Akameeyam

03/09/2026

🎈സ്ക്രീനുകളിൽ തടവിലാക്കപ്പെടുന്ന ബാല്യം...😡

🎈അമേരിക്കയിൽ മെറ്റാ പ്ലാറ്റ്‌ഫോംസുമായി ബന്ധപ്പെട്ട് ഉണ്ടായ നിയമപോരാട്ടവും 18 ബില്യൺ ഡോളറിന്റെ ഒത്തുതീർപ്പ് കരാറും ആഗോളതലത്തിൽ തന്നെ വലിയൊരു മുന്നറിയിപ്പാണ്. കുട്ടികളുടെയും കൗമാരക്കാരുടെയും മാനസികാരോഗ്യത്തെയും ഏകാഗ്രതയെയും ചൂഷണം ചെയ്യുന്ന രീതിയിലുള്ള ആൽഗോരിതങ്ങളും അനന്തമായ ഫീഡുകളും (infinite scroll) വ്യക്തിപരമായ വികാസത്തെ എത്രത്തോളം ദോഷകരമായി ബാധിക്കുന്നു എന്ന് ഈ സംഭവം വ്യക്തമാക്കുന്നു. ഇന്ത്യൻ സാഹചര്യത്തിലും ഇത്തരം വ്യക്തമായ നിയമനിയന്ത്രണങ്ങളും സാങ്കേതിക പരിഷ്കാരങ്ങളും അടിയന്തരമായി നടപ്പിലാക്കേണ്ടത് പ്രധാനമാണ്.
എന്തുകൊണ്ട് ഇന്ത്യയിൽ ശക്തമായ നിയമനിയന്ത്രണങ്ങൾ അനിവാര്യമാണ്?
ലോകത്തിൽ ഏറ്റവും കൂടുതൽ ചെറുപ്പക്കാരും കൗമാരക്കാരുമുള്ള രാജ്യങ്ങളിലൊന്നാണ് ഇന്ത്യ. ഡിജിറ്റൽ വിപ്ലവത്തോടെ സ്മാർട്ട്ഫോണുകളും കുറഞ്ഞ നിരക്കിലുള്ള ഇന്റർനെറ്റും താഴെത്തട്ടിൽ വരെ എത്തിച്ചേർന്നതോടെ കുട്ടികളിലെ സോഷ്യൽ മീഡിയ ഉപയോഗം നിയന്ത്രണാതീതമായി വർദ്ധിച്ചിട്ടുണ്ട്.
കൗമാരക്കാരിൽ വർദ്ധിച്ചുവരുന്ന സൈബർ ബുളീയിംഗ് (Cyberbullying), വിഷാദരോഗം, പഠന വൈകല്യങ്ങൾ, ബോഡി ഷെയ്മിംഗ്, ഉറക്കമില്ലായ്മ എന്നിവയ്ക്ക് പ്രധാന കാരണം സോഷ്യൽ മീഡിയ ആസക്തിയാണ്.

ഈ പ്രശ്‌നത്തെ ക്രിയാത്മകമായി നാം അഭിമുഖീകരിക്കേണ്ടതല്ലേ? അകമിയം ഇത് ചർച്ച ചെയ്യുന്നു. 🌄

👇
ലേഖനം പൂർണമായി വായിക്കാൻ കമൻറ് ബോക്സിലെ വെബ്സൈറ്റിൽ ലിങ്ക് ക്ലിക്ക് ചെയ്യുക.

