S chinnaraj Dindigul

S chinnaraj Dindigul Contact information, map and directions, contact form, opening hours, services, ratings, photos, videos and announcements from S chinnaraj Dindigul, Dindigul.

29/07/2026

ஆவண எழுத்தர் பயிற்சி.....

📣ப்ராப்தம் ரியல் எஸ்டேட் அகடமி நடத்தும்📣

💫🥳ஆவண எழுத்தர் மற்றும் ஆவணத்துறை தொழில் முனைவோருக்கான உந்துதல் பயற்சி💫🥳

💥🎉புதிய அனுபவத்தில் மதுரை மாவட்டம் - இறை வாக்கு மையத்தில்
வைத்து ஆகஸ்ட் மாதம் 06,07,08,09- 2026 ( வியாழன், வெள்ளி, சனி மற்றும் ஞாயிறு ) ஆகிய நான்கு நாட்கள் தங்கும் 🛖இடம், 🍲உணவு, ☕️தேனீர் உட்பட 📘பயிற்சி கட்டணம் 💰ரூ.11,999 /- மட்டுமே.

⚠️குறிப்பு
ஜூலை மாதம் 25 ம் தேதிக்குள் முன்பதிவு கட்டணம் ரூ.5000/- செலுத்தி முன்பதிவு செய்தால் நில பிரச்சனை தீர்க்க உதவும் ரூபாய் 450 மதிப்புள்ள புத்தகம் இலவசம் மற்றும் இடம் உறுதி செய்யப்படும்.

தொடர்புக்கு:
8870040442
மற்றும்
9786077999

📍 முகவரி :
இறை வாக்கு மையம்,
வாடிப்பட்டி,
மதுரை - திண்டுக்கல் 4 வழிச் சாலை வாடிப்பட்டி,
மதுரை மாவட்டம்.

முற்றிலும் குளிரூட்டப்பட்ட அரங்கம், டிஜிட்டல் பயிற்சிகள்,
அறை இருவர் வீதம் தங்குமிடம், பயிற்சி நாட்களில் தினசரி மதியம் ஒரு அசைவ உணவு என சிறப்பான வசதிகளுடன் தமிழ்நாட்டின் முன்னோடி அகாடமியின் வெற்றிகர பயிற்சியில் நாமும் இணைவோம் தொழிலில் முன்னேறுவோம்...

📌 Location :

