Tiau Tiva

Tiau Tiva Na caan sunglawi tein hmang. zei can caantha na neih lai na hngalh lo caah

Bhamauk khuapi kahdohnak a ni 5nak ah ralhrang guard camp a biapi taktak mi pakhat cu mipi ralkap nih an lakkhawh thanSa...
20/09/2025

Bhamauk khuapi kahdohnak a ni 5nak ah ralhrang guard camp a biapi taktak mi pakhat cu mipi ralkap nih an lakkhawh than
Sagaing ramthen Bhamauk khuapi lak kahdohnak ninga nak ah khuapi le a naihnak bik ah a ummi ralhrang hna caah a biapi bikmi guard camp pakhat cu mipi ralkap hna nih an lak than tiah kahdohnak ah a um vemi ralkap cheukhat nih an chim.
A cunglei langhter mi ralhrang guard camp ah a ummi ralhrang hna le Shanni ralkap SNA hna cu mipi ralkap hna nih an kahhna caah September ni 18 ah khuapi chungin an tlizam tiah theih a si.
Mipi ralkap hna nih an lakmi ralhrang sakhan hmunhma cu ral he I pehtlai in himnak caah le ralram ah a ummi ralkap hna ralhrang nih vanlawng in a kahhna lai phan aum ruangah langhter asi loh. September ni 19 ah an lak than mi guard camp telh in Bhamauk khuapi lak kahdohnak chungah mipi ralkap hna nih ralhrang le shanni ralkap hna I guard camp 7nak tlawm lo an lak khawh cang tiah mipi ralkap cheukhat nih an chimmi in theih a si.

Ralhrang Nih Catholic Biakinn Bomb an thlakhnawhDemosho myone ummi Tanan U Koi Catholic Church biakinn cu ralhrang nih v...
18/09/2025

Ralhrang Nih Catholic Biakinn Bomb an thlakhnawh
Demosho myone ummi Tanan U Koi Catholic Church biakinn cu ralhrang nih vanlawng in bomb a thlakhnawh ruangah a rawk tiah tualchung thawngzamhtu hna nih an chim.

September ni 17 zinglei suimilam 10am hrawng ah jet fighter in bomb an thlak hnawh ruangah Catholic biakinn cu faak ngai in ai rawk tiah an chim.
“A ruang zeihmanh a um loh, zeibantuk ralkap phu zong an um loh. Aipehtlai lo tuk mi biaknak inn bomb an thlakhnawh mi cu kan caah cun a poi hringhran ko. Anmah caah cun I timh ciammam tein an tuah mi a siko tiah chim khawh asi” tiin KNA I chimrelnak nawlngeinih a chim.

Bhammauk khuapi kahdohnak cu pehzulh in a zualhma chin lengmang, ralhrang sakhan 6 cu mipi ralkap hna nih an lak cang ti...
18/09/2025

Bhammauk khuapi kahdohnak cu pehzulh in a zualhma chin lengmang, ralhrang sakhan 6 cu mipi ralkap hna nih an lak cang tiah theih a si.
Sagaing Region, Bhammauk khuapi lak kahdohnak cu pehzulh in a zual I ralhrang sakhan 6 an lak cangnak kong PDF rallei thawngzamh tu hna nih media sin ah an chim.

September ni 14 thok in Bhammauk khuapi ummi ralhrang sakhan hna cu PDF ralkap hna nih an luhhnawh hna I an kahhna caah a tu tiangin kahdohnak cu pehzulh in a faak I ralhrang guard camp 6 cu an lak cang tiah theih a si.
Ralhrang hna I Bhammauk khuapi guard camp hna cu beuhahmu ရဉ်ထွန်း hruaimi SNA tatmaha 614 in minung 400 tluk nih hmun an khuar nak a si. PDF ralkap hna nih cu ralhrang hna an umnak sakhan 6 hna cu September ni 15 ah khan an lak khawh tiah theih a si.

