D দৰ্পণ Digital

D দৰ্পণ Digital Assamese Daily newspaper, Doornitir Darpan newspaper D দৰ্পণ Digital A Assamese Daily Newspaper Doornitir Darpan , Published From Dhubri Districts.

01/08/2025

ৰামদিয়াৰ গেন্ধেলীতাৰী-হীৰাপাৰা সংযোগী পথৰ বাঁহৰ দলং খনে উদঙাইছে উন্নয়নৰ ফোঁপোলা স্বৰূপ, কাণসাৰ নাই বিভাগীয় কৰ্তৃপক্ষ, বিধায়িকা সুমন হৰিপ্ৰিয়াৰ

মৰিগাঁও জিলা পৰিষদ গঠনেৰে নৱ-নিৰ্বাচিত প্ৰতিনিধিসকলৰ শপত গ্ৰহণ, প্ৰণতি কলিতা ডেকাক অধ্যক্ষা আৰু অৰ্চনা পাটৰক উপ-সভাপতি ন...
01/08/2025

মৰিগাঁও জিলা পৰিষদ গঠনেৰে নৱ-নিৰ্বাচিত প্ৰতিনিধিসকলৰ শপত গ্ৰহণ, প্ৰণতি কলিতা ডেকাক অধ্যক্ষা আৰু অৰ্চনা পাটৰক উপ-সভাপতি নিৰ্বাচিত

দুৰ্নীতিৰ দৰ্পণ, , মৰিগাঁও, ১ আগষ্ট: : : : বহু জল্পনা কল্পনাৰ অন্তত অধ্যক্ষা ৰূপে প্ৰণতি কলিতা ডেকা আৰু উপ-সভানেত্ৰী অৰ্চনা পাটৰক নিৰ্বাচিত কৰি আজি মৰিগাঁও জিলা পৰিষদখন আনুষ্ঠানিক ভাবে গঠন কৰা হয়৷ ইয়াৰ সমান্তৰালকৈ মৰিগাঁও জিলা পৰিষদৰ কাৰ্য্যালয়ৰ সভাকক্ষত আজি পুৱাৰ ভাগত জিলা খনৰ তিনিটা বিধানসভা সমষ্টি ক্ৰমে মৰিগাঁও, লাহৰীঘাট আৰু জাগীৰোড সমষ্টিৰ অন্তৰ্গত জিলা পৰিষদৰ নৱ-নিৰ্বাচিত প্ৰতিনিধিসকলক শপত গ্ৰহণ কৰাই ইয়াৰ প্ৰথম সভা অনুষ্ঠিত কৰা হয়৷ এই সভাত উপস্থিত নৱ-নিৰ্বাচিত সদস্যসকলে পৰিষদৰ কাৰ্যপদ্ধতি অধিক ফলপ্ৰসূ আৰু জনমুখী কৰাৰ ওপৰত গুৰুত্ব আৰোপ কৰে৷ লগতে সভাপতি আৰু উপ-সভাপতিৰ নেতৃত্বত জিলাখনৰ সামগ্ৰীক উন্নয়নৰ বাবে স্বচ্ছতা আৰু দায়বদ্ধতাৰ সৈতে একগোট হৈ কাম কৰাৰ দৃঢ় সংকল্প গ্ৰহণ কৰে৷ সভাত অসম চৰকাৰৰ জলসম্পদ, তথ্য আৰু জনসংযোগ ইত্যাদি বিভাগীয় মন্ত্ৰী পীযুষ হাজৰিকা, মৰিগাঁৱৰ বিধায়ক ৰমাকান্ত দেউৰী, অসম যুৱ আয়োগৰ সদস্য তথা মৰিগাঁও জিলা পঞ্চায়ত নিৰ্বাচনৰ সহঃ তত্ত্বাৱধায়ক ৰাতুল শৰ্মা, জিলা আয়ুক্ত অনামিকা তেৱাৰী, জিলা পৰিষদৰ মুখ্য কাৰ্যবাহী বিষয়া অনন্ত কুমাৰ গগৈ সহ বহুকেইটা চৰকাৰী বিভাগৰ বিষয়া আৰু গণ্যমান্য ব্যক্তি উপস্থিত থাকে৷

কোচৰাজবংশী সংগ্ৰাম সমিতিৰ গোলকগঞ্জ সমজিলাৰ আয়ুক্তৰ কাৰ্যালয়ত স্মাৰক পত্ৰ দুৰ্নীতিৰ দৰ্পণ, আগমনি, ০১ আগষ্ট ঃ ধুবুৰী জিলা ...
01/08/2025

কোচৰাজবংশী সংগ্ৰাম সমিতিৰ গোলকগঞ্জ সমজিলাৰ আয়ুক্তৰ কাৰ্যালয়ত স্মাৰক পত্ৰ
দুৰ্নীতিৰ দৰ্পণ, আগমনি, ০১ আগষ্ট ঃ ধুবুৰী জিলা কোচৰাজবংশী সংগ্ৰাম সমিতি চমুকৈ (KRSS) আৰু ধুবুৰী কোচ ৰাজবংশী মহিলা সংগ্ৰাম সমিতিৰ তৰফৰ পৰা অসম চৰকাৰ তথা ভাৰত চৰকাৰক আন্তৰিক শুভেচ্ছা জ্ঞাপন কৰিলে৷ মহোদয় জীয়া ভূমি পুত্ৰ কোচৰাজবংশী জনগোষ্ঠীটোয়ে নিজৰ প্ৰাপ্য অধিকাৰৰ বাবে গণতান্ত্ৰিক ভাবে বহু বছৰ ধৰি ভাৰত চৰকাৰ আৰু অসম চৰকাৰৰ ওচৰত আবেদন-নিবেদন কৰি থকাৰ পিছতো ফলবতী হব পৰা নাই৷ ৰাজপথৰ পৰা আৰম্ভ কৰি ভাৰতৰ ৰাজধানী, অসমৰ বাজধানী আদিত কেন্দ্ৰীয় আৰু ৰাজ্য চৰকাৰক দৃষ্টি আকৰ্ষণ কৰিবলৈ গণতান্ত্ৰিক ভাবে বিভিন্ন আন্দোলনৰ কাৰ্যসূচী ৰূপায়ণ কৰা হৈছিল৷ মহোদয় অসমৰ বৃহৎ জনগোষ্ঠী কোচৰাজবংশী সকল শিক্ষা-দীক্ষা, ভাষা, কলা-সংস্কৃতি আদি সকলো দিশতে, পিছপৰা৷ ইতিহাস প্ৰসিদ্ধ খিলঞ্জীয়া জনগোষ্ঠীটো নিজৰ দেশতে এদিন পৰিচয় বিহীন হব যে জলিল পদপদ, কাৰণ নিজৰ ভূমিতেই ৰাজহাড় পোনকৈ থিয় দিব নোৱাৰা অৱস্থাই ভবিষ্যতত জনগোষ্ঠীটো যে জনমানসত বিপদাপন্ন হব তাৰেই সহজে অনুমান কৰিব পৰা যায়৷ (KRSS) আৰু (KRMSS) ৰ তৰফৰ পৰা বৃহৎ জনগোষ্ঠীটোৰ সমস্যাসমূহ সমাধানৰ্থে স্মাৰক পত্ৰৰ দ্বাৰা আবেদন কৰিলে৷ উল্লেখ্য যে, দীৰ্ঘ দিনীয়া অসমৰ সমস্যাৰ সমাধান বৃহৎ জনগোষ্ঠী কোচৰাজবংশী সকলক জনজাতিকৰণৰ ব্যবস্থা গ্ৰহণ কৰক৷ ২০২৬ ইং চনৰ অসমৰ বিধান সভা নিৰ্বাচনৰ আগত “কমতাপুৰ স্বায়ত্ত শাসিত পৰিষদ“ ৰ নিৰ্বাচন অনুষ্ঠিত কৰক৷ কমতাপুৰ স্বায়ত্ত শাসিত পৰিষদ ৰ এলেকাত বেদখল হৈ থকা পাহাৰ, সমতল, চৰ অঞ্চলকে ধৰি বিভিন্ন ভূমি বেদখলকাৰীক উচ্ছেদ কৰক৷ হৰি নাথ ৰায় সাধাৰণ সম্পাদক ধুবুৰী জিলা কোচৰাজবংশী সংগ্ৰাম সমিতি (KRSS) আৰু জগদীশ চন্দ্ৰ ৰায় সভাপতিধুবুৰী জিলা কোচৰাজবংশী সংগ্ৰাম সমিতি (KRSS) য়ে দাবী জনায়৷

