https://www.facebook.com/847125808487091/

Public Mirror, Chandigarh (2026)

13/03/2026

News Update

19/12/2025

ਜੀ. ਆਰ.ਪੀ ਦੇ ਸਪੈਸ਼ਲ ਡੀਜੀਪੀ ਸ਼ਸ਼ੀ ਪ੍ਰਭਾ ਦਿਵੇਦੀ ਨੇ ਖੁਦ ਸਾਈਕਲ ਚਲਾ ਕੇ ਨੌਜਵਾਨਾਂ ਨੂੰ ਨਸ਼ਿਆਂ ਵਿਰੁੱਧ ਜਾਗਰੂਕ ਕੀਤਾ

-ਰੇਲਵੇ ਪੁਲਿਸ ਨੇ ‘ਯੁੱਧ ਨਸ਼ਿਆਂ ਵਿਰੁੱਧ’ ਤਹਿਤ ਪਟਿਆਲਾ ‘ਚ ਸਾਈਕਲ ਰੈਲੀ ਕੱਢੀ

PUBLIC MIRROR
(BUREAU)
ਪਟਿਆਲਾ, 19 ਦਸੰਬਰ

ਰੇਲਵੇ ਪੁਲਿਸ ਦੇ ਸਪੈਸ਼ਲ ਡੀਜੀਪੀ ਮੈਡਮ ਸ਼ਸ਼ੀ ਪ੍ਰਭਾ ਦਿਵੇਦੀ ਨੇ ਅੱਜ ਨਿਵੇਕਲੀ ਪਹਿਲਕਦਮੀ ਕਰਦਿਆਂ ਪਟਿਆਲਾ ਸ਼ਹਿਰ ਅੰਦਰ ਖੁਦ ਸਾਈਕਲ ਚਲਾ ਕੇ ਨੌਜਵਾਨਾਂ ਨੂੰ ਨਸ਼ਿਆਂ ਵਿਰੁੱਧ ਜਾਗਰੂਕ ਕੀਤਾ ਹੈ। ਅੱਜ ਇੱਥੇ ਜੀ.ਆਰ.ਪੀ.,ਪੰਜਾਬ ਦੇ ਪਟਿਆਲਾ ਸਥਿਤ ਮੁੱਖ ਦਫ਼ਤਰ ਵਿਖੇ ਨਸ਼ਿਆਂ ਦੀ ਭਿਆਨਕ ਸਮੱਸਿਆ ਵਿਰੁੱਧ ਜਾਗਰੂਕਤਾ ਫੈਲਾਉਣ ਲਈ ਕੱਢੀ ਗਈ ਸਾਈਕਲ ਰੈਲੀ ਨੂੰ ਹਰੀ ਝੰਡੀ ਦੇ ਕੇ ਰਵਾਨਾ ਕਰਨ ਮੌਕੇ ਸਪੈਸ਼ਲ ਡੀਜੀਪੀ ਨੇ ਕਿਹਾ ਕਿ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਅਤੇ ਡੀ.ਜੀ.ਪੀ.,ਪੰਜਾਬ ਗੌਰਵ ਯਾਦਵ ਦੀ ਅਗਵਾਈ ਹੇਠ ਪੰਜਾਬ ਸਰਕਾਰ ਵੱਲੋਂ ਅਰੰਭੇ ‘ਯੁੱਧ ਨਸ਼ਿਆਂ ਵਿਰੁੱਧ’ ਤਹਿਤ ਨਸ਼ਿਆਂ ਵਿਰੁੱਧ ਮੁਹਿੰਮ ਨੂੰ ਹੋਰ ਤੇਜ਼ ਕਰਦਿਆਂ ਰੇਲਵੇ ਪੁਲਿਸ ਨੇ ਵੀ ਆਪਣਾ ਯੋਗਦਾਨ ਪਾਇਆ ਹੈ। ਸ਼ਸ਼ੀ ਪ੍ਰਭਾ ਦਿਵੇਦੀ ਨੇ ਦੱਸਿਆ ਕਿ ਇਸ ਰੈਲੀ ਦਾ ਮੁੱਖ ਉਦੇਸ਼ ਪੰਜਾਬ ਦੇ ਨੌਜਵਾਨਾਂ ਦੀ ਸਰੀਰਿਕ ਤੰਦਰੁਸਤੀ ਅਤੇ ਖੇਡਾਂ ਵੱਲ ਰੁਚੀ ਨੂੰ ਵਧਾਉਣ ਲਈ ਆਮ ਲੋਕਾਂ ਨੂੰ ਨਸ਼ਿਆਂ ਤੋਂ ਦੂਰ ਰਹਿਣ ਅਤੇ ਸਿਹਤਮੰਦ ਜੀਵਨ ਸ਼ੈਲੀ ਅਪਣਾਉਣ ਲਈ ਪ੍ਰੇਰਿਤ ਕਰਨਾ ਹੈ। ਇਹ ਸਾਈਕਲ ਰੈਂਲੀ ਦਫਤਰ ਪਟਿਆਲਾ ਤੋ ਸੁਰੂ ਹੋ ਕੇ ਫੁਆਰਾ ਚੌਕ, ਪੋਲੋ ਗਰਾਊਂਡ ਰੋਡ, ਮਹਿੰਦਰਾ ਕਾਲਜ, ਐਨ.ਆਈ.ਐਸ ਚੌਂਕ, ਵਾਈ. ਪੀ. ਐਸ ਚੌਂਕ ਅਤੇ ਠੀਕਰੀ ਵਾਲਾ ਚੌਂਕ ਆਦਿ ਵਗੈਰਾ ਤੋਂ ਵਾਪਸ ਦਫਤਰ ਹੈਡਕੁਆਟਰ ਜੀ.ਆਰ.ਪੀ.,ਪੰਜਾਬ ਵਿਖੇ ਸਮਾਮਤ ਹੋਈ।ਇਸ ਮੌਕੇ ਸੰਬੋਧਨ ਕਰਦਿਆਂ ਸਪੈਸ਼ਲ ਡੀਜੀਪੀ ਮੈਡਮ ਸ਼ਸ਼ੀ ਪ੍ਰਭਾ ਦਿਵੇਦੀ ਨੇ ਕਿਹਾ ਕਿ ਨਸ਼ੇ ਇੱਕ ਗੰਭੀਰ ਸਮਾਜਿਕ ਬੁਰਾਈ ਹਨ, ਜਿਨ੍ਹਾਂ ਦਾ ਖ਼ਾਤਮਾ ਸਿਰਫ ਸਾਂਝੇ ਉਪਰਾਲਿਆ, ਜਾਗਰੂਕਤਾ ਅਤੇ ਲੋਕਾਂ ਦੀ ਸਰਗਰਮ ਭਾਗੇਦਾਰੀ ਨਾਲ ਹੀ ਸੰਭਵ ਹੈ। ਉਨ੍ਹਾਂ ਕਿਹਾ ਕਿ ਭਵਿੱਖ ਵਿੱਚ ਵੀ ਨਸ਼ਿਆਂ ਵਿਰੁੱਧ ਇਸ ਤਰ੍ਹਾਂ ਦੇ ਜਾਗਰੂਕਤਾ ਉਪਰਾਲੇ ਲਗਾਤਾਰ ਜਾਰੀ ਰਹਿਣਗੇ। ਸਾਈਕਲ ਰੈਲੀ ਵਿੱਚ ਜੀ.ਆਰ.ਪੀ., ਯੂਨਿਟ ਦੇ ਅਧਿਕਾਰੀ, ਜ਼ਿਲ੍ਹਾ ਪੁਲਿਸ, ਪਟਿਆਲਾ ਦੇ ਅਧਿਕਾਰੀ ਅਤੇ ਹੋਰ ਕਰਮਚਾਰੀਆਂ ਦੇ ਨਾਲ-ਨਾਲ ਖਿਡਾਰੀਆਂ ਵਲੋਂ ਵੀ ਭਾਗ ਲਿਆ ਗਿਆ। ਇਸ ਸਾਈਕਲ ਦੌਰਾਨ ਨਸ਼ਿਆਂ ਵਿਰੁੱਧ ਸਮਾਜ ਨੂੰ ਖਾਸ ਕਰਕੇ ਨੌਜਵਾਨਾਂ ਨੂੰ ਨਸ਼ਿਆਂ ਤੋਂ ਦੂਰ ਰਹਿਣ ਦਾ ਸੰਦੇਸ਼ ਦਿੱਤਾ ਗਿਆ। ਇਸ ਮੌਕੇ ਸਰੀਰਿਕ ਤੰਦਰੁਸਤੀ, ਅਨੂਸਾਸ਼ਨ ਅਤੇ ਸਕਾਰਾਤਮਦ ਸੋਚ ਨੂੰ ਨਸ਼ਿਆ ਵਿਰੁੱਧ ਲੜਾਈ ਦੇ ਮਹੱਤਵਪੂਰਨ ਹਥਿਆਰ ਵਜੋਂ ਉਜਾਗਰ ਕੀਤਾ ਗਿਆ।

