PK Channel

30/08/2026

တစ်ကြိမ်တစ်ခါတော့
စျေးပေါခဲ့ဖူးတာပဲ မဟုတ်လား

တစ်ကြိမ်တစ်ခါတော့
စျေးပေါခဲ့ဖူးတာပဲ မဟုတ်လား

ထွက်သွားချင်နေတဲ့လူတစ်ယောက်ကို
အတင်းဆွဲထားပြီး
တစ်နေ့တော့ နေလို့ပျော်လာမှာပါဆိုပြီး
ယုံကြည်နေခဲ့ဖူးတယ်

မချစ်တော့ဘူးဆိုပြီး
ခါးခါးသီးသီး ဖြစ်နေတာကို
ငါတော့ ချစ်တယ်လေဆိုပြီး
အရှက်မဲ့ခဲ့ဖူးတယ်

မပြောချင်တဲ့ လူတစ်ယောက်ဆီကို
ဖုန်းတွေ ခဏခဏ ခေါ်မိသလို
မဖတ်ချင်တဲ့ စာတွေလဲ
ခဏခဏ ပို့မိတာပါပဲ

မာန... မရှိဘူးလား
အမှတ်မရှိလားဆိုတဲ့ စကားတွေကြားမှာ
သူမရှိပဲနဲ့ မနေနိုင်တာဆိုပြီး
မျက်ရည်တွေ ကျခဲ့ဖူးတာပါပဲ

အဆုံးသတ်တွေက
ကိုယ်တွေးထားသလို
ဖြစ်မလာတာလေးရယ်

သူ့အတွက်
ကိုယ်က စျေးအရမ်းပေါခဲ့မိတာရယ်
ဒါပဲ ...ပြန်ရလာခဲ့တာပါ ။

#ကျေးကို
(ရင်နှင့်ရင်း၍ရေးသည်)

28/08/2026

ခံစားချက် 🥺😳

28/08/2026

Nepal

27/08/2026

နီပေါနဲ့ တိဗက်နယ်စပ် ရေကြီး၊ မြေပြိုမှုကြောင့် ရွာလုံးကျွတ် ရေထဲမျောပြီး သေဆုံးသူ ၁၆၅ ဦး ရှိလာ၊ လူရာပေါင်းများစွာလည်း ပျောက်ဆုံးနေ

နီပေါနဲ့ တိဗက်နယ်စပ်မှာ ရုတ်တရက် ရေကြီးပြီး မြေပြိုမှုတွေကြောင့် ကျေးရွာတစ်ရွာလုံး ရေထဲမျောပါသွားတဲ့အပြင် လူပေါင်း ၁၆၅ ဦး သေဆုံးပြီး ရာပေါင်းများစွာ ပျောက်ဆုံးနေတယ်လို့ AFP သတင်းမှာ ဖော်ပြပါတယ်။

တရုတ်နိုင်ငံဘက်ခြမ်းကနေ ရိုက်ကူးထားတဲ့ လုံခြုံရေးကင်မရာ ရုပ်သံမှတ်တမ်းမှာတော့ အထပ်ပေါင်းများစွာမြင့်တဲ့ အဆောက်အအုံတစ်ခုအပေါ် ဧရာမ ရွှံ့နွံနဲ့ သဲကျောက်တောင်နံရံကြီး ဗုဒ္ဓဟူးနေ့က ပြိုကျလာတာကို တွေ့မြင်ရပါတယ်။

ဒီလိုပြိုကျလာတာကြောင့် လူဒါဇင်ပေါင်းများစွာဟာ အသက်ဘေးက လွတ်မြောက်ဖို့ ရုန်းကန်ပြေးလွှားနေတုန်းမှာပဲ အဲ့ဒီ အဆောက်အအုံကို ရေဖုံးလွှမ်းသွားတာကို ထိတ်လန့်ဖွယ် တွေ့မြင်ရပါတယ်။ ဒီရေစီးကြောင်းဟာ ကားတွေကိုတောင် ကလေးကစားစရာ အရုပ်တွေလို မျောပါစေခဲ့တာကိုလည်း တွေ့မြင်ရပါတယ်။

