https://www.facebook.com/591120034281468/

Mudra tv edappal, Changaramkulam (2026)

11/10/2026

ഭൂരഹിതരായ മൂന്ന് കുടുംബങ്ങൾക്ക് ഭൂമി കൈമാറി സേവാഭാരതി വട്ടംകുളം

വട്ടംകുളം | സേവാഭാരതി വട്ടംകുളം ‘ഭൂദാനം ശ്രേഷ്ഠ ദാനം’ പദ്ധതിയുടെ ഭാഗമായി ഭൂരഹിതരായ മൂന്ന് കുടുംബങ്ങൾക്ക് ഭൂമി കൈമാറി. വട്ടംകുളം ജി.ജെ.ബി. സ്കൂളിൽ നടന്ന ചടങ്ങ് ഡോ. പുഷ്പാകരൻ ഉദ്ഘാടനം ചെയ്തു. സി.വി. മോഹനൻ നൽകിയ 15 സെന്റ് ഭൂമിയാണ് മൂന്ന് കുടുംബങ്ങൾക്കായി കൈമാറിയത്.

സേവാഭാരതി വട്ടംകുളം പ്രസിഡന്റ് മലയത്ത് പരമേശ്വരൻ അധ്യക്ഷത വഹിച്ചു. സേവാഭാരതി സംസ്ഥാന സെക്രട്ടറി സത്യഭാമ ടീച്ചർ സേവാസന്ദേശം നൽകി. കെ.പി. രവീന്ദ്രൻ, ബി.എം.എസ്. ജില്ലാ പ്രസിഡന്റ് ദിനേശൻ, സേവാഭാരതി ജില്ലാ സമിതി അംഗം എം.വി. ആനന്ദൻ എന്നിവർ സംസാരിച്ചു.

11/10/2026

"ഇങ്ങട് നോക്കാനെ..."

തേക്കടിയിലെത്തിയ കാലടിക്കാർക്കു മുന്നിൽ കാട്ടാന

11/10/2026

ഈ അപകടത്തിൽ ആരാണ് തെറ്റുകാരൻ

തവനൂർ കൂരടയിൽ ഇന്ന് കാലത്ത് സംഭവിച്ചത്

11/10/2026

*മംഗലത്തേരി അനുസ്മരണവും പുരസ്ക്കാര വിതരണവും*

ചങ്ങരംകുളം | കാണി ഫിലിം ഫിലിം സൊസൈറ്റിയുടെ ആഭിമുഖ്യത്തിൽ മംഗലത്തേരി നാരായണൻ നമ്പൂതിരി അനുസ്മരണവും ഡോക്യുമെന്ററി ഷോർട്ട് ഫിലിം മൽസരത്തിൽ തെരഞ്ഞെടുക്കപ്പെട്ട ചിത്രങ്ങളുടെ പ്രദർശനവും പുരസ്ക്കാര വിതരണവും നടത്തി. എഴുത്തുകാരനും പ്രഭാഷകനുമായ കെ. സി. നാരായണൻ അനുസ്മരണ പ്രഭാഷണം നിർവ്വഹിച്ചു. രാംദാസ് കടവല്ലൂർ, മുഹമ്മത് കുട്ടി, നിഖിൽ പ്രഭ, ജയൻ പകരാവൂർ വാസുദേവൻ അടാട്ട്, ഡോ. ഇ. എം സൂരജ, സജിത്ത് എം. എൻ. എന്നിവർ സംസാരിച്ചു.. നവമ്പറിൽ നടക്കുന്ന ഫിലിം ഫെസ്റ്റിവലിന്റെ ഡലിഗേറ്റ് പാസ് വിതരണോദ്ഘാടനവും ഡോക്യുമെൻ്ററി ഷോർട്ട് ഫിലിം മൽസര വിജയികൾക്കുള്ള പുരസ്ക്കാര വിതരണവും കെ. സി. നാരായണൻ നിർവ്വഹിച്ചു.
പി. കൃഷ്ണൻ നമ്പൂതിരി അദ്ധ്യക്ഷത വഹിച്ചു.വി. മോഹനകൃഷ്ണൻ സ്വാഗതവും പന്താവൂർ ശങ്കരനാരായണൻ നന്ദിയും പറഞ്ഞു.

11/10/2026

ദേശീയപാതയിൽ കാർ നിയന്ത്രണം വിട്ട് മറിഞ്ഞു

കുറ്റിപ്പുറം | ദേശീയപാതയിൽ കുറ്റിപ്പുറം മൂടാലിൽ കാർ നിയന്ത്രണം വിട്ട് മറിഞ്ഞു. അപകടത്തെക്കുറിച്ചുള്ള കൂടുതൽ വിവരങ്ങൾ ലഭ്യമായിട്ടില്ല.