19/12/2025

ਇੰਡੀਅਨ ਫਾਰਮਰਜ਼ ਐਸੋਸੀਏਸ਼ਨ ਬਹਿਰੂ ਵਲੋਂ ਕਿਸਾਨੀ ਮਸਲਿਆਂ 'ਤੇ ਜਰੂਰੀ ਮੀਟਿੰਗ
ਨੀਲਪੁਰ ਵਿਖੇ ਮੀਟਿੰਗ ਵਿੱਚ ਭਵਿੱਖੀ ਸੰਘਰਸ਼ ਤੇ ਰਣਨੀਤੀ ਉੱਤੇ ਚਰਚਾ

ਪਬਲਿਕ ਮਿਰਰ (ਬਿਊਰੋ)
ਰਾਜਪੁਰਾ, 19 ਦਸੰਬਰ

ਇੰਡੀਅਨ ਫਾਰਮਰਜ਼ ਐਸੋਸੀਏਸ਼ਨ ਬਹਿਰੂ ਵਲੋਂ ਅੱਜ ਨੀਲਪੁਰ ਬਾਬਾ ਸੁਖਾ ਸਿੰਘ ਨੀਲਪੁਰ ਵਿਖੇ ਸ਼ੁੱਕਰਵਾਰ ਦੁਪਿਹਰ ਬਾਅਦ ਇੱਕ ਜਰੂਰੀ ਮੀਟਿੰਗ ਹੋਈ। ਮੀਟਿੰਗ ਵਿੱਚ ਮੌਜੂਦਾ ਤੇ ਭਵਿੱਖ ਵਿੱਚ ਕਿਸਾਨੀ ਨੂੰ ਦਰਪੇਸ਼ ਹੋਣ ਵਾਲੀਆਂ ਸਮੱਸਿਆਵਾਂ 'ਤੇ ਵਿਸਤਾਰ ਪੂਰਵਕ ਵਿਚਾਰ–ਚਰਚਾ ਕੀਤੀ ਗਈ। ਮੀਟਿੰਗ ਦੀ ਪ੍ਰਧਾਨਗੀ ਜ਼ਿਲਾ ਪਟਿਆਲਾ ਪ੍ਰਧਾਨ ਸ. ਰਣਜੀਤ ਸਿੰਘ ਆਕੜ ਨੇ ਕੀਤੀ, ਜਦਕਿ ਕੌਮੀ ਪ੍ਰਧਾਨ ਸ. ਸਤਿਨਾਮ ਸਿੰਘ ਬਹਿਰੂ ਵਿਸ਼ੇਸ਼ ਤੌਰ 'ਤੇ ਸ਼ਿਰਕਤ ਕਰਨ ਪਹੁੰਚੇ। ਮੀਟਿੰਗ ਦੀ ਸ਼ੁਰੂਆਤ ਸ. ਗੋਬਿੰਦਰ ਸਿੰਘ ਸਰਵਾਰਾ ਵਲੋਂ ਆਪਣੀਆਂ ਰਿਪੋਰਟਾਂ ਕਿਸਾਨਾਂ ਸਾਹਮਣੇ ਪੇਸ਼ ਕਰਨ ਨਾਲ ਹੋਈ। ਸ. ਬਹਿਰੂ ਨੇ ਜਥੇਬੰਦੀ ਨੂੰ ਮਜ਼ਬੂਤ ਕਰਨ ਲਈ ਨੌਜਵਾਨਾਂ ਨੂੰ ਸੱਦਾ ਦਿੰਦਿਆਂ ਕਿਹਾ ਕਿ ਪੂਰਾ ਜਨਵਰੀ ਮਹੀਨਾ ਜਨ ਸੰਪਰਕ ਮਹੀਨਾ ਵਜੋਂ ਮਨਾਇਆ ਜਾਵੇ। ਉਨ੍ਹਾਂ ਨੇ ਦੱਸਿਆ ਕਿ ਪਿੰਡ, ਬਲਾਕ ਅਤੇ ਜ਼ਿਲਾ ਪੱਧਰ ਤੇ ਮੀਟਿੰਗਾਂ ਤੋਂ ਬਾਅਦ ਫ਼ਰਵਰੀ ਦੇ ਪਹਿਲੇ ਹਫ਼ਤੇ ਫਤਿਹਗੜ੍ਹ ਸਾਹਿਬ ਵਿਖੇ ਪੰਜਾਬ ਪ੍ਰਧਾਨ ਸ. ਹਰਿੰਦਰ ਸਿੰਘ ਨੰਡਿਆਲੀ ਦੀ ਪ੍ਰਧਾਨਗੀ ਹੇਠ ਪੂਰੀ ਸਮੀਖਿਆ ਕੀਤੀ ਜਾਵੇਗੀ। ਸਹੀਦੀ ਪੰਦਰਵਾੜੇ ਦੇ ਸੰਦਰਭ ਵਿੱਚ ਉਨ੍ਹਾਂ ਨੇ ਗੁਰੂ ਸਾਹਿਬਾਨ ਦੀਆਂ ਸਰਬੰਸ ਕੁਰਬਾਨੀਆਂ ਨੂੰ ਯਾਦ ਕਰਦੇ ਹੋਏ ਜੀਵਨ ਵਿੱਚ ਅਮਲ ਕਰਨ ਦੀ ਅਪੀਲ ਕੀਤੀ। ਬਹਿਰੂ ਸਾਬ ਨੇ ਕੇਂਦਰ ਅਤੇ ਪੰਜਾਬ ਸਰਕਾਰ ਦੀਆਂ ਪਿਛਲੀਆਂ ਗਲਤ ਨੀਤੀਆਂ ਬਾਰੇ ਹਾਜ਼ਰ ਕਿਸਾਨਾਂ ਨੂੰ ਅਗਾਹ ਕੀਤਾ। ਇਸ ਮੌਕੇ ਉਨ੍ਹਾਂ ਨੇ ਰਾਜਪੁਰਾ ਦੇ ਕਿਸਾਨਾਂ ਵਲੋਂ ਵੱਧ–ਚੜ੍ਹ ਕੇ ਦਿੱਤੇ ਯੋਗਦਾਨ ਦੀ ਪ੍ਰਸੰਸਾ ਕੀਤੀ ਅਤੇ ਧੰਨਵਾਦ ਕੀਤਾ। ਮੌਕੇ ’ਤੇ ਵਿਸ਼ੇਸ਼ ਯੋਗਦਾਨ ਕਰਨ ਵਾਲੇ ਕਿਸਾਨਾਂ ਨੂੰ ਸਿਰਪਾਉ ਨਾਲ ਸਨਮਾਨਿਤ ਕੀਤਾ ਗਿਆ। ਮੀਟਿੰਗ ਵਿੱਚ ਸ. ਗੁਰਮੇਲ ਸਿੰਘ ਬੋਸਰ (ਜਰਨਲ ਸਕੱਤਰ, ਪੰਜਾਬ), ਸ. ਬਲਿਹਾਰ ਸਿੰਘ ਰੁੜਕੀ (ਕੈਸ਼ੀਅਰ, ਪੰਜਾਬ), ਮੁਖਤਿਆਰ ਸਿੰਘ ਬਹਿਰੂ, ਸ. ਜਸਵੰਤ ਸਿੰਘ ਅਲੂਣਾ (ਰਿਟਾਇਰਡ ਠਾਣੇਦਾਰ), ਸ. ਮਲਕੀਅਤ ਸਿੰਘ (ਸਰਪੰਚ ਉਕਸੀ), ਸ. ਸੋਹਣ ਸਿੰਘ (ਸਾਬਕਾ ਸਰਪੰਚ ਮੁਹੰਮਦੀ ਪੁਰ) ਸਮੇਤ ਕਈ ਹੋਰ ਨੌਜਵਾਨ ਕਿਸਾਨ ਮੌਜੂਦ ਰਹੇ।