বঙাইগাঁও বিশ্ববিদ্যালয়ৰ নতুন উপাচাৰ্য ড° তৰণী ডেকাৰ দায়িত্ব গ্ৰহণ দুৰ্নীতিৰ দৰ্পণ, বঙাইগাঁও, ১ আগষ্ট ২০২৫: বঙাইগাঁও বিশ...
01/08/2025

বঙাইগাঁও বিশ্ববিদ্যালয়ৰ নতুন উপাচাৰ্য ড° তৰণী ডেকাৰ দায়িত্ব গ্ৰহণ
দুৰ্নীতিৰ দৰ্পণ, বঙাইগাঁও, ১ আগষ্ট ২০২৫: বঙাইগাঁও বিশ্ববিদ্যালয়ৰ নতুন উপাচাৰ্য ড° তৰণী ডেকাই শুক্ৰবাৰে ৰাতিপুৱা ১১ বজাত আনুষ্ঠানিকভাৱে দায়িত্বভাৰ গ্ৰহণ কৰে৷ নতুন অধ্যায়ৰ সূচনাৰ লগে লগে বিশ্ববিদ্যালয় পৰিসৰত আনন্দ আৰু আশাৰ বতৰা বোৱাই আনে৷ বঙাইগাঁও বিশ্ববিদ্যালয়ৰ কনফাৰেন্স হলত অনুষ্ঠিত এক অনুষ্ঠানিক সভাত ড° তৰণী ডেকাক উষ্মভাৱে স্বাগতম জনোৱা হয়৷ উক্ত সভাত উপস্থিত থাকে বঙাইগাঁও বিশ্ববিদ্যালয়ৰ অধ্যক্ষ ড° দীনেশ দাস, বিশিষ্ট অধ্যাপক ড° ভবাণী প্ৰসাদ শৰ্মা, বঙাইগাঁৱৰ বীৰঝৰা কন্যা মহাবিদ্যালয়ৰ অধ্যক্ষ ড° বসন্ত কুমাৰ দাস, উক্ত মহাবিদ্যালয়ৰ অধ্যাপকবৃন্দ৷ সদ্য নিযুক্ত উপাচাৰ্য ড° তৰণী ডেকাক আদৰণি জনাবলৈ উপস্থিত থাকে বঙাইগাঁও বীৰঝৰা মহাবিদ্যালয়ৰ অধ্যক্ষ ড° চিন্ময় ভট্টাচাৰ্য্য আৰু আন কেইবাজনো অধ্যাপক, লগতে অঞ্চলটোৰ বহুতো বিদ্যালয় আৰু মহাবিদ্যালয়ৰ শিক্ষক-শিক্ষয়িত্ৰী৷ অনুষ্ঠানটোত নিজৰ বক্তব্যত ড° তৰণী ডেকাই কয় — “বঙাইগাঁও বিশ্ববিদ্যালয়ক এক নতুন উচ্চতালৈ নিয়াৰ বাবে আমি সকলোৱে একেলগে আগবাঢ়িব লাগিব৷ ছাত্ৰ-ছাত্ৰী, শিক্ষক, কৰ্মচাৰী সকলৰে সহযোগত আমি এই প্ৰতিষ্ঠানখনক গৌৰৱৰ পথত আগুৱাই নিয়াম৷ ”ড° তৰণী ডেকাৰ এই দায়িত্ব গ্ৰহণৰে অঞ্চলখনৰ লোকৰ মাজত শিক্ষাৰ ক্ষেত্ৰত এক নবীন আশাৰ সঞ্চাৰ হৈছে৷ ছাত্ৰ-শিক্ষকে তেওঁক আদৰণি জনোৱাৰ লগে লগে আগন্তুক দিনবোৰত বিশ্ববিদ্যালয়খনৰ উন্নয়নত আশাবাদ প্ৰকাশ কৰে৷

বৰপেটাৰ খন্দকাৰপাৰাত অসম সাহিত্য সভাৰ নতুন শাখা গঠনদুৰ্নীতিৰ দৰ্পণ সেৱা, সৰুক্ষেত্ৰী, ১ আগষ্টঃ বৰপেটা জিলাৰ পাকাবেতবাৰী ...
01/08/2025

