27/02/2026
မသန်စွမ်းသူများအပေါ် သရော်စော်ကားမှုဖြင့် တိုင်ကြားခံထားရတဲ့ အောင်ဇမ္ဗူဇာတ်သဘင်အဖွဲ့အား ၁ နှစ် ဇာတ်ကခွင့်ပိတ်ပင်ရန် အရေးယူလိုက်ကြောင်း မြန်မာနိုင်ငံသဘင်အစည်းအရုံးက ယနေ့ ဖေဖော်ဝါရီလ ၂၇ ရက်နေ့မှာ ကြေညာချက် ထုတ်ပြန်ပါတယ်။
လတ်တလော လူမှုကွန်ရက် TikTok စာမျက်နှာပေါ်တွင် ပျံ့နှံ့နေသော အောင်ဇမ္ဗူဇာတ်သဘင်အဖွဲ့ရဲ့ ကပြဖျော်ဖြေမှုအတွင်း မသန်စွမ်းသူများရဲ့ ရုပ်ပိုင်းဆိုင်ရာ ချို့ယွင်းချက်များကို အတုယူမှားစေရန် သရော်ထားသည့် လုပ်ဆောင်ချက်များ ပါဝင်နေခြင်းဖြစ်သည်။
အဆိုပါလုပ်ရပ်သည် မသန်စွမ်းသူများရဲ့ စိတ်ပိုင်းဆိုင်ရာနှင့် ဂုဏ်သိက္ခာကို များစွာထိခိုက်စေသဖြင့် ရွှေမင်းသားဖောင်ဒေးရှင်း (မြန်မာ) က ဖေဖော်ဝါရီ ၁၉ ရက်တွင် ပြင်းထန်စွာ ရှုတ်ချကြောင်း ထုတ်ပြန်ခဲ့ပြီး သက်ဆိုင်ရာဝန်ကြီးဌာနများသို့ လိပ်မူကာ တိုင်ကြားခဲ့ခြင်းဖြစ်သည်။
တိုင်ကြားချက်နှင့် ပတ်သက်ပြီး လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာနနှင့် သာသနာရေးနှင့် ယဉ်ကျေးမှု ဝန်ကြီးဌာနတို့က အပြန်အလှန် ညှိနှိုင်းဆွေးနွေးခဲ့ကြသည်။
ထို့နောက် သာသနာရေးနှင့် ယဉ်ကျေးမှု ဝန်ကြီးဌာန၊ အနုပညာဦးစီးဌာနက ဖေဖော်ဝါရီ ၂၇ ရက်စွဲပါ ညွှန်ကြားချက်အရ မြန်မာနိုင်ငံသဘင်အစည်းအရုံးက အဆိုပါအဖွဲ့အား အရေးယူရန် ဆောင်ရွက်ခဲ့ခြင်းဖြစ်သည်။
