07/08/2026
চুৰিৰ ঘটনাৰ সংক্ৰান্তত দাওভাঙ্গী আৰক্ষীয়ে এজনক আটক
দুৰ্নীতিৰ দৰ্পণ , গৌৰীপুৰ পৰা শেখৰ দাসৰ প্ৰতিবেদন , ৭ আগষ্ট: ধুবুৰী জিলাৰ গৌৰীপুৰ থানাৰ অন্তৰ্গত দাওভাঙ্গী আৰক্ষীৰ থানাৰ ভাৰপ্ৰাপ্ত বিষয়া পোনব শীলৰ নেতৃত্বত আৰক্ষীৰ এটি দলে এজনক আটক কৰে বুলি বাতৰি পোৱা গৈছে । প্ৰাপ্ত বাতৰি মতে , দাওভাঙ্গী পুলিচ প’ষ্টত দাখিল হোৱা এজাহাৰৰ ভিত্তিত আৰক্ষীয়ে তদন্ত আৰম্ভ কৰে। অভিযোগ অনুসৰি, সুখাটীখাতাৰ বাসিন্দা ছফিয়ান বাদশাহৰ বাসগৃহত সংঘটিত হৈছিল চুৰিৰ ঘটনা। তদন্তৰ সময়ত আৰক্ষীয়ে গৌৰীপুৰ থানাৰ অন্তৰ্গত বালাজান দ্বিতীয় খণ্ডৰ বাসিন্দা আহমেদ আলীৰ পুত্ৰ আশ্ৰাফুল হক (২৬)ক আটক কৰে। আৰক্ষীৰ মতে, অভিযুক্তৰ স্বীকাৰোক্তি আৰু তেওঁ দেখুৱাই দিয়া স্থানৰ পৰা চুৰি হোৱা দুডাল সোণৰ খাৰু, এজোৰ ৰূপৰ ভৰিৰ নূপুৰ আৰু এডাল ৰূপৰ চেইন উদ্ধাৰ কৰা হয়। উদ্ধাৰ হোৱা সকলো সামগ্ৰী আইন অনুসৰি জব্দ কৰা হৈছে। আৰক্ষীয়ে জনাইছে যে , ঘটনাটোৰ তদন্ত অব্যাহত আছে আৰু আইন অনুসৰি পৰৱৰ্তী প্ৰয়োজনীয় ব্যৱস্থা গ্ৰহণ কৰা হ'ব।