বৰপেটাৰ খন্দকাৰপাৰাত অসম সাহিত্য সভাৰ নতুন শাখা গঠন

দুৰ্নীতিৰ দৰ্পণ সেৱা, সৰুক্ষেত্ৰী, ১ আগষ্টঃ বৰপেটা জিলাৰ পাকাবেতবাৰী সমষ্টিৰ অন্তৰ্গত খন্দকাৰপাৰাত অসম সাহিত্য সভাৰ চৰ চাপৰি ভাষা-সাহিত্য-সংস্কৃতি বিকাশ উপ-সমিতিৰ উদ্যোগত “সম্প্ৰীতি সাহিত্য সভা“ নামৰ এটি শাখা গঠন কৰা হয়৷ তদুপলক্ষে কালি দিনৰ ১১: ৩০ বজাত খন্দকাৰপাৰা ছোৱালী হাইস্কুল প্ৰাংগনত হজৰত আলী আহমেদৰ সভাপতিত্বত অনুষ্ঠিত সভাত উদ্দেশ্য ব্যাখ্যা কৰে ছানোৱাৰ হোছেইনে৷ সভাত অসম সাহিত্য সভাৰ জালাহ আঞ্চলিক কাৰ্যালয়ৰ সম্পাদক নয়নমনি চৌধুৰীয়ে শাখা সাহিত্য সভা গঠনৰ নিয়মাৱলী সবিস্তাৰে পাঠ কৰি সকলোকে অৱগত কৰায়৷ আনহাতে কৱিতা আবৃত্তি আৰু হাস্য ব্যংগ উপ-সমিতিৰ কাৰ্যকৰী সভাপতি ভূমিধৰ ৰয় আৰু বৰপেটা জিলা সাহিত্য সভাৰ প্ৰাক্তন সভাপতি গোবিন্দ তালুকদাৰেও শুভেচ্ছা মূলক বক্তৱ্য আগবঢ়ায়৷ চৰ চাপৰি ভাষা-সাহিত্য-সংস্কৃতি বিকাশ উপ-সমিতিৰ আহ্বায়ক ডাঃ আব্দুল কদ্দুছ শিকদাৰে ভাষণত প্ৰসংগত কয় যে চৰ চাপৰি অঞ্চলৰ প্ৰতিভাশালী লোকসকলে অসম সাহিত্য সভাৰ যোগেদি অসমীয়া ভাষা-সাহিত্য-সংস্কৃতি অধিক চহকী কৰিব লাগিব৷ ইয়াৰ পিছত বিশিষ্ট কবি সাহিত্যিক হজৰত আলী আহমেদক সভাপতি, কবি ড০ ইকবাল হোছেইন খানক উপ-সভাপতি, আজিজুৰ ৰহমানক সম্পাদক, মান্নান আলী আহমেদক কোষাধ্যক্ষ, মকবুল হুছেইন খানক পত্ৰিকা সম্পাদক, আলী আকবৰ শিকদাৰক, প্ৰকাশন সচিব হিচাবে লৈ মুঠ ২১ জনীয়া কমিটি গঠন কৰা হয়৷

আমিনগাঁৱত নৱনিৰ্মিত কামৰূপ জিলা ন্যায়িক আদালত চৌহদ উদ্বোধন মুখ্যমন্ত্ৰী ড° শৰ্মাৰ, আদালতসমূহ হৈছে ন্যায়ৰ মন্দিৰ, যি সাধা...
01/08/2025

আমিনগাঁৱত নৱনিৰ্মিত কামৰূপ জিলা ন্যায়িক আদালত চৌহদ উদ্বোধন মুখ্যমন্ত্ৰী ড° শৰ্মাৰ, আদালতসমূহ হৈছে ন্যায়ৰ মন্দিৰ, যি সাধাৰণ জনতাৰ বাবে আশাৰ প্ৰদীপৰ দৰে: মুখ্যমন্ত্ৰী

