Lungsiatlang

16/09/2025

Ralhrang nih Tualchungmi a tlawmbik 10 an thahhna hlei ah a tlaumi zong an um tiah theih a si.
Sagaing ramthen watlet myone nichuahlei I shintkai khua ah sitcawng kalmi ralhrang hna cu Mattaya myone nitlak lei zongah sitcawng an kalve I, a tlawmbik minung 10 an thahhna I an tlaihmi hna chungin a tlaumi hna zong an um tiah khuami hna sinin theih a si.
July thla lio te khan sitcawng kal in mipi hna cu an thattu ralhrang hna cu sintkai khua ah can saupi hmunkhuar in an um I September ni 1 khan pawngkam khuate hna ah an I choklet tiah theih a si.
Mah ralhrang sitcawng hna nih cun Mattaya myone nitlaklei I Tekung khua ah minung 4, Yatan khua ah minung 3 an thahhna tiah tualchungmi pakhat nih a chim. Mah hnu ah watlet myone le mattaya myone aitonnak ah a ummi khuate sintkai le Mucu khua ah tlaih a tongmi tualchung mi 37 hna chungah 32 cu an luat than nain Mucu khua minung 3 hna cu an tlau tiah tualchung mi nih an chim Mucu khua in a tlaumi minung 3 lak ah pakhat cu an thah tiah theih a si

14/09/2025

(ULF-Union Liberation Front) စစ်ကြောင်းမှူး ကိုနိုင်မင်း ruak thlahnak hmanthlak

13/09/2025

Bomb thlak ah a kalmi ralhrang vanlawng an rak kah
Tanintharyi ramthen, tanintharyimyone Theinkhun khuapawng ah bomb a rak thlatu ralhrang raltuknak vanlawng pakhat cu an rak kah tiah KNU Myeik-Dawai district public & information department nih thanhnak an tuah.
Nizan September ni 12 ah Tanintharyi myone, Mawtaung ramri lampi cung ummi Theinkhun khuapawng ah bomb thlak ah a rami ralhrang jet fighter pakhat cu mipi ralkap bukomh hna nih an rak kah I an khen hnu ah Myeik khuapi lei ah a kirthan tiah KNU nih an chim.
A cunglei langhter mi ralhrang vanlawng kaptu hna cu Karen National Liberation Army tatmaha 4 tang tatyin 11 le mipi ralkap bukomh hna nih an kahmi asi tiah theih a si.

13/09/2025

Woow! Ralhrang pakhat cu meithal zun 2 hlei ah zenkuan he MAH a chuahtak i ai surrender
Karenni pyine Hparosu khuapi hrambunh khahmahyah 428 tatyin in ralhrang pakhat nih meithal zun 2 I put in ai surrender tiah Karenni Army BA-5 in rianngeitu pakhat nih media sin ah a chim.
September ni 2 zinglei suimilam 3 tluk ah hparosu khuapi hrambunh kahmahyah 428 tatyin ah riantuanmi ralhrang pakhat cu meithal zun 2 I ken in Karenni Army BA-5 sin ah ai surrender tiah theih a si.
Mah tiin ai surrender mi ralhrang riantuantu nihcun MA-1 meithal zun khat, MA-3 meithal zuznkhat, kuan bawm 5, kutcheh bomb 1, kuan 250 ai surrender pi chih tiah theih a si.

13/09/2025

Pulaw Sakhan Kahdohnak Ah Ralhrang Sitcawng A Thimi An Tam caah Hnu An Kirthan
Mipi ralkap phu hna nih an lakcia mi Tanintharyi ramthen Pulaw myone ummi ထမင်းမစား khua ralhrang sakhan cu laakthan dingin a kalmi ralhrang hna cu mipi ralkap nih faak tuk in an rak kahhna caah hnu an kirthan tiin KNU nih an chim.
Ralhrang hna cu September ni 9 in ထမင်းမစား khua sakhan cu lak than dingin minung tampi he an va kalhnawh than. Cu tiin ralhrang hna sitcawng an va kal caah cun Karen National Liberation Army hruaimi mipi ralkap phu hna he faak taktak in an I kaap.
Mah ti an I kahnak ahcun ralhrang lei in minung 15 nak tlawmlo an thih hnu ah September ni 10 sitcawng cu hnu an kir than tiah Karen National Union I center in September ni 12 ah thanhnak an tuah.
ထမင်းမစား khua ralhrang sakhan cu KNLA, KNDO tatyin7, tatkhuai2, tatkhuai5, KNLA special force, Pulaw myone PDF hna nih September ni 8 ah an lak khawh tiah theih a si.

04/09/2025

Ushispin Myo Kah-pah-sah pawng ummi guard camp hna cu AA le bukomh ralkap hna nih an kahhna I an lak tiah theih a si.
Pago ramthen Pantaung myone ushispinmyo kah-pah-sah 6 pawng ummi Guard camp hna cu AA le bukomh ralkap hna nih an kahhna I an lak tiah hmun um mipi ralkap thawngzamh tu hna nih media sin ah an chim.
September thla chungah Ushispin myo Pantaung lampi ah a ummi no.6 Defense equipment factory pawng ummi ralhrang hna le AA bukomh ralkap hna karlak ah faak taktak in kahdohnak a chuak tiah theih a si. cu tiin kaphnih karlak kahdohnak chungah cun ralhrang lei a thimi an tam i, cu kah-pah-sah 6 pawng ummi guard camp hna cu AA le bukomh ralkap hna nih an lakkhawh tiah theih a si.
Mah sakhan an laknak kong he pehtlai in AA lei nih phungning tein thawngthanhnak an tuah mi aum rih loh tiah theih a si.