https://maps.app.goo.gl/rCF23MVNQm6eph94A

பயற்சி அளிப்பவர்: சா.மு.பரஞ்சோதி பாண்டியன்
எழுத்தாளர் தொழில் முனைவர்
🔖பேசப்படும் தலைப்புகள்:
1. பதிவு மற்றும் பதிவுதுறை வரலாறு
2. பதிவு செய்தால் சொத்தின் நிலை மாறுகிறது
3. எந்த எந்த ஆவணங்களை பதியலாம்? எங்கு பதியலாம்
4. அசையும் சொத்து அசையா சொத்து
5. வழிகாட்டு மதிப்பும் சிக்கல்களும்
6. சார்பதிவகத்தின் 5 புத்தகங்கள்
7. வில்லங்க சான்று வில்லங்கங்கள்
8. காப்பி ஆப்டி டாகுமென்ட்கள்
9. காலாவதி ஆகி போன நகல் எழுத்தர்கள்
10. ஆவண எழுத்தர்களின் தற்போதைய நிலை
11. வழக்கறிஞர்கள்
12. கிரய பத்திரம்
13. கிரய அக்கிரிமென்ட்
14. பாக பிரிவினை
15. தான பத்திரம்
16. குடும்ப ஏற்பாடு பத்திரம்
17. விடுதலை பத்திரம்
18. சம்மத பத்திரம்
19. பரிவர்த்தனை பத்திரம்
20. பவர் பத்திரம்
21. உயில் பத்திரம்
22. ரத்து பத்திரம்
23. பிழை திருத்தல் பத்திரம்
24. அடமான பத்திரங்கள்
25. குத்தகை வாடகை பத்திரங்கள்
26. இன்டிமிண்டி ஜாமீன் பத்திரம்
27. வசதி உரிமை
28. உறுதி மொழி பத்திரம்
29. முறையாக ஆவணம் எழுதும் முறை.
தமிழக நில நிர்வாக வரலாறு!
🔖 பேசப்படும் தலைப்புகள்:
1. அக்பர் கால நில நிர்வாகம்
2. பாளையக்காரர் கால நில நிர்வாகம்
3. சௌத்ரி, குரோரி
4. ஜாகீர், ஸ்தோத்திரியும்
5. தேவதானம், தர்ம தாயம்
6. கீழ்வாரம், அடிமை முறை
7. கித்மதி பிரஜா / பாஹில்காஷட்
8. மஜீம்தார் / தேஷ்பாண்டே
9. கர்ணம், நீர்கட்டி, தலையாரி, வெட்டியான்
10. கிழக்கிந்திய ஆட்சி கால நில நிர்வாகம்
11. சாசுவத செட்டில்மெண்ட்
12. ஜமீன்தாரி, ரயத்துவாரி செட்டில்மெண்ட்
13. முதல் கட்ட இனாம் ஒழிப்பு
14. சர் சார்லஸ் ட்ரில்லின்ஸ் இனாம் ஒழிப்பு
15. அடிமை முறை ஒழிப்பு / கூலி முறை அமுல்
16. பைமாஸ் சர்வே
17. கிரேட் டிரக்னாமென்டர்ரி சர்வே
18. கடாஸ்ட்ரல் சர்வே
19. டேபிள் ட்ராயிங் சர்வே
20. சிறு சுற்று புல சர்வே
21. தியோடலைட் சர்வே
22. செட்டில்மெண்ட் பைசாலதி
23. மூன்றாம் கட்ட இனாம் ஒழிப்பு
24. ஜமீன் ஒழிப்பு
25. நில உச்சவரம்பு / நகர்ப்புற நில உச்சவரம்பு
26. நில ஒப்படைகள்
27. யூடிஆர் பட்டா பாஸ்புக்
28. யூடிஆர் கணக்கு இன்றைய நிலை
29. நத்தம் கணக்கு இன்றைய நிலை
டிடிசிபி | சிஎம்டிஏ | கம்பைன்ட் பில்டிங் ரூல்ஸ் – 2019
🔖பேசப்படும் தலைப்புகள்:
1.திட்டமிடல் அமைப்புகள் – அறிமுகம்
2.டிடிசிபி (DTCP) என்றால் என்ன?
3.சிஎம்டிஏ (CMDA) என்றால் என்ன?
4.கம்பைன்ட் பில்டிங் ரூல்ஸ் – 2019 என்றால் என்ன?
5.அதிகார வரம்புகள் மற்றும் செயல்பாட்டு பகுதிகள்
6.கிராமப்புறம் மற்றும் மாநகரப்புற திட்ட அனுமதி வித்தியாசம்
7.நகர மற்றும் ஊரக திட்டமிடல் சட்ட அடிப்படை
8.அபிவிருத்தி கட்டுப்பாட்டு விதிகள் திட்ட அனுமதி பெறும் சட்ட நடைமுறை
9.லேஅவுட் அனுமதி மற்றும் கட்டிடம் அனுமதி வித்தியாசம்
10.டிடிசிபி லேஅவுட் அனுமதி நடைமுறை
11.சிஎம்டிஏ லேஅவுட் அனுமதி நடைமுறை
12.அங்கீகரிக்கப்பட்ட மனையை சரிபார்ப்பது எப்படி?
13.ஓ.எஸ்.ஆர் (Open Space Reservation) நிலம் என்றால் என்ன?
14.பொதுப் பயன்பாட்டு நில ஒதுக்கீடு
15.கட்டிடம் திட்ட அனுமதி பெறும் நடைமுறை
வரைபட சமர்ப்பிப்பு மற்றும் தேவையான ஆவணங்கள்
16.ஆன்லைன் அனுமதி முறை
சிறப்பு கட்டிடம் மற்றும் பல்தள கட்டிடம் விதிகள்
17.எப்.எஸ்.ஐ / எப்.ஏ.ஆர் (FSI / FAR) கணக்கீடு எப்.எஸ்.ஐ என்றால் என்ன?
18.எப்.ஏ.ஆர் கணக்கீட்டு முறை
19.கூடுதல் எப்.எஸ்.ஐ (Premium FSI)
20.சாலை அகலம் மற்றும் கட்டிடம் உயரம் தொடர்பு
21.செட்பேக் மற்றும் திறந்த வெளி விதிகள்,முன்புற இடைவெளி,பின்புற இடைவெளி,பக்கவாட்டு இடைவெளி குறைந்தபட்ச திறந்த வெளி விதிகள் நில அளவை அடிப்படையிலான விதிமுறைகள்
22.வாகன நிறுத்துமிடம் விதிகள்,குடியிருப்பு கட்டிடங்களுக்கு பார்க்கிங், வணிக கட்டிடங்களுக்கு பார்க்கிங்,அடித்தளம் / ஸ்டில்ட் பார்க்கிங், விருந்தினர் பார்க்கிங் விதிகள்
23.தீ பாதுகாப்பு மற்றும் பாதுகாப்பு விதிகள் அவசர வெளியேறும் வழிகள்,தீ அணைப்பு வசதிகள் உயரமான கட்டிடங்களுக்கு பாதுகாப்பு விதிகள் அவசர அணுகுமுறை சாலை
24.மாற்றுத் திறனாளிகள் அணுகல் விதிகள் சாய்வு ரேம்ப், லிப்ட் வசதி அணுகலுக்கான கழிப்பறை வசதி
25.சுற்றுச்சூழல் தொடர்பான விதிகள் மழைநீர் சேகரிப்பு,திடக் கழிவு மேலாண்மை,மர பாதுகாப்பு பசுமை கட்டிடம் கருத்துக்கள்
26.விதிமுறைகள் மீறல் மற்றும் சட்ட விளைவுகள் அனுமதி இல்லா கட்டிடம்,பூட்டு & சீல் நடவடிக்கை இடிப்பு உத்தரவு கட்டிடம் சட்டபூர்வமாக்கல் நடைமுறை
மேல்முறையீடு செய்யும் நடைமுறை
27.ஆவணங்கள் மற்றும் இணக்கம்,திட்ட பரிசீலனை பட்டியல்,தேவையான சான்றிதழ்கள்,கட்டிடம் நிறைவு சான்றிதழ்,பயன்பாட்டு (Occupancy) சான்றிதழ்
28.நடைமுறை வழக்குக் கள ஆய்வு,டிடிசிபி அனுமதி எடுத்த உதாரணம்,சிஎம்டிஏ அனுமதி எடுத்த உதாரணம் எப்.எஸ்.ஐ கணக்கீட்டு உதாரணம்,செட்பேக் மீறல் உதாரணம்
💻tnregnet.in பதிவுத்துறை இணையதளத்தில் பத்திரங்களை பதிவேற்றுவது எப்படி?
பயற்சி அளிப்பவர்: திரு. மோகன், R.K. சார்பதிவகம்
🔖பேசப்படும் தலைப்புகள்:
1. முன்னுரை
2. ஆன்லைன் ஐ.டி உருவாக்கம்
3. விக்கிரைய உடன்படிக்கை, கிரைய உடன்படிக்கை ஆவணம்.
4. விக்கியைப்பத்திரம்
5. அடமானப் பத்திரம்
6. குடும்ப ஏற்பாடு பத்திரம்/செட்டில்மெண்ட பத்திரம்
7. விடுதலை பத்திரம்
8. பாகப்பிரிவினை பத்திரம்
9. தான பத்திரம்
10. உரிமை ஆவணங்கள் ஒப்படைப்பு ஆவணம்(MODT)
11. பைசல் இரசீது பத்திரம்(பணப்பற்று பத்திரம்)
12. விடுதலை பத்திரம்
13. சம்மதப்பத்திரம்
14. உயில் பத்திரம்
15. உயில் இரத்து பத்திரம்
16. இரத்து பத்திரம்(அக்கிரிமெண்ட் ரத்து/பவர் இரத்து)
17. பொது அதிகார ஆவணம்/ பவர் பத்திரம்
18. பரிவர்த்தனை பத்திரம்
19. பிழைத்திருத்தல் பத்திரம்
20. வில்லங்கச் சான்றிதழ் விண்ணப்பித்து பெறுவது
21. சான்றிட்ட நகலினை விண்ணப்பித்து பெறுவது
22. பதிவுக்கட்டணம் செலுத்துவது ஆன்லைன் எப்படி
23. முத்திரைத்தாளினை ஆன்லைலின் சேர்ப்பது எப்படி
24. உருவாக்கப்பட்ட தற்காலிக ஆவண எண்கொண்டு (டி.பி எண்) மீண்டும் எப்படி பத்திரங்களை உருவாக்குவது
25. டோக்கன் எப்படி எடுப்பது(பிரிண்ட செய்வது)
26. சங்கம் பதிவு
27. அறக்கட்டளை பதிவு
🔖பேசப்படும் தலைப்புகள்:
⭐ STAR 3.0 – 18 முக்கிய ஆன்லைன் சேவைகள் ⭐
A.சொத்து & ஆவணப் பதிவு சேவைகள்
1.நேரடி வருகையில்லா ஆவணப் பதிவு (Contactless Registration)
2. காகிதமில்லா ஆவணப் பதிவு (Paperless Registration)
3. தானியங்கி பத்திர உருவாக்கம் (Automated Document Creation)
4. மறுவிற்பனை அடுக்குமாடி குடியிருப்பு பதிவு – அன்றே முடித்தல்
5. பத்திர முன்வரைவு (Draft Deed) தயாரித்தல்
6.ஸ்டாம்ப் டியூட்டி & பதிவு கட்டணம் ஆன்லைன் செலுத்துதல்
7.Guideline Value (வழிகாட்டி மதிப்பு) தேடல்
B.சான்றிதழ்கள் & நகல் ஆவணங்கள்:
1. வில்லங்கச் சான்றிதழ் (EC) – ஆன்லைன் விண்ணப்பம் & பதிவிறக்கம்
2. ஆவண நகல் (Certified Copy) பெறுதல்
3. ஆவண தேடல் (Document Search)
4. Index Search / Book Search
C.திருமண & தனிநபர் சேவைகள்:
1.திருமணச் சான்றிதழ் பதிவிறக்கம்