15/12/2025

ਚੋਣ ਅਮਲੇ ਵੱਲੋਂ ਬੈਲਟ ਪੇਪਰ ਬਕਸੇ ਸਟਰਾਂਗ ਰੂਮ ਵਿੱਚ ਜਮ੍ਹਾ
ਮਿੰਨੀ ਸਕੱਤਰੇਤ ਦੇ ਅਤਿ-ਆਧੁਨਿਕ ਸੁਰੱਖਿਅਤ ਸਟਰਾਂਗ ਰੂਮ ਵਿੱਚ ਰੱਖੇ ਗਏ ਬਕਸੇ, 17 ਦਸੰਬਰ ਨੂੰ ਹੋਵੇਗੀ ਗਿਣਤੀ

Public Mirror (Beuro)
ਰਾਜਪੁਰਾ, 15 ਦਸੰਬਰ

ਜ਼ਿਲ੍ਹਾ ਪਰਿਸ਼ਦ ਅਤੇ ਬਲਾਕ ਸਮਿਤੀ ਚੋਣਾਂ ਦੇ ਸਫਲਤਾਪੂਰਵਕ ਸੰਪੰਨ ਹੋਣ ਤੋਂ ਬਾਅਦ ਚੋਣ ਅਮਲੇ ਵੱਲੋਂ ਬੈਲਟ ਪੇਪਰਾਂ ਵਾਲੇ ਬਕਸੇ ਮਿੰਨੀ ਸਕੱਤਰੇਤ ਵਿੱਚ ਸਥਿਤ ਸਟਰਾਂਗ ਰੂਮ ਵਿੱਚ ਜਮ੍ਹਾ ਕਰਵਾ ਦਿੱਤੇ ਗਏ ਹਨ। ਸਾਰੀ ਪ੍ਰਕਿਰਿਆ ਪ੍ਰਸ਼ਾਸਨਿਕ ਨਿਗਰਾਨੀ ਹੇਠ ਅਮਨ-ਅਮਾਨ ਨਾਲ ਪੂਰੀ ਕੀਤੀ ਗਈ। ਐਸਡੀਐਮ ਕਮ ਰਿਟਰਨਿੰਗ ਅਫ਼ਸਰ ਨਮਨ ਮਾਰਕਨ ਨੇ ਦੱਸਿਆ ਕਿ ਮਿੰਨੀ ਸਕੱਤਰੇਤ ਦੀ ਤੀਜੀ ਮੰਜ਼ਿਲ ’ਤੇ ਅਤਿ-ਆਧੁਨਿਕ ਅਤੇ ਪੂਰੀ ਤਰ੍ਹਾਂ ਸੁਰੱਖਿਅਤ ਸਟਰਾਂਗ ਰੂਮ ਤਿਆਰ ਕੀਤਾ ਗਿਆ ਹੈ, ਜੋ ਸੀਸੀਟੀਵੀ ਕੈਮਰਿਆਂ ਨਾਲ ਲੈੱਸ ਹੈ। ਬੈਲਟ ਪੇਪਰ ਬਕਸਿਆਂ ਨੂੰ ਸੀਲਬੰਦ ਕਰਕੇ ਸਟਰਾਂਗ ਰੂਮ ਵਿੱਚ ਰੱਖਿਆ ਗਿਆ ਹੈ। ਉਨ੍ਹਾਂ ਨੇ ਕਿਹਾ ਕਿ ਸਟਰਾਂਗ ਰੂਮ ਦੇ ਬਾਹਰ ਪੁਲੀਸ ਫੋਰਸ ਦਾ ਪੱਕਾ ਪਹਿਰਾ ਲਗਾਇਆ ਗਿਆ ਹੈ ਤਾਂ ਜੋ ਸੁਰੱਖਿਆ ਵਿੱਚ ਕੋਈ ਕੋਤਾਹੀ ਨਾ ਰਹੇ। ਇਸ ਸਟਰਾਂਗ ਰੂਮ ਵਿੱਚ ਬੈਲਟ ਪੇਪਰ ਬਕਸਿਆਂ ਦੇ ਨਾਲ-ਨਾਲ ਪ੍ਰਜਾਇਡਿੰਗ ਅਫ਼ਸਰਾਂ ਦੀਆਂ ਰਿਪੋਰਟਾਂ ਵੀ ਸੁਰੱਖਿਅਤ ਰੱਖ ਦਿੱਤੀਆਂ ਗਈਆਂ ਹਨ। ਐਸਡੀਐਮ ਨੇ ਸਪਸ਼ਟ ਕੀਤਾ ਕਿ ਇਹ ਸਟਰਾਂਗ ਰੂਮ ਹੁਣ 17 ਦਸੰਬਰ ਨੂੰ ਵੋਟਾਂ ਦੀ ਗਿਣਤੀ ਵਾਲੇ ਦਿਨ ਹੀ ਖੋਲ੍ਹਿਆ ਜਾਵੇਗਾ।
ਫੋਟੋ ਕੈਪਸ਼ਨ:-ਵੋਟਾਂ ਸਮਾਪਤ ਹੋਣ ਤੋਂ ਬਾਅਦ ਮਿੰਨੀ ਸਕੱਤਰੇਤ ਵਿਖੇ ਬੈਲਟ ਪੇਪਰ ਬਕਸੇ ਜਮਾਂ ਕਰਵਾਉਣ ਲਈ ਜਾਂਦੇ ਹੋਏ ।

15/12/2025

ਹਲਕਾ ਰਾਜਪੁਰਾ ਵਿੱਚ ਜ਼ਿਲ੍ਹਾ ਪਰਿਸ਼ਦ ਤੇ ਬਲਾਕ ਸਮਿਤੀ ਚੋਣਾਂ ਅਮਨ-ਅਮਾਨ ਨਾਲ ਸੰਪੰਨ
ਐਸਡੀਐਮ ਨਮਨ ਮਾਰਕਨ ਵੱਲੋਂ ਵੋਟਰਾਂ ਤੇ ਉਮੀਦਵਾਰਾਂ ਦਾ ਧੰਨਵਾਦ, 57 ਫ਼ੀਸਦੀ ਰਹੀ ਵੋਟਿੰਗ
ਵਿਧਾਇਕਾ ਨੀਨਾ ਮਿੱਤਲ ਨੇ ਕਿਹਾ – ਵਿਰੋਧੀਆਂ ਦੇ ਝੂਠੇ ਦਾਅਵਿਆਂ ’ਤੇ ਪਿਆ ਕਰਾਰਾ ਥੱਪੜ

ਰਾਜਪੁਰਾ, 15 ਦਸੰਬਰ (ਪਬਲਿਕ ਮਿਰਰ )

