Brahmaputratimes Assam

15/09/2025

এই এম চিৰ অধ্যাপক ডাঃ প্ৰশান্ত দিহিঙীয়া সৰ্বভাৰতীয় চিকিৎসক সংস্থাৰ শিক্ষক পৰিষদৰ সদস্য নিৰ্বাচিত
#ব্ৰহ্মপুত্ৰ_প্ৰতিৱেদক
অসম চিকিৎসা মহাবিদ্যালয়ৰ মেডিচিন বিভাগৰ মুৰব্বী অধ্যাপক ডাঃ প্ৰশান্ত দিহিঙীয়া ভাৰতীয় কায় চিকিৎসক সংস্থা (এপিআই Association of Physician of India) ৰ শিক্ষক পৰিষদৰ সদস্য হিচাপে নিৰ্বাচিত হৈ অসমলৈ গৌৰৱ কঢ়িয়াই আনিছে। তেওঁ তৃতীয় সৰ্বাধিক ভোটত জয়ী হৈ ভাৰতীয় চিকিৎসক সংস্থাৰ শৈক্ষিক পৰিষদৰ সদস্য হিচাপে নিৰ্বাচিত হয়।

ভাৰতবৰ্ষৰ কায় চিকিৎসক সকলৰ সন্মানীয় সংগঠন‌টোৰ অন্তৰ্গত শৈক্ষিত পৰিষদৰ এই নিৰ্বাচনত ভাৰতৰ বিভিন্ন প্ৰদেশৰ চিকিৎসকে তেওঁক ভোট দি নিৰ্বাচিত কৰে। উল্লেখ্য যে বহু বছৰৰ পৰা ডাঃ দিহিঙীয়াই ভাৰতীয় কায় চিকিৎসক সংস্থাৰ ডিব্ৰুগড় তথা অসম শাখাৰ বিভিন্ন উল্লেখযোগ্য পদত অধিষ্ঠিত হৈ আহিছে। ইয়াৰোপৰি তেখেতে যোৱা চাৰিটা বছৰ অসম চিকিৎসা মহাবিদ্যালয়ৰ অধীক্ষকৰ দায়িত্বও সুচাৰুৰূপে পালন কৰিছে।

বৰ্তমান মেডিচিন বিভাগৰ মুৰব্বী অধ্যাপক ডাঃ দিহিঙীয়াৰ এই সফলতাৰ বাবে অসম চিকিৎসা মহাবিদ্যালয়ৰ অধ্যক্ষ ডাঃ সঞ্জীৱ কাকতি, ভাৰতীয় কায় চিকিৎসক সংস্থা, অসম শাখাৰ সভাপতি ডাঃ অনুপ কুমাৰ দাস, সম্পাদক ডাঃ প্ৰীতম বৰঠাকুৰ, সংস্থাৰ মুখ্য কাৰ্যালয়ৰ সম্পাদক ডাঃ অনুপম দত্ত, সংস্থাৰ ডিব্ৰুগড় শাখাৰ সভাপতি ডাঃ এ কে পেগু, সম্পাদক ডাঃ ৰাশি শ্যাম, অসম চিকিৎসা মহাবিদ্যালয়ৰ হৃদৰোগ বিভাগৰ মুৰব্বী অধ্যাপক ডাঃ মৃগাংক শেষৰ চলিহাকে ধৰি বহুতো চিকিৎসকে আন্তৰিক অভিনন্দন জ্ঞাপন কৰিছে।

15/09/2025

ডিব্ৰুগড়ত ৰেডক্ৰছ চ'ছাইটিৰ ৬১ সংখ্যক সভা সম্পন্ন
#ব্ৰহ্মপুত্ৰ_বাৰ্তা
ডিব্ৰুগড়ত ৰেডক্ৰচ চ'ছাইটিৰ ৬১ সংখ্যক মাহেকীয়া সভাখনি চ'ছাইটি সদস্যসকলৰ উপস্থিতিত সম্পন্ন হয়। ডিব্ৰুগড়ৰ বিশিষ্ট ব্যৱসায়ী, সমাজসেৱক , মানৱ দৰদী তথা চ'ছাইটিৰ উপপৃষ্ঠপোষক আত্মাৰাম বিমৰীৱালৰ নৱনিৰ্মিত খলিহামাৰিস্থিত হোটেল " চিগনেট ইন "ত এই সভাখনি সম্পন্ন হয়।

