Chawnchhim News

22/04/2026

Min lo thlirsak ve leh ula

41 likes, 3 comments. "An hmelma nula zunah Agent pahnih an uai hnap mai le || Hitman 2 2025 Mizo Recap|| F&D PRODUCTION ||"

15/04/2026

https://youtu.be/Vu-1ocCoVys

Khawngaihin min lo en sak ve la...

Enjoy the videos and music you love, upload original content, and share it all with friends, family, and the world on YouTube.

04/04/2026

Champhai Police te chuan He**in Cheng vaibelchhe 3 chuang hu leh mihring pali (4) an man. ( Video Link - https://youtu.be/2zDwOSknqvk )

Chawnchhim News Dated 4th April, 2026 : Champhai Police te chuan April ni 3, 2026 chhun dar 12 vel khan Chalbawia Junction Khankawn Police Check Gate paltlang tum Maruti Suzuki Ciaz chu endik in, a hnung thutna hnuai chu khawih danglam a ni tih an hmuchhuak a, thuhretute hmuh laiin an khawih danglamna lai hi hawn a ni a, a chhung atang hian He**in hawng 160, Kg 1.860 a rit, cheng vaibelchhe 3 nuaih 72 (Zokhawthar Rate-in cheng nuaih 25) hu haichhuah a ni a, he**in neitua puh Zothangpui, k*m 34, Tahan, Myanmar, tuna Tiau Khawmawia cheng mek nia inchhal leh a kalpui chu man nghal an ni a, an chhuizuina atangin mi pahnih - Lalneihthanga(32) S/o Lalthawma of Chekan P/A Khawmawi Myanmar leh Laltanpuia(36) S/o Senroliana of Chekan Myanmar P/A Zokhawthar te chu man lehnghal an ni.

Champhai Police te ruihhlo man hi a hlawma ruihhlo tawlhna (Commercial Quantity) a tlinphak avangin ruihhlo neitua puhte hian thiam loh an chang a nih chuan k*m 10 atanga k*m 20 chhung lung in tang tur leh pawisa cheng nuaih 1 atanga nuaih 2 inkar chawi tura hrem theih an ni.

02/04/2026

Excise & Narcotics Department chuan He**in thahnem tak an man.

Chawnchhim news Dated 2nd April, 2026 : Excise & Narcotics Department chuan April ni 1, 2026 (Nilaini) chawhnu dar
2:00 khan Kolasib Khuangpuilam-ah He**in Kg 1 & gram 215 (Hawng 100) leh a neitu nia puh mi pahnih – Patrick Ramhmingthang (44) s/o Lalmawizual,
Mualvaiphei, Manipur leh Samson Lalremruat (24) s/o Dohmingthang, Parbung, Manipur nia inchhalte an man. He**in phurhna atana an hman lirthei, Mahindra Scorpio (Regn No. MZ02-6979) pawh hrensak nghal an ni.

Heng He**in te hi Manipur atanga an lak, Silchar lama hralh tum mek lai a ni.
He case-a man, Patrick Ramhmingthang hi Manipur Police thawk mek lai a ni nghe
nghe. He**in vanga mante hi Section 21(c) of The Narcotic Drugs & Psychotropic
Substances Act, 1985 (NDPS Act) hmangin thubuai siamsak an ni a, District & Sessions Court, Kolasib-ah hruai nghal an ni. Court-ah thiamloh an chang a nih chuan K*m 10 atanga k*m 20 Jail tang tur leh pawisa Cheng Nuai 1 atanga cheng Nuai 2
thleng chawi bawk tura hrem theih an ni ang.

