02/05/2017
''Happiness is a choice. You can choose to be happy. There's going to be stress in life, but it's your choice whether you let it affect you or not.''
Valerie Bertinelli
Happiness..!!! The word which we all are fighting for...
How beautiful it will be, if we can find out happiness in the most unpleasant moments of life..There are some for sure...
I call them as ‘Angels’ who are here to spread smiles to the World..
I could find two of them very recently and here they are...
കനത്ത ചൂടില് കൈകള് കറുത്ത് പോവാതിരിക്കാന് തീവണ്ടിയുടെ വെയില് കൊള്ളത ഭാഗം നോക്കി ഒതുങ്ങി ഇരിക്കുകയായിരുന്നു ഞാന്..പുറത്തു കരിഞ്ഞു തുടങ്ങിയ പാടത്തു വെറുതെ കുറെ പശുക്കള് അലഞ്ഞു നടപ്പുണ്ട്.ഏതോ ഒരു അതികായന് വണ്ടിക്കു കടന്നു പോവാന് ഒതുക്കി ഇട്ടതാണ് ഞങ്ങളുടെ ഈ പാവം തീവണ്ടി.
‘ഇവന്മാര്ക്ക്ു ഇതിത്തിരി വെയില് കുറഞ്ഞിടത് ഇട്ടൂടെ..മനുഷ്യന് കരിഞ്ഞു പോവ്ാല്ലോ..?’..കണ്ടാല് ഒരു ടീച്ചര് ലുക്ക് ഉള്ള ഒരു അമ്മയാണ്..സത്യമാണ്..അതിന്റെ പ്രായോഗികത ഓര്ത്ത്് ചിരിക്കും മുമ്പ് ഇവിടത്തെ ചൂട് അറിയണം.മാംസം കരിഞ്ഞു പോണ പോലെ തോന്നും.പാലക്കാടന് ചൂട് എന്നൊക്കെ കേട്ടിട്ടുണ്ടെങ്കിലും അതിത്രമേല് കുഴക്കുമെന്നു കരുതിയില്ല.
യാത്രയുടെ അവസാനം എന്നെ കാത്തിരിക്കുന്ന സൗഹൃദ നിമിഷങ്ങള് ഓര്ത്തു ഒന്ന് തണുക്കാന് നോക്കിയെങ്കിലും അത് മതിയാകും എന്ന് തോന്നുന്നില്ല..അരിച്ചിറങ്ങുന്ന തീവണ്ടിയിലെ വെള്ളത്തില് ഒന്ന് പോയി മുഖം കഴുകി തിരികെ സീറ്റില് വന്നിരുന്നു.മുഖത്തെ വെള്ളത്തുള്ളികള് തുടച്ചു കളയാന് മിനക്കെട്ടില്ല,അത്ര നേരം ആ തണുപ്പ് അവിടെ ഇരിക്കട്ടെ.
വെറുതെ തീവണ്ടിക്കുള്ളില് ചുറ്റും നോക്കി..തളര്ന്നു റങ്ങുന്ന കുഞ്ഞുങ്ങളും,പ്രണയ നിമിഷങ്ങള് ആസ്വദിക്കുന്ന ദമ്പതികളും..എല്ലാവരും ഉണ്ട്..എവിടെയും ചൂട് തന്നെ ചര്ച്ച.ചൂട് കാരണം കരിഞ്ഞു പോയ തൊലിപ്പുറംകാട്ടി ഒരു ചേട്ടന് രംഗം കൊഴുപ്പിക്കുന്നുണ്ട്.
