

HVC ക്കായി രിസാല സ്റ്റഡി സർക്കിൾ വിപുലമായ തയാറെടുപ്പുകളാണ് നടത്തുന്നത്‌. സൗദിയിലെ സേവന സന്നദ്ധരായ ആയിരക്കണക്കിനു വളണ്ടിയർമാർക്ക്‌ ഭക്ഷണം, താമസം, വസ്ത്രം തുടങ്ങിയ അടിസ്ഥാന സൗകര്യങ്ങൾ ഒരുക്കിയും, അംഗങ്ങളിൽ നിന്ന് ചെറിയ തുക സ്വരൂപിച്ചുമാണ് മഹത്തായ പ്രവൃത്തിക്ക്‌ ഇറങ്ങി തിരിക്കുന്നത്‌. മറ്റു സാമ്പത്തിക സ്രോതസുകൾ ഒന്നും സ്വീകരിക്കാതെ സേവന ലക്ഷ്യം മാത്രമാണ് സംഘടനയുടെ കൈമുതൽ. ആയിരത്തിൽപരം അംഗങ്ങളാണ് സംഘത്തിലുള്ളത്‌. സേവന പ്രവർത്തനങ്ങൾ മക്കയിൽ മാത്രം ഒതുങ്ങുന്നതല്ല. മദീനയിലും, ജിദ്ദ എയർപോർട്ടിലും പരിശീലനം സിദ്ധിച്ച അംഗങ്ങളെ കൃത്യമായി വിന്ന്യസിച്ചിട്ടുണ്ട്‌. അംഗങ്ങളെ ‌ പ്രത്യേക വിഭാഗങ്ങളാക്കി വിഭജിച്ചും, അവർക്ക്‌ വ്യത്യസ്ത ചുമതല നൽകിയും, പ്രധാനപ്പെട്ട ഇടങ്ങളിൽ അവരെ ലൊക്കേറ്റ്‌ ചെയ്തും, ഓരോ സംഘങ്ങൾക്കും ചുമതലകൾ നൽകിയും , അതിൽ നിന്ന് പ്രത്യേക ടീം ഉണ്ടാക്കി അവർക്ക്‌ ലീഡർമാരെ നിശ്ചയിച്ചും, കൃത്യമായ മാർഗ നിർദേശങ്ങൾ നൽകുന്നു. ഇങ്ങനെ ചിട്ടയോടെ പ്രവർത്തിക്കുന്ന സംഘത്തെ നമുക്ക്‌ മക്കയിലും, മദീനയിലും, മിനയിലും അസീസിയയിലും കാണാൻ കഴിയും. സംഘടന പുലർത്തിപോരുന്ന അടുക്കും ചിട്ടയും HVC യിൽ ഉടനീളം ദർശിക്കാൻ കഴിയും . എച്ച്‌ വി സിയുടെ നിസ്വാർത്ഥ സേവന പ്രവർത്തനങ്ങൾക്ക്‌ എല്ലാവിധ പിന്തുണയും പ്രാർഥനയും.

Muhammad Vpk
06/06/2023

05/06/2023

'എ ഐ ക്യാമറയും, പ്രതിപക്ഷത്തിന്റെ അപായ ബോർഡും'

കേരളത്തിലെ റോഡു സുരക്ഷയെ മുന്നിറുത്തി സർക്കാർ സ്ഥാപിച്ച എ ഐ ക്യാമറകൾക്കെതിരെ കോൺഗ്രസ്‌, മുസ്‌ലിം ലീഗ്‌ കക്ഷികൾ ക്യാമറ സ്ഥാപിച്ച ഇടങ്ങൾക്ക്‌‌ മുമ്പായി 'അപായ ബോർഡ്' സ്ഥാപിച്ചുകൊണ്ട്‌ പ്രതീകാത്മകമായ പ്രതിഷേധം പ്രകടിപ്പിക്കുന്നതായി കണ്ടു. തീർച്ചയായും ഇതൊരു അൽപത്തരമാണ്. ക്യാമറയുടെ കോസ്റ്റും അത്‌ സ്ഥാപിക്കുന്നതുമായി ബന്ധപ്പെട്ട അനുബന്ധ ചിലവുകളിലും അഴിമതിയുണ്ടന്നാരൊപണത്തെയും പ്രതിഷേധത്തെയും മാനിക്കുന്നു. ഈ വിഷയത്തിൽ തീർച്ചയായും സർക്കാർ വ്യക്തത വരുത്തേണ്ടതാണ്. ഇവിടെ പ്രതിപക്ഷത്തിന് ജനാധിപത്യപരമായ രീതിയിൽ പ്രതികരിക്കാനും പ്രതിരോധിക്കാനും അവകാശമുണ്ട്‌.

