10/01/2026
ଭ୍ୟୁ ପାଇଁ ଜୀବନ ବିକ୍ରି
ସମାଜ କେଉଁ ଆଡକୁ ଯାଉଛି?
ହାତରେ ଗରମ ଚାହା ଧରିବା, ଅଣ୍ଡା ଭାଙ୍ଗି “ପ୍ରେମ ପରୀକ୍ଷା” ଦେବା ଏଭଳି ଭିଡିଓ ତଥା ଫଟୋ ସୋସିଆଲ ମିଡିଆରେ ଘୁରି ବୁଲୁଛି। ଏହାକୁ କେହି ଟ୍ରେଣ୍ଡ ବୋଲି କହୁଛି, କେହି ମନ ଖୁସି ତଥା ଗଭୀର ପ୍ରେମ ବୋଲି ବ୍ୟକ୍ତ କରୁଛି।
କିନ୍ତୁ ପ୍ରଶ୍ନ ହେଉଛି ?
ଏହା ସତରେ ମଜା, ନା ସମାଜିକ ପତନର ଜୀବନ୍ତ ଉଦାହରଣ?
କେବଳ କିଛି ଭ୍ୟୁ, ଲାଇକ୍ ଓ ଫଲୋଅର୍ ପାଇଁ ଆଜି ଯୁବପିଢି ନିଜ ଶରୀରକୁ ଯନ୍ତ୍ରଣା ଦେବାକୁ ପଛାଉନାହିଁ। ଏହା କୌଣସି ସୃଜନଶୀଳତା ନୁହେଁ, ଏହା ଦେଖେଇ ହେବା ପାଇଁ ତଥା ନିଜ ସମ୍ମାନକୁ ନିଲାମ କରିବାର ନୂଆ ଟ୍ରେଣ୍ଡ। ପ୍ରେମର ନାଁ ନେଇ ଯଦି ଜଣେ ଲୋକ ନିଜକୁ କିମ୍ବା ଅନ୍ୟକୁ ଯନ୍ତ୍ରଣା ଦେଉଛି, ତେବେ ସେ ପ୍ରେମୀ ନୁହେଁ, ସେ ନିଜେ ଓ ସମାଜ, ଉଭୟ ପାଇଁ ବିପଦ। ଆଜିର ଦୁଃଖଦ ସତ୍ୟ ହେଉଛି ସୋସିଆଲ ମିଡିଆ ଲୋକଙ୍କୁ ମଣିଷ ରଖୁନାହିଁ, ଭ୍ୟୁ ମେସିନ୍ କରିଦେଉଛି। କଣ୍ଟେଣ୍ଟର ନାଁ ନେଇ ଅସଭ୍ୟତା, ମୂର୍ଖତା ଓ ଆତ୍ମକ୍ଷତିକୁ ସ୍ଥିର କରାଯାଉଛି। ଏଭଳି ପାଗଳାମୀ ବନ୍ଦ ହେଉ ✍️🕊️🙏।
ପ୍ରେମ ମାନେ କ୍ଷତି କରିବା କାମ ନୁହେଁ।
ପ୍ରେମ ମାନେ ଅଭିନୟ ନୁହେଁ।
ପ୍ରେମ ମାନେ ଦାୟିତ୍ୱ, ସମ୍ମାନ ଓ ସୁରକ୍ଷା।
ଆଜି ଗୋଟେ ରିଲ୍ସ ପାଇଁ କରାଯାଇଥିବା ମୂର୍ଖତା, କାଲି ସାରାଜୀବନ ପାଇଁ ଅନୁତାପ ହୋଇପାରେ। ଏହା କେବଳ ବ୍ୟକ୍ତିଗତ ସମସ୍ୟା ନୁହେଁ ଏହା ସମାଜର ଚିନ୍ତାଧାରା ଉପରେ ଏକ ଗଭୀର ପ୍ରଶ୍ନଚିହ୍ନ। ଏବେ ବି ସମୟ ଅଛି
ଭ୍ୟୁକୁ ନୁହେଁ, ଜୀବନକୁ ମୂଲ୍ୟ ଦେବା ଶିଖିବା।
