16/10/2025
आज युनाइटेड हिमालयन अर्गनाइजेशनका अध्यक्ष जोनाथान खवास तथा खहरे वृद्ध आश्रमकी संस्थापिका सुमित्रा राईको पहलमा सोनादा क्षेत्रअन्तर्गत फुलबारीका पैह्रो पीडित परिवारहरूलाई राहत तथा सहयोग प्रदान गरिएको छ।
उक्त टोलीमा युनाइटेड हिमालयन अर्गनाइजेशनका सचिव सुस्मिता सुब्बा, सदस्यहरू इभामेरी तामाङ, अनिता तामाङ, निङमा तामाङ, सुष्मा तामाङ लगायत अन्य स्वयंसेवकहरूको पनि उपस्थिती रहेको थियो।
यस सहयोग कार्यक्रम अन्तर्गत ४ तारिखका दिन परेको भीषण वर्षाका कारण पैह्रोको चपेटामा परि ज्यान गुमाएका मृतक परिवारहरू र घर क्षति भएका परिवारहरूलाई खाद्य सामग्री, गरम कपडा तथा आर्थिक सहयोग प्रदान गरिएको छ।
यस मानवतापूर्ण कार्यमा सहयोग पुर्याउने हनुतराम दबाब दोकानका मालिक हनुतराम लेखराम अग्रवाल, नीलिमा तामाङ तथा उनको सम्पूर्ण टोलीप्रति विशेष आभार व्यक्त गरिएको छ।
सहयोग प्राप्त परिवारहरूले युनाइटेड हिमालयन अर्गनाइजेशन र खहरे वृद्ध आश्रमप्रति हार्दिक धन्यवाद ज्ञापन गरेका छन्।