‌അതേസമയം, എ ഐ ക്യാമറയ്ക്ക്‌ മുമ്പായി എല്ലാ ഇടങ്ങളിലും അപായ ബോർഡുകൾ സ്ഥാപിക്കുക വഴി ജനങ്ങൾക്ക്‌ തെറ്റായ സന്ദേശമാണ് പ്രതിപക്ഷം നൽകാൻ ശ്രമിക്കുന്നത്‌. ട്രാഫിക്‌‌ നിയമങ്ങൾ പാലിക്കുന്നതിനും, കേരളത്തിലെ അനിയന്ത്രിതമായ വാഹനപകടങ്ങളെ ചെറുക്കുന്നതിനും റോഡ്‌ സുരക്ഷയേയും മുന്നിറുത്തിയാണ് ഗവണ്മെന്റുകൾ ഇത്തരം സുരക്ഷാ ക്രമീകരണങ്ങൾ‌ നടപ്പിലാക്കുന്നത്‌.
100 മീറ്റർ അകലെ ക്യാമറുയുണ്ട്‌ എന്ന ബോർഡ്‌ സ്ഥാപിച്ച്‌ നിർദേശം നൽകുന്നതിലൂടെ, നിങ്ങൾക്ക്‌ അതുവരെ ഇഷ്ടാനുസരണം വാഹനം ഓടിക്കാം. എന്ന ധ്വനിയാണ് അതിൽ അടങ്ങിയിരിക്കുന്നത്‌. ട്രാഫിക്‌ റൂളുകൾ പാലിക്കുക, സുരക്ഷിതമായി വാഹനം ഓടിക്കുക, അതിനായി സമൂഹത്തെ ശീലിപ്പിക്കുക എന്ന ശരികളെ പ്രോത്സാഹിപ്പിക്കുന്നതിനു പകരം രാഷ്ട്രീയ അൽപത്തരം കൊണ്ട്‌ ഓട്ടയടക്കുവാനണ് പ്രതിപക്ഷം ശ്രമിക്കുന്നത്‌.

ഒരു പക്ഷേ നമ്മുടെ കേരളത്തിൽ മാത്രാമായിരിക്കും വളരെ വികൃതമായി വാഹനമൊടിക്കുകയും ട്രാഫിക്‌‌ റൂളുകൾ പാലിക്കാതിരിക്കുകയും ചെയ്യുന്നിടം. അയൽ സംസ്ഥാനങ്ങളിലും, മറ്റു രാജ്യങ്ങളിലും സമാനമായ രീതികളിൽ ക്യമറകൾ സ്ഥാപിച്ച്‌ ട്രാഫിക്‌ മുന്നറിയിപ്പു ‌ നൽകുന്ന സമ്പ്രദായം ദശാബ്ദങ്ങൾക്ക്‌ മുൻപേ സ്വീകരിച്ചുപോരുന്നു. അഴിമതിയേയും, കെടുകാര്യസ്തതയേയും രാഷ്ട്രീയമായി പ്രതിരോധിക്കുന്നതിനു പകരം വക്രീകരിച്ച്‌, ജനശ്രദ്ധ ആർജിക്കുന്ന വിലകുറഞ്ഞ രാഷ്ട്രീയമാണ് ഇവിടെയും പ്രതിപക്ഷം പയറ്റുന്നത്‌ എന്നത്‌ വളരെ ഖേദകരമാണ്. അഴിമതിയെ എതിർക്കുക, സത്യം പുറത്ത്‌‌ കൊണ്ടുവരിക, നിയമ സംവിധാനവും, കോടതിയും ഉപയോഗിച്ച്‌ ജനാധിപത്യ രീതിയിൽ പ്രതിഷേധിക്കുക എന്ന രീതിയാണ് രാഷ്ട്രീയത്തിന് ഭൂഷണം.