চ'ছাইটিৰ সভাপতি ড০ পঙ্কজ কুমাৰ শ্ৰুতিকৰৰ সভাপতিত্বত অনুষ্ঠিত হোৱা সভাখনত কেইবাটাও গুৰুত্বপূৰ্ণ দিশ সামৰি কাৰ্য্যপন্থা হাতত লোৱা হয়। এই ক্ষেত্ৰত চ'ছাইটিৰ সম্পাদক অনুজ কুমাৰ বৰুৱাই বিগত ৬০ সংখ্যক সভাৰ প্ৰতিবেদন পাঠকৰাৰ লগতে ইতিমধ্যে ৰূপায়িত হোৱা বিভিন্ন কাৰ্যৱলীৰ বিষয়ে সভাত ব্যক্ত কৰে ।

সভাত মূলতঃ স্বেচ্ছাসেৱী দলৰ গঠন আৰু প্ৰশিক্ষণ প্ৰদানৰ ব্যৱস্থা তথা অৰ্থ সংগ্ৰহ আৰু চ'ছাইটিৰ সদস্য সকলৰ বাবে পৰিচয় সূচক বেজ পৰিধানৰ সিদ্ধান্ত গ্ৰহণ কৰা হয়। এই সভাতে কেইবাগৰাকীও বিশিষ্ট ব্যক্তিয়ে সভাৰ আজীৱন সদস্যৰ পদ গ্ৰহণ কৰে। সভাত উপস্থিত ৰেডক্ৰছ চ'ছাইটিৰ উপ-পৃষ্ঠপোষক ডাঃ প্ৰণিত কুমাৰ চৌধুৰী আৰু আত্মাৰাম বিমৰীৱালে ৰেডক্ৰছৰ মূল লক্ষ্য আৰু উদ্দেশ্য সাৰোগত কৰি মানৱ সেৱাৰ বাবে সকলোকে হাত আগবঢ়াবলৈ অনুৰোধ জনায় । অনুষ্ঠানত ড০ কৰবী ডেকা হাজৰিকা, ড০ ৰুনুমা শৰ্মা, ড০ ৰঘুনাথ বৰবৰা, আদি উপস্থিত থাকে।

সভাৰ অন্তত ভাৰতৰত্ন সুধাকণ্ঠ ড: ভূপেন হাজৰিকাৰ জন্ম শতবাৰ্ষিকী উপলক্ষত তেখেতৰ কালজয়ী গীত "মানুহে মানুহৰ বাবে" পৰিবেশন কৰা হয় আৰু 'মৃত্যু জিনাৰ গান'- শীৰ্ষক কবিতাটি সভাৰ আজীৱন সদস্য কৃপাল কুমাৰ ফুকনে আবৃত্তি কৰি তেখেতলৈ শ্ৰদ্ধাঞ্জলি জ্ঞাপন কৰে।

15/09/2025

ডিব্ৰুগড়ৰ বঙালগাঁৱত অসম সাহিত্য সভাৰ শাখা গঠন: ভূষণ জ্যোতি সন্দিকৈ সভাপতি
#ব্ৰহ্মপুত্ৰ_বাৰ্তা
ডিব্ৰুগড়ৰ বঙালগাঁওস্থিত বঙালগাঁও প্ৰাথমিক বিদ্যালয়ত অনুষ্ঠিত এক ৰাজহুৱা সভাত অসম সাহিত্য সভাৰ এটি শাখা গঠন কৰা হয়৷ বঙালগাঁৱৰ লগতে অঞ্চলটোৰ সমীপৱৰ্তী হিলৈধাৰী, চান্দৈপথাৰ, মাইজান, সেউজপুৰ, বাণীপুৰ তিনিআলি আদি অঞ্চলৰ শতাধিক পুৰুষ-মহিলা, যুৱক-যুৱতী, চৰকাৰী গাঁওপ্ৰধান, পঞ্চয়ত আৰু জিলা পৰিষদৰ সদস্যৰ উপস্থিতিত অনুষ্ঠিত ৰাজহুৱা সভাই অঞ্চলটোৰ উঠি অহা প্ৰজন্মৰ মাজত গ্ৰন্থ অধ্যয়ন আৰু সাহিত্য চৰ্চাৰ পৰিৱেশ গঢ়ি তোলাৰ লক্ষ্যৰে এই শাখাসমিতি গঠন কৰা হয় ।