19/03/2026

Assam Rifles leh Champhai Police te chuan vawiin khan Methamphetamine cheng vaibelchhe 23.72 hu an man. (Link - https://youtu.be/-jWaMkYAxBo )

Chawnchhim News Dated March 19, 2026 : Vawiin khan Assam Rifles leh Champhai Police te tangdun chuan Hmunhmeltha kawng, Indo Myanmar Border hnaihah Operation an kalpui a, lirthei Tata 1916 tlanchhiat san chu hmu in an dap a, lirthei body hnuai thir kua chhunga thuhruk Methamphetamine Kg 7.907 a rit, cheng vaibelchhe 23.72 hu an haichhuak a, dan anga hmalak zui turin Excise & Narcotics Department kutah an thil man leh lirthei hi an hlan a ni. Hetihlai hian a neitu nia rinhlelh tur an awm lova, man an nei lo a, lirthei ah hian tumah chuang lovin tlanchhiat san niin thudawnna chuan a tarlang.
=============================

04/03/2026

Champhai Police te chuan National Highway No. 6 ah Methamphetamine leh He**in an man.

Chawnchhim News Dated March 4, 2026 : March ni 1, 2026 zan dar 2 vel khan Chalbawia Junction Khankawn Police Check Gate paltlang Car pakhat, Lalhriathlua, k*m 26 Vaphai khua nia insawi khalh chu ringhlelin Champhai Police te chuan an zui ru a, Chhungte khaw hnuai zawnah tidingin lirthei hi an endik a, hetihlai hian Scooter pakhat chu anmahni lam pana rawn tlanin Police te an hmuh rualin a tlanchhe nghal a, Police te hian an umzui nghal a, Scooter khalhtu leh a chuang ve te chuan Scooter leh an thil phurh chu kawng sirah hnutchhiahin ke in an tlanchhia a, car khalhtu erawh rinhlelh a nih avangin man a ni thung a ni.

Champhai Police te chuan an mi man thu an zawhfiahna atangin tlanchhe ta mi pahnihte chu Khankawn Gate leh Zotlang inkar ah an man leh a, an mi mante hi Kaplianmanga k*m 45, Sahleilala fapa leh ama fapa Lalnunzira, k*m 21, Tlangkawi, Myanmar a cheng ve ve nia inchhal te an ni.

Champhai Police-te chuan an mi mante thu an zawhfiahna atangin National Highway No. 6 atanga metre 500 vela hla, ramhnuaiah dan phal loh thil an thukru tih hria in an bawhzui nghal a, an inpuanna angin ip hring dang pakhat an hmuchhuak a, a chhung atang hian Methamphetamine Kg 5.935 a rit an man a, cheng nuaih 474 leh sing 8 hu a ni. He**in pawh man tel a ni a, hawng 5, gram 68 a rit, cheng nuaih 13 leh sing 6 hu a ni ve bawk.

Champhai Police te chuan heng an mante hi ND&PS Act. tlawhchhanin Champhai Police Station-ah thubuai an siamsak a, chhui zui ngai te an chhui zui mek bawk. Champhai Police te ruihhlo man hi a hlawma ruihhlo tawlhna (Commercial Quantity) a tlinphak avangin ruihhlo neitua puh mi pathumte hian thiam loh an chang a nih chuan k*m 10 atang k*m 20 chhung lung in tang tur leh pawisa cheng nuaih 1 atanga nuaih 2 thleng chawi tura hrem theih an ni.

03/03/2026

K*m 2026-2027 sorkar k*m thar a Mizoram sum ruahman cheng vaibelchhe 17,076 leh nuai 92 chungchang a tlangpuia sawihona vawiin khan zawhfel a ni.

Chawnchhim News Dated March 3, 2026 : Vawiin Assembly Session-a k*m 2026-2027 Budget sawihona hunah House Leader Pu Lalduhoma chuan ZPM kaihhruai sorkar chuan leiba tha chi chu a tam thei ang ber puk zel an tum rualin a tha lo chi chu tihtlem zel an tum a ti a, ZPM kaihhruai sorkar hnuah Open Market Borrowing (OMB) chu k*mtin a la tlahniam ziah a, hei hi sorkar tha tehna a ni lo thei lo a ti a. Capital infrastructure-a an tih that avanga sorkar laipuiin incentive tam tak an pek chu an ti tha nge tha lo tih tehna tur nia a hriat thu sawiin, an tih that leh that loh chu sorkar laipui chuan a hre chiang ber a, lawmman hmu pha state zinga Mizoram sorkar a tel chu lawmawm a tih thu a sawi a, k*minah Surplus Budget an pharh thei chu lawmawm a tih thu sawiin, a pumpuia an surplus na tur chu cheng vbc 392.99 a nih thu a sawi bawk a ni.