ဆူနာမီလှိုင်းလုံးတွေလို စီးဆင်းလာတဲ့ ရေနဲ့ ရွှံ့နွံတွေဟာ နီပေါနိုင်ငံ မြောက်ပိုင်း တိဗက်နယ်စပ်မှာရှိတဲ့ ဘုတ်ထေးကိုရှီ (Bhote Koshi) နဲ့ တရီရှုလီ (Trishuli) မြစ်နှစ်စင်းထဲကို တိုးဝင်လာခဲ့ပြီး ဒီမြစ်နှစ်စင်းရဲ့ လမ်းကြောင်းပေါ်မှာရှိတဲ့ ကျေးရွာတွေနဲ့ မြို့တွေကို ရိုက်ခတ်သွားခဲ့ပါတယ်။

နီပေါနိုင်ငံ တစ်ဖက်ခြမ်း တီဗက်၊ ဂိုင်ရွန်ဆိပ်ကမ်းမှာဖြစ်ခဲ့တဲ့ မြေပြိုမှုကြောင့် လူ ၃ ဦးသေဆုံးပြီး လူပေါင်း ၂၆၅ ဦးပျောက်ဆုံးနေတယ်လို့ တရုတ်အစိုးရက ဆိုပါတယ်။

27/08/2026

ဘဝမှာ အရာရာတိုင်းကို ကိုယ်လိုချင်သလို ဖြစ်လာမှာ
မဟုတ်ပါဘူး။

ဘဝမှာ အရာရာတိုင်းကို ကိုယ်လိုချင်သလို ဖြစ်လာမှာ
မဟုတ်ပါဘူး။

မဖြစ်သင့်တာတွေ ဖြစ်လာတဲ့အခါ စိတ်ဆိုးတာ၊ စိတ်ပျက်တာ၊ စိုးရိမ်တာတွေ ဖြစ်တတ်ပါတယ်။ ဒါပေမယ့် အခက်အခဲတိုင်းကို စိတ်ရှုပ်ပြီး တုံ့ပြန်နေမယ့်အစား အေးအေးဆေးဆေး စဉ်းစားတတ်ဖို့က ပိုအရေးကြီးပါတယ်။

ပညာရှိတဲ့သူဆိုတာ အရာရာကို သိတဲ့သူမဟုတ်ပါဘူး။ ဘယ်အချိန်မှာ ပြောသင့်တယ်၊ ဘယ်အချိန်မှာ
တိတ်တိတ်နေသင့်တယ်၊ ဘယ်အရာကို လက်လွှတ်
သင့်တယ်ဆိုတာ သိတဲ့သူ ဖြစ်ပါတယ်။

လူတိုင်းရဲ့စကားကို လိုက်ခံစားနေမယ်ဆိုရင် ကိုယ့်စိတ် ပင်ပန်းရပါလိမ့်မယ်။ ကိုယ့်ဘဝနဲ့ မသက်ဆိုင်တဲ့အရာတွေကို လိုက်ပြီး စိတ်မပူပါနဲ့။ ပြောင်းလဲလို့ရတဲ့အရာကို အားထုတ်ပါ။ ပြောင်းလဲလို့မရတဲ့အရာကိုတော့ လက်ခံပြီး ရှေ့ဆက်ပါ။

စိတ်အေးချမ်းမှုဟာ အရာအားလုံးကို ရရှိထားခြင်းထက်
ပိုတန်ဖိုးရှိပါတယ်။

တခါတလေ မတုံ့ပြန်ခြင်းက အကောင်းဆုံးတုံ့ပြန်မှု ဖြစ်တတ်ပါတယ်။ တိတ်တိတ်လေးနေပြီး ကိုယ့်ဘဝကို
ပိုကောင်းအောင် တည်ဆောက်သွားပါ။

စိတ်မရှုပ်ပါနဲ့။ စိတ်အေးအေးထားပါ။ ပညာရှိရှိနေထိုင်ပါ။ ကိုယ့်ဘဝကို ကိုယ်တိုင်တန်ဖိုးရှိအောင် ဖန်တီးပါ။

