ZOGAM TODAY

ZOGAM TODAY Zogam Today is an Independent Newspaper from Manipur. An independent daily newspaper published from Churachandpur, Manipur, India. No. MANBIL/00292/14/1/2012-TC.

It is printed in Zou and English language which was started on 11th May 2011 bearing Regd.

24/06/2025

One Day Awareness and Benefit Saturation Camp um
Lamka, June 23: Nation wide flagship campaign DAJGUA peitou lel ah tuni'n Khulsaibung leh Lamlong Khullen, Tengnoupal District ah One Day Awareness and Benefit Saturation Camp um hi.
Program hun ah Md. Nazmul Huda Khan, Sub-Divisional Officer/BDO Machi, Chairman/Chief of Village Authority leh line department tuomtuom apat representative te'n zong awareness program uop uop uhi.
Benefit Saturation Camp sung in beneficiaries tuomtuom kung ah ration card leh health card (PMJAY) issue bawl in um in basic health check-up, caste, domicile certificate issue zong bawl in um chi hi.
Tualeh farmers te ding in PM Kisan, Kisan Credit Card, Bank account opening & registered um in social security pension (Old Age, Widow, Divyang) toh kisai ennrollment leh financial literacy assistance zong um hi.

24/06/2025

Molnoi Area Welfare Council in theisahna bawl
Lamka, June 23: Department of Information & Publicity, Molnoi Area Welfare Council, Tengnoupal District in press release a suona ah May 3, 2023 in teenkhompi Meitei te'n Kuki-Zo community te suhmang ding leh tha chimit ding in gal hing bawlkhum ua, hinanleh Pasian lungsietna zal in tunitan in Molnoi Area, Tengnoupal District pen bittah in um chi hi.
Tualeh ana kipeipi zing bang in Molnoi area a innmun leh gam leitang koima'n zatdang/namdang kung ah zuothei lou ding, Molnoi area a innmun zuokhie a gamtuom/district tuom a innmun/gamlei um theilou ding, Molnoi area mipi muntuom/gamtuom a umte zong July 5, 2025 sung a khomun zuonlut chiet ding chi hi.
Kuki-Zo te'n UT/SA movement i delzing lai a, i teenna khuo/gam i nuasie uh leh UT/SA mu nanlei i nuasiena gam uh huop lou ding ahina ah koipou in Nam ngainatna leh gam-le-leitang venbit na ding a panlah ding chi hi.
Kuki-Zo nam teenna mun jousie a koi zong Molnoi area apat innmun zuokhie a gamtuom/district tuom a innmun lei ding a um leh gam nei te'n zong phalna ana pelou ding ban ah Kuki Inpi, Kuki Chief Association, SoO Group, Non-SoO Group, Civil Society Organization te'n zong phalna ana pelou ding chi'n ngetna bawl uhi.

24/06/2025

ZYO Maukot Unit honna nei
Lamka, June 23: ZYO Singngat Block in zani, June 22, 2025 in ZYO Maukot Unit honna nei hi.
Tuanah Job Kamsei, President ZYO Singnat Block in Unit honna nei a, Unit vaipaw ding a teelching Suanzamuan, President; Lalmuanlian, Vice President; Lianminlun, Secretary; Mungsanglian, Asst. Secy.; Lamsanglian, Finance Secy.; Niangngailun, Treasurer; Khupmuanthang, Information Secy.; Haudinglian, Arts & Craft leh Advisor Summinthang, Chief of Maukot leh Upa Khamzakam te T. Haulienlal, Vice President ZYO Singngat Block in oath taking neisah in Rev. Sangthang, NTBC in thumsahna nei hi.
Tualeh ZYO Singnat Block in zong ZYO Mongken Unit venna nei uhi.
Program hun ah hunkem in Thanggoulian, Finance Secy. ZYO Singngat Block, Recording Secretary in Boiniang, Art & Culture, ZYO Singnat Block pang a, ZYO Mongken Unit in vaidawn thugenna nei in Secretary ZYO Mongken Unit in report piehna nei hi.
Tualeh Job Kamsei, President ZYO Singnat Block in thugenna saulou nei in Rev. Khamsuankhai, ZPCS in Unit te thumsahna nei in T. Haulienlal, Vice President ZYO Singnat Block in kipahthu genna nei in Upa Khanlang in hunkhah thumna nei in program jou uhi.