ਹਲਕਾ ਰਾਜਪੁਰਾ ਵਿੱਚ ਜ਼ਿਲ੍ਹਾ ਪਰਿਸ਼ਦ ਅਤੇ ਬਲਾਕ ਸਮਿਤੀ ਦੀਆਂ ਚੋਣਾਂ ਦਾ ਅਮਲ ਪੂਰੀ ਤਰ੍ਹਾਂ ਅਮਨ-ਅਮਾਨ ਅਤੇ ਸ਼ਾਂਤੀਪੂਰਨ ਮਾਹੌਲ ਵਿੱਚ ਸੰਪੰਨ ਹੋ ਗਿਆ। ਐਸਡੀਐਮ ਕਮ ਰਿਟਰਨਿੰਗ ਅਫ਼ਸਰ ਰਾਜਪੁਰਾ ਨਮਨ ਮਾਰਕਨ ਨੇ ਚੋਣ ਪ੍ਰਕਿਰਿਆ ਦੇ ਸੁਚੱਜੇ ਢੰਗ ਨਾਲ ਪੂਰਾ ਹੋਣ ’ਤੇ ਸਾਰੇ ਉਮੀਦਵਾਰਾਂ, ਵੋਟਰਾਂ ਅਤੇ ਚੋਣ ਡਿਊਟੀ ’ਚ ਤਾਇਨਾਤ ਅਧਿਕਾਰੀਆਂ ਦਾ ਧੰਨਵਾਦ ਕੀਤਾ। ਉਨ੍ਹਾਂ ਦੱਸਿਆ ਕਿ ਚੋਣਾਂ ਦੌਰਾਨ ਕਿਤੇ ਵੀ ਕਿਸੇ ਵੀ ਤਰ੍ਹਾਂ ਦੀ ਅਣਸੁਖਾਵੀਂ ਘਟਨਾ ਦੀ ਕੋਈ ਸੂਚਨਾ ਨਹੀਂ ਮਿਲੀ। ਉਨ੍ਹਾਂ ਮੁਤਾਬਕ ਕੁੱਲ ਵੋਟਿੰਗ ਫ਼ੀਸਦੀ ਲਗਭਗ 57 ਪ੍ਰਤੀਸ਼ਤ ਰਹੀ। 18 ਸਾਲ ਦੇ ਨੌਜਵਾਨਾਂ ਤੋਂ ਲੈ ਕੇ 80 ਸਾਲਾਂ ਤੱਕ ਦੇ ਬਜ਼ੁਰਗਾਂ ਨੇ ਉਤਸ਼ਾਹ ਨਾਲ ਆਪਣੇ ਮਤ ਦਾ ਇਸਤੇਮਾਲ ਕੀਤਾ। ਪਿੰਡ ਸ਼ਾਮਦੋ ਵਿਖੇ ਐਸਡੀਐਮ ਨਮਨ ਮਾਰਕਨ ਨੇ ਖ਼ੁਦ ਇੱਕ 80 ਸਾਲਾਂ ਬਜ਼ੁਰਗ ਮਹਿਲਾ ਦੀ ਵੋਟ ਪਾਉਣ ਵਿੱਚ ਮਦਦ ਕਰਕੇ ਮਨੁੱਖਤਾ ਦੀ ਮਿਸਾਲ ਪੇਸ਼ ਕੀਤੀ। ਐਸਡੀਐਮ ਨੇ ਦੱਸਿਆ ਕਿ ਹਲਕਾ ਰਾਜਪੁਰਾ ਵਿੱਚ 9 ਸੰਵੇਦਨਸ਼ੀਲ ਬੂਥ ਮਾਰਕ ਕੀਤੇ ਗਏ ਸਨ, ਜਿਨ੍ਹਾਂ ਦਾ ਸਭ ਤੋਂ ਪਹਿਲਾਂ ਉਨ੍ਹਾਂ ਨੇ ਦੌਰਾ ਕੀਤਾ। ਉੱਥੇ ਵੀ ਵੋਟਰ ਪੂਰੀ ਸ਼ਾਂਤੀ ਨਾਲ ਵੋਟਾਂ ਭੁਗਤਾ ਰਹੇ ਸਨ।
ਦੂਜੇ ਪਾਸੇ, ਵਿਧਾਇਕਾ ਨੀਨਾ ਮਿੱਤਲ ਨੇ ਕਿਹਾ ਕਿ ਵਿਰੋਧੀਆਂ ਵੱਲੋਂ ਸਰਕਾਰੀ ਮਸ਼ੀਨਰੀ ਦੇ ਦੁਰਉਪਯੋਗ ਬਾਰੇ ਫੈਲਾਏ ਗਏ ਝੂਠੇ ਦਾਅਵਿਆਂ ’ਤੇ ਅਮਨ ਅਮਾਨ ਨਾਲ ਵੋਟਾਂ ਦਾ ਅਮਲ; ਸਿਰੇ ਚੜ੍ਹਨ ਲਈ ਵਿਰੋਧੀਆਂ ਦੇ ਮੂੰਹ ਤੇ ਕਰਾਰੀ ਚਪੇੜ ਹੈ l

ਫੋਟੋ ਕੈਂਪਸ਼ਨ - ਐਸਡੀਐਮ ਨਮਨ ਮਾਰਕਨ ਇੱਕ ਬਜ਼ੁਰਗ ਮਹਿਲਾ ਵੋਟਰ ਦੀ ਵੋਟ ਪਾਉਣ ਵਿੱਚ ਸਹਾਇਤਾ ਕਰਦੇ ਹੋਏl

07/12/2025

ਰਾਜਪੁਰਾ ‘ਚ ਝਪਟਮਾਰੀ ਬੇਕਾਬੂ, ਮਾਰਕੀਟ ਕਮੇਟੀ ਦੇ ਚੇਅਰਮੈਨ ਦਾ ਮੋਬਾਇਲ ਖੋਹ ਕੇ ਫ਼ਰਾਰ
ਐਸਡੀਐਮ ਕੋਠੀ ਨੇੜੇ ਵਾਪਰੀ ਵੱਡੀ ਵਾਰਦਾਤ, ਜਾਂਚ ਅਧਿਕਾਰੀ ਨੇ ਜਵਾਬ ਦੇਣ ਤੋਂ ਕੀਤਾ ਕਿਨਾਰਾ

Public Mirror
ਰਾਜਪੁਰਾ, 7 ਦਸੰਬਰ

ਰਾਜਪੁਰਾ ਵਿੱਚ ਦਿਨ ਬਾ ਦਿਨ ਲੁੱਟ–ਖੋਹ ਦੀਆਂ ਘਟਨਾਵਾਂ ਬੇਕਾਬੂ ਹੋ ਰਹੀਆਂ ਹਨ ਪਰ ਪੁਲਿਸ ਕਾਰਵਾਈ ਸਿਰਫ਼ ਕਾਗ਼ਜ਼ਾਂ ਤੱਕ ਸੀਮਿਤ ਦਿਖਾਈ ਦੇ ਰਹੀ ਹੈ। 4 ਦਸੰਬਰ ਦੀ ਰਾਤ ਲਗਭਗ 8 ਵਜੇ ਮਾਰਕੀਟ ਕਮੇਟੀ ਰਾਜਪੁਰਾ ਦੇ ਚੇਅਰਮੈਨ ਅਤੇ ਆਮ ਆਦਮੀ ਪਾਰਟੀ ਦੇ ਆਗੂ ਦੀਪਕ ਸੂਦ ਵੀ ਝਪਟਮਾਰਾਂ ਦਾ ਨਿਸ਼ਾਨਾ ਬਣ ਗਏ। ਪੁਲੀਸ ਨੂੰ ਦਿੱਤੀ ਸ਼ਿਕਾਇਤ ਵਿਚ ਚੇਅਰਮੈਨ ਦੀਪਕ ਸੂਦ ਨੇ ਦੱਸਿਆ ਕਿ ਕਾਲਜ ਰੋਡ ਉੱਪਰ ਐਸਡੀਐਮ ਕੋਠੀ ਨੇੜੇ ਸੈਰ ਕਰ ਰਹੇ ਸਨ ਕਿ ਮੋਟਰਸਾਈਕਲ ਸਵਾਰ ਦੋ ਝਪਟਮਾਰ ਉਨ੍ਹਾਂ ਦੇ ਹੱਥੋਂ ਐਪਲ ਕੰਪਨੀ ਦਾ ਮੋਬਾਇਲ ਖੋਹ ਕੇ ਫ਼ਰਾਰ ਹੋ ਗਏ। ਪੁਲੀਸ ਨੇ ਅਣਪਛਾਤੇ ਬਾਈਕ ਸਵਾਰਾਂ ਵਿਰੁੱਧ ਮੁਕੱਦਮਾ ਦਰਜ ਕਰ ਲਿਆ। ਜਦੋਂ ਇਸ ਸਬੰਧੀ ਜਾਂਚ ਅਧਿਕਾਰੀ ਮਹਿੰਦਰ ਪਾਲ ਨਾਲ ਗੱਲ ਕੀਤੀ ਗਈ ਤਾਂ ਉਨ੍ਹਾਂ ਨੇ ਸਿਰਫ਼ ਇਹ ਕਹਿ ਕੇ ਗੱਲ ਟਾਲ ਦਿੱਤੀ ਕਿ ਉਹ ਕੋਰਟ ਵਿੱਚ ਹਨ, ਅਤੇ ਹਰ ਸਵਾਲ ਦਾ ਇੱਕੋ ਜਵਾਬ ਦਿੰਦੇ ਰਹੇ ਕਿ ਬਾਅਦ ਵਿੱਚ ਗੱਲ ਕਰਾਂਗੇ। ਜਦੋਂ ਪੁੱਛਿਆ ਕਿ ਝਪਟਮਾਰ ਫੜੇ ਗਏ ਹਨ ਜਾਂ ਨਹੀਂ ਤਾਂ ਇਸ ਬਾਰੇ ਵੀ ਕੋਈ ਸਪਸ਼ਟਤਾ ਨਹੀਂ ਦਿੱਤੀ ਗਈ। ਸਥਾਨਕ ਲੋਕਾਂ ਦਾ ਕਹਿਣਾ ਹੈ ਕਿ ਜਦੋਂ ਸਰਕਾਰੀ ਪਦ ਦੇ ਚੇਅਰਮੈਨ ਵੀ ਸੁਰੱਖਿਅਤ ਨਹੀਂ ਤਾਂ ਆਮ ਲੋਕਾਂ ਦੀ ਸੁਰੱਖਿਆ ਕਿਹੜੇ ਹੱਥ ਵਿੱਚ ਹੈ?