2. திருமணப் பதிவு திருத்தம் / மாற்றம்
3. D.பவர் & சிறப்பு பதிவுகள்
4.பவர் ஆஃப் அட்டார்னி பதிவு / ரத்து
5.உயில் (Will) பதிவு & பாதுகாப்பு
6. உயில் நகல் பெறுதல் / தேடல்
E.பொது & உதவி சேவைகள்:
1. பதிவு நிலை கண்காணிப்பு
(Application / Document Status Tracking)
🧾 ஆவணங்கள் தயாரிக்கும் முறை:
பயற்சி அளிப்பவர் : திரு.சரவண மாரியப்பன்
🔖பேசப்படும் தலைப்புகள்:
1. ஒரு ஆவணம் தயாரிக்கும்போது சரிபார்க்க வேண்டிய ஆவணங்கள்
2. ஆவணங்கள் தயாரித்தல்
3. ஆவணங்கள் மதிப்பீடு கணக்கிடுதல்
4. ஆவணங்களுக்கு முத்திரை தீர்வை மற்றும் பதிவுக்கட்டணம் கணக்கீடுதல்
5. வில்லங்க சான்று பெற மனு செய்தல்
6. ஆவண நகல் பெற மனு செய்தல்
தமிழ்நாடு கட்டட மனை விற்பனை ஒழுங்குமுறை ஆணையம்-TNRERA
பயற்சி அளிப்பவர் : திரு.K.K.அருள்ஜோதி - ஆடிட்டர்
🔖பேசப்படும் தலைப்புகள்:
▪️முக்கிய நோக்கங்கள், அம்சங்கள் & நன்மைகள்
▪️சட்டம், விதி & விதிமுறைகள்
▪️இந்திய அரசு வீட்டு வசதி மற்றும் நகர்ப்புற விவகாரங்கள் அமைச்சகம் -மத்திய ஆலோசனைக் குழு (CAC)
▪️தமிழ்நாடு கட்டட மனை விற்பனை (முறைப்படுத்துதல் & மேம்படுத்துதல்) சட்டம், 2016
▪️தமிழ்நாடு கட்டட மனை விற்பனை (முறைப்படுத்துதல் & மேம்படுத்துதல்) விதி, 2017
▪️தமிழ்நாடு கட்டட மனை விற்பனை ஒழுங்குமுறை குழுமம் (பொது) விதிமுறைகள், 2018
▪️மேல்முறையீட்டு ஆணையம் & ஒழுங்குமுறை விதிகள்
▪️தமிழ்நாடு மேல்முறையீட்டு ஆணையம் ஓழுங்குமுறை விதிகள், 2019
▪️தமிழ்நாடு மேல்முறையீட்டு ஆணையம் ஓழுங்குமுறை விதிகள், 2023
▪️ஆணைகள் & சுற்றறிக்கைகள்
▪️ரியல் எஸ்டேட் திட்டத்தின் பதிவு மற்றும் ரியல் எஸ்டேட் முகவர்களைப் பதிவு
▪️ஒதுக்கீடுதாரர்களின் உரிமைகள் மற்றும் கடமைகள்
▪️விளம்பரதாரரின் செயல்பாடுகள் மற்றும் கடமைகள்
▪️புகார் பதிவு & விதிமீறல்களுக்கான தண்டனைகள், அபராதங்கள் மற்றும் வழக்குத் தொடுப்பு
▪️அடிக்கடி கேட்கப்படும் கேள்விகள்
▪️செய்ய வேண்டியவை & செய்யக்கூடாதவை.
பத்திரப் பதிவுத்துறையில் (Registration Department)
வருமான வரித்துறையின் (Income Tax Act 2025) பங்கீடு
(Section-wise with practical oriented + case laws)
A. சட்ட அடித்தளம் (Legal Framework)
1.இந்திய அரசியலமைப்புச் சட்டம்-Constitution of India
2.வருமான வரிச் சட்டம், 2025-Income Tax Act, 2025
3.பதிவுச் சட்டம், 1908-Registration Act, 1908
4.இந்திய முத்திரைச் சட்டம், 1899-Indian Stamp Act, 1899
5.சொத்து பரிமாற்றச் சட்டம்,1882-Transfer of Property Act, 1882
6.நிறுவனங்கள் சட்டம், 2013-Companies Act, 2013
7.தகவல் தொழில்நுட்பச் சட்டம், 2000-Information Technology Act, 2000
8.பினாமி சொத்து பரிவர்த்தனைச் சட்டம், 1988-Benami Property Transactions Act, 1988
B. யூனியன் பட்டியல், மாநிலப் பட்டியல் மற்றும் பொதுப் பட்டியலில் வரி விதிக்கும் அதிகாரங்கள்-Taxing powers in the Union List, State List and Concurrent list.
C. வருமான வரிச் சட்டம் 2025 இன் படி பொதுவான விதிமுறைகள் மற்றும் அர்த்தங்கள்-General terms & meaning asper IT act 2025
1.உரிமைகள் / சொத்து / நிலம் / மனை / பயன்பாடு ஆகியவற்றின் பரிமாற்றத்தில் வருமான வரி -IT transactions on transfer of rights /property/land/plot/ use
2.வரி திட்டமிடல்/ வரி தவிர்ப்பு/ வரி ஏய்ப்பு மற்றும் வாங்குபவர்கள் மற்றும் விற்பனையாளர்களின் பொறுப்பு- Meaning of Tax planning/ tax avoidance/tax evasion & compliance to buyers & sellers
3.விற்பனைப் பத்திரம்/ பரிசுப் பத்திரம்/ தீர்வுப் பத்திரம்/ வழக்கறிஞரின் அதிகாரப் பத்திரம் & முக்கிய விஷயங்களில் ஆவண வாரியான வருமான வரி சரிபார்ப்புப் பட்டியல்-Document-wise Income Tax Checklist in Sale Deed/ Gift / Settlement Deed/ Power of Attorney & Key Takeaways.
4.வருமான வரி மின்னணு தாக்கல் மூலம் வருடாந்திர தகவல் அறிக்கை மற்றும் வரி செலுத்துவோர் தகவல் அமைப்பில் பரிவர்த்தனைகள் -Transactions in AIS & TIS using through IT e-filing login
D. முக்கிய தலைப்புகள் -Important Headings under IT act.
1.நிரந்தர கணக்கு எண் (PAN) மற்றும் ஆதார் (Aadhaar) தகவல் பரிமாற்றம்
2.ரொக்க பரிவரித்தனை கட்டுப்பாடுகள் மற்றும் நடவடிக்கைகள் -Cash Transaction Prohibition & non-compliance
3.டிடிஎஸ் வரி பிடித்தம் விளக்கம் மற்றும் உச்ச வரம்பு -TDS (Tax Deducted at Source explanation & limit)
4.பத்திர மதிப்பு = /(>) ரூ. 50 இலட்சத்திற்கு மேல் இருந்தால் TDS பிடித்தம்- (checklist, payment procedures, liability, rights of buyers/sellers & non-compliance)
5.முத்திரைத்தாள் மதிப்பீடு/ வழிகாட்டி மதிப்பு/ விற்பனை பரிமாற்றம் / சந்தை மதிப்பு/ குறை மதிப்பீடு / வாங்குபவர்களுக்கும் விற்பனையாளர்களுக்கும் இடையிலான உறவு (Valuation of Stamp Value/ Guideline value/ Sale consideration/market value/under Valuation/ Relationship between buyers & sellers)
6.மூலதன ஆதாயம்- Capital Gain
7.மூலதன வரி விலக்கு- Capital Gain Exemption.
8.சொத்துப் பதிவு பரிமாற்றத்தின்போது இந்தியர் மற்றும் வெளிநாடுவாழ் இந்தியர்கள் கடைபிடிக்க வேண்டிய அணுகுமுறைகள்-IT Compliances by Resident & NRI during transfer of property registration.
9.பத்திரப் பதிவிற்கு ஆவணங்களை தயார் செய்யும் போது சரிபார்க்க /தவிர்க்க வேண்டிய காரணிகள்
10.சட்ட நிபுணர்களின் முக்கியத்துவம்-Importance of law professionals/ document writers/ developers/promoter etc
11.பதிவாளர் அலுவலகம் மூலமாக வருமான வரித்துறைக்கு படிவம் தாக்கல் -Registrar offices Mandatory Reporting to IT Dept (AIR/(Statement of Financial Transaction)
E. பத்திர பதிவில் நிறுவன அடையாள எண் கட்டாய பதிவு – CIN (Corporate Identification Number) Under the Companies Act 2013.
📜⚖️சட்ட உரிமைகள் மற்றும் பாதுகாப்பு வழக்குகள்!
பயற்சி அளிப்பவர்: திரு.சபரி சுப்பிரமணியம்
RTI - பயிற்சியாளர்
🔖✍🏻பேசப்படும் தலைப்புகள்:
1. தகவல் பெறும் உரிமைச்சட்டம் பற்றிய அறிமுகம்
2.தகவல் பெறும் உரிமைச்சட்டம் மூலமாக எளிமையாக பதிவுதுறை ஆவணங்களை பெறுவது எப்படி?
3.தகவல் பெறும் உரிமைச்சட்டம் மூலமாக நிலஆவணங்களை பெறுவது எப்படி?
4.தகவல் பெறும் உரிமைச்சட்டம் மூலமாக ஆவணங்கள் கிடைக்கவில்லை என்றால் மேல்முறையீடு செய்து பெறுவது எப்படி?
5.தகவல் பெறும் உரிமைச்சட்டம் மூலமாக பெறப்படும் ஆவணங்களை பெற இணையம் மூலமாக கட்டணம் செலுத்தும் முறை?
6.தகவல் பெறும் உரிமைச்சட்டம் மூலமாக பழைய நில ஆவணங்களை நேரடியாக களஆய்வு 2 (J) மூலமாக பெறுவது எப்படி?
நில ஆவணங்களும் இணையதளங்களும்:
1. இணையம் மூலமாக சர்வே எண்ணை கண்டுபிடிக்கும் முறை (tngis)
2. (GPS) ஜிபிஎஸ் முறையில் இடத்தை அறிந்து கொள்ளுதல்
3. பழைய நில ஆவணங்களை இணையம் மூலமாக எளிமையாக பெரும் முறைகள்
4. பழைய நில ஆவணங்களை இணையம் மூலமாக அறிந்து கொள்ளல்
📞 மேலும் விபரங்களுக்கு
☎️ +91-8870040442 And 9786077999