Palik sakhan an luhhnawh hna I an kahhna, a thimi le an tlaihmi hna an um hlei ah meithal zong tamngai an laak tiah thei...
18/09/2025

Palik sakhan an luhhnawh hna I an kahhna, a thimi le an tlaihmi hna an um hlei ah meithal zong tamngai an laak tiah theih a si.
Kanbalu myone Yikung khuapi palik sakhan an luhnawh I an kahhna caah palik 6 an thi I, 4 an tlaih hna hlei ah meithal zun 12 an lak tiah ဓူဝံ phu in rianngeitu pakhat nih media sin ah a chim.
September ni 17 zanlei suimilam 3 tluk ah kanbalu myone Yikung khuapi palik sakhan cu mipi ralkap nih an luhhnawh hna I an kahhna tiah theih a si.
Mah kahdohnak cu minute tlawmpal te lawng a rau I, ralhrang palik lei in palik bole le palik sawhsawh minung 6 an thi. Mah hlei ah bole 2, palik sawhsawh 2, palik chungkhar minung 4 hna le thongtla 3 hna zong an tlaih hna tiah theih a si.
Mah kahdohnak ah an lakmi meithal hna cu G-3 meithal zun 9, G=4 meithal zun 1, MA-15 meithal zun 1 le pistol zun 1 an lak I, palik sakhan chung ummi inn hna cu mei in an khangh hna tiah theih a si.

Ralhrang sitcawng lampi ah mine in voihnih an phomhhna hlei ah I kahnak a chuak I ralrhang lei a thimi an tamSagaing ram...
15/09/2025

Ralhrang sitcawng lampi ah mine in voihnih an phomhhna hlei ah I kahnak a chuak I ralrhang lei a thimi an tam
Sagaing ramthen Yinmapin myone, Monywa-Yakyi-kalaywah lampi ah ralhrang sitcawng cu voi 2 mine an puahhnawh hna I ralhrang 29 nak tlawmlo an thi tiah Black Vote Fighter Local PDF le Maehmaung mipi ralkap in rianngeitu hna nih media sin ah an chim.
September ni 10 zinglei suimilam 11:35am tluk ah Yinmapin myone, Banbuai phyusawhti khua in Monywa-Yakhi-kalaywah lampi hrawn in sitcawnt kalmi ralhrang minung 200 tluk hna cu mipi ralkap nih lampi hmun pakhat ah an rak kahhna tiah theih a si. cu tiin an kahhnanak ahcun ralhrang lei in 9 an thi I, mipi ralkap hna cu khawndennak umlo tein an kirthan tiah theih a si.
Cu bantuk thiam cun September ni 14 ah tayawkyin khua ah hmunkhuar mi ralhrang sitcawng cu Monywa-Yakyi lampi cung an kallio ah mipi ralkap nih padetha mine lung 20 in an phomh than hna. Mah hnu minung 45 tluk ah I kahnak a chuak than tiah theih a si.
Mah kahdohnak ahcun ralhrang lei in minung 20 nak tlawmlo an thi I, kahdohnak a dihhnu cun ralhrang pawl cu tayawkyin khua ah an lut than I a thimi ralhrang ruakhna le hliamtuar mi hna cu Northwestern Military District Headquarters
Ah an kalpi hna tiah theih a si.

Ralhrang nih mino 8 pawtasuai in an tlaih hna, tangka an halhna, tangka in aitlanh kho lo mi cu traing tuahnak ah kan in...
15/09/2025

Ralhrang nih mino 8 pawtasuai in an tlaih hna, tangka an halhna, tangka in aitlanh kho lo mi cu traing tuahnak ah kan in kuat hna lai tiah an hrocer hna
Tanintharyi ramthen, Launglong myone ah ralrhang nih mino 4 hna cu pawtasuai in an tlaihhna tiah tualchung mi nih media sin ah an chim.
September ni 15 zingka te ah Launglung khuapi ah hmunkhuarmi ralhrang hna nih khuapi naihte ah a ummi သဗျာ khua cu an luhhnawh hna I mino 4 hna cu pawtasuai in an tlaih hna tiah thawngtheih a si.
Mahhnu ah khuachung ah a ummi mipi inn hna zong an luhhnawh hna I an chek hna hnu ah phone hna cu an chuh hna. Mino 4 hna cu ralhrang nih pawtasuai in an tlaihhna hnu ah Launglung khuapi ah an kalpi hna tiah theih a si.
Cu bantuk thiam in Magway ramthen Saling myone zongah ralhrang nih motor zultu 1 telh in mipi 4 hna cu pawtasuai in an tlaihhna tiah ပြည်သူ့ ညီနောင် -စလင်း in thawngzamh tu nih media sin ah a chim.
Ralhrang hna nih Salin myone chungah mino hna cu pehzulh in pawtasuai in an tlaih hna I tangka an halhna I, tangka a pe kholo mi hna cu ralhrang training kai dingin an kuat hna. Cu bantuk cu September ni 6 zongah khan Yangon-salin-shinphyukyun ah a service mi khualtlawng phurtu motor cungah nu 1 le pa 2 hna cu ralhrang nih pawtasuai in an tlaih hna tiah theih a si.