07/12/2025

ਹਲਕਾ ਰਾਜਪੁਰਾ ਵਿਚ ਪੰਚਾਇਤ ਸਮਿਤੀ ਚੋਣਾਂ ਲਈ ਸਾਰੇ ਕਾਗਜ਼ ਸਹੀ
74 ਵਿਚੋਂ 58 ਉਮੀਦਵਾਰ ਚੋਣ ਮੈਦਾਨ ਵਿਚ ਕਾਇਮ, 43 ਇਤਰਾਜ ਬੇਬੁਨਿਆਦ ਕਰਾਰ

Public Mirror,
ਰਾਜਪੁਰਾ, 7 ਦਸੰਬਰ

ਹਲਕਾ ਰਾਜਪੁਰਾ ਦੇ 15 ਜੋਨਾਂ ਲਈ ਪੰਚਾਇਤ ਸਮਿਤੀ ਚੋਣਾਂ ਲਈ ਦਾਖਲ ਕੀਤੀਆਂ ਨਾਮਜ਼ਦਗੀਆਂ ਦੀ ਜਾਂਚ ਪੜਤਾਲ ਮੁਕੰਮਲ ਹੋ ਚੁੱਕੀ ਹੈ। ਐਸਡੀਐਮ ਕਮ ਰਿਟਰਨਿੰਗ ਅਫਸਰ ਨਮਨ ਮਾਰਕਨ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਕੁੱਲ 74 ਨਾਮਜ਼ਦਗੀਆਂ ਦਾਖਲ ਕੀਤੀਆਂ ਗਈਆਂ ਸਨ, ਜਿਨ੍ਹਾਂ ਵਿੱਚੋਂ ਸਾਰੇ ਉਮੀਦਵਾਰਾਂ ਦੇ ਕਾਗਜ਼ ਸਹੀ ਪਾਏ ਗਏ। ਉਨ੍ਹਾਂ ਕਿਹਾ ਕਿ ਜਾਂਚ ਦੌਰਾਨ ਉਨ੍ਹਾਂ ਕੋਲ 43 ਇਤਰਾਜ ਪ੍ਰਾਪਤ ਹੋਏ ਸਨ, ਪਰ ਗਹਿਰਾਈ ਨਾਲ ਜਾਂਚ ਕਰਨ 'ਤੇ ਇਹ ਸਾਰੇ ਇਤਰਾਜ ਬਿਨਾਂ ਤੱਥਾਂ ਅਤੇ ਬੇਲੋੜੇ ਪਾਏ ਗਏ।
ਰਿਟਰਨਿੰਗ ਅਫਸਰ ਨੇ ਦੱਸਿਆ ਕਿ ਕੁਝ ਇਤਰਾਜ ਘਰ ਦੀ ਛੱਤ ਉੱਤੇ ਬਾਦਰਾ ਹੋਣ ਜਾਂ ਘਰ ਦੇ ਬਾਹਰ ਦਰੱਖ਼ਤ ਲੱਗੇ ਹੋਣ ਵਰਗੇ ਸਨ, ਜੋ ਚੋਣ ਕਾਨੂੰਨਾਂ ਅਨੁਸਾਰ ਕਿਸੇ ਵੀ ਉਮੀਦਵਾਰੀ ਨੂੰ ਪ੍ਰਭਾਵਿਤ ਨਹੀਂ ਕਰਦੇ। ਉਨ੍ਹਾਂ ਕਿਹਾ ਕਿ ਨਿਰਪੱਖਤਾ ਅਤੇ ਪਾਰਦਰਸ਼ਤਾ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਹਰ ਦਸਤਾਵੇਜ਼ ਦੀ ਪੂਰੀ ਜਾਂਚ ਕੀਤੀ ਗਈ।
ਨਮਨ ਮਾਰਕਨ ਨੇ ਦੱਸਿਆ ਕਿ ਅੱਜ ਦੀ ਕਾਰਵਾਈ ਦੌਰਾਨ 74 'ਚੋਂ 16 ਉਮੀਦਵਾਰਾਂ ਨੇ ਆਪਣੇ ਕਾਗਜ਼ ਖੁਦ ਵਾਪਸ ਲਏ ਹਨ। ਇਸ ਤਹਿਤ ਹੁਣ 58 ਉਮੀਦਵਾਰ ਚੋਣ ਮੈਦਾਨ ਵਿੱਚ ਕਾਇਮ ਹਨ। ਇਨ੍ਹਾਂ ਵਿੱਚ ਆਮ ਆਦਮੀ ਪਾਰਟੀ ਦੇ 15, ਭਾਰਤੀ ਜਨਤਾ ਪਾਰਟੀ ਦੇ 15, ਇੰਡੀਅਨ ਨੈਸ਼ਨਲ ਕਾਂਗਰਸ ਦੇ 14, ਸ਼ਰੋਮਣੀ ਅਕਾਲੀ ਦਲ ਦੇ 11, ਬਹੁਜਨ ਸਮਾਜ ਪਾਰਟੀ ਦੇ 2 ਅਤੇ ਇੱਕ ਆਜ਼ਾਦ ਉਮੀਦਵਾਰ ਸ਼ਾਮਲ ਹਨ। ਉਨ੍ਹਾਂ ਨੇ ਸਪਸ਼ਟ ਕੀਤਾ ਕਿ ਸਟੇਟ ਇਲੈਕਸ਼ਨ ਕਮਿਸ਼ਨ ਦੀਆਂ ਹਦਾਇਤਾਂ ਮੁਤਾਬਕ ਨਿਰਪੱਖ ਅਤੇ ਸਾਫ–ਸੁਥਰੀ ਚੋਣ ਨੂੰ ਯਕੀਨੀ ਬਣਾਇਆ ਜਾਵੇਗਾ।
ਇਸ ਮੌਕੇ ਹਲਕਾ ਵਿਧਾਇਕਾ ਨੀਨਾ ਮਿੱਤਲ ਨੇ ਕਿਹਾ ਕਿ ਵਿਰੋਧੀ ਪਾਰਟੀਆਂ ਵੱਲੋਂ ਸੋਸ਼ਲ ਮੀਡੀਆ 'ਤੇ ਗਲਤ ਅਤੇ ਭ੍ਰਮਿਤ ਕਰਨ ਵਾਲੀਆਂ ਪੋਸਟਾਂ ਪਾਈਆਂ ਜਾ ਰਹੀਆਂ ਸਨ ਕਿ ਰਾਜਪੁਰਾ ਹਲਕੇ ਵਿੱਚ ਧੱਕੇਸ਼ਾਹੀ ਹੋ ਰਹੀ ਹੈ ਅਤੇ ਉਮੀਦਵਾਰਾਂ ਦੇ ਕਾਗਜ਼ ਰੱਦ ਕੀਤੇ ਜਾ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਸਾਰੇ ਕਾਗਜ਼ ਸਹੀ ਪਾਏ ਜਾਣ ਨਾਲ ਇਹ ਝੂਠੀਆਂ ਗੱਲਾਂ ਬੇਨਕਾਬ ਹੋ ਗਈਆਂ ਹਨ ਅਤੇ ਵਿਰੋਧੀਆਂ ਨੂੰ ਕਰਾਰਾ ਜਵਾਬ ਮਿਲਿਆ ਹੈ। ਮਿੱਤਲ ਨੇ ਕਿਹਾ ਕਿ ਆਪਣੀ ਸੰਭਾਵਿਤ ਹਾਰ ਦੇ ਡਰ ਕਾਰਨ ਵਿਰੋਧੀ ਪੱਖ ਬੁਖਲਾਹਟ ਵਿੱਚ ਅਜਿਹੇ ਹਥਕੰਡੇ ਅਪਣਾ ਰਿਹਾ ਹੈ।