11/10/2026

എടപ്പാൾ കല്ലാനിക്കാവ് ഭഗവതി ക്ഷേത്രത്തിൽ ഭാഗവത സപ്താഹയജ്ഞത്തിന് ഇന്ന് തുടക്കം

എടപ്പാൾ | കല്ലാനിക്കാവ് ഭഗവതി ക്ഷേത്രത്തിലെ അഞ്ചാമത് ശ്രീമദ് ഭാഗവത സപ്താഹയജ്ഞത്തിന് ഇന്ന് തുടക്കമാകും. ഒക്ടോബർ 18 വരെ നടക്കുന്ന യജ്ഞത്തിന്റെ ഭാഗമായി ഇന്ന് വൈകിട്ട് 4.30ന് തിരുമാണിയൂർ ശ്രീ മഹാദേവക്ഷേത്രത്തിൽ നിന്ന് പൂത്താലങ്ങളുടെയും വാദ്യമേളങ്ങളുടെയും അകമ്പടിയോടെ വിഗ്രഹഘോഷയാത്ര നടക്കും. തുടർന്ന് മുൻ ശബരിമല മേൽശാന്തി അരിക്കര സുധീർ നമ്പൂതിരി യജ്ഞദീപം തെളിയിക്കും. ഉദയകുമാർ മണപ്പുറം ആലപ്പുഴ യജ്ഞാചാര്യനാകും. വിവിധ ദിവസങ്ങളിൽ ഭാഗവത പാരായണം, പ്രഭാഷണം, ഭജന, കലാപരിപാടികൾ എന്നിവയും നടക്കും.

11/10/2026

കെ.പി.എസ്.എ സഹോദയ കിഡ്സ് ഫെസ്റ്റ് സമാപിച്ചു

ചങ്ങരംകുളം | മൂന്ന് ദിവസം നീണ്ടുനിന്ന കെ.പി.എസ്.എ സഹോദയ കലോത്സവവും കിഡ്സ് ഫെസ്റ്റും സമാപിച്ചു. ഒക്ടോബർ 8ന് ആരംഭിച്ച കലോത്സവം 10ന് രാത്രിയോടെയാണ് സമാപിച്ചത്. 23 വിദ്യാലയങ്ങളിൽ നിന്നായി രണ്ടായിരത്തിലധികം കലാപ്രതിഭകൾ മാറ്റുരച്ച മത്സരങ്ങൾക്ക് സംസ്കൃതി വേദിയായി.

ആദ്യ രണ്ട് ദിവസങ്ങളിലായി എൽ.പി വിഭാഗം മുതൽ ഹയർ സെക്കൻഡറി വിഭാഗം വരെയുള്ള വിദ്യാർഥികളുടെ മത്സരങ്ങൾ അരങ്ങേറി. മൂന്നാം ദിനത്തിൽ മോണ്ടിസോറി വിഭാഗം കുട്ടികളുടെ മത്സരങ്ങളും നടന്നു.

സമാപന സമ്മേളനം ആലങ്കോട് ഗ്രാമപഞ്ചായത്ത് വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ ഫാത്തിമ ലത്തീഫ് ഉദ്ഘാടനം ചെയ്തു. കെ.പി.എസ്.എ സഹോദയ എടപ്പാൾ ഏരിയ സെക്രട്ടറി രാമദാസ് സ്വാഗതം പറഞ്ഞു. കെ.പി.എസ്.എ സംസ്ഥാന പ്രസിഡന്റ് പി.പി. യൂസഫ് അലി, ആലങ്കോട് പഞ്ചായത്ത് അംഗം സിന്ധു മോഹനൻ എന്നിവർ മുഖ്യപ്രഭാഷണം നടത്തി.

ഇർഷാദ് ഇംഗ്ലീഷ് സ്കൂൾ ജനറൽ സെക്രട്ടറി വാരിയത്ത് മുഹമ്മദ് അലി, കെ.പി.എസ്.എ സംസ്ഥാന കോർഡിനേറ്റർ പ്രമോദ് തലാപ്പിൽ, അഷ്റഫ്, ജയൻ കമ്പ്രാത്ത് എന്നിവർ പങ്കെടുത്തു.

കിഡ്സ് ഫെസ്റ്റിൽ 72 പോയിന്റ് നേടി എം.എച്ച് ഇംഗ്ലീഷ് സ്കൂൾ ഒന്നാം സ്ഥാനം കരസ്ഥമാക്കി. 60 പോയിന്റുമായി അമൽ ഇംഗ്ലീഷ് സ്കൂൾ ചെമ്മണ്ണൂർ രണ്ടാം സ്ഥാനവും 32 പോയിന്റുമായി ഇർഷാദ് ഇംഗ്ലീഷ് സ്കൂൾ മൂന്നാം സ്ഥാനവും നേടി.