সম্পাদকে সভাৰ উদ্দেশ্য ব্যাখ্যা কৰাৰ পাছত সুদীৰ্ঘ আলোচনাৰ অন্তত ৰাজহুৱা সভাই সৰ্বসন্মতিক্ৰমে এখনি উচ্চ সম্পন্ন শাখাসমিতি গঠন কৰি কেন্দ্ৰীয় সমিতিৰ স্বীকৃতিৰ বাবে প্ৰেৰণ কৰা হয়। ‘ৰামধেনু শাখা সাহিত্য সভা’ নামেৰে নামকৰণ কৰা শাখা সমিতিৰ সভাপতি হিচাপে বিশিষ্ট লেখক- জ্যেষ্ঠ সাংবাদিক ভূষণজ্যোতি সন্দিকৈ আৰু সম্পাদক হিচাপে অনিল প্ৰসাদ সিংহকলৈ এখনি ১৮ জনীয়া সদস্যৰে শক্তিশালী শাখা সমিতি গঠন কৰা হয়৷

সমিতিৰ অন্যান্য বিষয়-ববীয়াসকল হৈছে– ৰত্নেশ্বৰ ফুকন (উপ-সভাপতি), বিমল চন্দ্ৰ দত্ত আৰু কৃষ্ণ দাস (সহ: সম্পাদক), মদন ভৰালী (কোষাধ্যক্ষ) আৰু মাণিক বৈশ্য (পত্ৰিকা সম্পাদক)। সমিতি গঠন অনুষ্ঠানত ডিব্ৰুগড় জিলা সাহিত্য সভাৰ তৰফৰ পৰা পৰ্যবেক্ষক হিচাপে জিলা সহঃ সম্পাদক অজিত কুমাৰ বুঢ়াগোহাঁই আৰু কেন্দ্ৰীয় সমিতিৰ প্ৰতিনিধি হিচাপে উপস্থিত থাকে অসম সাহিত্য সভাৰ কেন্দ্ৰীয় সমিতিৰ আমন্ত্ৰিত সদস্য লেখক- সাহিত্যিক ইন্দ্ৰ গগৈ৷ মূল সমিতিৰ উপৰি এই সভাতেই ‘ৰামধেনু’, ‘আকাশ’, আৰু ‘কুঁহি’ – এই তিনিখন উপ-সমিতিও গঠন কৰা হয়৷

08/09/2025

ভুমুকি মাৰকঃ

08/09/2025

Honda Wrv.
In Emaculate condition.
Model: 2019.
Contact: Sajal Battery House, Dibrugarh.
Contact No: 8720944284.

08/09/2025

07/09/2025

Foundation Stone of National Public School Laid at Bebejia, Dibrugarh by Trust for Humanity

Correspondent, Dibrugarh, 6 September.
On the occasion of Teachers’ Day, the foundation stone of a National Public School was laid at Bebejia, a suburban area of Dibrugarh, under the initiative of the organization Trust for Humanity. The school, to be affiliated with CBSE, will impart education from Nursery up to Class XII. The people of Bebejia expressed happiness at the establishment of such a premier school in their area.

At the beginning of the foundation stone-laying ceremony, recitation from the Quran and a Borgeet of the great saint Srimanta Sankardev were performed.
Retired teacher and social worker Dhiren Chandra Moran, speaking with emotion at the meeting, said that even after 78 years of independence, a premier school was never established in Bebejia.

With the laying of the foundation stone, the people of the region expressed satisfaction and hope that it will bring new opportunities for the future.The meeting, presided over by eminent social worker and orator, as well as retired Headmaster of Bagmibor Neelomoni Phukan High School, Chehir Ahmed, was attended by:

Babita Gogoi Saikia (member of the village head committee), Sanjib Das (village head of Japi Sojiya), Retired village head and social worker Tridib Saikia,Retired employee of the Deputy Commissioner’s office Horen Das,Social worker Kapul Moran,
News Life’s Dibrugarh correspondent Suruj Dutta,
Retired Senior Sub-Registrar Alhaj Jehir Uddin Ahmed,
Social worker Arpana Bora,
Writer Gairika Barua Ahmed,
Social worker-senor journalist M. Hashim Ali, Social worker and village head Rakesh Raut, Noushad Ali Ahmed, among others.The meeting was anchored by social worker Imran Hussain, while the introduction was read by the Trust’s secretary Alhaj Mohibul Hussain. The objectives and mission of the Trust were explained by its founder Alhaj Imtiaz Ahmed. Words of appreciation were offered by the Trust’s Vice-President Alhaj Rofik Ahmed.At the end of the meeting, the foundation stone was laid in the presence of the assembled people of the area. To mark the occasion, a bokul sapling was planted by women’s leader and social worker Arpana Bora.