28/08/2026

🎈സ്വൂഫി ദർശനത്തിലെ സആദ അഥവാ ആനന്ദം:
സാധനയും സാക്ഷാത്കാരവും

☪️ജീവിതത്തിൽ ശാശ്വതമായ സന്തോഷവും വിജയവും സാക്ഷാത്കരിക്കാനാണ് മനുഷ്യരൊക്കെയും പ്രയത്നിക്കുന്നത്. ക്ഷണികഭോ​ഗങ്ങളാണ് സന്തോഷമെന്ന് കരുതി അതിനുവേണ്ടിയുള്ള പരിശ്രമങ്ങളിലാണ് ഒട്ടുമിക്ക പേരും വ്യാപൃതരായിരിക്കുന്നത്. എന്നാൽ യഥാർത്ഥ സന്തോഷം എന്നാൽ എന്താണ്? നമ്മുടെ കാലഘട്ടം സന്തോഷത്തെ നിർവചിക്കുന്നത് എങ്ങനെയെയാണ്? ബാങ്ക് അക്കൗണ്ടിലെ വലിയ തുകകളിലോ, കരിയറിലെ തിളക്കമുള്ള വിജയങ്ങളിലോ, ഇന്ദ്രിയങ്ങളെ തൃപ്തിപ്പെടുത്തുന്ന ഭൗതിക സുഖങ്ങളിലോ ആണ് ആധുനിക മനുഷ്യൻ ആത്മനിർവൃതി തേടുന്നത്. ഭൗതികവാദവും ഹെഡോണിസവും നമ്മെ പഠിപ്പിക്കുന്നത് "ഞാൻ അനുഭവിക്കുന്നു, അതിനാൽ ഞാൻ സന്തുഷ്ടനാണ്" എന്നാണ്. എന്നാൽ, ഭൗതികമായ ഈ ആർഭാടങ്ങൾക്കെല്ലാം അപ്പുറത്ത്, മനസ്സിനെ പൊള്ളുന്ന ശൂന്യതയിലേക്ക് തള്ളിയിടുന്ന ഒരു യാഥാർത്ഥ്യം നമ്മെ വേട്ടയാടുന്നുണ്ട്. ഈ പ്രതിസന്ധിക്കുള്ള മറുപടിയാണ് ആത്മീയതയുടെയും, സ്വൂഫിസത്തിന്റെയും ലോകം നമുക്ക് മുന്നിൽ തുറന്നുവെക്കുന്നത്.🌄

👇
ലേഖനം പൂർണ്ണമായും വായിക്കാൻ കമൻറ് ബോക്സിൽ ലിങ്കിൽ ക്ലിക്ക് ചെയ്യൂ....









#അകമിയം
#സൂഫിസം
#ആത്മീയത

25/08/2026

ഉള്ളുണർവ്വ്

ആത്മീയ പാതയുടെ (ത്വരീഖത്തിന്റെ) ആരംഭം എന്നത് അടിമയുടെ ഹൃദയത്തിലേക്ക് നിക്ഷേപിക്കപ്പെടുന്ന ശക്തമായ ഒരു ഉള്ളുണർവ് (ചോദന) ആണെന്ന് നീ മനസ്സിലാക്കുക. അത് അവനെ അസ്വസ്ഥനാക്കുകയും ചിന്തിപ്പിക്കുകയും അല്ലാഹുവിലേക്കും പരലോകത്തിലേക്കും തിരിയാൻ പ്രേരിപ്പിക്കുകയും ചെയ്യും. ഭൗതിക ലോകത്ത് നിന്നും, മനുഷ്യർ വ്യാപൃതരായിരിക്കുന്ന ദുനിയാവിന്റെ നിർമ്മാണം, സമ്പാദിക്കൽ, അതിലെ കാമനകളുടെ ആസ്വാദനം, അലങ്കാരങ്ങളിൽ വഞ്ചിതരാകൽ എന്നിവയിൽ നിന്നും പിന്തിരിയാനും അത് അവനെ പ്രേരിപ്പിക്കുന്നു.
ഈ ഉണർവ് അല്ലാഹുവിന്റെ അദൃശ്യരായ സൈന്യങ്ങളിൽ പെട്ടതാണ്. അത് അല്ലാഹുവിന്റെ കാരുണ്യത്തിന്റെ കാറ്റുകളിൽ (നഫഹാത്ത്) നിന്നും സന്മാർഗത്തിന്റെ അടയാളങ്ങളിൽ നിന്നും ഉള്ളതുമാണ്. താക്കീതുകൾ നൽകപ്പെടുമ്പോഴും, പ്രോത്സാഹിപ്പിക്കപ്പെടുമ്പോഴും, ആവേശം കൊള്ളിക്കപ്പെടുമ്പോഴും, അതുപോലെ അല്ലാഹുവിന്റെ ഇഷ്ടദാസന്മാരെ (ഔലിയാക്കളെ) നോക്കുമ്പോഴും അവരുടെ നോട്ടം ഏൽക്കുമ്പോഴുമാണ് പലപ്പോഴും അടിമയ്ക്ക് ഈ ഉണർവ് തുറന്നുകിട്ടുന്നത്. ചിലപ്പോൾ യാതൊരു കാരണവുമില്ലാതെയും ഇത് സംഭവിച്ചേക്കാം.