“စိတ်အေးလေ၊ ဉာဏ်ရှင်းလေ။
စိတ်ရှုပ်လေ၊ အမှားများလေ။”

27/08/2026

Nepal JCB ကားဆရာကြည့်ပါအုံး

26/08/2026

လက်လွှတ်ခြင်းဆိုတာ အရှုံးမဟုတ်ဘူး

#လက်လွှတ်ခြင်းဆိုတာအရှုံးမဟုတ်ဘူး
~~~~~~~~~~~~~~~~~~~~~~~~~~~~
မနေချင်တော့တဲ့သူကို
ချည်ထားလို့ မရဘူး…
မမြဲချင်တော့တဲ့သူကို
ဆွဲထားလို့လည်း မရဘူး။

လူတစ်ယောက်ရဲ့ နှလုံးသားထဲမှာ
ကိုယ်မရှိချင်တော့တဲ့အချိန်ရောက်လာရင်
ကိုယ့်ရဲ့အချစ်တွေ ဘယ်လောက်နက်ရှိုင်းနေပါစေ၊
ကိုယ့်ရဲ့သစ္စာတွေ ဘယ်လောက်ကြီးမားနေပါစေ
သူ့စိတ်ကို ပြန်လည်ချည်နှောင်ထားလို့ မရတော့ဘူး။

ချစ်ခြင်းဆိုတာ
တစ်ယောက်ကို ကိုယ့်ဘဝထဲမှာ
အတင်းအကျပ်ထားရှိခြင်း မဟုတ်ဘူး။
တစ်ခါတလေချစ်လွန်းလို့ပဲ လွှတ်ပေးရတာရှိတယ်။

သူ့အတွက် ကိုယ်မလိုအပ်တော့ဘူးဆိုတာ
သိလာတဲ့အခါ ကိုယ့်မာနကို တစ်ဖက်မှာထားပြီး
သူ့လက်ကို ဆက်ဆွဲထားဖို့ထက်
ကိုယ့်လက်ကိုယ် ပြန်လွှတ်ပေးနိုင်ဖို့က ပိုခက်တယ်။

ဘာကြောင့်လဲဆိုတော့
လက်လွှတ်လိုက်တဲ့အခါ
လူတစ်ယောက်ကိုပဲ ဆုံးရှုံးတာမဟုတ်ဘူး။
အတူတူဖြတ်သန်းခဲ့တဲ့နေ့ရက်တွေ၊
မဖြစ်လာတော့မယ့် အနာဂတ်အိပ်မက်တွေ၊
တစ်နေ့နေ့မှာ ပြန်ကောင်းလာမယ်ဆိုတဲ့ မျှော်လင့်ချက်တွေကိုပါ
တစ်ပြိုင်နက်တည်း မြှုပ်နှံပစ်ရတာဖြစ်လို့ပါ။

ဒါပေမယ့်…
ချစ်ခြင်းမှာ သိက္ခာဆိုတာလည်း ရှိတယ်။
ကိုယ့်ကို မရွေးချယ်တော့တဲ့သူကို
“ငါ့ကို မထားခဲ့ပါနဲ့” လို့ တောင်းပန်နေခြင်းထက်
“မင်းသွားချင်ရင် သွားပါ…
မင်းပျော်ရွှင်နိုင်မယ့်နေရာမှာ ရှိပါစေ”
လို့ တိတ်တိတ်လေး ပြောနိုင်ခြင်းက
တကယ့်အချစ်ရဲ့ နောက်ဆုံးအလှတရား
ဖြစ်နိုင်တယ်။

တစ်ဖက်လူက
အတူမရှိချင်တော့တာ သေချာနေပြီဆိုရင်
ကိုယ်တစ်ယောက်တည်းရဲ့ ကြိုးစားမှုနဲ့
ဆက်ဆံရေးတစ်ခုကို အသက်ရှင်အောင်
မလုပ်နိုင်တော့ဘူး။

နှစ်ယောက်စလုံး လိုချင်မှ
အတူရှိခြင်းက အဓိပ္ပါယ်ရှိတယ်။