10/07/2026

"அரசு மனை", "நத்தம் புறம்போக்கு" என்று இருந்தாலும் பட்டாதாரர் பெயர் இருந்தால் அது இனி "ரயத்துவாரி மனை"! – நத்தம் நிலப் பதிவுகளில் மிகப்பெரிய மாற்றம் கொண்டுவந்த தமிழக அரசின் G.O.Ms.No.221

அரசாணை விவரங்கள்.

அரசாணை எண்: G.O.(Ms) No.221
துறை: வருவாய் மற்றும் பேரிடர் மேலாண்மைத் துறை – சர்வே மற்றும் செட்டில்மென்ட் பிரிவு
தேதி: 04.05.2023

பின்னணி.

தமிழகத்தில் பல மாவட்டங்களில் நத்தம் செட்டில்மென்ட் (Natham Settlement) மேற்கொள்ளப்பட்ட விதம் ஒரே மாதிரியாக இல்லாததால், ஒரே வகையான தனியார் நிலங்கள் வெவ்வேறு மாவட்டங்களில் வெவ்வேறு பெயர்களில் பதிவாகியிருந்தன.

உதாரணமாக,

* நத்தம் மனை
* நத்தம் புறம்போக்கு
* நத்தம் சொந்தம்
* அரசு மனை
* சர்க்கார் மனை
* நத்தம் பிரைவேட்

போன்ற பல்வேறு வகைப்பாடுகள் பயன்படுத்தப்பட்டன.

இந்த முரண்பாடுகள், தமிழ் நிலம் (Tamil Nilam) கணினி மயமாக்கல் மற்றும் இணையவழி நிலப் பதிவுகளில் பெரிய குழப்பத்தை ஏற்படுத்தும் என்பதால், மாநிலம் முழுவதும் ஒரே மாதிரியான வகைப்பாட்டை கொண்டு வர அரசு இந்த அரசாணையை வெளியிட்டுள்ளது.

நத்தம் செட்டில்மென்ட் என்றால் என்ன?

1987–1988 காலகட்டத்தில், குடியிருப்பாக பயன்படுத்தப்பட்ட நத்தம் நிலங்களை ஆய்வு செய்து,

* வீடு கட்டியிருந்தவர்களுக்கு நத்தம் பட்டா வழங்கப்பட்டது.
* காலியாக இருந்த நிலங்கள் அரசு நிலமாக வகைப்படுத்தப்பட்டன.
* சாலை, கோயில், பள்ளி, மயானம் போன்ற பொது பயன்பாட்டு நிலங்கள் சர்க்கார் புறம்போக்கு என பதிவு செய்யப்பட்டன.
* விவசாய நிலங்கள் குடியிருப்பாக மாறியிருந்தால், அவை **ரயத்துவாரி மனை** என மாற்றப்பட்டன.

ஏன் புதிய அரசாணை தேவைப்பட்டது?

தமிழ் நிலம் (Tamil Nilam) திட்டத்தில் பதிவுகளை கணினி மயமாக்கும் போது,

"Government Manai", "Natham Poramboke" போன்ற பெயர்கள் அப்படியே பதிவேற்றப்பட்டால்,

* அவை அரசு நிலங்களாக தவறாக புரிந்துகொள்ளப்படும்.
* பதிவு, பட்டா மாறுதல் மற்றும் திட்ட அனுமதிகளில் சிக்கல்கள் ஏற்படும்.
* உண்மையில் தனியார் உரிமையுள்ள நிலங்களும் அரசு நிலங்களாகத் தோன்றும் அபாயம் உருவாகும்.

இதைத் தவிர்க்கவே புதிய ஒரே மாதிரியான வகைப்பாடு அறிவிக்கப்பட்டது.

அரசாணையின் மிக முக்கிய உத்தரவு

பட்டாதாரர் பெயர் உள்ள நத்தம் நிலங்கள் அனைத்தும் இனி "ரயத்துவாரி மனை (Ryotwari Manai)"

அரசாணையின் இணை அட்டவணைப்படி, கீழ்க்கண்ட அனைத்து வகைப்பாடுகளும் இனி Ryotwari Manai என பதிவேற்றப்பட வேண்டும்:

* நத்தம் மனை (பட்டாதாரர் பெயருடன்)
* நத்தம் புறம்போக்கு (பட்டாதாரர் பெயருடன்)
* நத்தம் சொந்தம்
* நத்தம் பிரைவேட்
* அரசு மனை / சர்க்கார் மனை (பட்டாதாரர் பெயருடன்)
* நத்தம் பட்டா வழங்கப்பட்ட அரசு புறம்போக்கு நிலங்கள்

இவை அனைத்தும் தனியார் உரிமையை பிரதிபலிக்கும் வகையில் Ryotwari Manai என மாற்றப்பட வேண்டும்.

எந்த நிலங்கள் மாற்றப்படாது?

கீழ்க்கண்ட நிலங்கள் அரசு புறம்போக்கு (Sarkar Poramboke) என்ற வகைப்பாட்டிலேயே தொடரும்:

* பட்டாதாரர் இல்லாத அரசு புறம்போக்கு
* சாலை
* தெரு
* கோயில்
* பள்ளி
* மயானம்
* பூங்கா
* தேசிய நெடுஞ்சாலை
* மாநில நெடுஞ்சாலை
* பிற பொது பயன்பாட்டு நிலங்கள்

தமிழ் நிலம் (Tamil Nilam) திட்டத்திற்கு இதன் முக்கியத்துவம்.

இந்த அரசாணையின் நோக்கம்,

* மாநிலம் முழுவதும் ஒரே மாதிரியான நத்தம் நில வகைப்பாடு உருவாக்குதல்.
* கணினி மயமாக்கப்பட்ட பதிவுகளில் தவறான வகைப்பாட்டைத் தவிர்த்தல்.
* தனியார் உரிமை நிலங்களை அரசு நிலங்களாக காட்டப்படுவதைத் தடுப்பது.
* பதிவு, பட்டா, வங்கி கடன், கட்டிட அனுமதி போன்ற செயல்முறைகளில் சட்டத் தெளிவை ஏற்படுத்துவது.

பொதுமக்களுக்கு கிடைக்கும் பயன்.

* பட்டாதாரர் பெயர் உள்ள நத்தம் நிலங்கள் இனி தெளிவாக தனியார் நிலங்களாக பதிவாகும்.
* "அரசு மனை", "நத்தம் புறம்போக்கு" போன்ற பழைய பெயர்களால் ஏற்படும் குழப்பம் நீங்கும்.
* தமிழ் நிலம் பதிவுகள் மற்றும் நத்தம் சிட்டா ஒரே மாதிரியான வகைப்பாட்டைப் பெறும்.
* சொத்து பரிமாற்றம், பட்டா மாறுதல், வங்கி கடன், கட்டிட அனுமதி போன்றவை எளிதாகும்.

முக்கிய அம்சங்கள்.

1. G.O.(Ms) No.221 – தேதி 04.05.2023.
2. மாநிலம் முழுவதும் (சென்னை தவிர) நத்தம் நில வகைப்பாடுகள் ஒரே மாதிரியாக்கப்பட்டன.
3. பட்டாதாரர் பெயர் உள்ள பல்வேறு நத்தம் வகைப்பாடுகள் Ryotwari Manai ஆக மாற்றப்படும்.
4. "அரசு மனை", "நத்தம் புறம்போக்கு" போன்ற பெயர்கள் இருந்தாலும், பட்டாதாரர் இருந்தால் அது தனியார் உரிமை நிலமாக கருதப்படும்.
5. பொது பயன்பாட்டு நிலங்கள் மட்டும் **Sarkar Poramboke** ஆகவே தொடரும்.
6. தமிழ் நிலம் கணினி மயமாக்கலுக்காக இந்த மாற்றம் கொண்டு வரப்பட்டது.
7. பதிவு மற்றும் பட்டா நடைமுறைகளில் ஏற்படும் குழப்பத்தை நீக்கும் முக்கிய அரசாணை இது.
8. தனியார் உரிமையை சரியாக பிரதிபலிக்கும் வகையில் மாநில அளவில் ஒரே வகைப்பாடு அமல்படுத்தப்பட்டுள்ளது.

P.M.சுந்தரமூர்த்தி M.A.,M.L.,
சிறப்பு அரசு பொது வழக்கறிஞர்
மாவட்ட மற்றும் அமர்வு நீதிமன்றம் திருப்பத்தூர்.