দুৰ্নীতিৰ দৰ্পণ ষ্টাফ ৰিপৰ্টাৰ কামৰূপ, ১ আগষ্ট: এক সহজলভ্য, দক্ষ আৰু আধুনিক ন্যায় ব্যৱস্থা প্ৰদানৰ প্ৰতি থকা ৰাজ্য চৰকাৰৰ প্ৰতিশ্ৰুতিৰ অন্যতম প্ৰতিফলন হিচাপে মুখ্যমন্ত্ৰী ড° হিমন্ত বিশ্ব শৰ্মাই আজি কামৰূপ জিলাৰ আমিনগাঁৱত নৱনিৰ্মিত কামৰূপ জিলা ন্যায়িক আদালত চৌহদটো আনুষ্ঠানিকভাৱে উদ্বোধন কৰে৷ উল্লেখযোগ্য যে, ১০ বিঘা ভূমিৰে আৱৰা এই বৃহৎ আদালত চৌহদত পৰৱৰ্তী তিনিটা দশকৰ প্ৰয়োজনীয়তাৰ প্ৰতি লক্ষ্য ৰাখি ১৫খন আদালতৰ ব্যৱস্থা আছে৷ সৰ্বমুঠ ৫২.২৫ কোটি টকা প্ৰকল্প ব্যয়ৰে এই আদালত চৌহদটো ১৩, ৩০৩ বৰ্গ মিটাৰ এলেকা সামৰি নিৰ্মাণ কৰা হৈছে৷ ভৱনটোত ন্যায়াধীশৰ কাৰ্যালয় আৰু সংলগ্ন ষ্টেনোগ্ৰাফাৰৰ কোঠাসহ ১৪খন আদালত কক্ষ, পৰ্যাপ্ত সংখ্যক কাৰ্যালয় কক্ষ, জিলা আইন সেৱা প্ৰাধিকৰণৰ কাৰ্যালয়, এটা সভাকক্ষ আৰু ভিডিঅ’ কনফাৰেন্স কক্ষৰো ব্যৱস্থা কৰা হৈছে৷ ইয়াৰ লগতে এটা ডিজিটেল পুথিভঁৰাল, অডিঅ’-ভিডিঅ’ কক্ষ, লিগেল এইড ডিফেন্স কাউন্সিলৰ কাৰ্যালয়, ই-সেৱা কেন্দ্ৰ, সংবেদনশীল সাক্ষীৰ বাবে সাক্ষ্যদান কেন্দ্ৰ, প্ৰজিকিউটিং ইন্সপেক্টৰৰ কাৰ্যালয়, পুৰুষ, মহিলা আৰু তৃতীয় লিংগৰ বাবে পৃথক লক-আপ কক্ষ, চাৰ্ভাৰ কক্ষ, আই.চি.টি. কক্ষ, বাৰ কক্ষ আৰু কেণ্টিনৰো ব্যৱস্থা সন্নিবিষ্ট কৰা হৈছে৷ অনুষ্ঠানত ভাষণ প্ৰদান কৰি মুখ্যমন্ত্ৰীয়ে কয় যে আদালতসমূহ হৈছে ন্যায়ৰ মন্দিৰ, যি সাধাৰণ জনতাৰ বাবে আশাৰ প্ৰদীপৰ দৰে৷ সেয়েহে ন্যায়ৰ এই মন্দিৰসমূহে যাতে সুচাৰুৰূপে কাৰ্য সম্পাদন কৰিব পাৰে তাৰ বাবে ন্যায়িক আন্তঃগাঁথনিৰ উন্নয়ন সাধন কৰাটো চৰকাৰ এখনৰ প্ৰাথমিক দায়িত্বৰ অন্যতম৷ তেওঁ কয় যে এখন গণতান্ত্ৰিক সমাজত ন্যায়ালয়ে কেৱল ন্যায়ে প্ৰদান নকৰে, ই সংবিধানৰ মূল নীতিসমূহ ৰক্ষা কৰে আৰু প্ৰতিজন ব্যক্তিৰ অধিকাৰ আৰু স্বাধীনতা যাতে সুৰক্ষিত হয় সেয়া নিশ্চিত কৰে৷ আজিৰ পৰা এটা দশকৰ পূৰ্বে কামৰূপ জিলা আদালতৰ শুভাৰম্ভ হৈছিল বুলি উল্লেখ কৰি তেওঁ কয় যে সময়ৰ লগে লগে গোচৰৰ বৰ্ধিত সংখ্যা তথা ন্যায়ৰ আশাত অহা লোকৰ বৰ্ধিত সংখ্যাৰ প্ৰতি লক্ষ্য ৰাখি এটা নতুন আদালত ভৱনৰ প্ৰয়োজন সকলোৱে দীৰ্ঘদিনে অনুভৱ কৰি আহিছিল, যি আজি বাস্তৱত ৰূপায়িত হ’ল৷ আধুনিক সা-সুবিধাৰে সজ্জিত এই ভৱনে ন্যায়িক প্ৰক্ৰিয়া ত্বৰান্বিত কৰি সঠিক সময়ত ন্যায় প্ৰদান নিশ্চিত কৰাত সহায় কৰিব বুলি তেওঁ আশা প্ৰকাশ কৰে৷ মুখ্যমন্ত্ৰীয়ে কয় যে আদালতলৈ ন্যায় বিচাৰি অহা লোকসকলক আমি যিমান তৎকালে ন্যায় প্ৰদান কৰিব পাৰো, সিমানেই ন্যায় ব্যৱস্থা শক্তিশালী হোৱাৰ লগতে গণতন্ত্ৰও শক্তিশালী হয়৷ পৰ্যাপ্ত আদালত তথা ন্যায়াধীশৰ অভাৱৰ বাবে অসমত আজিৰ দিনটোত প্ৰায় ৫ লাখ গোচৰ অমীমাংসিত হৈ থকাৰ কথা উল্লেখ কৰি মুখমন্ত্ৰীয়ে কয় যে এই গোচৰসমূহ যথাসম্ভৱ সোনকালে নিষ্পত্তি কৰি ৰাইজক ন্যায় প্ৰদান কৰাটো আমাৰ সকলোৰে প্ৰচেষ্টা হোৱা উচিত৷ ২০২১ চনত ৰাজ্যৰ অপৰাধ সাব্যস্তকৰণৰ হাৰ মাত্ৰ ৫ শতাংশ আছিল বুলি উল্লেখ কৰি তেওঁ কয় ইয়াৰ ফলত আৰক্ষী তথা আদালতৰ ওপৰত ৰাইজৰ আস্থা কমি গৈছিল৷ কিন্তু বিগত চাৰে চাৰিটা বছৰত অসমৰ গোচৰ পঞ্জীয়ন, তদন্ত আৰু বিচাৰ প্ৰক্ৰিয়া- এই সকলো দিশলৈ অহা পৰিৱৰ্তনৰ ফলত আজি অসমত অপৰাধ সাব্যস্তকৰণৰ হাৰ ২৬ শতাংশলৈ বৃদ্ধি পাইছে৷ কিন্তু ৰাষ্ট্ৰীয় পৰ্যায়ৰ ৬৫ শতাংশৰ তুলনাত অসম এতিয়াও বহু পিছপৰি আছে৷ এই সমগ্ৰ ব্যৱস্থাটোৰ সংস্কাৰৰ প্ৰয়োজনীয়তা আছে বুলি তেওঁ মন্তব্য কৰে৷ বিচাৰ প্ৰক্ৰিয়া দীঘলীয়া হ’লে গোচৰীয়া আৰু নিৰ্দোষী পদকীয়া উভয়ে শাৰীৰিক-মানসিকভাবে যথেষ্ট ক্ষতিৰ সন্মুখীন হয় বুলি মন্তব্য কৰি মুখ্যমন্ত্ৰীয়ে কয় যে গোচৰ এটা যথাসম্ভৱ সোনকালে নিষ্পত্তি কৰাৰ ক্ষেত্ৰত অধিবক্তাসকলে ন্যায়াধীশসকললৈ সহযোগিতা আগবঢ়োৱা উচিত৷ বিগত চাৰিটা বছৰত ৰাজ্যত অপৰাধ পঞ্জীয়নৰ হাৰ ৬০ শতাংশ হ্ৰাস পাইছে বুলি উল্লেখ কৰি তেওঁ কয় যে তুলনামূলকভাবে কম সংখ্যক গোচৰ পঞ্জীয়নৰ লগতে তিনিখন নতুন আইনৰ প্ৰণয়নে সম্প্ৰতি বিচাৰ ব্যৱস্থা অধিক খৰতকীয়া কৰি তুলিবলৈ সক্ষম হ’ব বুলি তেওঁ আশাবাদী৷ এটা ত্বৰান্বিত ন্যায়িক প্ৰক্ৰিয়াৰ লগত নিজকে জড়িত কৰি তথা কৃত্ৰিম বুদ্ধিমত্তাকে ধৰি উপলব্ধ প্ৰযুক্তিৰ ব্যৱহাৰেৰে ৰাজ্যৰ বিচাৰ ব্যৱস্থাক অধিক ক্ষিপ্ৰতৰ কৰি তুলিবলৈ মুখ্যমন্ত্ৰী ড° শৰ্মাই ন্যায়িক ব্যৱস্থাৰ সৈতে জড়িত সংশ্লিষ্ট সকলোকে আহ্বান জনায়৷ অনাগত সময়ছোৱাত ৰাজ্যৰ সমগ্ৰ অপৰাধ সাব্যস্তকৰণ ব্যৱস্থাৰ আমূল পৰিৱৰ্তন সাধন কৰা হ’ব বুলি সদৰী কৰাৰ লগতে ৰাজ্যত পৰ্যাপ্তসংখ্যক লোক অধিবক্তা নিয়োগৰ বাবেও চৰকাৰে পদক্ষেপ গ্ৰহণ কৰা বুলি তেওঁ জানিবলৈ দিয়ে৷ নতুনকৈ নিযুক্তিপ্ৰাপ্ত লোক অধিবক্তাসকলক উচ্চমানৰ প্ৰশিক্ষণ প্ৰদানেৰে বিচাৰ প্ৰক্ৰিয়া ত্বৰান্বিতকৰণত সহায় কৰিবলৈ তেওঁ গুৱাহাটী উচ্চ ন্যায়ালয় আৰু ৰাষ্ট্ৰীয় ন্যায়িক প্ৰতিষ্ঠানক আহ্বান জনায়৷ আগন্তুক পাঁচ বছৰৰ ভিতৰত অসমৰ অপৰাধ সাব্যস্তকৰণৰ হাৰ ৬৫-৭০ শতাংশলৈ বৃদ্ধিৰ বাবে ৰাজ্য চৰকাৰৰ প্ৰতিশ্ৰুতিবদ্ধ বুলি মন্তব্য কৰি এই লক্ষ্যত উপনীত হোৱাত সহায় কৰিবলৈ তেওঁ অধিবক্তা সমাজ আৰু ন্যায়াধীশসকলৰ প্ৰতি আহ্বান জনায়৷ চলিত বৰ্ষতে নতুন উচ্চ ন্যায়ালয় ভৱনৰ নিৰ্মাণৰ কাম আৰম্ভ কৰাৰ লগতে গুৱাহাটী-উত্তৰ গুৱাহাটী সংযোগী দলং আগন্তুক বছৰৰ প্ৰথমভাগতে মুকলি কৰা হ’ব বুলি তেওঁ সদৰী কৰে৷ আমিনগাঁৱত নতুন ষ্টেডিয়ামৰ নিৰ্মাণ সম্পূৰ্ণ হ’লে প্ৰায় ৫ হাজাৰখন বাহনৰ বাবে পাৰ্কিঙৰ সুবিধা উপলব্ধ হ’ব বুলি উল্লেখ কৰি তেওঁ কয় যে অধিবক্তাসকলৰ বাবেও ই সহায়ক হ’ব৷ অধিবক্তাসকলে বিচৰা অনুসৰি নতুন আদালত ভৱনত এটা বাৰ লাইব্ৰেৰী নিৰ্মাণৰ বাবেও ইতিবাচক পদক্ষেপ গ্ৰহণ কৰা হ’ব বুলি তেওঁ জানিবলৈ দিয়ে৷ অনুষ্ঠানত আইন আৰু ন্যায় আদি বিভাগৰ মন্ত্ৰী ৰঞ্জিত কুমাৰ দাস, গুৱাহাটী উচ্চ ন্যায়ালয়ৰ মুখ্য ন্যায়াধীশ আশুতোষ কুমাৰ, ন্যায়াধীশদ্বয় মিখাইল জোথাংখুমা আৰু কল্যাণ ৰায় চুৰানা, গুৱাহাটী উচ্চ ন্যায়ালয়ৰ বহু কেইগৰাকী ন্যায়াধীশ, কামৰূপ জিলা আৰু সত্ৰ ন্যায়াধীশ গৌতম বৰুৱা, কামৰূপ বাৰ এছ’চিয়েচনৰ সভাপতি খলিলুৰ ৰহমানৰ লগতে আইন সেৱাৰ সৈতে জড়িত ন্যায়িক বিষয়া, কৰ্মচাৰী তথা অধিবক্তাসকল উপস্থিত থাকে৷