10/10/2026

ചങ്ങരംകുളം | പള്ളിക്കര തെക്ക്മുറി കുറ്റിപ്പറമ്പിൽ പരേതനായ സൈദ്മുഹമ്മദിന്റെ മകൻ ബഷീർ (55)നിര്യാതനായി. മാതാവ് ജമീല. ഭാര്യ : ഷമീറ. മക്കൾ : ഷബീർ, ഷഹീർ, സ്വാലിഹ്. മരുമകൾ : ഫിദ.
ഖബറടക്കം നാളെ രാവിലെ 11ന് പള്ളിക്കര ജുമാമസ്ജിദ് ഖബർസ്ഥാനിൽ

10/10/2026

നന്നംമുക്ക് പഞ്ചായത്തിൽ നിർമ്മലം ശുചിത്വ ക്യാമ്പയിൻ സംഘടിപ്പിച്ചു

ചങ്ങരംകുളം | സർക്കാരിന്റെ 100 ദിന കർമപരിപാടിയുടെ ഭാഗമായി തദ്ദേശ സ്വയംഭരണ വകുപ്പിന്റെ നേതൃത്വത്തിൽ നന്നംമുക്ക് ഗ്രാമപഞ്ചായത്തിൽ നിർമ്മലം ശുചിത്വ ക്യാമ്പയിൻ സംഘടിപ്പിച്ചു. പൊതുജന പങ്കാളിത്തത്തോടെ മാലിന്യ പരിപാലനം ഉറപ്പാക്കുക എന്ന ലക്ഷ്യത്തോടെ പഞ്ചായത്ത് ഓഫീസ് മുതൽ തരിയത്ത് വരെ ശുചിത്വ സന്ദേശ റാലിയും നടത്തി.

പഞ്ചായത്ത് പ്രസിഡന്റ് ശാന്തിനി രവീന്ദ്രനാഥ് പരിപാടി ഉദ്ഘാടനം ചെയ്തു. വി.ഇ.ഒ. രജീഷ് അധ്യക്ഷത വഹിച്ചു. ഹെൽത്ത് ഇൻസ്പെക്ടർ അനീന സ്വാഗതം ആശംസിച്ചു. സെക്രട്ടറി, സ്റ്റാൻഡിങ് കമ്മിറ്റി ചെയർപേഴ്സൺ സജന രാജീവ് എന്നിവർ സംസാരിച്ചു.

ഹെൽത്ത് ഇൻസ്പെക്ടർ ശുചിത്വ പ്രതിജ്ഞ ചൊല്ലിക്കൊടുത്തു. ‘പുതുയുഗം ശുചിത്വ കേരളം’ പരിപാടിയുടെ ലോഗോ പഞ്ചായത്ത് പ്രസിഡന്റ് ശാന്തിനി രവീന്ദ്രനാഥ് പ്രകാശനം ചെയ്തു. പഞ്ചായത്ത് അംഗങ്ങൾ, ഉദ്യോഗസ്ഥർ, ഹരിതകർമസേനാംഗങ്ങൾ, കുടുംബശ്രീ അംഗങ്ങൾ, തൊഴിലുറപ്പ് തൊഴിലാളികൾ എന്നിവർ പരിപാടിയിൽ പങ്കെടുത്തു. ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ നന്ദി പറഞ്ഞു.

10/10/2026

മുഖ്യ തെരഞ്ഞെടുപ്പ് കമ്മീഷണറുടെ കോലം കത്തിച്ച് പ്രതിഷേധം

എടപ്പാൾ | മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിനെ സ്ഥാനത്തുനിന്ന് നീക്കണമെന്നാവശ്യപ്പെട്ട് എടപ്പാളിൽ പ്രതിഷേധപ്രകടനവും കോലം കത്തിക്കലും നടന്നു. ജനാധിപത്യവും വോട്ടവകാശവും സംരക്ഷിക്കുക എന്ന മുദ്രാവാക്യമുയർത്തി സി.ഐ.ടി.യു., കർഷക സംഘം, കെ.എസ്.കെ.ടി.യു. എന്നീ സംഘടനകളുടെ നേതൃത്വത്തിലായിരുന്നു പ്രതിഷേധം.

സി. രാമകൃഷ്ണൻ, എസ്. സുജിത്ത്, എം.എ. നവാബ്, കെ.പി. മോഹനൻ, കെ.വി. കുമാരൻ, എസ്. ജിതേഷ്, പി.കെ. രാമചന്ദ്രൻ, കെ. കുമാരൻ, പി. കൃഷ്ണൻ, കെ.വി. രവീന്ദ്രൻ എന്നിവർ നേതൃത്വം നൽകി.

Mudra tv edappal

11/10/2026

11/10/2026

11/10/2026

11/10/2026

11/10/2026

11/10/2026

11/10/2026

10/10/2026

10/10/2026

10/10/2026

Address

Telephone

Website

Alerts

Contact The Business

Shortcuts

Share

Category

Listing takedown request