တစ်ယောက်က နေချင်ပြီး
တစ်ယောက်က ထွက်သွားချင်နေပြီဆိုရင်
အဲဒီဆက်ဆံရေးဟာ
အချစ်ထက် ပိုပြီး နာကျင်စရာကောင်းတဲ့
စောင့်ဆိုင်းခြင်းတစ်ခု ဖြစ်လာတတ်တယ်။

ဒါကြောင့်
ချစ်တယ်ဆိုပြီး ချည်မထားပါနဲ့။
မဆုံးရှုံးချင်ဘူးဆိုပြီး ဆွဲမထားပါနဲ့။
လူတစ်ယောက်ရဲ့ လွတ်လပ်ခွင့်ကို လေးစားပေးနိုင်ခြင်းကလည်း ချစ်ခြင်းတစ်မျိုးပါပဲ။

တစ်ခါတလေ
“မင်းကို မဆုံးရှုံးချင်ဘူး” ဆိုတဲ့စိတ်ကို
ကျော်လွန်ပြီး
“မင်းမပျော်တော့ရင် ငါ့အနားမှာ မနေပါနဲ့”
လို့ ပြောနိုင်တဲ့အထိ ရင့်ကျက်လာရတယ်။

အဲဒီအချိန်မှာ
လက်လွှတ်ခြင်းဟာ အရှုံးမဟုတ်တော့ဘူး။
ကိုယ့်အချစ်ကို နောက်ဆုံးအကြိမ် ဂုဏ်သိက္ခာရှိရှိ သက်သေပြခြင်း ဖြစ်လာတယ်။

တကယ်တော့
ချစ်ခြင်းမေတ္တာရဲ့ နောက်ဆုံးအဆင့်ဟာ
အမြဲတမ်း “ပိုင်ဆိုင်ခြင်း” မဟုတ်ဘူး။

တစ်ခါတလေတော့…
ချစ်နေသေးပေမယ့် မတားတော့ခြင်း၊
နာကျင်နေသေးပေမယ့် မဆွဲတော့ခြင်း၊
မေ့မရသေးပေမယ့် လွှတ်ပေးလိုက်ခြင်း…

အဲဒါဟာ
ကိုယ်ချစ်ခဲ့ဖူးတဲ့သူအပေါ်ထားနိုင်တဲ့
နောက်ဆုံးသော မေတ္တာဖြစ်သလို၊
ကိုယ့်ကိုယ်ကိုယ် ပြန်လေးစားလိုက်ခြင်းလည်း ဖြစ်တယ်။

မောင်ပြည့်(အတွေးအမြင်)

25/08/2026

မဖတ်မိလို့ နောင်တမရမိပါစေနဲ့
လဲကျရင်ပြန်ထပါ

မဖတ်မိလိုက်လို့ နောင်တမရမိပါစေနဲ့…

ဒီစာလေးဟာ ဘဝကို တစ်ကိုယ်တည်း ရုန်းကန်ကြိုးစားနေရတဲ့သူတွေအားလုံးအတွက် စိတ်ဓာတ်ခွန်အားတစ်ခု ဖြစ်စေမှာပါ။

(၁) စိတ်မလျှော့လိုက်ပါနဲ့။

တစ်ခါတလေ ဘဝမှာ အရှုံးတွေချည်းပဲ ဆက်တိုက်ကြုံရတဲ့အချိန်တွေ ရှိတတ်ပါတယ်။

ဒါပေမယ့် အဲဒီလိုအချိန်မျိုးမှာ လုံးဝစိတ်မလျှော့လိုက်ပါနဲ့။
ဒုက္ခဆိုတာလည်း ထာဝရမဟုတ်ပါဘူး။ ခဏတာပဲ ဖြစ်ပါတယ်။

ဒီတစ်ကြိမ်ကို ကျော်လွှားနိုင်လိုက်တာနဲ့ အောင်မြင်မှုတွေက သင့်ဘက်ကို ရောက်လာနိုင်ပါတယ်။ ဒါကြောင့် စိတ်လျှော့ဖို့ လုံးဝမစဉ်းစားလိုက်ပါနဲ့။