হাটশিঙিমাৰীত উপস্থিত অসম চৰকাৰৰ ৰাজহুৱা বিতৰণ আৰু গ্ৰাহক পৰিক্ৰমা বিভাগৰ মন্ত্ৰী কৌশিক ৰায়দুৰ্ণীতিৰ দৰ্পণ , দক্ষিণ শালম...
01/08/2025

হাটশিঙিমাৰীত উপস্থিত অসম চৰকাৰৰ ৰাজহুৱা বিতৰণ আৰু গ্ৰাহক পৰিক্ৰমা বিভাগৰ মন্ত্ৰী কৌশিক ৰায়
দুৰ্ণীতিৰ দৰ্পণ , দক্ষিণ শালমাৰা মানকাচৰ জিলা প্ৰতিনিধি মকিবুৰ ৰহমান মণ্ডলৰ প্ৰতিবেদন ০১ আগষ্ট‌ -অসমৰ মুখ্যমন্ত্ৰীয়ে অতিকৈ পিছ পৰা দক্ষিণ শালমাৰা মানকাচৰ জিলাখন পৰিদৰ্শন কৰাৰ বাবে অসমৰ প্ৰতি গৰাকী বিভাগীয় মন্ত্ৰীক নিৰ্দেশ দিয়াৰ পিছতেই যোৱা কিছুদিনৰ ভিতৰত এজনৰ পিছত আনজনকৈ মন্ত্ৰী জিলাখন পৰিদৰ্শন কৰিবলৈ আৰাম্ভ কৰে। ইতিমধ্যে কেইবাগৰাকী মন্ত্ৰীয়ে জিলাখনত আহি বিভাগ আৰু জিলা প্ৰশাসনৰ লগত এখন পৰ্যালোচনা বৈঠকৰ জৰিয়তে অভাব অভিযোগ বোৰৰ বিষয়ে অবগত হয়। শুক্ৰবাৰে অসম চৰকাৰৰ খাদ্য, ৰাজহুৱা বিতৰণ আৰু গ্ৰাহক পৰিক্ৰমা বিভাগৰ মন্ত্ৰী কৌশিক ৰায় হাটশিঙিমাৰীত উপস্থিত হয়।জিলাৰ সদৰ হাটশিঙিমাৰী আবৰ্ত ভৱনত উপস্থিত হৈ মন্ত্ৰী গৰাকীয়ে প্ৰথম কাৰ্যসূচী মতে হাটশিঙিমাৰী জিলা প্ৰেক্ষাগৃহত অনুষ্ঠিত হোৱা জিলাখনৰ সুলভ মূল্যৰ দোকানী ও গাওঁ পঞ্চায়ত সমবায় সমিতিৰ সৈতে "বিভাগৰ অভিলাসী আঁচনি বিষয়ক" এখন সজাগতামূলক সন্মিলনত অংশ গ্ৰহন কৰে ।অনুষ্ঠিত সন্মিলনখনত খাদ্য, ৰাজহুৱা বিতৰণ আৰু গ্ৰাহক পৰিক্ৰমা বিভাগৰ, অধীক্ষক হেমন্ত ভূঞা, অতিৰিক্ত মুখ্য, সচিব বিশ্বৰঞ্জন ছামাল,খাদ্য, ৰাজহুৱা বিতৰণ আৰু গ্ৰাহক পৰিক্ৰমা বিভাগৰ পৰিচালনা সঞ্চালক দ্বীগন্ত দাস , দক্ষিণ শালমাৰা মানকাচৰ জিলাৰ আয়ুক্ত ৰাহুল কুমাৰ গুপ্তা উপস্থিত, জেষ্ঠ্য আৰক্ষী অধীক্ষক হৰেন টকবী উপস্থিত থাকে । আগন্তুক দিনত অসম চৰকাৰে ৰেচন কাৰ্ডৰ জৰিয়তে ৰাইজক সুলভ মূল্যৰ বিতৰণ কৰিবলৈ লোৱা চিনি, ডাইল আৰু নিমখৰ বিতৰণৰ নিয়ম নীতি সন্দৰ্ভত সভাত উপস্থিত থকা সুলভ মূল্যৰ দোকানী সকলক সুন্দৰ বৰ্ণনা কৰি দিয়ে। সন্মিলন কাৰ্যসূচীত অংশগ্ৰহণ কৰাৰ পাচত বিয়লি হাটশিঙিমাৰী জিলা আয়ুক্তৰ কাৰ্যালয়ত এক পৰ্যালোচনা সভাত অংশগ্ৰহণ কৰে। জিলা প্ৰশাসন, ৰাজহুৱা বিতৰণ বিভাগৰ বিষয়া কৰ্মচাৰীৰ সৈতে আয়ুক্তৰ কাৰ্যালয়ত পৰ্যালোচনা সভা অনুষ্ঠিত কৰে। বিভাগৰ বিভিন্ন সমস্যা সমূহ আলোচনা কৰাৰ লগতে ৰাজ্যত আৰম্ভ হবলগীয়া নিমখ, চেনী আৰু মুছুৰ ডাইল বিতৰণ সম্পৰ্কে আলোচনা কৰে। লক্ষণীয় যে, সম জিলা সম উন্নয়নৰ বাবে মুখ্যমন্ত্ৰী হিমন্ত বিশ্ব শৰ্মা ৰাজ্যৰ প্ৰতিটো বিভাগৰ প্ৰতিজন মন্ত্ৰী আৰু সচিব, প্ৰধান সচিবক দক্ষিণ শালমাৰা মানকাচৰ জিলা পৰিদৰ্শনৰ বাবে নিৰ্দেশনা দিছে।এই নিৰ্দেশনাৰ পাচত জিলা খনত ইতিমধ্যে কেবাগৰাকী মন্ত্ৰী আৰু উচ্চ পদস্থ বিষয়া উপস্থিত হৈ জিলা প্ৰশাসন আৰু বিভিন্ন বিভাগৰে পৰ্যালোচনা সভা অনুষ্ঠিত কৰিছে। মন্ত্ৰী কৌশিক ৰায়ে শেষৰ কাৰ্যসূচী মতে পৰ্যালোচনা বৈঠকৰ পিছত হাটশিঙিমাৰীস্হিত জিলা ভাৰতীয় জনতা পাৰ্টীৰ মুখ্য কাৰ্যালয়ত প্ৰবেশ কৰি ভাৰতীয় জনতা পাৰ্টীৰ দলীয় কৰ্মকৰ্তা সকলৰ সৈতে মত বিনিময় কৰি জিলা আৱৰ্ত ভৱনত হৈ গুৱাহাটীলৈ ৰ‌ওনা হয়।

