04/06/2026
🎶 मन का मारू 🎶
रतन राव भजन किंग रो पहलो लोकगीत
म्हारा प्यारा साथियो,
घणी खुशी री बात है कि भजनां री दुनिया में अपनी अलग पहचान बनावण वाला रतन राव भजन किंग अब पहली बार लोकगीत लेकर थारा साम्हणै आवे है। आ सुंदर लोकगीत रो नाम है "मन का मारू"। ई गीत नै सुरां री मिठास अर संगीत री रौनक दी है Gokul Sharma जी नै।
आ गीत आज रो नहीं, बल्कि 2023 में ही तैयार हो गयो थो। पण विधाता नै शायद कुछ और ही मंजूर थो। जद-जद वीडियो शूट करणा रो विचार बन्यो, तद-तद कोई ना कोई अड़चन आ खड़ी हुई। कदे समय रो फेर, कदे हालात री मार, तो कदे कोई और वजह। हर बार मंजिल बस थोड़ी दूर रह जावती।
पण म्हारो विश्वास है कि सांवलिया सेठ री कृपा बिना तो डाळ सूं पातो भी नीं डोलै। शायद सेठ सांवरिया रो आशीर्वाद मिलण रो समय अभी बाकी थो। अब जद उन री मेहर हुई, तां ई लोकगीत रो वीडियो आखिरकार पूरा हो पायो।
साच कहूं तो मन में जिको सपना सजायो थो, शूटिंग बिल्कुल वैसी नीं हो पाई। पण प्रेम, मेहनत अर भावनां री कोई कमी नीं राखी। जिको भी बन्यो है, वो दिल सूं बन्यो है अर थारा प्यार री आस में थारे साम्हणै प्रस्तुत है।
19 जून नै "मन का मारू" जरूर देखजो।
अर कमेंट करके जरूर बताजो कि रतन राव भजन किंग रो पहलो लोकगीत थाने किणो लाग्यो।
थारो एक-एक कमेंट, एक-एक प्यार भऱ्यो शब्द, म्हारे लिए अनमोल है।
आवो, 19 जून नै मिलकर "मन का मारू" नै अपना प्यार दीज्यो।
🙏 जय सांवलिया सेठ री 🙏
🌹 थारो अपना – रतन राव भजन किंग 🌹
