Champhai Cable Network - CCN

22/11/2024

CCN neitu Pu Lalhmingmawia Pachuau chuan November ni 21,2024 zan dar 10:10 kha chatuan ram min pansan ta.

19/04/2024

05/04/2024

Miss Mizoram 2024 Champhai District

07/03/2024

Health & Family Welfare Dept changtu Minister Pi Lalrinpuii'n Champhai District Hospital tihchangtlunna turin project lian pahnih kal lai a awm thu House a hrilh.

Vawiina Assembly House-a Champhai South bialtu MLA Lt. Col. Clement Lalhmingthanga'n Champhai district Hospital tihchangtlun chungchang a zawhna chu Healh & Family Welfare Dept changtu Minister Pi Lalrinpuii chuan chhangin Champhai District Hospital tihchangtlunna tur project lian pahnih kal lai a awm thu sawiin Pradhan Mantri Ayushman Bharath Health Infrastructure Mission PM-ABHIM hnuaiah laboratory phuisui zawk IPHL -integrated Public Healh Laboratory sak mek niin khawl leh bungraw dang pawh dah tura ruahman a ni a, Emergency Covid Response Package (ECRP 2) hnuaiah Crictical Care Block (CCB) te, Intensive Care Unit (ICU) leh High Dependency Unit (HDU) awmna tur pawh sak mek a nih thu a sawi bawk.

Health Minister chuan Specialist leh doctor indaih lohna phuhrukna turin hmalak mek a nih thu sawiin Champhai District Hospitala Trauma centre din tawh chu thawktu neih loh avangin a la function lo a, Trauma centre hi a function vat theihna turin sorkar laipuiah an dil mek niin a sawi a; Zawhbelhna chhangin Pi Lalrinpuii chuan specialist post hnawhkhat turin MPSC-ah hnalak kalpui mek niin Ayush doctor 5 lak thar niin offer of appointment pek a ni a, GDMO post 9 hnawhkhat turin MPSC-ah an thawn tawh a, recruitment kalpui theih thuai beisei a ni a, Specialist post 3, GDMO post 1 leh Dental Surgeon post 1 hnawhkhat turin DP&AR ah phalna an dil mek niin a sawi bawk.

Pu H Ginzalala, Champhai North bialtu MLA-in Healh Care atana ADB loan an buaipui tawh sorkar tharin a chhunzawm dawn em tih a zawhna chu chhangin Healh & Family Welfare Dept changtu Minister Pi Lalrinpuii chuan ADB loan chungchanga Sorkar hmasa hmalakna fakawm a tih thu sawiin corpus fund atan ADB loan cheng Vbch 1000 an lo be fel vek tawh tih sawiin bawhzui reng a ni a, inthlanpui hmachhawn dawn avangin June thla velah inremna ziak turin an intifel niin a sawi bawk.

Pu Ramthanmawia, East Tuipui bialtu MLA-in a bial chhung Sesih PHC-ah tun dinhmunah IV Grade pakhat chiah thawktu a awm thu sawiin damdawi in khar hial ngai tur dinhmunah an awm mek tih sawiin thawktu dah belh theih a ni ang em? tih a zawhna chu chhangin Health Minister chuan Sesih PHC-a IV Grade pakhat chauh awm chu pawi a tih thu sawiin Pathian khawngaihna a zarah thawktu an neih ve thuai a beisei thu a sawi a; Pi Lalrinpuii chuan S Vanlaiphai damdawi in (PHC), khum 10 awm thin, sak that mek chu February thla khan an tlawh a, khum 10 awmna turah khum ruk chauh a leng a, a buaithlak a, a tlin loh lutuk avangin a chep a, ngaihtuahna thar seng a, building hlui la tha tho chei thar dan a awm chuan, khum dang pali dah theih turin ngaihtuahna seng turin a ti niin a sawi bawk

01/03/2024

Champhai BC-in MSL Season Semifinal and lut

MSL9 league stage khelh zawh a ni a, a sang pali-te’n semi final an khel dawn a, a hniam pathumte division hniam lamah an tla bawk.

A sang ber Zarkawt BCA-in palinaa awm Champhai BC semi final-ah an hmachhawn dawn a, pahnihna Bungkawn LB leh pathumna Khatla TBL te an inhmachhawn thung dawn a ni.

09/02/2024

MZP Headquarters Champhai OB 2024 - 2026

President :
H. Lalruatdika, Vengsang
Ph. No : 9774 734 156

Vice President :
Lalpianpuia, Kahrawt
Ph. No : 9366 131 032

Secretary :
Ralte Zodingliana, Ruantlang
Ph. No : 9615 778 957

Joint. Secretary :
Jehova Hriatrenga, Vengsang
Ph. No : 9862 662 389

Treasurer :
Lalhmangaihzuala, New Champhai
Ph. No : 9856 669 904

Fin. Secretary :
Vanlalrinkima, Vengsang
Ph. No : 9612 467 926

03/02/2024

2024-2025 MJA Champhai hruaitu tur te;

President : Lalhlupuia
Vice President : C Lalhnunpuia
Treasurer : C Lalrinsanga

Executive member
1) Lalhmingliana
2) R Lalfakawma
3) Chanchinmawia Varte
4) Jacob Lalnunhlima
5) ZD Dengliana

31/01/2024

42nd Assam Rifles leh Champhai Forest range champhai forest division tangkawpte chuan nizan khan dan lova ramsa tawlh ruk an man.