အောင်မြင်မှုဆိုတာ တစ်ခါတလေ ဆုံးရှုံးမှုနဲ့ လက်တစ်ကမ်းအကွာမှာပဲ ရှိတတ်တာကြောင့် လက်တစ်ကမ်းအလိုမှာ အားလျော့ပြီး လက်လျှော့လိုက်မိမှာကို သတိထားပါ။

(၂) လဲကျရင် ပြန်ထပါ။

ဘဝဆိုတာ အကြိမ်ကြိမ်လဲကျပြီး အကြိမ်ကြိမ်ပြန်ထလာမှ ပိုပြီးအဓိပ္ပါယ်ရှိလာတာပါ။

မလဲကျဖူးတဲ့သူဆိုတာ မရှိပါဘူး။

အခု သင်မြင်နေရတဲ့ အောင်မြင်နေသူတွေ၊ ဘဝရဲ့ထိပ်ဆုံးနေရာကို ရောက်နေသူတွေအားလုံးဟာလည်း လောကဓံရဲ့ အရိုက်အပုတ်၊ အထုအထောင်းတွေကို အကြိမ်ကြိမ်ခံခဲ့ရပြီးမှ အဲဒီနေရာကို ရောက်လာကြတာပါ။

သူတို့သာ လဲကျတိုင်း ပြန်မထခဲ့ဘူးဆိုရင် အခုလိုအောင်မြင်မှုမျိုးကို ရရှိနိုင်မှာမဟုတ်ပါဘူး။

ဒါကြောင့် သင်လဲကျခဲ့ရင်လည်း မရှက်ပါနဲ့။
ပြန်ထပါ။ ဆက်လျှောက်ပါ။

(၃) အရှုံးထဲက အမြတ်ယူပါ။

ဘဝမှာ ခက်ခဲကြမ်းတမ်းမှုတွေနဲ့ ခါးသီးတဲ့အတွေ့အကြုံတွေ အများကြီးကို ရင်ဆိုင်ကြုံတွေ့ရမှာပါ။

ဒါပေမယ့် အဲဒီလိုအချိန်မျိုးမှာ သင်သိထားရမှာက—

အဆိုးတိုင်းမှာ အကောင်းတစ်ခုခု အမြဲတမ်းတွဲပါလာတတ်တယ် ဆိုတာပါပဲ။

အနည်းဆုံးတော့ သင့်ကို အတွေ့အကြုံအသစ်တစ်ခု ရစေပါတယ်။
အခက်အခဲတွေကို ရင်ဆိုင်နိုင်တဲ့ ခံနိုင်ရည်စွမ်းကိုလည်း ပိုမိုမြင့်မားလာစေပါတယ်။

ဒါကိုယ်တိုင်က အမြတ်တစ်ခု မဟုတ်ဘူးလား။

တခြားအမြတ်တွေလည်း အများကြီးရှိပါသေးတယ်။
ဖြစ်လာသမျှထဲက သင်ခန်းစာကို ယူတတ်အောင်ယူပါ။

(၄) ဝေမျှပါ။

သင့်ဘဝဟာ ဘယ်လောက်ပဲ ခက်ခဲနေပါစေ၊ သင့်ထက် ပိုခက်ခဲနေတဲ့သူတွေ အများကြီးရှိပါတယ်။

ဒါကြောင့် သူတစ်ပါးကို ကူညီဖို့၊ ဝေမျှဖို့ အမြဲစဉ်းစားပေးပါ။

နည်းတာများတာ အသာထားပါ။
သင်တတ်နိုင်သလောက်လေးပဲဖြစ်ဖြစ် သူတစ်ပါးကို ကူညီကြည့်ပါ။ သူတစ်ပါးအတွက်လည်း စဉ်းစားပေးကြည့်ပါ။

အဲဒီလိုလုပ်ပေးခြင်းက သင့်ကို ပိုပြီးကြိုးစားချင်စိတ် ဖြစ်လာစေမှာပါ။