Khuate lei ah sitcawng kal dingin aitim cuahmah lio mi ralhrang drone in bomb an thlakhnawh hna I ralhrang bawi pakhat t...
15/09/2025

Khuate lei ah sitcawng kal dingin aitim cuahmah lio mi ralhrang drone in bomb an thlakhnawh hna I ralhrang bawi pakhat telh in 6 an thi tiah theih a si.
Sagaing ramthen Yee U khuapi in khuate lei ah sitcawng kalding in aitim cuahmah mi ralhrang hna cu drone in bomb an thlakhnawh hna I ralhrang bawi pakhat telh in ralhrang 6 an thi tiah Yee U myone mipi ralkap in rianngeitu pakhat nih media sin ah a chim.
September ni 14 zinglei suimilam 10:30am tluk ah Yee U khuapi um ralhrang hna cu Yee U khuapi in nitlak lei kam ah ummi khuate hna ah sitcawng kal dingin ဂါဝီပန်းခြံဂိတ် ah an I pumh lio ah mipi ralkap hna nih drone in bomb an thlakhnawh hna ti ah theih a si.
Cu tiin mipi ralkap nih drone in bomb an thlakhnawh hnanak ahcun ralhrang bawi pakhat telh in ralhrang 6 an thi I, 4 nih faak taktak in hliam an tuar fawn tiah theih a si.

Mino Pawtasuai I a kalmi ralhrang hna cu lampi ah an rak kah hnaMagway ramthen Yinanchaung myone Jupkone khua lei in min...
15/09/2025

Mino Pawtasuai I a kalmi ralhrang hna cu lampi ah an rak kah hna
Magway ramthen Yinanchaung myone Jupkone khua lei in mino hna cu pawtawsuai I tlaih dingin a rami ralhrang sitcawng cu lampi ah an rak kahhna I ralhran a thimi le hliamkhuai a tong mi an um tiah Magway ramthen pahkahphah in ralkap pakhat nih media sin ah a chim.
September ni 12 zinglei suimilam 10:30am tluk ah Yinanchaung myone Jupkone khua lei in mino hna pawtasuai tlaih dingin a rami ralhrang minung 50 tluk hna le palik fonh hna cu Magway district pahkahphah nih nih an rak kahhna tiah theih a si.
Cu tiin an rakkah hna hnu ah ralhrang sitcawng cu Yinanchaung khuapi lei ah an kir than. Mah hnu ah Yinanchaung khuapi in ral bawmtu motor 3 an phan than caah mipi ralkap hna cu hnu an kir than tiah theih a si.
Mah kahdohnak chungah cun ralhrang lei in a thimi le hliamtuar an um nain a zat fehter khawh a si rih loh. Mah hnu ah kahdohnak chungah Magway district pahkahphah ralkap lei in pasaltha pakhat nih faaktuk lo in hliam a tuar tiah theih a si.

Ralhrang Kinpung le Gate sakhan drone in bomb an thlakhnawh hna I ralhrang 2 an thiMon pyine Tanphyujayat le Yi myone um...
15/09/2025

Ralhrang Kinpung le Gate sakhan drone in bomb an thlakhnawh hna I ralhrang 2 an thi
Mon pyine Tanphyujayat le Yi myone um ralhrang kinpung le gate sakhan cu drone in bomb an thlakhnawh hna I ralhrang 2 an thi tiah Mon State Revolutionary Force –MSRF in chimnak nawl ngeitu pakhat nih media sin ah a chim.
September ni 13 zanlei suimilam 4:20pm tluk ah Tanphyujayat myone Nitkayin khua lamton pawng ummi tlanglawng lamkam ah kinpung thumi ralhrang hna cu mipi ralkap nih drone in bomb lung 2 an thlakhnawh hna tiah theih a si.