19/11/2025

***de
ਕੱਲ੍ਹ ਪਤਨੀ ਤੇ ਸੱਸ ਦਾ ਕਤਲ ਕਰਕੇ ਫਰਾਰ ਸਾਬਕਾ ਫੌਜੀ ਅੱਜ ਪੁਲਿਸ ਘੇਰੇ ਦੌਰਾਨ AK-47 ਨਾਲ ਖੁਦਕੁਸ਼ੀ।

ਪੁਲਿਸ ਨੇ ਸਮਰਪਣ ਲਈ ਕਿਹਾ ਪਰ ਉਸ ਨੇ ਆਪਣੇ ਆਪ ਨੂੰ ਗੋਲੀ ਮਾਰ ਲਈ। ਮੌਕੇ ਤੋਂ ਹਥਿਆਰ ਤੇ ਸਬੂਤ ਬਰਾਮਦ - ਜਾਂਚ ਜਾਰੀ।

12/11/2025

ਮਨ ਦੀ ਤਾਕਤ – ਇੱਕ ਅਣਸੁਣੀ ਸੱਚਾਈ

ਸਟੋਰੀ ( ਪਬਲਿਕ ਮਿਰਰ)
ਰਾਜਪੁਰਾ, 12 ਨਵੰਬਰ

ਇੱਕ ਸਮੇਂ ਦੀ ਗੱਲ ਹੈ, ਇੱਕ ਕੈਦੀ ਨੂੰ ਮੌਤ ਦੀ ਸਜ਼ਾ ਹੋਈ। ਉਸਦੀ ਜ਼ਿੰਦਗੀ ਦੇ ਆਖ਼ਰੀ ਦਿਨ ਨੇੜੇ ਆ ਗਏ ਸਨ। ਮੌਤ ਦਾ ਖ਼ਿਆਲ ਹੀ ਉਸਦੇ ਦਿਲ ਵਿੱਚ ਡਰ ਪੈਦਾ ਕਰਦਾ ਸੀ।
ਉਸੇ ਵੇਲੇ ਕੁਝ ਵਿਗਿਆਨੀ ਉਸ ਨਾਲ ਮਿਲਣ ਆਏ। ਉਹ ਕਹਿੰਦੇ ਹਨ —

> “ਅਸੀਂ ਤੇਰੇ ਨਾਲ ਇੱਕ ਮਨੋਵਿਗਿਆਨਕ ਤਜਰਬਾ ਕਰਨਾ ਚਾਹੁੰਦੇ ਹਾਂ।
ਜੇ ਤੂੰ ਚਾਹੇਂ ਤਾਂ ਤੈਨੂੰ ਬਿਜਲੀ ਦੀ ਕੁਰਸੀ ’ਤੇ ਨਹੀਂ ਬੈਠਣਾ ਪਵੇਗਾ।
ਸਿਰਫ਼ ਤੈਨੂੰ ਇੱਕ ਛੋਟੀ ਜਿਹੀ ਕਟ ਲਾਈ ਜਾਵੇਗੀ, ਤੇ ਤੂੰ ਸ਼ਾਂਤੀ ਨਾਲ ਚਲਾ ਜਾਵੇਂਗਾ — ਬਿਨਾਂ ਕਿਸੇ ਦਰਦ ਦੇ।”

ਮੌਤ ਤੋਂ ਡਰਿਆ ਹੋਇਆ ਕੈਦੀ ਇਹ ਸੁਣ ਕੇ ਤੁਰੰਤ ਸਹਿਮਤ ਹੋ ਗਿਆ।

ਵਿਗਿਆਨੀ ਉਸਨੂੰ ਇੱਕ ਸਾਫ਼ ਕਮਰੇ ਵਿੱਚ ਲੈ ਗਏ। ਉਥੇ ਉਸਨੂੰ ਇੱਕ ਸਟ੍ਰੈਚਰ ’ਤੇ ਲਿਟਾ ਕੇ ਪਟਿਆਂ ਨਾਲ ਬੰਨ੍ਹ ਦਿੱਤਾ ਗਿਆ ਤਾਂ ਜੋ ਉਹ ਹਿੱਲ ਨਾ ਸਕੇ।
ਉਸਦੀ ਬਾਂਹ ’ਤੇ ਬਸ ਇਕ ਹੌਲੀ ਜਿਹੀ ਰੇਖਾ ਖਿੱਚੀ ਗਈ — ਖੂਨ ਤਾਂ ਕਤਰੇ ਜਿੰਨਾ ਵੀ ਨਹੀਂ ਨਿਕਲਿਆ, ਪਰ ਦਿਖਾਵੇ ਲਈ ਇੱਕ ਛੋਟੀ ਸਟੀਲ ਦੀ ਪਿਆਲੀ ਰੱਖ ਦਿੱਤੀ ਗਈ।

ਬਿਸਤਰੇ ਦੇ ਹੇਠਾਂ ਵਿਗਿਆਨੀ ਨੇ ਇੱਕ ਲਾਲ ਰੰਗ ਵਾਲੀ ਤਰਲ ਪਦਾਰਥ ਦੀ ਬੋਤਲ ਰੱਖੀ।
ਉਸ ਬੋਤਲ ਵਿਚੋਂ ਬੂੰਦਾਂ ਹੌਲੀ ਹੌਲੀ ਟਪਕਣ ਲੱਗੀਆਂ —
ਟਪ... ਟਪ... ਟਪ...
ਕੈਦੀ ਨੇ ਉਹ ਆਵਾਜ਼ ਸੁਣੀ ਤੇ ਸੋਚ ਲਿਆ ਕਿ ਇਹ ਉਸਦਾ ਖੂਨ ਹੈ ਜੋ ਸਰੀਰ ਤੋਂ ਨਿਕਲ ਰਿਹਾ ਹੈ।

ਕੁਝ ਸਮੇਂ ਬਾਅਦ ਵਿਗਿਆਨੀ ਨੇ ਬੂੰਦਾਂ ਦੀ ਰਫ਼ਤਾਰ ਘਟਾ ਦਿੱਤੀ, ਜਿਵੇਂ ਖੂਨ ਘੱਟ ਹੋ ਰਿਹਾ ਹੋਵੇ।
ਕੈਦੀ ਦਾ ਚਿਹਰਾ ਫਿੱਕਾ ਪੈ ਗਿਆ, ਦਿਲ ਤੇਜ਼ ਧੜਕਣ ਲੱਗਾ, ਸਾਹ ਭਾਰੀ ਹੋ ਗਿਆ।
ਤੇ ਜਦੋਂ ਵਿਗਿਆਨੀ ਨੇ ਬੋਤਲ ਪੂਰੀ ਤਰ੍ਹਾਂ ਬੰਦ ਕਰ ਦਿੱਤੀ —
ਕੈਦੀ ਨੇ ਇੱਕ ਆਖ਼ਰੀ ਸਾਹ ਲਿਆ, ਉਸਦਾ ਸਰੀਰ ਹਿਲਿਆ ਤੇ ਦਿਲ ਦੀ ਧੜਕਨ ਰੁਕ ਗਈ।

ਉਹ ਮਰ ਗਿਆ — ਬਿਨਾਂ ਖੂਨ ਵਗਾਏ।
ਉਸਦੀ ਮੌਤ ਦਾ ਕਾਰਨ ਖੂਨ ਨਹੀਂ, ਮਨ ਦਾ ਭਰਮ ਸੀ।

---

🌿 ਇਸ ਕਹਾਣੀ ਦਾ ਸਬਕ

ਇਹ ਤਜਰਬਾ ਸਿਰਫ਼ ਇੱਕ ਕੈਦੀ ਦੀ ਕਹਾਣੀ ਨਹੀਂ ਸੀ —
ਇਹ ਮਨੁੱਖ ਦੇ ਮਨ ਦੀ ਅਸੀਮ ਤਾਕਤ ਦਾ ਸਬੂਤ ਸੀ।