ഹബീബ് അബ്ദുല്ലാഹിബ്നു അലവി അൽ ഹദ്ദാദ്(റ) യുടെ
രിസാലത്തു ആദാബി സുലൂക്കിൽ മുരീദ് പരിഭാഷ തുടരുന്നു:
അദ്ധ്യായം 1

ഈ ഭാ​ഗം പൂർണ്ണമായി വായിക്കാൻ കമന്റ് ബോക്സിലെ ലിങ്കിൽ ക്ലിക്ക് ചെയ്യുക.

16/07/2026

ആത്മീയ സാധനയുടെ വഴിയും വെളിച്ചവും

A translation of a prominent Sufi text written as a guide for spiritual seekers on the Sufi path.

09/07/2026

നവചരിത്രവാദവും പോസ്റ്റ് കൊളോണിയൽ പഠനങ്ങളും

New Historicism argues that history should be viewed not merely as a neutral and objective background, but as a text that is constantly constructed by power relations. Post-colonial studies are marked as the natural, and yet more political, evolutionary development of this method of historical criti...

27/05/2026

വഴിയോരക്കാഴ്ചകൾ

26/01/2026

ഇന്ന് സൂര്യോദയത്തിന് മുമ്പ്

സൂര്യസാന്നിദ്ധ്യത്തിനു മുമ്പുള്ള വർണ്ണവിസ്മയങ്ങൾ

25/01/2026

ഇന്നത്തെ പ്രഭാത കാഴ്ചകൾ

24/01/2026

സത്യവും മിഥ്യയും

ഹസന്‍ ബിന്‍ അലി(റ) നിവേദനം: ഞാന്‍ നബി(സ) യില്‍ നിന്നും താഴെ പറയുന്ന കാര്യം മനഃപാഠമാക്കുകയുണ്ടായി:
''സംശയമുള്ള സംഗതികള്‍ വിട്ട് സംശയ രഹിതമായ കാര്യങ്ങള്‍ നീ സ്വീകരിക്കുക. കാരണം സത്യം മനസ്സിന് സമാധാനം നല്‍കുന്നതും മിഥ്യ സംശയവുമാണ്."
(തിര്‍മിദി)

ശുഭരാത്രി

24/01/2026

വിജയത്തിൻ്റെ വഴികൾ

വിജയം പരിശ്രമത്തിന്റെ ഫലമാണ്. അതോടൊപ്പം അത് അല്ലാഹുവിൻ്റെ സവിശേഷമായ ഔദാര്യവുമാണ്. ആ ഔദാര്യത്തിന് പാത്രമാവുക എന്നത് നമ്മുടെ സൗഭാഗ്യവുമാണ്. നിങ്ങളുടെ ആത്മാർത്ഥമായ, നിരന്തര പരിശ്രമങ്ങളിലൂടെ ആ സൗഭാഗ്യത്തിന് നിങ്ങൾ പത്രമാവുമ്പോൾ നിങ്ങൾ ലക്ഷ്യം പ്രാപിക്കുക തന്നെ ചെയ്യും. ഈ പ്രഭാതം അ ത്തരം പരിശ്രമങ്ങൾക്കുള്ള തുടക്കമാകട്ടെ."
السعي منا والائتمام من الله
''പരിശ്രമം നമ്മിൽ നിന്നും പൂർത്തീകരണം അല്ലാഹുവിങ്കൽ നിന്നുമാണ്...''

(നിങ്ങൾ ഇത്തരം ഉള്ളടക്കങ്ങൾ ഇഷ്ടപ്പെടുന്നുവെങ്കിൽ ഫോളോ ചെയ്യൂ)