တစ်နေ့နေ့မှာ သင်လိုချင်တဲ့အရာတွေကို ပိုင်ဆိုင်လာပြီး သူတစ်ပါးကို စိတ်ချမ်းသာစွာ ပေးကမ်းနိုင်လာတဲ့အခါ မျှဝေပေးခြင်းကနေ ရလာတဲ့ ပီတိရဲ့အရသာ ကို သင်ကိုယ်တိုင် ကောင်းကောင်းနားလည်လာပါလိမ့်မယ်။

အထူးသဖြင့် စိတ်လှုပ်ရှားနေတဲ့အချိန်၊ ဒေါသထွက်နေတဲ့အချိန်တွေမှာလည်း သူတစ်ပါးအပေါ် နားလည်ပေးပြီး ကူညီမျှဝေခြင်းက ကိုယ့်စိတ်ကို တည်ငြိမ်အေးချမ်းစေတဲ့ နည်းလမ်းကောင်းတစ်ခု ဖြစ်နိုင်ပါတယ်။

(၅) စာဖတ်ပါ။

ဘဝကို တစ်ယောက်တည်း ကြိုးစားရုန်းကန်ပြီး ကိုယ့်ထူးကိုယ်ချွန်နဲ့ ရပ်တည်နေရတဲ့သူတွေအတွက် အကောင်းဆုံးလမ်းညွှန်ပေးနိုင်တာကတော့ စာအုပ်စာပေတွေ ပါပဲ။

ဒါကြောင့် သင့်အသိအလိမ္မာကို တိုးပွားစေမယ့်စာတွေ၊ စိတ်ဓာတ်ခွန်အားပေးနိုင်မယ့်စာတွေ၊ ဘဝလမ်းမှန်ကို ညွှန်ပြပေးနိုင်မယ့်စာတွေကို အမြဲတမ်းဖတ်ပါ။

အချိန်ပေးပြီး ဖတ်ပါ။
စဉ်းစားပြီး ဖတ်ပါ။
လက်တွေ့ဘဝမှာ အသုံးချပြီး ဖတ်ပါ။

စာအုပ်တစ်အုပ်က သင့်ဘဝကို ချက်ချင်းပြောင်းလဲပေးနိုင်ချင်မှ ပေးနိုင်ပါလိမ့်မယ်။

ဒါပေမယ့် စာတစ်ကြောင်း၊ အတွေးတစ်ခု၊ သင်ခန်းစာတစ်ခုကတော့ သင့်ဘဝရဲ့ လမ်းကြောင်းကို ပြောင်းလဲပေးနိုင်ပါတယ်။

ဘဝမှာ တစ်ယောက်တည်း ရုန်းကန်နေရတယ်ဆိုပြီး စိတ်မလျှော့လိုက်ပါနဲ့။
လဲကျရင် ပြန်ထပါ။
အရှုံးထဲက အမြတ်ယူပါ။
တတ်နိုင်သလောက် ဝေမျှပါ။
ပြီးတော့ စာဖတ်ပြီး ကိုယ့်ဘဝကို ကိုယ်တိုင်ပဲ့ကိုင်ပါ။

တစ်နေ့နေ့မှာ သင်ရုန်းကန်ခဲ့သမျှတွေဟာ
နောင်တမဟုတ်ဘဲ ဂုဏ်ယူစရာအမှတ်တရတွေ ဖြစ်လာပါလိမ့်မယ်။ 🌿

#နှင်းဆီစာပေ
#ဘဝသင်ခန်းစာ
#စိတ်ခွန်အား
#အတွေးအမြင်
#ဘဝအမှန်တရား
#ရိုးသားမှု
#လေးစားမှု









နှင်းဆီ စာပေ

22/08/2026

ကြိုးစားပါ

တိတ်တိတ်လေးကြိုးစား ရလဒ်နဲ့စကားပြောပါ..

လူတိုင်းက အောင်မြင်ချင်တယ်လို့ ပြောနိုင်တယ်။
ဒါပေမယ့် လူတိုင်းက အောင်မြင်ဖို့ လိုအပ်တဲ့ ပေးဆပ်မှုကိုတော့ မခံနိုင်ကြဘူး။