10/07/2026

✍🏼🌞🔥
இன்னும் பத்து வருடங்களில் வெயில் இப்பொழுதுள்ள அளவை விட ஒரு மடங்கு அதிகரிக்கும் அப்பொழுது நம்மால் அதி வெப்பத்தை தாங்க இயலாது. பச்சிளம் குழந்தைகளைக் காப்பாற்றுவதற்கு சிரமம்
இந்த வருடமே ஒவ்வொரு ஊரிலும் வெயிலால் கோடை கொப்பளம் வந்துள்ளது என மருத்துவ ஆய்வுகள் சொல்கிறது.

நம் வீட்டைச் சுற்றி இடமிருப்பின், முடிந்த அளவிற்கு மரங்களை நடுவோம்.

*மரம் நடுவோம் இயற்கையை காப்போம்*
😇
வரும் ஆவணி மாதம் மழை காலம் துவங்கும். அப்பொழுது தமிழகத்தில் 10 கோடி மரக் கன்றுகள் நட இப்பொழுதே திட்டமிடுவோம்!

மரக் கன்றுகள் உற்பத்தியாளர்கள்,
வனத் துறை,
பள்ளித் தாளாளர்கள்,
உயர் பதவிகளில் இருப்போர்,
பிரபலங்கள்,
ஆன்மீக தலைவர்கள்,
அனைத்து மதங்களின் குருமார்கள்,
கிராமத் தலைவர்கள்,
ஊர் தலைவர்கள்,
அனைத்துக் கட்சி தலைவர்கள் ஒன்று கூடி செயல்படுவோம்.

அதற்கு இப்போதிருந்தே தயார் ஆகி கொள்ளுங்கள். உங்களுக்கான ஒரு குழுவை இப்போதே உருவாக்கி கொள்ளுங்கள்.

_1 கோடி குடும்பமும்_ தலா *10 மரக் கன்றுகள்* நட்டு சாதிக்க முடியும். ஒவ்வொரு மரக் கன்றிற்கும் அடுத்த 1 வருடம் தினமும் 1 லிட்டர் நீர் விட்டால் போதும்.

இதே போல் சில வருடங்கள் தொடர்ந்து செய்தால், வரும் 2030 க்குள் தமிழகமும் குளிர்ந்து போகும்!

அவரவர் ஊர்களில் சிறு சிறு குழுக்களாக இன்றே ஆயத்தம் ஆகுங்கள். கிராமங்களில் இன்னும் அதிக மரக் கன்றுகள் நடுவதற்கு திட்டமிடுங்கள்.
✍🏼
இதற்கான வாட்ஸ்அப் குழுக்கள் அந்தந்த ஊர்களில், கிராமங்களில் இன்றே துவங்குங்கள்.
👌🏼
மரக் கன்றுகள் நடுங்கள்
அல்லது மரக் கன்றுகள் வாங்கி கொடுங்கள் அல்லது நட உதவுங்கள்.
😇
மரக் கன்றுகள் தேவைக்கு உங்களுக்கு அருகாமையில் உள்ள நாற்றுப் பண்ணைகளில், நர்சரிகளில் இப்பொழுதே முன் பதிவு செய்து வைக்கவும். ✍🏼

_பொது இடங்களில்_ :-
1. புங்கன் மரம்
2. வேப்ப மரம்
3. ஆல மரம்
4. அரச மரம்
5. குருவி பழம் என்ற சர்க்கரை பழம், லட்டு பழம்

இவைகளை நன்கு வளர்ந்த கன்றுகளாகப் பார்த்து வாங்கி நடுவது நன்று. இதில் _புங்கன்_ மரத்தை ஆடு மாடுகள் மேயாது.

_நீர் வழித் தடங்கள்_ அருகில்:-
1. பூவரசு மரம்
2. பனை மரம்

பாதுகாப்பு உள்ள வீட்டுக்கு அருகிலுள்ள இடங்களில் அவரவர் விருப்ப மர கன்றுகள் நடலாம்.
1. கறுவேப்பிலை
2. லட்சக் கொட்டைக் கீரை
3. தேக்கு
4. நாட்டு மா மரம்
5. நாட்டு பலா
6. நாட்டு அத்தி
7. குமிழ்
8. மகா கனி
9. மலை வேம்பு
போன்ற மரங்கள் நடலாம்

*வழிபாட்டுத் தலங்கள்*-
1. மர மல்லி
2. மகிழம் மரம்
3. மனோரஞ்சிதம்
4. பாரிஜாதம்
5. புன்னை மரம்
6. செண்பக மரம்
7. மருதாணி போன்றவற்றை நடலாம்
*பிற பாதுகாக்கப்பட்ட இடங்களில்* கடுக்காய்
1 சந்தனம்
2 ஜவ்வாது
3 சாம்பிராணி
4 செம்மரம்
போன்ற விலைமதிப்பற்ற மரங்கள்
*2030 இல் பச்சைப் பசேல் என்ற தமிழகத்தை உருவாக்குவோம்!*
👌🏼
இனி வரும் காலங்களில் உண்டாக இருக்கும் கோடை கால கடும் சூரிய வெப்ப அலைகளில் இருந்து நம்மைப் பாதுகாத்துக் கொள்வோம்.
😇🫣😇
மக்களிடம் எடுத்துச் சொல்லுங்கள். விழிப்புணர்வு ஏற்படுத்துங்கள்.
✍🏼
மர கன்றுகள் நடுவதற்கு ஆவணி மாதத்தில் முதல் மழை பெய்ததும் 1 நாள் பொது விடுமுறை அறிவிக்க வேண்டுகிறோம்!
🙏🏼
வெப்ப அலைகளுக்கு எதிரான ஒரு போர் போல் தான் இதுவும்!
🌳🌳🌳🌳🌳🌳
ஒன்றுபட்டு வென்று காட்டுவோம்!
💪🏼
நன்றே செய்வோம்!
அதனை இன்றே துவங்குவோம்!!
🌱🪴🌱🪴🌱🪴🌱
பிடித்திருந்தால் காப்பி செய்து பதிவிட்டு இயற்கையைக் காக்க உதவுங்கள்...
🌱🌱🌱🌱🌱🌱
🌳🌳🌳🌳🌳🌳...

நிலம் வாங்குறதுக்கு முன்னாடி A Register கட்டாயம் சரிபாருங்க!*பழைய A-Register எங்கே கிடைக்கும்? நிலம் வாங்குறதுக்கு முன்ன...
03/07/2026

நிலம் வாங்குறதுக்கு முன்னாடி A Register கட்டாயம் சரிபாருங்க!

*பழைய A-Register எங்கே கிடைக்கும்? நிலம் வாங்குறதுக்கு முன்னாடி இத கட்டாயம் சரிபாருங்க!* 📜

வீடு, மனை வாங்க போறீங்களா? Broker, வக்கீல், Bank எல்லாரும் ஒரே வார்த்தை சொல்லுவாங்க: "பத்திரம் மட்டும் போதாது... பழைய -Register Copy-யும் எடுத்து பாருங்க".

ஆனா பல பேருக்கு இருக்குற ஒரே கேள்வி: "அந்த பழைய A-Register எங்கே போய் கேக்குறது? எப்படி வாங்குறது?"

வாங்க, 2 நிமிஷத்துல தெளிவா பார்த்துவிடலாம்.

*1. A-Register னா என்ன? ஏன் அவ்வளவு முக்கியம்?*

ரொம்ப சிம்பிள். A-Register-அ ஒரு நிலத்தோட "பிறப்பு சான்றிதழ்" னு நினைச்சுக்கோங்க.

நம்ம ஊர்ல இப்போ TSLR = Tamil Nadu Survey and Land Records தான் Final Record. ஆனா TSLR வந்தது 1980-களுக்கு அப்புறம் தான்.

அதுக்கு முன்னாடி 100 வருஷமா, 150 வருஷமா அந்த நிலம் யார் யார் கைக்கு மாறிச்சு, அசல் உரிமையாளர் யாரு, நிலத்தோட அளவு, வகைப்பாடு எல்லாம் எழுதி வச்ச பெரிய லெட்ஜர் புத்தகம் தான் A-Register.

உதாரணத்துக்கு: இப்போ Survey No 535/3A1 னு ஒரு மனை இருக்கு. அது முன்னாடி 535/3A-வா இருந்துச்சா? அதுக்கு முன்னாடி 535-யா இருந்துச்சா? அந்த 535 மொத்தம் எவ்வளவு ஏக்கர்? யாரு பேர்ல முதல்ல இருந்துச்சு? இந்த எல்லா கேள்விக்கும் பதில் A-Register-ல தான் இருக்கும்.