বৰপেটাত ঘোচলৈ গ্ৰেপ্তাৰ লাট মণ্ডল আনোৱাৰ হুছেইন আব্দুল জলিল, বৰপেটা,১ আগষ্টঃ বৰপেটা সদৰস্থিত বৰপেটাৰ ৰাজহ চক্ৰ বিষয়াৰ ক...
01/08/2025

বৰপেটাত ঘোচলৈ গ্ৰেপ্তাৰ লাট মণ্ডল আনোৱাৰ হুছেইন

আব্দুল জলিল, বৰপেটা,১ আগষ্টঃ বৰপেটা সদৰস্থিত বৰপেটাৰ ৰাজহ চক্ৰ বিষয়াৰ কাৰ্যালয়ত আজি দুৰ্নীতি নিবাৰক আৰু তদাৰকী শাখাই অভিযান চলায়৷ পিছে ৩৫০০ টকা ঘোচ লৈ থকাৰ সময়তে হাতে লোটে ধৰা পৰে এগৰাকী লাট মণ্ডল। ধৃত মণ্ডল জনৰ নাম আনোৱাৰ হুছেইন ৷ বৰপেটা জিলাৰ অন্তৰ্গত খবলাৰভিঠা গাঁওৰ আব্দুল বাতেন নামৰ এজন ব্যক্তিৰ ভূমি সংক্ৰান্তীয় কামৰ বাবে লাট মণ্ডল আনোৱাৰ হুছেইনে দাবী কৰিছিল বিশ হেজাৰ টকা উৎকোচ ৷ ইয়াৰ পিচতে ভুক্তভোগী বাতেন মণ্ডলে দুৰ্নীতি নিবাৰক আৰু তদাৰকী শাখাৰ সতে যোগাযোগ কৰে আৰু আজি বৰপেটা ৰাজহ চক্ৰ বিষয়াৰ কাৰ্যালয় চৌহদত থকা কেন্টিনত ৩৫০০ টকা উৎকোচ লয় মণ্ডল আনোৱাৰ হুছেইনে ৷ পিছে উৎকোচ লোৱাৰ লগে লগে দুৰ্নীতি নিবাৰক আৰু তদাৰকী শাখাৰ এটা দলে হাতে লোটে আটক কৰে মণ্ডল আনোৱাৰ হুছেইনক ৷ সম্প্ৰতি আনোৱাৰ হুছেইনৰ বিৰুদ্ধে দুৰ্নীতি নিবাৰক আৰু তদাৰকী শাখাই এখন গোচৰ ৰজু কৰি গ্ৰেপ্তাৰ কৰা বুলি জানিব পৰা গৈছে ৷

তিনিচুকীয়াত সম-জিলা ভূমি পৰামৰ্শদাতা সমিতিৰ বৈঠক সম্পন্ন । পঙ্কজ নাথ, ষ্টাফ ৰিপৰ্টাৰ , ৩১ জুলাই: তিনিচুকীয়া ...
31/07/2025

তিনিচুকীয়াত সম-জিলা ভূমি পৰামৰ্শদাতা সমিতিৰ বৈঠক সম্পন্ন ।

পঙ্কজ নাথ, ষ্টাফ ৰিপৰ্টাৰ , ৩১ জুলাই: তিনিচুকীয়া জিলাৰ সম-জিলা ভূমি পৰামৰ্শদাতা সমিতিৰ এখন গুৰুত্বপূৰ্ণ সভা আজি জিলা আয়ুক্ত স্বপ্নীল পালৰ সভাপতিত্বত অনুষ্ঠিত হৈ যায় । আবেলি জিলা আয়ুক্তৰ কাৰ্যালয়ৰ সভাকক্ষত অনুষ্ঠিত এই সভাখনত মাৰ্ঘেৰিটা, শদিয়া আৰু ডুমডুমা সম-জিলাৰ অন্তৰ্গত বিভিন্ন ভূমি অৱন্টন সম্পৰ্কীয় প্ৰস্তাৱ সম্পৰ্কত বিতংকৈ আলোচনা কৰা হয়। সভাত তিনিচুকীয়া বিধানসভা সমষ্টিৰ বিধায়ক সঞ্জয় কিশান, তিনিওখন সম-জিলাৰ আয়ুক্ত, সকলো ৰাজহ চক্ৰ বিষয়া, ডুমডুমা, ডিগৱৈ আৰু তিনিচুকীয়াৰ সংমাণ্ডলিক বন বিষয়া, সন্মানীয় সাংসদ আৰু বিধায়কসকলৰ প্ৰতিনিধি উপস্থিত থাকে।