Pu Lalduhoma chuan tun financial year kal lai mekah COVID vanga siam SASCI atangin cheng vbc 865 leh nuai 75 bakah, incentive pali an dawng tawh a ti a , incentive dawng thei tur chuan state tin te chu fully compliance state an nih a ngai tih sawiin, sorkar laipui biak thata dawn theih chi a ni lova, an tih that avanga dawng an ni a ti a, India ram state 9 chauhin an dawn theih laia Mizoram a tel bakah India ram pumpuiah 4-na a ni thei chu sorkar hnathawk te avang a nih avangin an chungah lawmthu a sawi a ni.

Chief Minister, Finance changtu Pu Lalduhoma hian k*m kal lai mek 2025-2026-a budget sum indaih lohna leh siamrem ngai dil belhna (supplementary demand for grants) cheng vaibelchhe 3,724 leh nuai 25, sing 2 sang 7 a pharh a, a hman nghal theihna appropriation bill chu House chuan lungrual takin a pawm a ni.

03/03/2026

SASCI hnuaia Cheng Nuai 300 senga Tlangsam ram chhung Falpuikawn leh Mualnuam peng inkar kawngpui siam mek chu vawiin khan Tlangsam Branch YMA leh PWD hotute’n an en dik.

Dated March 3, 2026 : He lai kawngpui hi SASCI hnuaia siam niin RDPL Company-in an thawk niin kawngpui hi Blacktop tur a ni a, Metre 4 a zau leh Km 3.1 thuia siam tur a ni. Lung phah zawh tawh a ni a.

Tlangsam Branch YMA hruaitute hian Blacktop chin bak kawng sir hniam lutuk laite chu chhung zawl turin an ngen a, tui luankawr mumal zawka siam tur leh Culvert siam tura ruahmansa bakaj pakhat dah belh turin an ngen bawk a ni.

Tlangsam Branch YMA hruaitute chuan kawngpui tha leh tlo an duh thu hnathawktute hi an hrilh a. Kawngpui tha leh tlo, rolting an duh avangin a tawp thlenga an vilzui tur thu an hrilh bawk.

03/03/2026

Department of Personnel & Administrative Reforms Minister Pu K.Sapdanga'n sorkar hnathawk aikal lak avanga chawlhtir mi 29 zingah Tourism Department atangin tam berin mi 18 chawlhtir an nih thu House a hrilh.

Chawnchhim News Dated March 3, 2026 : Vawiin Assembly thutkhawma zawhna leh chhanna hunah he thu hi sawiin, DP&AR Minister chuan sorkar in aikal lak tihtawp a nih theih nan nasa takin hma a la a, aikal la te chu a tul anga hrem zel an ni a ti a, sorkar hnathawk aikal lak avang hian mi 37 te chungah hmalak a nih tawh thu sawiin, mi 29 chawlhtir an ni a, midang 8 te hremna tenau leh zilhauna pek an nih thu a sawi. Tourism Department atangin chawlhtir mi 18, Power & Electricity department atangin chawlhtir mi 7, School Education Department atangin chawlhtir mi 2, General Administration Department leh Health & Family Welfare Department atangin chawlhtir mi 1 ve ve te bakah Higher and Technical Education Department atangin hremna tenau leh zilh hauna pek mi 8 an awm thu House a hrilh.