42nd Assam Rifles hian nizan dar 10:00 khan Chehrepkawn, Champhai Vengsangah Vachonia, Tuipang Siaha ni-a insawi leh Vanlalthlana, Zemabawk Aizawl ni-a insawite hnen atangin dan lova tawlh ruk ramsa - Solomon Cockatoo-10, Posque’s Parrot - 2, Sumsi-9, Rul-10, Laiking 16, Marmoset Monkey 2 an man a, ramsa tawlhrutu-a puh mi pahnihte hi thubai siamsak niin Lung Inah khung nghal an ni.

31/01/2024

ZOKHAWTHAR TLEIRAWL BO HMUH A NI

January ni 28 atanga chin hriat loha bo Zokhawthar hmeichhe tleirawl k*m 15 mi chu vawiin khan dam takin Champhaiah hmuh a ni.

Zokhawthar tleirawl k*m 15 mi chu January ni 28, Pathianni tlaia a chhuak chu a awmna chin hriat lohin a bo zui a, Hemni tlai hian Khawmawi leh Rihkhawdar kawngah hmuh ni mah se, hmuh zui a ni ta lo a, khawtlangin beng chhi-a an zawn hnuah vawiin khan Champhaiah nung dama hmuh a ni.

30/01/2024

Champhai Zion Venga VC By Election-ah ZPM Candidate thlan tlin a ni.

Zion Venga VC Member pakhat chu a thih avangin a aiawh thlang tur hian vawiin khan By Election hi neih a ni a, tukin dar 7:00 atangin vote thlak tan a ni a, harsatna awm lovin vote hi tluangin vawiin tlai dar 4 khan zawhfel a ni a. Zion Vengah hian Vote 844 awmin vawiin hian mi 557 ( Za zela 66) in vote an thlak a, Mipa 255 leh Hmeichhia 302 in Vote hi an thlak a ni. Seat ruak hi reserve seat niin party pathum INC, MNF leh ZPM te’n candidate an nei vek a ni.

Vawiin tlai dar 5:00 atang hian vote tla te hi Polling Station-ah chhiar tan a ni a, ZPM Cndidate Pi CK Mangi chuan Vote 231 (za zela 41.47) hmuin tlinga puan a ni.

ZMP Candidate hnaih bertu MNF Candidate-in Vote 186 (za zela 33.39 a hmu a), INC Candidate-in vote 133 (za zela 23.8 ) a hmu ve bawk.

30/01/2024

CDFA Cup 2024 champion BETHEL FC

CDFA Cup hi Champhai District Football Association hnuaia Ist Div Club-te tana buatsaih niin Ist Div club 6-te an inkhelh kual hnua point hmu sang pahnih Bethel FC leh Kanan FC an inhmachhawn a ni.

Kanan FC hian vawi 5 khelhah point 12 hmuin Table chung berah an awm a, Bethel FC lakah an tlawm tih loh chu hneh loh an nei lo.

Bethel FC hi chak loh nei lo awm chhun niin TMFC Melbuk leh Vengthar FC an inhnehtawkpui thung a, Point 11 hmu-in Table-ah pahnihnaah an awm.

Final inkhelah hian goal a lut har hle a, Team pahnihte’n Ist Half-ah goal khung theihna hun tha an neihte an hmang tangkai thei lo a; 2nd Half Min 55-naah goal hmasa ber lutin C Ngurnuntluanga’n Bethel FC tan a ti-goal a, Kanan lamin an siphurh sut tum viau mah se, Min 70-naah Lalruatfela’n an lamah a ti goal palh a, hun tawp thlenga goal dang luh belh lo-in Bethel FC hian si 2 faia hnehna changin an champion ta a ni.

Bethel FC Player Jessie Lalmawizuala chu Best Player a ni a, goal 16 khungtu Lalnunsanga, Kanan FC chu top scorer niin Kanan FC -in Fair Play Award an dawng a ni.

CDFA Cup 2024-a point hmu tlem ber New Champhai FC chu 2nd Div lamah a tla thla a, 2nd Div Tournament khelh zawh taka Champion Kahrawt FC chu Ist Div-ah an kai thung a, CDFA Cup-a point hmu tlem ber dawt Vengthar FC leh 2nd Div tournament runner up SMFC Khuanglengin Play off khelin Vengthar FC hian hnehna changin Ist Div-ah an la awm chhunzawm dawn bawk a ni