ঐতিহাসিক জয়সাগৰ পুখুৰীটোৰ প্ৰদূষণ মুক্ত কৰা বাবে পদক্ষেপপ্ৰতিবেদক, নাজিৰা, ৩১জুলাইঃ শিৱসাগৰৰ এজন সচেতন সমাজকৰ্মীয়ে যোৱা ...
31/07/2025

ঐতিহাসিক জয়সাগৰ পুখুৰীটোৰ প্ৰদূষণ মুক্ত কৰা বাবে পদক্ষেপ
প্ৰতিবেদক, নাজিৰা, ৩১জুলাইঃ শিৱসাগৰৰ এজন সচেতন সমাজকৰ্মীয়ে যোৱা বুধবাৰে শিৱসাগৰ সমষ্টিৰ বিধায়ক অখিল গগৈ ডাঙৰীয়াক ঐতিহাসিক জয়সাগৰ পুখুৰী পাৰটোৰ চাফ চিকুণ কৰা বাবে অনুৰোধ জনাই৷ সেই মৰ্মে উক্ত দিনাই ৰাইজৰ দল, জাতীয় যুৱ বাহিনী শিৱসাগৰ জিলা কৰ্মী সকলে আৰু 11 Assam NCC আৰু 49 NAVY NCC কেডেট সকলৰ সহযোগত জয়সাগৰ পুখুৰী পাৰটোৰ চাফা কৰি ঐতিহাসিক পুখুৰীটোৰ প্ৰদূষণ মুক্ত কৰা বাবে প্ৰদক্ষেপ লয়৷ এই কাৰ্য্যসূচীত শিৱসাগৰ সমষ্টিৰ বিধায়ক অখিল গগৈ ডাঙৰীয়াই পূৰ্ণ সহযোগিতা আগবঢ়াইছে৷ লগতে শিৱসাগৰখন সেউজীয়া কৰি ঐতিহাসিক সম্পদ সমূহ ৰক্ষা কৰাত শিৱসাগৰ বাসী সচেতন হ’বলৈ এই কাৰ্য্যসূচী পৰা উদ্যোক্তা সকলে ৰাইজলৈ অনুৰোধ জনায়৷

বৰগোলাইপঞ্চায়তৰ নৱ নিৰ্বাচিত প্ৰতিনিধি সকলৰ আদৰণি অনুষ্ঠান আৰু সভাপতিৰ দায়িত্ব ভাৰ গ্ৰহণ দুৰ্নীতিৰ দৰ্পণ, মাৰ্ঘেৰিটা,৩...
31/07/2025

বৰগোলাইপঞ্চায়তৰ নৱ নিৰ্বাচিত প্ৰতিনিধি সকলৰ আদৰণি অনুষ্ঠান আৰু সভাপতিৰ দায়িত্ব ভাৰ গ্ৰহণ

দুৰ্নীতিৰ দৰ্পণ, মাৰ্ঘেৰিটা,৩১ জুলাই: আজি ৮৩ নং মাৰ্ঘেৰিটা বিধানসভা সমষ্টিৰ অন্তৰ্গত বৰগোলাই পঞ্চায়তৰ নৱ নিৰ্বাচিত প্ৰতিনিধি সকলৰ আদৰণি অনুষ্ঠান অনুষ্ঠিত হয়। আজি বৰগোলাই পঞ্চায়তৰ সভানেত্ৰী হিচাপে স্বপ্না চেত্ৰী ভোজেলে আনুষ্ঠানিক ভাৱে দায়িত্ব ভাৰ গ্ৰহণ কৰে।এই অনুষ্ঠানত বৰগোলাই পঞ্চায়তৰ সচীব প্ৰদীপ কুমাৰ দাস , মাৰ্ঘেৰিটা সাংবাদিক সংস্থাৰ সভাপতি ৰাম প্ৰসাদ আম্বেদকাৰ , বিজেপি জিলা উপ সভাপতি ভৱেশ দত্ত , বৰগোলাই গাঁৱৰ গাওঁ প্ৰধান বম বাহাদুৰ চেত্ৰী , প্ৰাক্তন সভাপতি মীৰা চুৰ্বা , টাউন মণ্ডলৰ সভাপতি সুখদেৱ শৰ্মা, মাৰ্ঘেৰিটা আঞ্চলিক পঞ্চায়তৰ সভাপতি মুনমী গগৈ, সহ‌ কেইবা গৰাকী বিশিষ্ট ব্যক্তি উপস্থিত থাকে। উল্লেখযোগ্য যে পঞ্চায়ত খনৰ নিৰ্বাচিত সদস্যসকল উপস্থিত থকা অনুষ্ঠানত ঝুমা সেনে উপ সভানেত্ৰী হিচাপে দায়িত্ব ভাৰ গ্ৰহণ কৰে। নৱ নিৰ্বাচিত সভাপতি গৰাকীয়ে পঞ্চায়ত খনৰ সৰ্বাংগীন বিকাশৰ বাবে কাম কৰিব বুলি জানিবলৈ দিয়ে।

বিশিষ্ট অভিনেতা-পৰিচালক অৰুণ নাথক প্ৰদান কৰা হ'ব ২০২৫ বৰ্ষৰ ভবেন বৰুৱা বঁটা , ৩ ছেপ্তেম্বৰত যুৱ ছাত্ৰ পৰিষদৰ নলবাৰী জিল...
31/07/2025

বিশিষ্ট অভিনেতা-পৰিচালক অৰুণ নাথক প্ৰদান কৰা হ'ব ২০২৫ বৰ্ষৰ ভবেন বৰুৱা বঁটা , ৩ ছেপ্তেম্বৰত যুৱ ছাত্ৰ পৰিষদৰ নলবাৰী জিলা সমিতিয়ে প্ৰদান কৰিব এই বঁটা , সংবাদমেল যোগে আনুষ্ঠানিক ঘোষণা