07/09/2025

অসম চিকিৎসা মহাবিদ্যালয়ৰ অৱসৰপ্ৰাপ্ত অধীক্ষক ডাঃ ৰবীন্দ্ৰ নাথ বৰাৰ মৃত্যুত বিভিন্ন জনৰ শোক
#ব্ৰহ্মপুত্ৰ_বাৰ্তা
ডিব্ৰুগড়ৰ অসম চিকিৎসা মহাবিদ্যালয়ৰ অৱসৰপ্ৰাপ্ত অধীক্ষক, মিলন নগৰ নিবাসী ডাঃ ৰবীন্দ্ৰ নাথ বৰাৰ ৮৫ বছৰ বয়সত বাৰ্ধক্য জনিত কাৰণত মৃত্যু হয় ।

১৯৪১ চনৰ ১ চেপ্টেম্বৰত মৰিয়নি ন-কছাৰী নাগিনিজান বাগানত জন্ম গ্ৰহণ কৰা ডাঃ বৰাই পৰৱৰ্তী সময়ত অসম চিকিৎসা মহাবিদ্যালয়ত পঢ়া শুনা কৰাৰ পাছত সেই মহাবিদ্যালয়তে কৰ্ম জীৱনৰ পাতনি মেলি ১৯৯৯ চনত অধীক্ষক হিচাপে অৱসৰ গ্ৰহণ কৰে। তেখেতে অৱসৰ গ্ৰহণ কৰাৰ পাছতো হাইদৰাবাদ, নেপাল, কাঠমাণ্ডু আদিত চিকিৎসা সেৱা আবঢ়াইছিল।

তেখেতে মৃত্যুৰ সময়ত পত্নী ধনদা বৰা, পুত্ৰ ডাঃ মানস প্ৰতীম বৰা আৰু একমাত্ৰ কন্যা ডাঃ ময়ুৰী বৰাৰ লগতে পৰিয়ালৰ অনেক আত্মীয়ক ইহ সংসাৰত এৰি যায়।

তেওঁৰ মৃত্যুত অসম চিকিৎসা মহাবিদ্যালয়ৰ অধ্যক্ষ ডাঃ সঞ্জীৱ কাকতি, ডিব্ৰুগড় পৌৰ নিগমৰ মেয়ৰ ডাঃ সৈকৎ পাত্ৰ, ডাঃ শান্তনু লহকৰ, ডাঃ বি এন মহন্ত, ড০ ভাৰতী দত্ত , পেঞ্চনাৰ সন্থাৰ মৃদুল শৰ্মা আদিয়ে শোক প্ৰকাশ কৰাৰ লগতে শোক সন্তপ্ত পৰিয়ালক সমবেদনা জ্ঞাপন কৰে।

07/09/2025

ডিব্ৰুগড় জিলা সাঁতোৰ সন্থাৰ নতুন সমিতিৰ গঠন
#ব্ৰহ্মপুত্ৰ_প্ৰতিৱেদক
উপযুক্ত আৰু স্বচ্ছ পৰিবেশত সাঁতোৰ শিকিবলৈ আৰু নৱ প্ৰজন্মৰ সাতোঁৰ খেলুৱইক উৎসাহিত কৰি অহা ডিব্ৰুগড় জিলা সাতোঁৰ সন্থাৰ সাধাৰণ সভাখনি ডিব্ৰুগড়ৰ হোটেল কেতেকীৰ সভাকক্ষত অনুষ্ঠিত হয়।

সদৌ অসম কেন্দ্ৰীয় সাতোঁৰ সন্থাৰ বিষয়ববীয়াৰ লগতে ডিব্ৰুগড় জিলাখনৰ পৰা অহা প্রতিনিধি সভাই আগন্তক কাৰ্য্যকালৰ বাবে সভাপতি যদুনাথ গগৈ, উপ-সভাপতি নৱ কুমাৰ গগৈ আৰু নিশিজোৎনা মহন, সাধাৰণ সম্পাদক জ্ঞানদ্বীপ গগৈ, যুটীয়া সম্পাদক পঙ্কজ শইকীয়া আৰু দয়ানন্দ গগৈ , সহকাৰী সম্পাদক অভিজিত কোঁৱৰ আৰু অভিজিত সোণোৱাল আৰু বৃত্ত সম্পাদক হিচাপে প্ৰনৱ জ্যোতি মহন লগতে ধৰ্মেন্দ্ৰ দিহিঙ্গীয়া,পুতুল শইকীয়া,জৰ্জ মৰাণ,অজয় কুমাৰ মেচ,পলাশ বৰুৱা, পদ্মধৰ সোণোৱাল, মৃণাল গগৈ আৰু জীৱন ৰাজখোৱাক সদস্য হিচাপে লৈ ডিব্ৰুগড় জিলা সাঁতোৰ সমিতিখন গঠন কৰা হয়।

