18/09/2025
कालेबुङमा वाग्येकार गोपाल योञ्जनको प्रतिमा अनावरण तथा स्मृति पुरस्कार,सम्मान समारोह सम्पन्न ।
कालेबुङमा गोपाल योञ्जन जन्मोत्सव, तेस्रो प्रतिमा अनावरण तथा उत्कृष्ट सम्मान समारोह आज बिहीबार सम्पन्न भयो।
कार्यक्रमअन्तर्गत पहिलो सत्रमा कालेबुङको डेलो परिसरमा बिहान १० बजे प्रतिमा अनावरण गरियो।
जहाँ कालेबुङका विधायक रुदेन सादा लेप्चा,नगरपालिका प्रशासक रवि प्रधान लगायत प्रतिष्ठानका पदअधिकारीहरुको उपस्थिति थियो।यसरी नै दोस्रो सत्रमा रामकृष्ण रंगमञ्चमा पुरस्कार तथा सम्मान वितरण र सांगीतिक प्रस्तुति कार्यक्रम सम्पन्न भयो।
सो अवसरमा गोपाल योञ्जन स्मृति पुरस्कार–२०२५ अलङ्करण,सर्जक सम्मान तथा स्मारिका ‘गोपालाञ्जली’ को विमोचन पनि गरियो।
कार्यक्रमबारे जानकारी दिँदै प्रतिष्ठानका केन्द्रीय अध्यक्ष मित्र कुमार तामाङले यसलाई गोपाल योञ्जनको योगदानप्रति कृतज्ञता व्यक्त गर्ने अवसर भएको बताए।