04/09/2025

Meithal le zenkuan I ken in mipi ralkap hna sinah ralhrang minung 12 an I surrender tiah theih a si
Sagaing ramthen Mawlaih myone ralhrang minung 12 hna cu hriamnam le zenkuan I ken in kan sinah an i surrender tiah Mawlaih district no.3 tatyin in rianngeitu pakhat nih Yangon khitthit media sin ah a chim.
Ralhrang ai surrender mi hna hi an I surrender ni le thla cu an I khat hna loh tiah rianngeitu nih cun a chimchih. Ai surrender mi chungin cheukhat cu ralhrang dohtu PDF ah an ttang I, a cheukhat cu anmah duhthimnak in a himnak hmun ah umter an si ti zongah theih a si.
A tu bantuk in ralhrang uknak duhlo in mipi sinah tan a duhmi paoh cu lunglawm tein kan in donpeng hna ti zongah a chim chap.

15/07/2025

Thla 6 Chungah SAC Ralhrang He An I Kah Zat Le A Thimi Zat An Langhter
Pago ramthen nichuah lei Nyaunglaypin distrit chung um KNU tatmaha 3 le SAC ralhrang karlak ah tukum thla 6 chungah kahdohnak voi 300 a chuak cang tiah KNU nih thawngthanhnak an tuah.
Nyaunglaypin district chung um KNU tatmaha 3 hna cu biatak tein an cawlcang I tukum January thla ni 1 in June ni 30 karlak chungah khah kahdohnak a lian/hme in voi 300 a chuak cang. Mah kahdohnak chungah cun SAC ralhrang lei in minung 242 an thi cang I, 189 nih hliam an tuar I, 7 nih an meithal an tun I ralhrang 25 cu an nung tein an tlaih fawn hna nak kong KNU nih cun an langhter.
Mah kahdohnak chungah cun ralhrang hriamnam zong tampi an lak I, an lak mi hi meithal a phunphun an si I, 200 renglo an lak cang nak kong an langhter.
Mah kong hi ralhrang lei nih cun zeihmanh an langhter mi a um loh. Tukum thla 6 chungah Nyaunglaypin district chung I kahdohnak ah hin KNU lei zongin minung 44 nih nunnak an pek I, 127 nih hliam an tuar ve tiah KNU nih theihternak an tuah mi in theih a si.

14/07/2025

Ohchuk Yihmu Nih A Hruaimi Hna Ralhrang 10 An Thi
Magway ramthen Saikphyu township ah ralhrang motor hna le Tanyaung meizung hngak ralhrang hna cu an kah hna I minung 10 an thi tiah mipi ralkap lei in rianngeitu pakhat nih media sin ah a chim.
July ni 10 zinglei suimilam 11:15am ah Saikphy khuapi in motor 4 in ai thawh mi မြို့နယ် အထွေထွေအုပ်ချုပ်ရေး အုပ်ချုပ်ရေး ဦးစီးဌာန ၊အုပ်ချုပ်ရေးမှူး စိန်နားကပ် nih a hruaimi ralhrang minung 50 tluk hna cu Saikphyu-Tanyaung lampi hmun pakhat ah mine an puah hnawh hna I ralhrang 7 hna cu a hmun ah an thi colh minung 3 hna cu faak taktak in hliam an tuar tiah theih a si.
အုပ်ချုပ်ရေးမှူး စိန်နားကပ် amah mipum hrimhrim nih hruai in khuapi he ai naihnak khuate pawl hna ah pawtasuai ah ralhrang pawl cu a kalpi hna tiah theih a si.

14/07/2025

Hngakchia Pakhat Telh In Minung 7 Nunnak Liam Hoi Ee
Karenni ramkulh Bawlakhe myone Mawchi khuapi sang pakhat ah ralhrang hna nih vanlawng in bomb an thlak caah hngakchia 1 telh in minung 7 nunnak a liam I, minung 20 tluk nih hliam an tuar tiah mipi hna nih media sin ah an chim.
Tuni July ni 14 chun suimilam 2:30pm tluk ah Mawchikhuapi sehzunglei riantuanmi hna an umnak sang ah wifi a hmang cuahmah mi hna mipi bu hna cu ralhrang nih vanlawng in bomb an thlak hnawh hna I dawr ngeitu le hngakchia 1 telh in minung 7 nunnak a liam I a dang 20 nih hliam an tuar tiah thawng theih a si.
Cu bantuk thiam in July ni 9 zan suimilam 7:30pm zongah khan Mawchi khuapi bantuk in Lawhti khua cu ralhrang hna nih pound 200 rit mi lung 2 an thlak I minung 6 an rak thi cang I, inn zong tampi a rak rawk cang fawn.

12/06/2025

15/08/2024

LUNGLAWMHNAK

Pathian nih kan fapa Van Biak Thang a zawtnak in damnak tlamtling a pek cang kan i lawmtuk hringhran Pathian min kan thangthat. Kan fapa damlonak kongah lungrethei in kan um lioah Pathian sin thlacamnak in siseh tangka chawva in a kan bawmtu Delhi kan khrihfabu le hawikawm dawtu vialte nan cungah siseh cun hmundang le ramdang ah a ummi chungkhat le dawtu hawikawm vialte nan cungah kan i lawmtuk hringhran. Kan mah nih cun nan kan dawtnak hi kan in cham kho hna lailo sihmanhsehlaw thluachuah a ngeitu kan biakmi kan Pathian tu nih nan herhning in thluachuahnak in pe cio ko hna seh.