সভাত সমিতিৰ বহুকেইটা গুৰুত্বপূৰ্ণ প্ৰস্তুাৱ গ্ৰহণ কৰে আৰু চলিত বৰ্ষতে ৰাজ্যিক পৰ্যায়ত এখনি সাতোঁৰ প্ৰতিযোগিতা নামৰূপত অনুষ্ঠিত কৰাৰ সিদ্ধান্ত গ্ৰহণ কৰিছে।

07/09/2025

Observation of National Nutrition Week at Manohari Devi Kanoi Girls’ College, Dibrugarh

Correspondent, Dibrugarh, 7 September,2025.
At the historic institution of higher education in Dibrugarh, Manohari Devi Kanoi Girls’ College, the Department of Home Science organized a lecture program on the occasion of National Nutrition Week.

Inaugurating the event, the Principal of the college, Dr. Anupjyoti Bharali, explained the significance of National Nutrition Week and remarked that in a country like India, malnutrition is a major problem. He stressed the need to create awareness among the public about nutrition and balanced diet. After the welcome address by the Head of the Department of Home Science, Dr. Mandira Barthakur Saikia, Assistant Professor Dr. Sangita Saikia elaborated on the objectives of the event.

Resource person Pallabi Baruah highlighted the importance of consuming nutritious and balanced food to maintain good health. Another resource person, Dr. Sanghamitra Saikia, informed the students about protein-rich diets and the preparation and use of detox water.

The program was attended by Vice Principal Aniruddha Dutta, IQAC Coordinator Dr. Ashwini Mash, a good number of students, and faculty members. The vote of thanks was delivered by Assistant Professor of Home Science, Dr. Geetanjali Baruah.

07/09/2025

ডিব্ৰুগড়ৰ চাউলখোৱাত পৰিৱহণ বিভাগৰ পথ সুৰক্ষা সজাগতা সভা
#ব্ৰহ্মপুত্ৰ_প্ৰতিৱেদক
দিনকদিনে বাঢ়ি অহা পথ দুৰ্ঘটনা হ্ৰাস কৰাৰ অৰ্থে ৰাইজৰ মাজত সজাগতা সৃষ্টিৰ বাবে ডিব্ৰুগড়ৰ সমীপৱৰ্তী চাউলখোৱা উচ্চ মাধ্যমিক বিদ্যালয়ত এক পথ সুৰক্ষা সজাগতা সভাৰ আয়োজন কৰা হয়৷

ডিব্ৰুগড় জিলা পথ সুৰক্ষা সমিতি আৰু ডিব্ৰুগড় জিলা পৰিৱহণ বিভাগৰ উদ্যোগত আয়োজিত সভাত সভাপতিত্ব কৰে বিদ্যালয়খনৰ প্ৰধান শিক্ষয়িত্ৰী ইৰা বৰাই৷ তিনিচকীয়া বাহন সন্থাসমূহৰ গৰাকীৰ লগতে অৰ্ধশতাধিক শিক্ষাৰ্থীৰ উপস্থিতিত আয়োজিত সভাত উপস্থিত থাকি পৰিৱহন বিভাগৰ এম.ভি.আই. উদীপ্ত হাজৰিকাই ভাষণত পথত দুৰ্ঘটনা সংঘটিত হোৱাৰ কাৰণবোৰৰ কথা উল্লেখ কৰি ছাত্ৰ-ছাত্ৰী সকলে কিদৰে পথত খোজ কাঢ়িব লাগে, কিদৰে পথটো পাৰ হ’ব লাগে, চাইকেল চলোৱাৰ নিয়ম আদিৰ বিষয়ে উল্লেখ কৰে৷ সভাখনি আঁতধৰি এনফ’ৰ্চমেণ্ট পৰিদৰ্শক নৰেন বৰঠাকুৰে পথ দুৰ্ঘটনাৰ পৰা হাত সাৰিবলৈ ‘পঞ্চসূত্ৰ’ মানি চলাৰ ওপৰত গুৰুত্ব প্ৰদান কৰি সুৰাপান কৰি গাড়ী নচলোৱা, চিটবেল্ট পিন্ধা, বাহন চলাওঁতে ম’বাইল ফোন ব্যৱহাৰ নকৰা, অত্যধিক গতিবেগত গাড়ী নচলোৱা আৰু হেলমেট পিন্ধাৰ গুৰুত্ব সম্পৰ্কে উল্লেখ কৰি এইসমূহ মানি চলাৰ আহ্বান জনায়৷