တချို့က စပြီး မကြာခင် လက်လျှော့တယ်။
တချို့က ခက်ခဲတာနဲ့ နောက်ပြန်လှည့်တယ်။
တချို့ကတော့ အကြောင်းပြချက်တွေကိုပဲ ရှာနေတယ်။

ဒါပေမယ့် တကယ်အောင်မြင်တဲ့လူတွေက မတူဘူး။

ဘယ်သူမှ မမြင်တဲ့အချိန်မှာ ကြိုးစားတယ်။
ဘယ်သူမှ မချီးကျူးသေးတဲ့အချိန်မှာ ဆက်လုပ်တယ်။
ရလဒ်မပေါ်သေးတဲ့အချိန်မှာတောင် ကိုယ့်ကိုယ်ကို မယုံကြည်မှု မပျောက်စေဘူး။

သူတို့သိတာ တစ်ခုပဲရှိတယ်…

ဒီနေ့လုပ်တဲ့ အလုပ်က မနက်ဖြန်ရဲ့ ဘဝကို ဆုံးဖြတ်ပေးမယ် ဆိုတာ။

ဒါကြောင့် အသံကျယ်ကျယ် မပြောနဲ့။
ကတိတွေ အများကြီး မပေးနဲ့။

တိတ်တိတ်လေး ကြိုးစား… တစ်နေ့ကျရင် မင်းရဲ့ရလဒ်က မင်းအစား စကားပြောလိမ့်မယ်။



#ပေါင်းသင်းဆက်ဆံခြင်းအနုပညာ

21/08/2026

Doctor ၄ ခါရသွားပြီ

ရုရှားကို သမ္မတအနေနဲ့ ရောက်ရှိနေတဲ့ အာဏာသိမ်း သမ္မတမင်းအောင်လှိုင်ကို မော်စကိုမြို့ G.V. Plekhanov စီးပွားရေး တက္ကသိုလ်ကနေ ဂုဏ်ထူးဆောင် ပါမောက္ခဘွဲ့ ချီးမြှင့်လိုက်ပါတယ်။ ဒီအတွက် သူဟာ မသင်ကြား မတက်ရောက်ပဲ ပါရဂူလေးထပ်ကွမ်း ဖြစ်လာခဲ့ပြီ ဖြစ်ပါတယ်။

၂၀၂၁ ဇွန်လတုန်းက စစ်ကောင်စီဥက္ကဌ အနေနဲ့ ရုရှားကို သွားရောက်စဥ် ရုရှား စစ်တက္ကသိုလ်ကနေ မင်းအောင်လှိုင်ကို ဂုဏ်ထူးဆောင် ပါမောက္ခဘွဲ့ ချီးမြှင့် ခဲ့ပါတယ်။

၂၀၂၃ ဧပြီလဆန်းပိုင်းမှာတော့ ရုရှားသိပ္ပံအကယ်ဒမီ၊ အရှေ့တိုင်းလေ့လာရေး အင်စတီကျူ့ရဲ့ President က နေပြည်တော်ကို လာရောက်ပြီး ဂုဏ်ထူးဆောင် ဒေါက်တာဘွဲ့ ချီးမြှင့်ခဲ့တာဖြစ်ပါတယ်။

ရန်ကုန်တက္ကသိုလ်ကလည်း အခုနှစ် ဖေဖေါ်ဝါရီ ၅ ရက်နေ့မှာ မင်းအောင်လှိုင်ကို ပြည်သူ့ရေးရာ စီမံခန့်ခွဲမှု ဂုဏ်ထူးဆောင် ပါရဂူဘွဲ့ ချီးမြှင့်ခဲ့တာဖြစ်လို့ အခုဆိုရင် သူဟာ မြန်မာနိုင်ငံက ပါရဂူဘွဲ့ လေထပ်ကွမ်း ရရှိသူ ဖြစ်လာခဲ့ပါတယ်။


MOMNO News Media