24/06/2025

CCPur ah DAJGAU campaign peitou zel
Lamka, June 23: Dharti Aaba Janjatiya Gram Utkarsh Abhiyan (DAJGUA) campaign peitou lel ah tuni’n District Administration, Churachandpur saina in Sadbhavana Mandap, Samulamlan ah Mangte Jonathan Kom, SDO/Samulamlan supervision nuoi ah benefit saturated camp um hi.
Benefit saturated camp hun ah government department tuomtuom in stalls 20 abawl uh pansan in beneficiaries te’n Aadhaar enrollment & updation, Ayushman Bharat (PMJAY) nuoi a ration card bawl ding te assistance and registration bawlsah in um hi.
Tualeh key documents - tribe and domicile certificates issue bawl in um in Farmer Cards entollment, PM Kisan, Old age and widow pension schemes, MGNREGA, PM Vishwakarma, Mudra Loans etc. toh kisai a buoina nei hunkhop in zong phattuompi uhi.
Camp sung in free general health check-up zong um a, beneficiaries te’n government apat welfare scheme tuomtuom umte awareness anei theina ding un Information, Education and Communication (IEC) drive zong um hi.

24/06/2025

Singnuaimi pang in Arambai Tenggol mi 7 leh civil mi 3 kiman; galvan tampi kimu
Lamka, June 23: Manipur Police Control Room apat press note suo in atahlatna ah naikal 24 sung a Manipur law & order dinmun in hoilam nawt ahina ah buoina toh kisai report bangma umlou chi hi.
June 12, 2025 ni'a Ahmedabad a vangleng tuosie (Air India Flight 171) a shina tuoh Manipur apat crew member 2 lah a khat Kongbrailatpam Nganthoi Sharma shiluong June 22, 2025 in Imphal airport ah mipi a zaah a sim te'n ana lamdawn ua, state apat senior official panna in a innsungmite leh ama ngainatu te'n floral tribute bawl ua, tuajou in final rites ding in a shiluong Thoubal Awang Leikai a ding in puotung in um chi hi.
Tualeh Md. Chesam Abdul Kadir of Paobitek Mayai Leikai shina toh kisai a ginmawpi pen Longjam Khaba Singh @ Boi (35) of Yumnam Huidrom Thiyam Leishangkhong, commander of Arambai Tenggol zani, June 22, 2025 in Police te'n Mongsangei Makha Leikai Arubam Leikai, Puthiba Laibung Complex, Imphal West gei ah man uh chi hi.
Manipur Police te'n June 22, 2025 tan in Md. Chesam Abdul Kadir of Paobitek Mayai Leikai shina toh kisai in Arambai Tenggol mi 7 leh civil mi 3 manta uh chi hi.
June 22, 2025 in Manipur Police te'n a zi Sima Sahani (44) thattu Md. Mujibur Rahman (45) of Keikhu Maning Leikai, Imphal East District man uh chi hi.
Security force te'n June 22, 2025 a Makhabasti area, Jiribam PS, Jiribam District a search operation abawlna ah (1) M4 Carbine 1 leh magazine 1, (2) INSAS Rifle 1 leh magazine 2, (3) SLR Rifle 1 leh magazine 1, (4) country made SLR 1 leh magazine 1, (5) country made SBBL 4, (6) Pumpi 1, (7) Empty pumpi Bomb 4, (8) 36 Hand Gr***de 1, (9) 150 grams PK (Gelatine) 1, (10) cordex wire meter 1, (11) Pistol 1 leh magazine 1, (12) 7.62 mm AK tang 60, (13) 7.62 mm SLR tang 9 leh (14) 5.56 mm tang 5 mukhie uh chi hi.
Security force te'n zong June 22, 2025 a mipi lah a sum demand bawlte matkhietna ding a intelligence based combing operation and cordon and search operation abawlna ah Imphal East District mun tuomtuom ah PREPAK (Pro) cadre 4 (i) Thingbaijam Phillip of Kongba Kshtri Leikai, Imphal East District, (ii) Lourembam K*mar Meitei @ Kanto of Houbam Marak, Lourembam Leikai Imphal West a/p Sawombung Relief Camp, Imphal East District, (iii) Laishram Haridas @ Holaiba of Uripok Sorbon Thingei, Imphal West District leh (iv) Yumnam Akash Singh of Hiyanglam Awang Leikai, Kakching District man uh chi hi.
Mat a um mi 4 te kiphuonna apat security force te'n Kalika foothill, Porompat PS, Imphal East District ah (1) SLR Rifle 4, (2) .303 Rifle 2, (3) Light Machine Gun 1, (4) .303 Modified Sniper 1, (5) .303 magazine 2, (6) SLR magazine 10 (9 short & 1 long), (7) 303 LMG magazine 5, (8) INSAS LMG magazine 1, (9) INSAS Rifle magazine 1, (10) 7.62 LMG tang 74, (11) M4 (5.56) tang 8, (12) .303 thautang kikapsa 51, (13) .303 tang 34, (14) Trg. Ammunition (Ballistic Cartridge) (.303) tang 114, (15) HD cartridge (SLR) Training Ammunition 19, (16) Trg. Ammunition (Ballistic Cartridge) (7.62) 3, (17) 36 Hand Gr***de 4, (18) Chinese Hand Gr***de 1, (19) WB (White Phosphorus)/Smoke Gr***de 3, (20) Smoke Gr***de 2, (21) Tube Launching 1A 10, (22) Tube Launcher 1, (23) Detonator (36 hand gr***de) 9, (24) Detonator (cap) 4, (25) SLR empty case 7 leh (26) .303 empty case 10 mukhie uh chi hi.
June 22, 2025 in Manipur Police te'n PLA cadre Sanasam Rajesh Meitei (35) of Hiyangthang Mayai Leikai, Imphal West man uh chi hi.
Mat a um PLA cadre ahileh Nambol area a schools leh private clinic a sum demand bawl a kigol chi hi.
Tuaban hill & valley district a buoina um ding venna in 111 Nakas/Checkpoint koi in um chi hi.
Mipi'n thu-le-laa kigen jousie gintalou ding leh buoina tung thei ding toh kisai video/images te rumour free number - 9233522822 of Central Control room ah kanchien in vefified bawlthei ding chi hi.
Social media a fake post bawlte tung ah legal action lah hiding ban ah galvan lakhiet a umte police station nai pen a surrender bawl ding in public appeal bawl uhi.