Bank Loan போடுறப்போ, பெரிய வழக்கு வந்தா, இல்ல சொத்துல ஏதாவது சந்தேகம் வந்தா, வக்கீல் முதல்ல கேக்குறது இந்த A-Register-அ தான். ஏன்னா TSLR-ல ஏதாவது தப்பா பதிவாகி இருந்தாலும், A-Register தான் Original ஆதாரம்.

*2. சரி, அந்த பொக்கிஷம் எந்த அலுவலகத்துல இருக்கு?*

பதில்: *தாலுகா அலுவலகம் / Taluk Office*

உதாரணம் நீங்கள் சேலம் மாவட்டம் என்றால், நீங்க *Salem Taluk Office, Hasthampatti*-க்கு தான் போகணும். அங்க போனதும் நேரா "பதிவறை / Record Room" அல்லது "A-Register Section" னு கேளுங்க.

நிறைய பேர் VAO அலுவலகம், RDO அலுவலகம் னு சுத்துவாங்க. தேவையில்ல. A-Register-அ பராமரிக்கிற முழு பொறுப்பும் Taluk Office-க்கு தான்.

*முக்கிய குறிப்பு:* 50 வருஷம், 100 வருஷம் னு ரொம்ப ரொம்ப பழைய Record-ஆ இருந்தா, அது Taluk Office-ல இருந்து `மாவட்ட மைய பதிவறை / District Central Record Room, Collectorate, Salem`-க்கு மாத்தி வச்சுருப்பாங்க. Taluk-ல இல்லைனு சொன்னா, உடனே பதிவறைக்கு அனுப்பி விடுவாங்க. பயப்படாதீங்க.

*3. Certified Copy எப்படி வாங்குறது? Step by Step*

1. *விண்ணப்பம்:* ஒரு வெள்ளை பேப்பர்ல, "மதிப்பிற்குரிய தாலுகா தாசில்தார் அவர்களுக்கு..." னு ஆரம்பிச்சு, Village பேர், Survey No, உங்க தேவையை எழுதுங்க. "A-Register-ன் சான்றிட்ட நகல் தேவை" னு குறிப்பிடுங்க.

2. *கட்டணம்:* Govt கட்டணம் ரொம்ப கம்மி. Page-க்கு ₹10 முதல் ₹20 வரை தான். Treasury-ல Challan கட்டணும்.

3. *கால அவகாசம்:* உடனே கிடைக்காது. 7 நாள் முதல் 15 நாள் ஆகலாம். Record தேடி எடுத்து, Xerox எடுத்து, தாசில்தார் கையெழுத்து போட்டு "Certified Copy" னு Stamp அடிச்சு தருவாங்க.

4. *Shortcut:* உங்களுக்கு -வ தெரிஞ்சா, அவர்கிட்ட சொன்னா வழி சொல்லி கொடுப்பாரு. இல்லனா RTI Act 2005-ன் கீழ விண்ணப்பிச்சு 30 நாளுக்குள்ள வாங்கலாம்.

*4. A-Register பார்கும்போது என்ன கவனிக்கணும்?*

Copy கையில கிடைச்சதும் இத மட்டும் Check பண்ணுங்க:

1. *பழைய No:* இப்போ இருக்குற 3A1, முன்னாடி 3A-வா இருந்துச்சா? Sub-Division சரியா நடந்துருக்கா?

2. *மொத்த பரப்பு:* A-Register-ல இருக்குற ஏக்கர்/Cent கணக்கு, TSLR-ல இருக்குற Sq.m கணக்கோட ஒத்து போகுதா? 1 Ground = 2400 Sqft கணக்கு மாறக்கூடாது.

3. *உரிமையாளர் சங்கிலி:* A-Register-ல கடைசியா யார் பேர் இருக்கோ, அவர்கிட்ட இருந்து தான் உங்களுக்கு விக்குறவருக்கு பத்திரம் வந்துருக்கா?

*முடிவாக...*

₹50 லட்சம் கொடுத்து #மனை வாங்குறோம். ஆனா ₹20 கொடுத்து A-Register எடுத்து பார்க சோம்பேறித்தனப்படுறோம். இது தான் பல பேர் பண்ற மிகப்பெரிய தப்பு.

ஞாபகம் வச்சுக்கோங்க: *பத்திரம் = இன்று. EC = கடந்த 13 வருஷம். A-Register = ஆரம்பம் முதல் இன்று வரை.*

மேலும் இதுபோன்ற பல்வேறு சட்ட தகவல்களை பெற்றுக் கொள்ள அழையுங்கள்

Advocate KDM AgaranDeena BE MBA ML
MADRAS HIGHCOURT ADVOCATE

PH: 097864 32826

10/04/2026

அவ்வப்போது சொத்து உங்கள் பெயரில் உள்ளதா என உறுதிசெய்து கொள்ளுங்கள்!

உங்க நிலம் பத்திரம் ... உஷார்⚠️

போலி ஆவணம் மூலம் 8 ஏக்கர் 28 சென்ட் நிலத்தை பதிவு செய்த குஜிலியம்பாறை முன்னாள் சார்பதிவாளர் உள்பட 6 பேருக்கு 12 ஆண்டு 3 மாதம் சிறைத்தண்டனை + ரூ.12,500 அபராதம் விதித்து திண்டுக்கல் நீதிமன்றம் தீர்ப்பு🔥

👇👇👇

ஒரு நிலம் நம்மிடம் விற்பனைக்கு வந்தால்.உடனடியாக நாம் என்ன செய்ய வேண்டும்?

1.முதன் முதலில் computerised EC 1975 முதல் போட்டு பார்க்க வேண்டும். 1975 முதல் பின்னோக்கி 1908 அல்லது 1858 வரை manual EC கட்டாயம் போட்டு பார்க்க வேண்டும்.

Zero value நிலம்

-EC யில் நிலத்தின் மதிப்பு Zero மதிப்பு என்று இருந்தால் அது பூமிதான நிலம் & புறம்போக்கு அல்லது வில்லங்க நிலம் எனவே zero value நிலம் வாங்காதீர்.

2.Double Document நிலம்.

Power of attorney(POA) double document

அதாவது power யில் வரும் நிலத்தை வாங்காதீர். இது double டாக்குமெண்ட் க்கு இட்டு செல்லும்.

POA நிலதை வாங்கியே தீர வேண்டும் என்றால் Power கொடுத்தவர் உயிரோட, சுய நினைவோட இருக்கிறாரா என்று கண்டுபிடியுங்கள். POA agreement நகல் வாங்கி அதில் குறிப்பிடப்படுள்ள அட்ரஸ் இல் power கொடுத்தவரை நேரில் சந்தித்து விசாரியுங்கள்.

அடுத்து அந்த power பத்திரம் செல்ல கூடியாதா? என்று கேளுங்கள்.

அதாவது power பத்திரம் எழுதி கொடுத்தவர் அதை ரத்து செய்து விட்டாரா என்றும் கேளுங்கள்.முகவரும் (agent )விற்கலாம், principal (power எழுதி கொடுத்தவர்) ளும் விற்கலாம். விற்றால் அது double டாக்குமெண்ட்.

3.உயில் பத்திர நில double document.

உயில் மூலம் உரிமை மாறி இருக்கா?

உயில் பத்திரம் மூலம் நிலம் விற்பனைக்கு வரும் நிலமெனில்.

எது இறுதி/கடைசி உயில்? என்று கவனமாக பார்க்க வேண்டும்.பதிவு செய்யபட்ட உயில் மூலம் விற்பனை நடந்தால் அது ஒரு நில விற்பனை பத்திரம்.

பதிவு செய்யப்பட்ட உயிலுக்கு பிறகு ஏதாவது பதிவு செய்யாத உயில் இருக்கா? ன்னு நிலம் விற்பவரின் உறவினர்களை கேட்க வேண்டும்.இந்த பதிவு செய்யப்படாத உயில் மூலம் விற்பனை செய்யப்பட்டு இருந்தால் அது double டாக்குமெண்ட்.

4.Settlement பத்திர நிலம் double document

Settlement பத்திரம் மூலம் நிலம் விற்பனைக்கு வந்தால் செட்டில்மெண்ட் ரத்து செய்ய பட்டு இருக்கிறதா என்று கவனமாக பார்க்கவும்.

1990 முதல் 2015 வரை ரெஜிஸ்டர் ஆபீசில் செட்டில்மெண்ட் ரத்து செய்து நிலத்தில் மேலும் சொத்தை சிக்கல் ஆக்கிவிட்டர்கள்.