Tourism Department atanga chawlhtir mi 18 te hi Asst. Receptionist (P.E) pahnih leh IV Grade (P.E) sawmparuk, P&E department atanga chawlhtir mi 7 te chu Electrical worker paruk leh Group D pakhat an ni a, School Education Department atanga chawlhtir mi 2 te chu MR Teacher ve ve an ni a, Health Department leh GAD atanga chawlhtir te chu Group D(PE) pakhat ve ve an ni a, Higher & Technical Education Department atanga hremna tenau leh zilh hauna pek mi 8 te chu Govt Kolasib College-a thawk Assistant Professor te an ni.
DP&AR Minister chuan sorkar hna tam zawk chu confidential-a vawn chi a nih avangin sorkar hnathawkte chauh thawh tur a ni a, aikal te chu sorkar hnathawk an nih loh avangin aikal lak chuan India danpui a bawhchhia a ti a, hei bakah hian aikal lak chuan zik tluak taka sorkar hna zawngte hmakhua a dip dal avangin natural law a bawhchhia bawk a ti a. Sorkar chuan tun thlengin aikal lak dan siam tumna a la nei lova, aikal mamawh, hnathawk tha thei tawhlo te tan‘Mizoram Special Voluntary Retirement Scheme 2024’ siam a nih thu House a hrilh a ni.

03/03/2026

DDK RNU Aizawl News Director Pu Nampibou chuan Champhai DC leh SP te an pisaah a tlawh

Chawnchhim News March 3, 2026 : He hunah hian sawrkar hmalakna leh a puanzar kawnga thawhhona chungchang te bakah District hmasawnna tur hrang hrang te an sawidun a. Champhai DC hian Mizoramah Champhai chu khualzinte hip kawnga theihna nei tha berte zinga mi nia a hriat thu te, Horticulture lamah pawh Champhai chu Mizorama theihna nei sang tak a nih thu te a lo hrilh a. DDK News Director hian sawrkar hmalakna puanzar leh mipui zirtir kawnga a inhawn reng thu te a hrilh ve bawk a ni.

Hemi hnu hian Champhai District SP Pu R. Lokeshwaran chu a pisaah hmu lehin ruihhlo dona leh an hmalakna hrang hrangte a sawipui a. Champhai SP hian ruihhlo do kawngah Champhai chu India rampum tan pawha hmun pawimawh a nih thu te, ruihhlo do kawngah hian drug free village neih tuma hmalak a nih thu te a sawi a. Ruihhlo do kawnga Champhai District Police te hmalakna puanzar kawngah leh thehdarh kawngah te, ruihhlo ti lo tura mipui zirtir kawnga hmalak dan turte an sawidun bawk.

DDK director hian vawiin chawhnu khan Tlangsam Winery a tlawh nghal a, naktuk hian Zokhawthar a tlawh leh ang.

03/03/2026

Mizo Marriage & Inheritance Amendment Bill 2026 Assembly Budget Session kallai meka put luh chuan sawi zui a hlawh hle a, eptu party te chuan ennawn leh tha an tih thu an sawi a ni.

Dampa bialtu MLA Dr R. Lalthangliana chuan tunhnaia Assembly Session kal meka Mizo Marriage & Inheritance Amendment Bill 2026 chungchanga Mizo hmeichhe hnamdang pasal neite Mizo-na a bo ang a Chief Minister Pu Lalduhoma'n a sawi chu dik tawk lova a hriat thu a sawi a, mihringte chu thisen atanga inthlahchhawng an nih angin Mizote thisen pawh Mizo thisen a ni reng a ti a, Mizo Marriage & Inheritance Amendment Bill 2026 khawilaiah mah khan Mizo hmeichhe hnamdang pasal neite Mizo nihna bo tur ang zawnga ziak a awm lova a hriat thu a sawi.

Mizorama Congress Party President Pu Lal Thanzara chuan nimin khan Aizawl-a an party Office Congress Bhavan ah thusawiin, 'The Mizo Marriage and Inheritance of Property (Amendment) Bill, 2026' Assembly House a pu luttu Chief Minister 'Sorkar tih a nilo' ti a NGO te pressure avanga bill pulut a nih thu a sawi ta daih chu mawhphurhna lak ngamloh vang a ni a ti a. Chief Minister bill putluh, House a pass aia sorkar tih thil dang a awm thei lo a, Chief Minister in a hmalaknaah hian midang dem tur zawng lovin mawh la ngam rawh se a ti a ni. Mizo Hmeichhiain mi tupawh pasalah neiin khawi hmunah pawh, state dang leh ram pawnah pawh awm se Mizo a ni reng ang a ti a. Mizo danah Mizo hmeichhiain pasalte hnam an ṭawm ngai lo, a ti bawk.