ਜੋ ਅਸੀਂ ਮੰਨ ਲੈਂਦੇ ਹਾਂ, ਉਹੀ ਸਾਡੀ ਹਕੀਕਤ ਬਣ ਜਾਂਦਾ ਹੈ।
ਜੇ ਅਸੀਂ ਆਪਣੇ ਮਨ ਨੂੰ ਡਰ ਨਾਲ ਭਰ ਲਈਏ, ਤਾਂ ਸਰੀਰ ਵੀ ਕਮਜ਼ੋਰ ਹੋ ਜਾਂਦਾ ਹੈ।
ਜੇ ਅਸੀਂ ਮਨ ਵਿਚ ਵਿਸ਼ਵਾਸ ਰੱਖੀਏ, ਤਾਂ ਅਸੰਭਵ ਵੀ ਸੰਭਵ ਹੋ ਜਾਂਦਾ ਹੈ।

ਜ਼ਿੰਦਗੀ ਵਿਚ ਰੁਕਾਵਟਾਂ ਆਉਣਗੀਆਂ, ਲੋਕ ਕਹਿਣਗੇ —
“ਹੁਣ ਕੁਝ ਨਹੀਂ ਹੋ ਸਕਦਾ।”
ਪਰ ਜੇ ਤੂੰ ਇਹ ਗੱਲ ਮੰਨ ਲਈ —
ਤਾਂ ਸੱਚਮੁੱਚ ਕੁਝ ਨਹੀਂ ਹੋ ਸਕੇਗਾ।

ਪਰ ਜੇ ਤੂੰ ਆਪਣੇ ਮਨ ਨੂੰ ਕਹੇਂ —
“ਹਾਂ, ਮੈਂ ਕਰ ਸਕਦਾ ਹਾਂ!”
ਤਾਂ ਕਾਇਨਾਤ ਵੀ ਤੇਰੇ ਹੱਕ ਵਿਚ ਕੰਮ ਕਰੇਗੀ।
ਅਨੁਵਾਦ--- ਪਬਲਿਕ ਮਿਰਰ

06/11/2025

ਪਾਣੀ ਦੀ ਸਪਲਾਈ 7
-11-2025 ਨੂੰ ਹੋਵੇਗੀ ਬਹਾਲ

ਰਾਜਪੁਰਾ, 6 ਨਵੰਬਰ (Public mirror)

ਵਾਟਰਵਰਕਸ ਵਿੱਚ ਅਚਨਚੇਤ ਹੋਈ ਲੀਕੇਜ ਕਾਰਨ ਮੁਰੰਮਤ ਕਰਨ ਲਈ ਵਾਟਰਵਰਕਸ ਬੰਦ ਕੀਤਾ ਗਿਆ ਹੈ ਅਤੇ ਪਾਣੀ ਦੀ ਸਪਲਾਈ ਮਿਤੀ 07-11-2025 (ਸਵੇਰ ਵੇਲੇ) ਨੂੰ ਮੁੜ ਤੋਂ ਬਹਾਲ ਕੀਤੀ ਜਾਵੇਗੀ । ਇਹ ਜਾਣਕਾਰੀ ਉਪਮੰਡਲ ਇੰਜੀਨੀਅਰ
ਸੀਵਰੇਜ ਬੋਰਡ ਦੇ SDO ਕਰਨਦੀਪ ਸਿੰਘ ਵੱਲੋ ਦਿੱਤੀ ਗਈ ਹੈ l

06/11/2025

ਮਰਹੂਮ ਬੂਟਾ ਸਿੰਘ ਮਾਮਲੇ ਵਿਚ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਵਲੋਂ ਵਕੀਲ ਰਾਹੀਂ ਜ਼ਿਮਨੀ ਚੋਣ ਤੱਕ ਪੇਸ਼ੀ ਤੋਂ ਛੋਟ ਦੀ ਮੰਗ

ਜ਼ਿਲ੍ਹਾ ਚੋਣ ਅਫ਼ਸਰ ਤਰਨਤਾਰਨ ਨੇ ਪੰਜਾਬ ਰਾਜ ਅਨੁਸੂਚਿਤ ਜਾਤੀਆਂ ਕਮਿਸ਼ਨ ਤੋਂ ਪੇਸ਼ੀ ਤੋਂ ਛੋਟ ਮੰਗੀ

ਪੰਜਾਬ ਰਾਜ ਅਨੁਸੂਚਿਤ ਜਾਤੀਆਂ ਕਮਿਸ਼ਨ ਵਲੋਂ ਐਸ.ਐਸ.ਪੀ.ਕਪੂਰਥਲਾ ਤੋਂ ਰਿਪੋਰਟ ਦੀ ਕਾਪੀ ਮੰਗੀ

ਚੰਡੀਗੜ੍ਹ, 6 ਨਵੰਬਰ
(Public Mirror)

ਪੰਜਾਬ ਰਾਜ ਅਨੁਸੂਚਿਤ ਜਾਤੀਆਂ ਕਮਿਸ਼ਨ ਵਿਖੇ ਮਰਹੂਮ ਗ੍ਰਹਿ ਮੰਤਰੀ ਸਰਦਾਰ ਬੂਟਾ ਸਿੰਘ ਸਬੰਧੀ ਟਿੱਪਣੀ ਮਾਮਲੇ ਵਿਚ ਤਲਬ ਕੀਤੇ ਗਏ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਦੀ ਤਰਫੋਂ ਐਡਵੋਕੇਟ ਅਰਸ਼ਪ੍ਰੀਤ ਸਿੰਘ ਖਡਿਆਲ ਪੇਸ਼ ਹੋਏ ਪ੍ਰੰਤੂ ਉਹ ਕਮਿਸ਼ਨ ਅੱਗੇ ਮੌਕੇ ਤੇ ਵਕਾਲਤਨਾਮਾ ਪੇਸ਼ ਨਹੀਂ ਕਰ ਸਕੇ।
ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਨੇ ਵਕੀਲ ਰਾਹੀਂ ਜ਼ਿਮਨੀ ਚੋਣ ਦੇ ਮੱਦੇਨਜ਼ਰ ਪੇਸ਼ੀ ਤੋਂ ਛੋਟ ਦੀ ਮੰਗ ਕਰਦਿਆਂ ਚੋਣਾਂ ਉਪਰੰਤ ਦੀ ਤਰੀਕ ਦੀ ਮੰਗ ਕੀਤੀ ਹੈ।

ਇਸੇ ਦੌਰਾਨ ਜ਼ਿਲ੍ਹਾ ਚੋਣ ਅਫ਼ਸਰ ਕਮ ਡਿਪਟੀ ਕਮਿਸ਼ਨਰ ਤਰਨਤਾਰਨ ਨੇ ਅੱਜ ਪੰਜਾਬ ਰਾਜ ਅਨੁਸੂਚਿਤ ਜਾਤੀਆਂ ਕਮਿਸ਼ਨ ਵਿਖੇ ਪੇਸ਼ੀ ਤੋਂ ਛੋਟ ਦੇਣ ਦੀ ਮੰਗ ਕੀਤੀ ਹੈ।

ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਪੰਜਾਬ ਰਾਜ ਅਨੁਸੂਚਿਤ ਜਾਤੀਆਂ ਕਮਿਸ਼ਨ ਦੇ ਚੇਅਰਮੈਨ ਸਰਦਾਰ ਜਸਵੀਰ ਸਿੰਘ ਗੜ੍ਹੀ ਨੇ ਦੱਸਿਆ ਕਿ ਪੱਤਰ ਰਾਹੀਂ ਜ਼ਿਲ੍ਹਾ ਚੋਣ ਅਫ਼ਸਰ ਨੇ ਕਮਿਸ਼ਨ ਨੂੰ ਬੇਨਤੀ ਕੀਤੀ ਕਿ ਹੈ ਉਨ੍ਹਾਂ ਨੇ ਪੱਤਰ ਜਾਰੀ ਕਰ ਕੇ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਤੋਂ ਇਸ ਸਬੰਧੀ ਸਪਸ਼ਟੀਕਰਨ ਦੀ ਮੰਗ ਕੀਤੀ ਗਈ ਸੀ ਅਤੇ ਹੁਣ ਪ੍ਰਾਪਤ ਸਪਸ਼ਟੀਕਰਨ ਦੀ ਘੋਖ ਪੁਲਿਸ ਵਲੋਂ ਕੀਤੀ ਜਾ ਰਹੀ ਹੈ।