প্ৰণৱজ্যোতি কলিতা,নলবাৰীঃ অসম জাতীয়তাবাদী যুৱ ছাত্ৰ পৰিষদৰ নলবাৰী জিলা সমিতিয়ে প্ৰতিবছৰে প্ৰদান কৰি অহা ভবেন বৰুৱা বঁটা এই বৰ্ষত প্ৰদান কৰা হ'ব বিশিষ্ট অভিনেতা পৰিচালক অৰুণ নাথক৷ যুৱ ছাত্ৰ পৰিষদৰ নলবাৰী জিলা সমিতিৰ উদ্যোগত অহা ১ ছেপ্তেম্বৰৰ পৰা চাৰি দিনীয়াকৈ নলবাৰী নাট্য মন্দিৰত অনুষ্ঠিত হ'বলগীয়া সপ্তদশ বাৰ্ষিক সদৌ অসম ভবেন বৰুৱা শিশু নাট প্ৰতিযোগিতাৰ সৈতে সংগতি ৰাখি ৩ ছেপ্তেম্বৰত এক গাম্ভীৰ্যপূৰ্ণ অনুষ্ঠানত বিশিষ্ট অভিনেতা-পৰিচালক অৰুণ নাথক এই বঁটা প্ৰদান কৰা হ'ব৷অসম জাতীয়তাবাদী যুৱ-ছাত্র পৰিষদৰ নলবাৰী জিলা সমিতিৰ কাৰ্যালয়ত আজি আয়োজিত এক সংবাদমেল যোগে এই ঘোষণা কৰে।সংবাদমেলত উপস্থিত থাকি পৰিষদৰ জিলা সমিতিৰ সভাপতি আচিক আহমেদ,ভাৰপ্ৰাপ্ত সাধাৰণ সম্পাদক সুনীল দাস, শিল্পী-সাহিত্যিক কল্যাণ ন্যাসৰ নলবাৰী জিলা সমিতিৰ সভাপতি জয়ন্ত হাজৰিকা, সাধাৰণ সম্পাদক প্ৰণৱজ্যোতি কলিতা, যুৱ ছাত্ৰ পৰিষদৰ কেন্দ্ৰীয় প্ৰচাৰ সম্পাদক পাৰ্থপ্ৰতীম শৰ্মা,নাট প্ৰতিযোগিতা পৰিচালনা সমিতিৰ সভাপতি তথা জেষ্ঠ সাংবাদিক এম মহিবৰ ৰহমান,কাৰ্যকৰী সভাপতি বিশ্বজিৎ বৰুৱা,সাধাৰণ সম্পাদক প্ৰাঞ্জল কলিতাই এই কথা আনুষ্ঠানিকভাৱে ঘোষণা কৰে। উল্লেখ্য, যুৱ-ছাত্ৰ পৰিষদে ২০০৯ চনৰ পৰা প্ৰদান কৰি আহিছে এই বঁটা। উল্লেখ্য যে অসমৰ প্ৰতিজন নাট্যৰসিক, পেছাদাৰী,অপেছাদাৰী নাট্যক্ষেত্ৰৰ স’তে জড়িত শিল্পী, কলা-কুশলীৰ দৰ্শকৰ হৃদয়ত এক সুকীয়া স্থান দখল কৰিবলৈ সক্ষম হোৱা স্বনামধন্য শিল্পী ভবেন বৰুৱাৰ স্মৃতি যুগমীয়া কৰাৰ হেঁপাহেৰে অসম জাতীয়তাবাদী যুৱ-ছাত্ৰ পৰিষদৰ নলবাৰী জিলা সমিতিয়ে ২০০৯ বৰ্ষৰ পৰা নলবাৰীত ভবেন বৰুৱা সদৌ অসম শিশু নাট প্ৰতিযোগিতা অনুষ্ঠিত কৰি অহাৰ লগতে অসমৰ সাংস্কৃতিক ক্ষেত্ৰত বিশিষ্ট বৰঙণি আগবঢ়োৱা একোগৰাকী নাট্য শিল্পীক ভবেন বৰুৱা বঁটা প্ৰদান কৰি আহিছে। শিল্পীজনাৰ নাট্য প্ৰতিভাক চিৰস্মৰণীয় কৰি ৰখাৰ প্ৰয়াসেৰে যুৱ-ছাত্ৰ পৰিষদৰ নলবাৰী জিলা সমিতিয়ে ২০০৯ বৰ্ষত বিশিষ্ট নাট পৰিচালক, সুদক্ষ অভিনেতা দুলাল ৰয়, ২০১০ বৰ্ষত গুৰুজী আদ্য শৰ্মা, ২০১১ বৰ্ষত বিশিষ্ট অভিনেতা বিজু ফুকন, ২০১২ বৰ্ষত বিশিষ্ট অভিনেতা নীলু চক্ৰৱৰ্তী, ২০১৩ বৰ্ষত বিশিষ্ট অভিনেতা মহানন্দ শৰ্মা, ২০১৪ বৰ্ষত বিশিষ্ট অভিনেতা জীৱেশ্বৰ ডেকা, ২০১৫ বৰ্ষত ভ্ৰাম্যমাণৰ মহীৰূহ অচ্যুত লহকৰ, ২০১৬ বৰ্ষত মঞ্চসূৰ্য, সংগীত নাটক অকাডেমী বঁটা প্ৰাপ্ত ধৰণী বৰ্মন, ২০১৭ বৰ্ষত ভ্ৰাম্যমাণ নাট্য জগতৰ বিশিষ্ট নাট্যকাৰ,অভিনেতা,পৰিচালক,গীতিকাৰ হেমন্ত দত্ত, ২০১৮ বৰ্ষত বিশিষ্ট অভিনেত্ৰী বিদ্যা ৰাও, ২০১৯ বৰ্ষত বিশিষ্ট নাট্যকাৰ, পৰিচালক দাৰা আহমেদ, ২০২০ বৰ্ষত বিশিষ্ট অভিনেতা পৰিচালক কুলদা কুমাৰ ভট্টাচাৰ্য, ২০২১ বৰ্ষত বিশিষ্ট অভিনেতা নিপন গোস্বামীক, ২০২২ বৰ্ষত প্ৰবীন অভিনেতা দীনেশ দাসক, ২০২৩ বৰ্ষত বিশিষ্ট অভিনেতা ভৱেশ বৰুৱাক আৰু ২০২৪ বৰ্ষত বিশিষ্ট অভিনেত্ৰী ৰীণা বৰাক 'ভবেন বৰুৱা বঁটা' প্ৰদান কৰা হৈছে। উল্লেখ্য যে, এই বঁটাত থাকিব নগদ ১৫,০০০ টকা, ফুলাম গামোচা, চেলেং চাদৰ,স্মাৰক, শৰাই ইত্যাদি। উল্লেখ্য যে ভবেন বৰুৱা সদৌ অসম শিশু নাট প্ৰতিযোগিতাৰ সৈতে সংগতি ৰাখি প্ৰথমবাৰৰ বাবে গ্ৰন্থমেলাৰো আয়োজন কৰা হৈছে৷ এক ছেপ্টেম্বৰত নলবাৰী নাট্য মন্দিৰ বাকৰিত গ্ৰন্থমেলা আনুষ্ঠানিকভাবে মুকলি কৰা হ'ব।

Address

Jhagrarar Part/1
Dhubri
783325

Website

Alerts

Be the first to know and let us send you an email when D দৰ্পণ Digital posts news and promotions. Your email address will not be used for any other purpose, and you can unsubscribe at any time.

Shortcuts

Share

Category