21/06/2025

Cindy Gangte in MA English ah Gold Medalist mu
Lamka, June 20: Miss Cindy Tailalbiek Gangte d/o Pu Thangminlun Gangte leh Pi Bethsy Moithangpui, Headmistress (Permanent Add: Vengkilawm, Chiengkawnpang) in ICFAI University, Mizoram nuai ah MA English siemzilna ah 8.56CGPA mu in Gold Medalist Rank dinmun luo hi.
Ama ahileh tu-le-tu in siemzilna lam leh apa sepna lam zieh in Chanmari, Mizoram ah khosa uhi. Maban ah nam tawisangtu leh kineppi umtah Gangmi lanu hing hitou zel ding in Huichim in deisahna sangtah hah hi.

21/06/2025

Lungthulien leh Kangreng ah benefit saturated camp um
Lamka, June 20: DAJGUA campaign peitou lel ah tuni'n District Administration, Pherzawl saina in Lungthulien leh Kangreng ah benefit saturated camp um hi.
Benefit saturation camp hun ah District Administation in beneficiaries te kung ah government apat tanvou leh hamphatna amu ding ua kilawm welfare service tuomtuom toh kisai awareness neipi in eligible beneficiaries te kung ah a poimaw bang in kithuopina pie uhi.
Tuanah SDO Zosanglur Joute leh Lalthanzam in ama uh jurisdiction sung a camp lawchinna ding in supervised bawl in key department te'n service poimo, adieh in tribe and domicile certificates, health check-ups, Medical Birth Certificates, enrollment in social security schemes: PMJJBY, PMSBY & APY, registration under PM-Vishwakarma Yojana, Aadhaar card enrollment and updates, assistance in bank account opening, registration of Farmer’s Card and PM-KISAN toh kisai a buoina neite kithuopi in service zong provide uhi.