06/05/202തി

05/06/2023

ട്രയിനിൽ വീണ്ടും തീവെപ്പ്‌ നടത്തൻ ശ്രമം:

ഇത്തവണ തിരഞ്ഞെടുക്കപ്പെട്ട ദേശം കോഴിക്കോടാണ്. ശ്രമം നടത്തിയ ആൾ ‌ മഹാരാഷ്ട്ര സ്വദേശിയാണ്. ജുവാവാണ്, പ്രാഥമിക റിപ്പോർട്ട്‌. മാനസിക വെല്ലുവിളി നേരിടുന്നയാൾ. എന്ത്കൊണ്ടാണന്നറിയില്ല കേരളമാണ് ട്രയിനിന് തീവെപ്പ്‌ നടത്താൻ പറ്റിയ ഇടം, പ്രത്യേകിച്ച്‌ മലബാർ. മലബാർ‌ വിട്ട്‌ ഒരു കളിയുമില്ല. അയാളുടെ പേരില്ല ഫോട്ടോസില്ല കാരണം അറ്റത്ത്‌ 'തുമ്പുണ്ട്'.‌ NIA വേണ്ട, കേരളാപോലീസിന്റെ ലോക്കൽ റിപ്പോർട്ട്‌ തന്നെ ധാരാളം.

കണ്ണൂരിൽ തീവെച്ചത്‌ ബംഗാൾ സ്വദേശി. പുഷൻജിത്ത്‌ സദ്ഗർ,‌ മാനസികരോഗി. ഭിക്ഷ തെണ്ടി ഒന്നും കിട്ടിയില്ല. പിന്നെ ഒറ്റപോക്കാ, നേരെ പോയി ട്രയിനിനു തീവെച്ചു. അവന്റെ അറ്റത്ത്‌ 'തുമ്പുണ്ട്'‌. അതൊകൊണ്ട്‌ ആരും അവന്റെ ഹിസ്റ്ററി തപ്പിപോയില്ല. അവന്റെ ഫോട്ടോസോ മറ്റു വിവരങ്ങളോ പുറത്തുവന്നില്ല. മാധ്യമങ്ങൾ നിദ്രയിലാണ്ടു.

എലത്തൂരിൽ ഷാരൂഖ്‌ സൈഫിനെ ആഘോഷിച്ചു. കാരണം 'തുമ്പ്‌' അറ്റവനാണ്. അയാളുടെ ഫോട്ടോസും, നാളുവഴികളും മറ്റും ചൂടോടെ നമ്മുടെ മുന്നിൽ എത്തിക്കാൻ മാധ്യമങ്ങൾ ശ്രമിച്ചിരുന്നു. NIA വന്നു, വന്നത്‌ ശഹീൻ ഭാഗിൽ നിന്നാണ്. ഉറപ്പിച്ചു. സംഘാരിവാർ പുതിയ കേരളാ സ്റ്റോറിക്ക്‌ നരേഷൻ നൽകി. ഇപ്പോ എന്താവസ്ഥ. കേസിനു ഒരു തുമ്പുമില്ലാതെ നിശ്ചലാവസ്ഥയിൽ. തുടങ്ങിയടുത്തു തന്നെ നിൽക്കുന്നു.

VPK

19/07/2025

21/06/2025

20/03/2025

17/04/2024

02/02/2024

02/11/2023

03/10/2023

06/06/2023

05/06/2023

05/06/2023

Address

Telephone

Website

Alerts

Contact The Business

Shortcuts

Share