ഉറക്കെയുള്ള ഒരു ചിരി ആണ് മുഖം തിരിച്ചത്.രണ്ടു പെണ്കുട്ടികള് ആണ്. ചുമലിലൂടെ കൈയിട്ടു ലോകത്തോട് മുഴുവന് തങ്ങളുടെ സന്തോഷം ചിരിച്ചറിയിച്ചു തുള്ളി തുള്ളി ആണ് പ്ലാട്ഫോര്മിലൂടെയുള്ള നടപ്പ്.അഴുക്ക് പിടിച്ച വേഷവും,തോളിലെ സഞ്ചിയും നാടോടികള് ആണെന് വിളിച്ചു പറയുനുണ്ട്.വേറെ പ്രത്യേകിച്ച് ഒന്നും ചെയ്യനില്ലാത്തത് കൊണ്ട് ഞാനടക്കം കുറച്ചു ആളുകള് അവരെ നോക്കുനുണ്ട്.മനസ്സ് നിറഞ്ഞുള്ള ചിരി ഒരു സുഖമുള്ള കാഴ്ച തന്നെ.നല്ല ഉറക്കെ ആണ് ചിരി.ഓരോ ചിരിക്കൊപ്പവും ഓരോ ചാട്ടം,ഓരോ ചാട്ടത്തിലും ചാക്കിലെ സാധനങ്ങള് അവര്ക്കൊ പ്പം ചാടുന്നുണ്ട്.തുള്ളലും,അതിനൊപ്പം ഉള്ള ചിരിയും വേഗത്തിലാക്കി അവര് കടന്നു പോയി...
വണ്ടി എടുത്തു..’ഹാവൂ..’വണ്ടിയില് നിന്നും ആണ്..ചൂടിന് ചെറിയ ഒരു കുറവ് കിട്ടുമല്ലോ...
എല്ലാവരും പുതിയ കാഴ്ചകള് തേടി പോയപ്പോള് ഞാന് വെറുതെ ആ കുട്ടികളെ ഒന്ന് തിരിഞ്ഞു നോക്കി.അപ്പോഴും അവര് ചാടുന്നുണ്ട്.പണ്ട് കളിച്ചിരുന്ന ‘സീറ്’ ( ‘അക്ക് കളിക്കുക’ എന്നും പറയും പോലും.ലക്സി മാം പറഞ്ഞു തന്നതാണ്,ശരി ആവാനേ തരമുള്ളൂ. ചതുരത്തില് കളംവരച്ചു,ഒരു പരന്ന കല്ല് കൊണ്ടുള്ള കളി ആണ്,ഓരോ കള്ളിയില് നിന്നും അടുത്ത കള്ളിയിലേക്ക് ഒറ്റ കാല് കൊണ്ട് കല്ല് തെറിപ്പിക്കണം.കൊക്കം പറക്കുക എന്നാണ് അതിനു പറയാര്) എന്ന കളി ആണ് ഓര്മ്മ വന്നത്.ആ താളം മനസ്സില് ഓര്ത്തു,
വെറുതെ അവരുടെ കാലുകള് ശ്രദ്ധിച്ചു.
അത് വരെ മനസ്സില് വന്ന മുഴുവന് ചിത്രങ്ങളും ഒറ്റയടിക്ക് മാഞ്ഞു.അവരുടെ കാലുകളില് ഒരു ചെരിപ്പേ ഉള്ളൂ.
, ചാട്ടം ചൂട് കൊണ്ട് പൊള്ളുംപോ ആയിരുന്നു.ഒരു ജോഡി ചെരുപ്പ് തുല്യമായി പങ്കു വച്ചതവണം.കുറച്ചു സമയം ആ കാഴ്ച നോക്കി നിന്നു.തീവണ്ടി അകന്നു തുടങ്ങി.
സാധാരണ ഒരു ദിവസത്തില് ആ ചിത്രം എന്റെ കണ്ണ് നിറച്ചേനെ,അന്ന് പക്ഷെ ഞാന് കണ്ണടച്ച്പ്പോ തെളിഞ്ഞത് രണ്ടു മാലാഖ കുഞ്ഞുങ്ങളുടെ മുഖം..ഒരാള്ക്ക് മറ്റൊരാള്ക്ക് നല്കാവുന്ന ഏറ്റവും വലിയ സമ്മാനം ആണ് ലോകത്തിനു മുഴുവന് അവരുടെ വേദനയിലും അവര് പകരുന്നത്..ഉള്ളിലും,പുറത്തും ഒരു പോലെ കത്തുന്ന ചൂടില് നിറഞ്ഞ ചിരിയോടെ ലോകത്തെ നോക്കിയ മാലാഖ കുഞ്ഞുങ്ങളെ, ഭൂമി ഉള്ള കാലം മുഴുവന് നിങ്ങള്ക്ക് ചിരി പരത്താന് കഴിയട്ടെ..നന്മ പൂക്കട്ടെ