செட்டில்மெண்ட் பத்திரத்தை civil கோர்ட் மூலியமாக தான் ரத்து பண்ண முடியும்.

பத்திர ஆபீசில் செய்யும் ரத்து பத்திரம் சொல்லாது.

EC யில் SRO=Sub register Office)மூலம் ரத்து ஆகி இருந்தால் அந்த நிலத்தை வாங்காதீர்.

உயில் பத்திரம் தாய் பத்திரம் ஆக இருந்தால். அந்த தாய் பத்திர உயில் மூலம் கிரயம் நடைபெற்று இருந்தால் அந்த கிரய பத்திரத்துக்கு லிங்க் கவனமாக இறங்கியதா என்று பார்க்க வேண்டும்.

5. Update ஆகாத பட்டா மூலம் கிரயம்-double document.

1987-UDR, 1995-நத்தம் நிலவரி திட்டம் முன்பு நிலம் பத்திரத்தின் மூலம் வாங்கியவர் அதை revenue record எனப்படும் பட்டாவில் தான் தான் தற்போதைய உரிமையாளர் அதாவது current owner என்பதை update செய்யாமல் இருந்தால் 1987முந்தைய owner & அவரின் வாரிசுகள் பழைய பட்டா மூலம் கிரயம் செய்தால்.

அடுத்து நிலம் வாங்கி பட்டாவில் update செய்யாமல் விட்டுவிட்ட அசல் (எ ) original owner றோ இல்லை அவரின் வாரிசுகள் விற்று கிரய பத்திரம் ஆகி இருந்தால் அதுவும் double document.

6.Layout frame, வடிவம், உருவாமாற்றம் மாற்றிய நிலமா?

அடுத்து அந்த நிலம் நத்தம் நிலமா, layout பிளாட் ஆஹ் என்று பாருங்கள்?.

DTCP approved or CMDA approved என்றால் DTCP & CMDA website யில் approval நம்பர் போட்டு approval ஒரிஜினல் தானா என்று உறுதி படுத்தி கொள்ளலாம்.

Website லே கண்டுபிடிக்க முடியவில்லை என்றால் நேரில் LPA(local planning authority )என்னும் DTCP அல்லது CMDA அலுவலகத்திற்கு சென்று நிலத்தின் approval சரிதானா என்று கேளுங்கள்.

அது பழைய approved layout ஐ திருட்டுதனமாக redraw செய்து விற்பனைக்கு வந்திருக்கும் layout ஆஹ் என்றும் விசாரியுங்கள்.

Layout ப்ளூ பிரிண்ட் இருந்தால் கொண்டு சென்று park, ஸ்கூல் க்கு இடம் விட்டுட்டு layout போட்டு இருக்கிறார்களா என்றும் கேளுங்கள்.

நிறைய land ப்ரோமோட்டார்ஸ் park, ஸ்கூல் இடத்தை காட்டி approval வாங்கி விட்டு layout வரை படத்தை மறுபடியும் திருட்டுதனமாக வரைந்து(எ ) redraw செய்து park, ஸ்கூல் இடத்திலும் மனை போட்டு விடுவார்கள்.

எனவே ஜாக்கிரதை.

பஞ்சாயத்து approved இடங்கள் வாங்காமல் இருப்பது நல்லது. ஏனென்றால் வாங்கிய பின்பு நீங்கள் தான் நிலத்தை frame work scheme இன் கீழ் வரையறை செய்ய அலைய வேண்டி இருக்கும்.

நத்தம் நிலம் என்றால் VAO வை பார்க்க வேண்டும். உங்கள் சர்வே நம்பர் இன் UDR காலத்து 1987 ஆம் ஆண்டின் சிட்டா அடங்கலை, FMB நேரில் சென்று கேளுங்கள்.

இனாம் கிராமம் ஆக இருந்து இனாம் ஒழிப்பின் மூலம் நத்தம் நிலவரி திட்டத்தின் கீழ் பட்டா வழங்கபட்ட நிலமா என்றும் பார்க்க வேண்டும். அந்த பட்டா UDR காலத்து சிட்டா அடங்கல் ரெஜிஸ்டர் இல் ஏறி இருக்கா னும் பார்க்கணும்.

VAO நேரில் கேட்டும் கொடுக்கவில்லை என்றால் RTI மனுவில் கேளுங்கள்.
RTI யில் கட்டாயம் கொடுக்க வேண்டும்.

4. EB, சொத்து வரி விற்பவர் பெயரில் இருக்கா என்று பாருங்கள்.இல்லை என்றால் மாற்றி, பின்னர் விற்க சொல்லுங்கள் .

5.பட்டா விற்பவர் பெயரில் இருக்கானு பார்க்கணும்.

கூட்டு பட்டா நிலம் எனில், நிலம் பங்குதாரர்கள்குள் யாருக்கு எவ்வளவு இடம் & எந்த இடம் என்று பிரித்திருக்க வேண்டும். இல்லை என்றால் வாங்கும் உங்களுக்கு சிக்கல். விற்பவருக்கு உரிமை இல்லாத நிலத்தை விற்க வாய்ப்பு இருக்கு

பட்டா வாங்குறது பெரிய process, நிறைய அலைச்சல் & கஷ்டம்.

அதனாலே, விற்பவர் பெயரில் பட்டாவை மாற்ற சொல்லுங்கள்.அதன் பின்பு நிலத்தை வாங்குங்கள்.

6. நிலத்தின் வகைப்பாடு கண்டிப்பாக பார்க்க வேண்டும்.

நஞ்சை, புஞ்சை, நத்தம், நத்தம் புறம்போக்கு, மேய்ச்சல், வாய்க்கால், ஓடை புறம்போக்க்கா, நெல் போராடிக்கும் இடமா, park, விளையாட்டு திடல்,கோயில் க்கு ஒதுக்கப்பட்ட நிலமா,பொதுவில் மாடு கட்ட விடப்பட்ட இடமா, நிலவியல் பாதை(அரசு நிலம் ), நிலவியல் ஓடை etc.என்று பார்க்கிவேண்டும்.

7. பட்டாவின் பயனாளி யார்?.

முன்னோரு காலத்தில் அது ஜமீன் நிலமா அல்லது இனாம் நிலமா அல்லது ரயட்டுவாரி நிலமா ஆஹ் என்று பார்க்க வேண்டும்

மேஜர் இனாம்

ராயட்டு வாரி
1802 காலத்தின் permanent settlement record காலத்தின் ஜாகிர் இனாம் , ஜமீன் நிலமாக இருந்து ராயட்டுவாரி யாக மாற்றம் பெற்றதா என்றும் பார்க்க வேண்டும்.

வெள்ளைக்காரன் காலத்துல இனாம் ஒழிப்பில் இருந்து ஜமீன் நிலமாக மாறியதா என்றும் ஆராய வேண்டும்.

இதற்கு VAO, தாலுகா & கலெக்டர் அலுவலகத்தில் record section இல் இருக்கும் B-record, OSR, RSR, SLR இன் நகல் தேவை. உங்கள் நிலத்தின் சர்வே நம்பர் குறிப்பிட்டு ஒரு மனு கொடுத்து, 50 ரூபாய் கட்டி வாங்கி கொள்ளலாம்.

------------
Minor இனாம்
சுதந்திரத்திற்கு முன் பிரிட்டிஷ்காரர்கள் கொடுத்த DC land (எ) (Depressed Class) நிலமா? என்று பார்க்க வேண்டும்

தொழில் முறை இனாம் நிலம்
----
தச்சர், கருமான், நாவிதர், காவக்காரன், கர்ணம்,தலையாரி,வெட்டியான், சக்கிலியர்,புதிரை வண்ணார் இனாம் நிலமா? என்றும் பார்க்க வேண்டும்.

வெள்ளைக்காரன் காலத்தில் மணியமாக அங்கீகாரிக்க பட்ட ஊழிய மானியங்களான பூசாரி, தேவதாசி,பூ கட்டும் மானியம் நிலமா? என்று பார்க்க வேண்டும்.

சோஸ்திராம் மானியம் ஒழிக்கப்பட்ட நிலமா?என்றும் பார்க்க வேண்டும்.

ஹாஜி இனாம் ஒழிக்கப்பட்ட நிலமா? என்றும் பார்க்க வேண்டும்.

------------
DC அல்லாத பிற இனதவர்க்கு கொடுக்கப்பட்ட குறவர், கள்ளர்(குற்றபரம்பரை)
settlement etc யா என்று பார்க்க வேண்டும்.