সভাত সমল ব্যক্তি হিচাপে উপস্থিত থকা পথ সুৰক্ষা কৰ্মী তথা পথ জিলা সুৰক্ষা সমিতিৰ সদস্য ৰতন হাজৰিকাই যান-বাহন চলোৱা সময়ত প্ৰত্যেক গৰাকী বক্তিয়ে নিজকে এগৰাকী দায়িত্বশীল নাগৰিক হিচাপে পৰিচয় দিয়াৰ আহ্বান জনাই কয় যে বিশেষকৈ একোখন বাণিজ্যিক বাহনত এগৰাকী চালকৰ ওচৰত যাত্ৰী সকলে যিহেতু নিজৰ জীৱন সমৰ্পিত কৰি ৰাখে সেইবাবে চালক সকলে কেৱল যাত্ৰীৰ লোভত মানুহৰ জীৱন ধ্বংস কৰাৰ দুস্কাৰ্যৰ পৰা নিজকে আঁতৰাই ৰখা উচিত৷ প্ৰতিগৰাকী যান-বাহনৰ চালকে যদি পথত দায়িত্বসহকাৰে নিজৰ নিজৰ বাহন চালনা কৰে তেন্তে পথত বহুখিনি দুৰ্ঘটনা নিশ্চিতভাৱে হ্ৰাস পাব৷

প্ৰসংগক্ৰমে তেওঁ দেশত বছৰি বাঢ়ি অহা পথ দুৰ্ঘটনা হ্ৰাস কৰাৰ বাবে চুপ্ৰিম ক’ৰ্টে নিৰ্দেশনা দিবলগা পৰিস্থিতি সৃষ্টি হোৱাৰ বাবে উদ্বেগ প্ৰকাশ কৰি শিক্ষাৰ্থী সকলক নিজৰ অভিভাৱকক হেলমেট নিপিন্ধাকৈ বা চিটবেল্ট নমৰাকৈ ঘৰৰ পৰা ওলাই যাবলৈ নিদি পথ দুৰ্ঘটনা হ্ৰাস কৰাৰ বাবেও আহ্বান জনায়৷ সভাত উপস্থিত থাকি চাউলখোৱা ঘৰবন্দীচুকৰ দুই নং ৱাৰ্ড সদস্য ৰহিমা বেগমেও পথ সুৰক্ষাৰ বাবে বিশেষকৈ শিক্ষাৰ্থীসকলক পথত অহা-যোৱা কৰা সময়ত সজাগ হোৱাৰ লগতে এনে ধৰণৰ সভা সঘনাই আয়োজনৰ ওপৰত গুৰুত্ব আপেৰৰাপ কৰে৷

সভাত মাৰোৱাৰীপট্টি-মোহনবাৰী থ্ৰি হুইলাৰ্চ এচ’ছিয়েচনৰ হৈ সভাপতি সৌন্দৰ্য গগৈ, ডিব্ৰুগড় টাউন এপে’ সন্থাৰ সভাপতি ফাইজুদ্দিন আহমেদ আৰু ডিব্ৰুগড় ইভি ৰিক্সা এচ’ছিয়েচনৰ হৈ মৃদুল আলিয়ে তেওঁলোকৰ নিজৰ সুৰক্ষাৰ লগতে যাত্ৰীৰ সুৰক্ষাৰ্থে ল’বলগীয়া ব্যৱস্থা আৰু দায়িত্ব-কৰ্তব্যৰ সম্পৰ্কত আলোকপাত কৰি বক্তব্য আগবঢ়ায়৷ সভাত কেউটা সংগঠনৰ বিষয়ববীয়া আৰু সদস্য সকলৰ লগতে জিলা পৰিৱহণ বিষয়া কাৰ্যালয়ৰ এনফ’ৰ্ছমেণ্ট টীমৰ সহযোগী বিষয়াবৰ্গ উপস্থিত থাকে৷

02/09/2025