07/09/2026
விஜய் மட்டுமா எழுதிக் கொடுத்ததை படிக்கிறார்?
கடந்த வியாழக்கிழமை நன்றாக ஏற்கெனவே தயார் செய்து வந்த உரையை பேரவையில் படித்த உதயநிதி ஸ்டாலின், முடிந்தால் உடனே பதில் சொல்லுங்கள் என முதலமைச்சர் விஜய்யை வம்பிழுத்தார். ஆவேசப்பட்டு எந்த வார்த்தையும் விடாமல், திங்கட்கிழமை பேசுகிறேன், எதிர்கட்சியினர் எழுந்து ஓடக் கூடாது என விஜய் கூறிவிட்டு சென்றார். இன்று பேரவையில் விஜய், சரியாக தயார் செய்யப்பட்ட உரையை வாசிக்க வாசிக்க, (விஜய் பேசிய அனைத்துமே சரியில்லை என வாதிட முடியாது..) திருடனுக்கு தேள் கொட்டியதைப் போல திமுகவினரால் உடனே வெளிநடப்பு கூட செய்ய முடியவில்லை. ஓடி விட்டார்கள் என்ற அவப்பெயர் வந்துவிடும் அல்லவா? 😂 ஒருவேளை உதயநிதிக்கு பேச வாய்ப்பு கொடுத்திருந்தால், முன் தயாரிப்பு இன்றி நீண்ட நேரம் தரவுகளுடன் பேசியிருக்க மாட்டார். உதயநிதி Expose ஆவதை சபாநாயகரே தடுத்துவிட்டார். தப்பித்தோம் பிழைத்தோம் என கடைசியாக திமுகவினர் வெளிநடப்பு செய்தனர். வெளிநடப்பு செய்த ஆவேசத்தில் பத்திரிகையாளர்களை உதயநிதி சந்தித்திருத்திருந்தால், அவர் நல்ல அரசியல் பேச்சாளர் என ஒப்புக் கொள்ளலாம். ஆனால், யாரே உரையை தயார் செய்யும் வரை காத்திருந்து வாங்கி வந்து, தாமதமாக செய்தியாளர்களிடம் படித்து விட்டு சென்றார். துண்டு சீட்டு இல்லாமல் பேச முடியாத ஸ்டாலினுக்கு, பேச்சாற்றல் இல்லையென, தத்தி என்ற சொல்லால், எதிர்க்கட்சி தலைவராக இருந்தபோதும், ஆட்சிக்கு வந்த புதிதிலும் கிண்டல் செய்யப்பட்டார். பின்னர், ஓரளவுக்கு மேனேஜ் செய்துவிட்டார் அல்லது மக்களுக்கு பழகிவிட்டது என சொல்லலாம். ஆகையால் கலைஞருக்கு பிறகு துண்டு சீட்டு இல்லாமல் அரசியல் செய்ய முடியாத ஸ்டாலின், உதயநிதி, அந்த விஷயத்தில் விஜய்யை விமர்சிப்பது நியாயமா?
ஸ்டாலின், உதயநிதியை போல விஜய்யும் செய்தியாளர்கள் கேட்கும் கேள்விக்கு Template ஆக சில பதில்களை வைத்துக் கொண்டிருந்தால், பத்திரிகையாளர்களை சந்திக்கவில்லை என்ற அவப் பெயரும் நீங்கிவிடும் போல...