21/06/2025

Security force-te’n galvan tampi leh singnuaimi man
Lamka, June 20: Manipur Police Control Room apat press note suo in atahlatna ah Bishnupur district sung a thakhat thu a kikaptuona um chilou mun dang ah buoina umlou chi hi.
June 19, 2025 nitahlam nai 3:00 ding vel in meltheilou pawlkhat in Phubala Awang Maning Leikai a loubawl a um Ningthoujam Biren Singh thau a akapna ua aveilam khut kapkha uh chi hi. Meltheilou te'n a kapkha uh Ningthoujam Biren Singh ahileh Bishnupur District Hospital a puo ahi jou in doctor te'n RIMS Hospital, Imphal a ding in referred bawl uh chi hi.
Siltung toh kisai in security force te'n Langchingmanbi, Heichanglok leh Phubala western area ah search operation bawl uh chi hi. Search operation hun ah meltheilou galvan tawi te'n security force kap ua, security force te'n lehthuh a alang lang a kikaptuona ah Langchingmanbi khuo ah numei khat thautang in khah in mualliam chi hi.
Thautang khah zieh a mualliam ahileh Hoikholhing w/o Langchingmanbi Village chief ahidan khonung in theikhiet in um chi hi.
Local police te'n siltung toh kisai case registered a, legal formalities leh a poimaw silbangkim bawl ding in Hoikholhing luong ahileh District Hospital, Churachandpur puotung in um chi hi.
Meltheilou galvan tawite matkhietna a daan dungzui a gawtna piethei na ding in combined security force te'n search operation sunzom ua, Phubala area a farming activities toh kisai security arrangement review bawl hiding chi hi.
Loubawlmite bitna ding leh June 19, 2025 ni'a siltung dei huoilou a tun nawnlouna ding in loubawlmite security kiningching pieh hiding ban ah mipi'n zong lemna leh muonna um theina ding a panlah a tuachi'a, thudih lou thezah lou ding chi hi.
Tualeh security force te'n June 19, 2025 a Heibonglog hill, Sekmai PS, Imphal West District a search operation abawlna ah (1) .303 Rifle 1 leh magazine 1, (2) Single Barrel 2, (3) 7.62 tang 11, (4) 12 Bore tang 10, (5) 36 Hand Gr***de 1 leh detonator 1, (6) Chinese Hand Gr***de 1 leh detonator 1, (7) 40 mm HEDP MG-4 gr***de 1,
(8) HE MG-3 gr***de 1, (9) 7.62 mm LMG magazine 3, (10) INSAS Rifle magazine 2, (11) INSAS LMG magazine 2, (12) Baofeng hand set 1, (13) BP cover 3, (14) Iron BP plate 6 leh (15) Helmet 3 mukhie uh chi hi.
June 19, 2025 in Manipur Police te'n Wangoi Bazar, Wangoi PS, Imphal West District ah RPF/PLA active cadre 2 (i) Leimapokpam Somendro Singh (47) of Leimapokpam Awang Leikai, Bishnupur District leh (ii) Tayenjam Haridas (44) of Chongtham Kona Mayai Leikai, Imphal West District man ua, ama ua pat Police te'n (1) mobile phone 2, (2) wallet 2, (3) Aadhar Card 2, (4) Rs 795 leh (5) TVS Jupiter scooter (blue colour MN01AQ-5738) mukhie uh chi hi.
Central force te'n June 19, 2025 in Indo-Myanmar Border Pillar no. 87 area, Tengnoupal PS, Tengnoupal District ah UNLF (K) cadre Mangshatabam Sharatchandra Meitei (27) of Morak Ingkhon, Imphal East District leh PREPAK (Pro) cadre Keisham Toklo @ Toklaoba (24) of Thamnapokpi, Imphal East District man uh chi hi.
Sekmaijing Khunou, Hiyanglam PS, Kakching District ah June 19, 2025 in security force te'n KCP (PWG) active member Thoudam Doren Singh (32) @ Saphaba of Thoudam Mamang Leikai, Thoubal District man uh chi hi.
Mat a um KCP (PWG) active member ahileh valley area a public, wholesaler, mobile shop, oil pump leh hardware shops lah a sum demand bawl a kigol ahi'a, ama apat security force te'n (1) mobile phone 1, (2) wallet 1 leh (3) Aadhar card 1 mukhie uh chi hi.
June 18, 2025 in security force te'n Phaknung Thongkhong, Lamlai PS, Imphal East District ah KCP (PSC) active cadre Pheiroijam Chitrapyari Devi @ Lamngakpi @ Ichantombi (21) of Sagolband Khamnam Leirak, Lamphel PS, Imphal West District man uh chi hi.
Security force te'n zong June 18, 2025 in Kwakta Terakhongshangbi Bazar, Phougakchao Ikhai PS, Bishnupur District ah PREPAK active cadre Nmeirakpam Dhamen Singh @ Meitei (49) of Bashikhong Khudekpi Mamang Leikai, Irilbung PS, Imphal East District man uh chi hi.
Mat a um PREPAK active cadre ahileh general public, local businessmen, government offices etc. a sum demand bawl a kigol ahi'a, ama apat security force te'n
(1) .303 mm tang 69, (2) 7.62 mm SLR tang 18, (3) 9 mm tang 16, (4) .32 mm tang 6,
(5) 12 Bore Cartridges 3, (6) INSAS LMG magazine 1, (7) .303 tang 13, (8) Hyundai i10 (silver colour MN06L-3595) leh (9) mobile phone 1 mukhie uh chi hi.
Porompat DC Office gei, Porompat PS, Imphal East District ah June 18, 2025 in Manipur Police te'n UPPK active cadre Pheiroijam Lalmohan Singh @ Iboyaima @ Thoi (33) of Takyel Kolom Leikai, Imphal West District man ua, ama apat Police te'n
(1) country made semi-automatic gun 1 leh (2) 7.62 mm SLR magazine 1 mukhie uh chi hi.
Tuaban ah NH-37 a nichin poimaw van puo gari 219 security venbitna nuoi ah a tunna ding mun un tung a, siltung dei huoilou a tun ding venna in hill & valley district ah 111 Nakas/Checkpoint koi in um chi hi.
Mipi'n thu-le-laa kigen jousie gintalou ding leh buoina tung thei ding toh kisai video/images te rumour free number - 9233522822 of Central Control room ah kanchien in vefified bawlthei ding chi hi.
Social media a fake post bawlte tung ah legal action lah hiding ban ah galvan lakhiet a umte police station nai pen a surrender bawl ding in public appeal bawl uhi.