Ralhrang Nih Vanlawng In Sianginn bomb a thlakhnawhnak ruangah a nunnak liam mi 20 an tling cang tiah thanhnak an tuah m...
14/09/2025

Ralhrang Nih Vanlawng In Sianginn bomb a thlakhnawhnak ruangah a nunnak liam mi 20 an tling cang tiah thanhnak an tuah mi in theih a si.
MAH ralkap hna nih Rakhine pyine Kyaukdaw myone tayettapin khua I private sianginn vanlawng in bomb an thlakhnawhnak ah hliamtuar mi chungin sianghngakchia pakhat cu a nunnak liam than I, vanlawng in MAH ralkap hna nih vanlawng in bomb an thlakhnawhnak ah a thimi sianghngakchia an dihlak ah 20 an si cang tiah Arakan Army (AA) nih thanhnak an tuah.
Ralhrang nih September ni 11 zanlai (September 12 zinglei) ah tayettapin khua ah a hmualpin taktak mi pound 500 ritmi lung 2 an thlak mi ruangah sianghngakchia 19 nunnak liam I, sianghngakchia telh in tualchung mi 22 nih hliam an tuar. Cu tiin hliamtuar mi chungah faaktuk in hliamtuar mi cu an thlopbul lio September ni 13 zingah a nunnak liam than tiah AA nih thanhnak an tuah mi in theih a si.

Cycle in Patrolling vaak mi mine an puahhnawh hnaPago ramthen Minhla myoma palik sakhan in cycle in aichok mi palik hna ...
14/09/2025

Cycle in Patrolling vaak mi mine an puahhnawh hna
Pago ramthen Minhla myoma palik sakhan in cycle in aichok mi palik hna cu mine in an dohhna I palik cheukhat khawndennak a um tiah Tharyawady district tatyin 3802 tatkhuai 4 underground guerilla phu-Ohphu in rianngeitu pakhat nih media sin ah a chim.
September ni 13 zan suimilam 8:50pm tluk ah Minhla myoma palik sakhan in cycle in patrolling a kalmi palik hna cu Tantayabali le ဝေဠုဝန် phungki sianginn karlak tibual pawng lampi ah mipi ralkap hna nih an bawhhna I mine an puahhnawh tiah theih a si
Mah tiin mine an puahhnawhhna nak ahcun palik cheukhat hliam an tuar I, zeizat set nih dah an tuar timi belte fehter khawh asi rih loh. Cu tiin thil a can hnu ahcun mipi ralkap lei cu I khawndennak zeihmanh umlo tein an i zukphiak than tiah theih a si.

A Poituk Ee, chungkhar pabik le an nu le an pi an nunnak liam, an fale zongnih hliam an tuarKarennipyi Demosho myone ah ...
14/09/2025

A Poituk Ee, chungkhar pabik le an nu le an pi an nunnak liam, an fale zongnih hliam an tuar
Karennipyi Demosho myone ah ralhrang nih hriamngan mi an kah ruangah chungkhar pakhat ah an pa, nu le an phi an nunnak liam i a dang an fale hna zong hliam an tuar tiah hmunum mipi hna nih an chimnak in le Karenni mi bawmchantu phu CTER I thanhnak an tuah mi in theih a si
September ni 11 zan suimilam 10:30pm ah Karennipyi Demosho myone chungah ralhrang nih hriamngan an kahmi ruangah inn pakhat a khen I chungkhar pakhat in an pa, an nu le an pi minung 3 hna cu an nunnak a liam. Mah chungkhar I an fale hna zong nih hliam an tuar tiah thawngtheih a si.

Address

A-118, Chanakya Place, Uttam Nagar, New Delhi
Delhi
110059

Telephone

+918826238699

Website

Alerts

Be the first to know and let us send you an email when Tiau Tiva posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Tiau Tiva:

Shortcuts

Share