ਉਨ੍ਹਾਂ ਦੱਸਿਆ ਕਿ ਜ਼ਿਲ੍ਹਾ ਚੋਣ ਅਫ਼ਸਰ ਤਰਨਤਾਰਨ ਨੇ ਵਿਧਾਨ ਸਭਾ ਹਲਕੇ ਦੀ ਜ਼ਿਮਨੀ ਚੋਣ ਕਾਰਨ ਕਮਿਸ਼ਨ ਵਲੋਂ ਅੱਜ ਮਿਤੀ 6 ਨਵੰਬਰ ਨੂੰ ਰੱਖੀ ਗਈ ਪੇਸ਼ੀ ਤੋਂ ਛੋਟ ਮੰਗੀ ਗਈ ਹੈ।
ਸਰਦਾਰ ਗੜ੍ਹੀ ਨੇ ਦੱਸਿਆ ਕਿ ਜ਼ਿਲ੍ਹਾ ਚੋਣ ਅਫ਼ਸਰ ਕਮ ਡਿਪਟੀ ਕਮਿਸ਼ਨਰ ਤਰਨਤਾਰਨ ਦੇ ਪੱਤਰ ਨੂੰ ਸਵੀਕਾਰ ਕਰਦੇ ਹੋਏ ਕਮਿਸ਼ਨ ਵਲੋਂ ਉਨ੍ਹਾਂ ਨੂੰ 17 ਨਵੰਬਰ 2025 ਦਾ ਸਮਾਂ ਦਿੱਤਾ ਹੈ।

ਸਰਦਾਰ ਜਸਵੀਰ ਸਿੰਘ ਗੜ੍ਹੀ ਨੇ ਦੱਸਿਆ ਕਿ ਅਖਬਾਰ ਰਾਹੀਂ ਉਨ੍ਹਾਂ ਦੇ ਧਿਆਨ ਵਿੱਚ ਆਇਆ ਹੈ ਕਿ ਕਪੂਰਥਲਾ ਪੁਲਿਸ ਵਲੋਂ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਖਿਲਾਫ਼ ਮਾਮਲਾ ਦਰਜ ਕੀਤਾ ਗਿਆ ਹੈ ਉਸ ਸਬੰਧੀ ਪੰਜਾਬ ਰਾਜ ਅਨੁਸੂਚਿਤ ਜਾਤੀਆਂ ਕਮਿਸ਼ਨ ਵਲੋਂ ਐਸ.ਐਸ.ਪੀ.ਕਪੂਰਥਲਾ ਤੋਂ ਰਿਪੋਰਟ ਦੀ ਕਾਪੀ ਮੰਗੀ ਗਈ ਹੈ ਕਿ ਉਨ੍ਹਾਂ ਵਲੋਂ ਹੁਣ ਤੱਕ ਕੀਤੀ ਗਈ ਕਾਰਵਾਈ ਦੀ ਰਿਪੋਰਟ 10 ਨਵੰਬਰ 2025 ਨੂੰ ਮੰਗੀ ਗਈ ਹੈ।

06/11/2025

ਅੰਤਰਰਾਸ਼ਟਰੀ ਸਾਹਿਤਕ ਸਾਂਝਾਂ ਵੱਲੋਂ “ਸਿਰਜਣਾ ਦੇ ਆਰ ਪਾਰ” ਪ੍ਰੋਗਰਾਮ ਸਫਲਤਾਪੂਰਵਕ ਆਯੋਜਿਤ

ਪਬਲਿਕ ਮਿਰਰ
ਬਰੈਂਪਟਨ, 4 ਨਵੰਬਰ (ਬਿਊਰੋ)

ਅੰਤਰਰਾਸ਼ਟਰੀ ਸਾਹਿਤਕ ਸਾਂਝਾਂ ਵੱਲੋਂ ਸੰਸਥਾਪਕ ਰਮਿੰਦਰ ਰੰਮੀ ਦੀ ਅਗਵਾਈ ਵਿੱਚ “ਸਿਰਜਣਾ ਦੇ ਆਰ ਪਾਰ” ਪ੍ਰੋਗਰਾਮ 2 ਨਵੰਬਰ ਨੂੰ ਆਯੋਜਿਤ ਕੀਤਾ ਗਿਆ। ਪ੍ਰੋਗਰਾਮ ਦੇ ਮੁੱਖ ਮਹਿਮਾਨ ਵਜੋਂ ਨਾਨਕ ਸਿੰਘ ਪੁਰਸਕਾਰ ਵਿਜੇਤਾ ਪ੍ਰਸਿੱਧ ਗਲਪਕਾਰ ਜਸਵੀਰ ਸਿੰਘ ਰਾਣਾ ਨੇ ਸ਼ਿਰਕਤ ਕੀਤੀ।ਰਾਣਾ ਜੀ ਨੂੰ ਉਨ੍ਹਾਂ ਦੇ ਨਾਵਲ “70% ਪ੍ਰੇਮ ਕਥਾ” ਲਈ ਭਾਸ਼ਾ ਵਿਭਾਗ ਪੰਜਾਬ ਵੱਲੋਂ 2025 ਦਾ ਨਾਨਕ ਸਿੰਘ ਪੁਰਸਕਾਰ ਮਿਲ ਚੁੱਕਾ ਹੈ। ਪ੍ਰਿੰਸੀਪਲ ਡਾ. ਨਵਜੋਤ, ਪ੍ਰੋ. ਕੁਲਜੀਤ ਕੌਰ, ਡਾ. ਬਲਜੀਤ ਕੌਰ ਰਿਆੜ ਅਤੇ ਸ. ਮਲੂਕ ਸਿੰਘ ਕਾਹਲੋਂ ਆਦਿ ਨੇ ਰਾਣਾ ਜੀ ਦੀਆਂ ਰਚਨਾਵਾਂ ਦੀ ਖੂਬ ਪ੍ਰਸ਼ੰਸਾ ਕੀਤੀ।ਰਾਣਾ ਜੀ ਨੇ ਆਪਣੀ ਰਚਨਾਤਮਕ ਯਾਤਰਾ ਬਾਰੇ ਦੱਸਦਿਆਂ ਕਿਹਾ ਕਿ ਬਚਪਨ ਤੋਂ ਹੀ ਉਹਨਾਂ ਨੂੰ ਸਾਹਿਤ ਨਾਲ ਪ੍ਰੇਮ ਰਿਹਾ ਹੈ। ਉਹਨਾਂ ਨੇ ਦੱਸਿਆ ਕਿ ਲਿਖਣਾ ਉਨ੍ਹਾਂ ਲਈ ਜੀਵਨ ਦੀ ਖੁਸ਼ੀ ਹੈ ਅਤੇ ਅੱਗੇ ਵੀ ਉਹ ਨਿਰੰਤਰ ਲਿਖਦੇ ਰਹਿਣਗੇ।
ਚੇਅਰਮੈਨ ਸ. ਪਿਆਰਾ ਸਿੰਘ ਕੁੱਦੋਵਾਲ ਨੇ ਕਿਹਾ ਕਿ ਜਸਵੀਰ ਸਿੰਘ ਰਾਣਾ ਅਜਿਹੇ ਗਲਪਕਾਰ ਹਨ ਜਿਨ੍ਹਾਂ ਨੂੰ ਤਿੰਨ ਪੀੜੀਆਂ ਪੜ੍ਹਦੀਆਂ ਹਨ। ਪ੍ਰੋਗਰਾਮ ਦੇ ਅੰਤ ਵਿੱਚ ਰਮਿੰਦਰ ਰੰਮੀ ਨੇ ਸਾਰੇ ਮਹਿਮਾਨਾਂ ਤੇ ਦਰਸ਼ਕਾਂ ਦਾ ਧੰਨਵਾਦ ਕੀਤਾ ਤੇ ਕਿਹਾ –

“ਤੁਸੀਂ ਘਰ ਅਸਾਡੇ ਆਏ, ਅਸੀਂ ਫੁੱਲੇ ਨਹੀਂ ਸਮਾਏ।”

Public Mirror

13/03/2026

19/12/2025

19/12/2025

15/12/2025

15/12/2025

07/12/2025

07/12/2025

19/11/2025

12/11/2025

06/11/2025

06/11/2025

06/11/2025

Address

Website

Alerts

Shortcuts

Share

Category