Markaze Tasawwuf

05/01/2026

Shukria,,,,,,,,Markaze Tasawwuf se Aaj ki Taleem
Poori zindagi aisi hai
jaise khwab ke andar ek aur khwab.
Zara ghaur kijiye…
kya kabhi aisa hua hai ke
aap khwab mein khud ko khwab dekhte hue dekh rahe ho?
Phir achanak aap khwab mein hi jaag jaate ho,
magar haqeeqat mein abhi bhi so rahe hote ho.
Ab sawal yeh hai:
agar aap khwab mein jaag bhi gaye,
to kya aap waqai jaage?
Shukria,,,,,

04/01/2026

shukria,,,,,,,, insaan sachchai ke saath
apne aap ko Allah ke hawale kar dene ka irada karta hai,
toh Allah, uski qudrat,
aag–hawa–paani–mitti
aur kainaat ki har cheez
uski madadgar ban jaati hai.
Kaamil Murshid ke saamne
aane wale mureed ke
saare rehearsal, saare plan
bekaar ho jaate hain,
kyunki woh dil ka jasoos hota hai.
Na kuch karo.
Na kuch kaho.
Bas suno…
Adab ke saath suno.
Uski ishaaron bhari zubaan ko samajhne ki koshish karo.
Hosh mein raho.
Aur imaandari aur sachchai ke saath
apne aap ko uske hawale kar do.
Apne aap ko chhod do…
taaki woh aaye
aur tum par kaam kare.
Seekhne ki sabse badi shart yeh hai
ke tum khud
apne seekhne mein
rukawat na bano.
Phir Kaamil Peer
tumhein “maar kar”
ek nayi zindagi ata karta hai.
Sirf Haq ke talabgaar raho…
Sirf Haq ke.
Allah ke liye paagal hue bina
Allah ko paana
dushwaar hai.
Isliye—
kuch na kaho,
kuch na karo,
bas suno…
Kyunki pehchaan
sunne se shuru hoti hai. ✨🤍

04/01/2026

🌿 Markaze Tasawwuf se Aaj ki Tasawwuf ki Ta‘leem 🌿
Jo shakhs Ilm-e-Tariqat aur Tasawwuf se aagah ho jata hai,
jiska hausla buland ho,
jo “Al-Faqru Fakhri, wal-Faqru Minni”
(Faqeeri mera fakhr hai)
ke raaz ko samajh kar dil se is par fida ho jata hai—
aur jo bandagi me sabit-qadam reh kar is raah par chalta hai,
to main poore yaqeen se kehta hoon
ke woh shirk ki khandak se bahar nikal aata hai,
aur phir dagmagaata nahi۔
Aisa salik phir
har simt sirf Toheed-e-Haqeeqi ka jalwa dekhta hai—
jahaan main mit jaata hai,
aur sirf Woh baqi reh jaata hai ✨
Yahi Tasawwuf hai…
Yahi Markaze Tasawwuf ki ta‘leem hai۔
Shukria,,,,,,,
🤍


Sufi Samad Sufi Saheb Ghyasi SufiToheed Ghyasi Muneeb Ashraf @

03/01/2026

Shukria,,,,,,,,mujhe maloom hai ke tum is waqt aisi zehni pareshaani mein giriftar ho
jahan se nikalna tumhein namumkin sa mehsoos ho raha hai.
Tum khud ko bilkul tanha mehsoos kar rahe ho.
Tumhein samajhne wala,
tumhara saath dene wala koi nazar nahi aata…
magar yeh waqt isliye aaya hai
taake tum zindagi ko aur logon ko samajh sako.
Jin cheezon ko khone se tum darte the,
woh tum kho chuke ho.
Ab saari zindagi
na koi cheez
aur na koi haalat
tumhein dara sakegi.
Is kaifiyat se nikal kar
tum itne mazboot ban jaoge
ke tumhare jaisa mazboot
koi aur na hoga.
Mujh par yaqeen rakho,
main tumhare saath hoon.
















Markaze Tasawwuf
🤍

02/01/2026

27/12/2025

Ali (k.w.k) ne farmaya hai,,,,,
Munafiqat se behtar hai ke tum kafir mar jMaulaao,,,,,,,,,,
kyunki dozakh me kafir ka darja, munafiq se behtar hota hai.

---

Har shakhs ko raazi rakhna munafiq aadmi ka kaam hai ba zameer aor ba usool logo se aksar log naraz aor na khush hote hain,,,,,

26/12/2025

I gained 2,463 followers, created 43 posts and received 2,873 reactions in the past 90 days! Thank you all for your continued support. I could not have done it without you. 🙏🤗🎉

22/12/2025

🕊️ Markaze Tasawwuf ki janib se sochne par majboor kar dene wali baat 🕊️
-----Shukria,

Ek kehta hai Khuda hai,
doosra kehta hai Khuda nahi hai.
Ab sawaal ye nahi ke kaun kya bol raha hai,
sawaal ye hai ke kaun kis buniyad par bol raha hai?

Jo Khuda ka inkaar karta hai,
usne Khuda ko dekha nahi —
isliye hi inkaar kar raha hai.

Aur jo kehta hai ke Khuda hai,
usne bhi khuda dekha nahi,
phir bhi bina tasdeeq bina tahqeeq khuda ke hone ka dawa kar raha hai.

To sochiye…
bada jhootha kaun hua?
Wo jo bina dekhe inkar karta hai,
ya wo jo bina dekhe hone ka dawa karta hai?

Haqeeqat ye hai ke
dono ka yaqeen Ilmul-Yaqeen par qayam hai —
padhā hua, suna hua.
Is lihaz seto dono ek hi darje me khade hain.

Phir bhi…
ek nazar se dekha jaye
to inkar karne wala zyada sachcha hai,

Aur yaad rakho —
agar Khuda daleelon aur alfaaz se sabit ho jaye,
to daleel badi ho jayegi
aur Khuda chhota ho jayega.



Markaze Tasawwuf

20/12/2025

Shukria,,,,,
✨ Insaan ki Ahmiyat aur Uska Maqsad ✨

​Jab Allah Ta'ala ne Kalaam-e-Allah mein farma diya...
​Ki "Humne insaan ko khubsurti, neki aor parhezgari ke sath banaya" aur farma diya ki "Humne Aadam ki aulad par karam kiya" aur Hadis-e-Qudsi mein farma diya ki "Humne insaan ko apni surat par paida kiya" tab beshak insaan bada hai, azeem hai, mahaan hai, khaas hai.
​Lekin jaise pehle bataya ja chuka hai ki insaan apni is ahmiyat aur khaasiyat ko bhool chuka hai, isliye ghafil hone ki wajah se, jahalat ki wajah se apni pasti aur buri haalat ke liye khud hi zimmedar hai.
​Kyunki Allah Ta'ala ne Kalaam-e-Allah mein pehle hi farma diya ki "Allah tumko takleef dekar kya karega, wo bada maaf karne wala aur raham karne wala hai." Ab ye acchi tarah samajh lijiye ki humein apni galtiyan dekhkar khud ko hi andar se paak karna hai. 🤲✨
---- Markaze Tasawwuf

​

20/12/2025

Shukria,,,,,,kitne hi log aise hain jo Allah ki parda poshi se dhoka khaye huye hain,,,,,,,,aor apne bare me achche alfaz sunkar fareb me pad gaye hain

Qual:::::Imaamul muttaqeen maula Ali (K.W.K)