21/03/2024

Third attack Congress candidate Alfred while in a meeting

Zou Gal Day 2024 ( Anglo - Zou war 1917-1919)
17/03/2024

Zou Gal Day 2024 ( Anglo - Zou war 1917-1919)

29/10/2023

Zing, October 30, 2023 chieng in Zogam Today K*m 11 (11th Anniversary) ching ding hi. Tamtan chieng tunna ding a supporter-te, subscriber-te, deisahtute leh Editorial staff-te, Adviser-te ban ah hing mapuitu Pasian kung ah kipah thu ka gen hi. Maban ah zong hing kithuopitou zel nalai ung chi'n kang ngen sawnsawn lai hi.
"Miles to go before I sleep".
- Editor & Publisher, Zogam Today

05/10/2023

Suspected to be Manipur Police Commando torture Ms. Th. Brinda's supporter in support of Arambai Tenggol and Meitei Leepun

Address


Website

Alerts

Be the first to know and let us send you an email when ZOGAM TODAY posts news and promotions. Your email address will not be used for any other purpose, and you can unsubscribe at any time.

Contact The Business

Send a message to ZOGAM TODAY:

Shortcuts

  • Address
  • Alerts
  • Contact The Business
  • Claim ownership or report listing

  • Want your business to be the top-listed Media Company?

Share