29/03/2025
"Geography And Politics Of Refugees In South Asia" ti lekhabu tlangzar
-LRS Puruolte
Lamka/Tuiṭhaphai/Songpi:
Khawvela lekhabu ṭha ni phak ding khawpa buotsai "Geography And Politics Of Refugees In South Asia" (A Study of Chakma and Tibetan Refugees in India) ti lekhabu Dr. Lalṭanlien Khobung, Vice-Principal, Bethany Christian College (BCC) in a ziek, International Standard Book Number (ISBN) nei, Balaji Publication and Distributors, Meerut, UP in a published, bu khat ah ₹ 1295/- man le lekha phek 292 laia sa chu March 28, 2025 chawhnung dar 1 PM khan Bethany Christian College Auditorium Hall, Family Lane, Bijang (Churachandpur, Manipur) ah Prof. (Retd.) Dr. L. Fimate, Former Director, RIMS (Imphal, Manipur) le ZMC (Aizawl, Mizoram) in tlangzarna a nei.
Hi hun hi mi pawimaw tak takin an ṭawiawm a, Conductor Ms. Lhaichingthem Haokip, Asst. Prof., BCC niin Bethany (BCC) Anthem "God is so good and loving" ti hla sak ruolna nei a ni a, Invocation Dr. Rev. Lalhmuoklien le Welcome Address Aunty Hathoi Buansing, Founder Secretary, BCC in an nei a, Special No. Ms. Nausi Ch. Vaiphei, Asst. Prof., BCC a'n thawk ngaithlaka umin Book Review Mr. David L. Lungṭau, Asst. Prof., Department of Political Science, Lamka College in a nei a, chu zoin Book Released in a zui a, Speech- Dr. Lal Dena, Prof. (Retd.), Manipur University; Mr. John H. Ruolngul, IFS (Retd.); Dr. Lalṭanlien Khobung, lekhabu ziektu (Author) le Mr. Lalmalsawm Chief of Muolbem haia inthawk ngaithlak niin Special No. Ms. Dinpui Joute a inthawk ngaithlak sunzawm a ni a, Vote of Thanks Mr. Seikholal Haokip, Asst. Prof., & IQAC Coordinator, BCC in a nei zoin Closing Prayer H/Capt. Rev. Lalzawmlien Pangamte in a nei bawk.
Lekhabu tlangzara um hi mi inlar Dr. Lal Dena, Professor (Retired), Manipur University in Foreword a ziek a nih. Tlangzar hun a thuhriltu hai chun hi ang lekhabu tlangzar theia a um hi an lawm hle thu hai hrilin ring tlak tak a ni zie, inchûklai haiin an research thawna a khawm rawn tlak tak a la ni thei ding thu le hi lekhabu lei hin a i hril refugee hai harsatna khawm a la hung inkieng pha ngei an beisei thu hai an hrillang a nih.
Ziektu hin Chakma le Tibetan refugees hai chipchier takin a sui a, abikin India, China le Bangladesh ah an ngirhmun indiktak, an thil tuok le mamaw hai khawm ngaivenin an harsatna sukkieng dan ding thurawn ṭhatak a siem a nih. Ama hi Graduation, Honours in Geography, UCC, NEHU, Shillong, 1991 niin M.A, Center for the Study of Regional Development (CSRD), School of Social Sciences, JNU, New Delhi, 1993; M. Phil degree, 1995 le Ph.D. degree, 2000 khan Center for International Politics, Organisation and Disarmament (CIPOD), School of International Studies, JNU, New Delhi haia inthawk lo nei tah a nih. Community development worker lo ni hlakin Programme Planning, Monitoring le Evaluation tieng dam India le ram dang ah training tam tak neiin World Vision lndia ah k*m 20 lai lo thawkin NE India hmun tum tum ah lo um tah a nih.
Lawmpuina le chawimawina'n Lekhabu ziektu hi Aunty Hathoi Buansing, Founder Secretary, BCC in parbawr (bouquet) inhlanin Tedim-Chin Thangsuopuon a'n battir a, a nuhmei Khamtang puon inbitirin Khamtang puon inbattirna a nei, BCC in Thangsuopuon inbattirin Sinleng-in parbawr (bouquet) inhlanin chibai an buk a, Mr. Henkholun Doungel, Chief of Saihenjang in an nupaa Saipikhup puon insiltirna a nei bawk.