மேற்சொன்ன வகை பாடு அனைத்தும் வெள்ளைக்காரன் காலத்தாவை.

---------
சுதந்திரத்திற்கு பின் கொடுக்கபட்ட Assigment land.

Assignment land (எ ) ஒப்படை பட்டா நிலங்கள் எனில் அதற்கு உண்டான (HSD பட்டா , D-பட்டா, நமுனா பட்டா, TKT பட்டா,F-பட்டா, B-memo பட்டா, அனுபந்த பட்டா, Assignment land என்னும் ஒப்படை நிலம் ) யா என்று பார்க்க வேண்டும்.

SC & ST பிரிவினற்கு கொடுத்த AD assignment Land (Adi Dravidar )பட்டா உள்ள நிலமா என்றும் பார்க்க வேண்டும்.

F-பட்டா.
இது நிலசீர்திருத்த துறையால் வழங்க பட்டது.நிலசீர்திருத்த துறை வேறு revenue டிபார்ட்மென்ட் வேறு.

ஜமீன் ஒழிப்பில் இருந்த நிலங்களை பயனாளிக்கு கொடுத்தது என்பதை உறுதி படுத்தும் ஆவணமே F-பட்டா.

1970-B-Memo land =பீமா பட்டா.

B memo பட்டா நிலம் விற்பனை க்கு வந்தால் வாங்காதீர். ஏன் என்றால் B-memo என்பது நில உரிமை பட்டா அல்ல. அது நீ ஒரு அரசின் புறம்போக்கு நிலத்தின் ஆக்கிரமிப்பு செய்தவன் என்ற govt நோட்டீஸ் மட்டுமே. B-memo நிலத்தில் குடி இருப்பவர்களை எந்நேரமும் அரசு காலி செய்ய சொல்லும்.

Assignment பட்டாவில் உள்ள கண்டிஷன் பார்க்க வேண்டும். கண்டிஷன் பார்க்காமல் வாங்காதீர்.

ஒப்படை நிலங்களை அரசாங்கமே திருப்பி எடுத்து கொண்டு விட்டாதா என்றும் பார்க்க வேண்டும்.

--------

1956-பூமி தான நிலம்

Manual EC
கட்டாயம் 1950-1965 வரை manual EC போட்டு பார்க்க வேண்டும்.

manual EC யில் மட்டும் தான் பூமி தான போர்டுக்கு நிலங்களை பெரும் நில சுவாந்தார்கள் தான பத்திரம்(கிரயபத்திரம்) கொடுத்த அந்த entry காட்டபட்டு இருக்கும்.

பூமி தான போர்டு பெயரில் பட்டா, சிட்டா ஆகியவை மாறிவிட்டு இருந்தால் VAO அலுவலகத்தின் A-Record இல் காட்டும்.

ஏர் உழவன் பட்டா=பூமி தான நிலத்திற்கு ஆன குத்தகை பட்டா.

Manual EC யில் கிடைக்காத பூமி தான நிலங்களை பற்றிய தகவல்கள் revenue record யில் தான் கண்டுபிடிக்க முடியும்.

பூமி தான நிலம் என்றால் மெட்ராஸ் சைதாப்பேட்டை யில் உள்ள பனகல் மாளிகையில் உள்ள பூமி தான board க்கு சென்று வாங்க விரும்பும் நிலத்தின் சர்வே நம்பர் பூமி தான வரையறைக்குள் வருகிறதா என்று பார்க்க வேண்டும். Master ரெஜிஸ்டர் பார்க்க வேண்டும்.

பூமி தான நிலம் வாங்காதீர்.

பூமி தான நிலத்தை பயனாளி விற்கு அதிகாரம் இல்லை. பயனாளிக்கு குத்தகை உரிமை மட்டுமே உண்டு.

எனவே அது பூமி தான நிலம் என்று தெரியவந்தால் வாங்காதீர்.

-----------
Zero value நிலம்

-EC யில் நிலத்தின் மதிப்பு Zero மதிப்பு என்று இருந்தால் அது பூதிதானம் & புறம்போக்கு அல்லது வில்லங்க நிலம்.

-----------
கோயில் நிலம் -HR&CE நிலமா

வாங்க விரும்பும் நிலம் கோயில் நிலம் ஆஹ் என்று பார்க்க வேண்டும்.

கோயில் நிலம் என்றால் பயந்து விட கூடாது அது இறையிலி(100% கோயிலுக்கு சொந்தம்), தேவதானம், தர்மதாயம் ஆக இருக்க கூடாது அவ்வளவே.

கோயில் நிலத்தில் கட்டளை என்று ஒரு பிரிவு உண்டு இதையும் வாங்க கூடாது. கட்டளை எப்படி உடைக்க வேண்டும் என்று தெரிந்தவர்கள் மட்டுமே வாங்கலாம்.

கோயில் மணியமாக இருந்து ரயத்துவாரி நிலமாக 1963 இல் மாறி இருந்தால் அது கண்டிஷன் பட்டாவா என்று பார்க்கனும்.

இந்த நிலம் வாங்கும் போது கவனம் தேவை. ஏன்னா HR&CE நிறைய நிலங்களை திருப்பி எடுத்து கொண்டு உள்ளது.

-----------

ஜமீன் & மானியம் முற்றாக ஒழித்தது 1950 to 1960 களில்.

land reforms act.
இதற்கு நில சீர்திருத்தம் என்று பெயர். ஜமீன் இடம் இருந்து அரசு எடுத்த உபரி நிலம் கிராம கணக்கில் B register லே இருந்து A-register க்கு மாறும் போது உபரி நிலம் , அனாதீனம், உரிமையாளர்கள் பெயர்கள் மாறி உள்ளது போன்ற சிக்கல் உள்ளதா என்றும் பார்க்க வேண்டும்.

-----

1963 minor இனாம் ஒழிப்பு சட்டம்

இனாம் ஒழிப்பு to ரயட்டுவாரி பட்டா. உழுபவனுக்கே நிலம் சொந்தம் scheme.

RSLR இல் "கிராமத்தார்" என்று பட்டா தாக்கல் செய்யப்பட்டு 1963 minor இனாம் ஒழிப்பு சட்டம்
மூலம் ரயட்டுவரி பட்டாவாக மாறி பின்பு 1987 UDR இல் மீண்டும் RSLR இல் உள்ளது போன்று "கிராமத்தார்" என்று மாறி இருந்தால் அந்த நிலத்தை வாங்காதீர்.

அது தனி நபர் பட்டா என்று மாறி இருக்கா என்றும் பார்க்க வேண்டும்.

--------
1963 கோவில் நிலம் (இனாம் ஒழிப்பு சட்டம், ஒழிப்பு மற்றும் ரயட்டுவாரியாக மாற்றுதல்) சட்டம்

தேவதாசி மானியம் to நிபந்தனை பட்டாவாக உள்ள நிலத்தை பயன்படுத்தி கொள்ளலாமே தவிர சொந்தம் கொண்டாட முடியாது.

ஊழிய மானிய நிலங்கள் கண்டிஷன் பட்டா வா இல்லை normal ராயட்டுவாரி பட்டா நிலமா? ன்னு பார்க்கணும்.

இந்த நிலம் வாங்கும் போது மிகுந்த கவனம் தேவை. தமிழ் நாட்டின் நில நிர்வாக பற்றிய அறிவு உள்ள ஒரு சிவில் லாயர் தான் உங்களை காப்பாற்ற முடியும் m

--------
1961(center)to 1972(TN)Land ceiling act நிலம்

நில உச்சவரம்பு வரையறைகுள் மாட்டிக்கொண்ட நிலமா என்று பார்க்க வேண்டும்.

UDR லே celing இடம் என்று இருக்கானு பார்க்கணும்.

Section 37B இல் வந்த நிலாமா என்று பார்க்க வேண்டும்.

--------
1976 களின் Urban land seiling act

ULC ஆக்ட் இல் மாட்டி கொண்ட ULC நிலமா என்று பார்க்க வேண்டும். ULT என்று note இருந்தால் மெட்ராஸ் பரங்கிமலை ரயில் நிலையம் அருகில் உள்ள உச்சவரம்பு ஆபீசில் சர்வே நம்பர் கொடுத்து விசாரிக்கணும். Innocent buyer என்று சொல்லி land கமிசினர் க்கு மனு செய்யனும்.

ULC நிலம் தவறுதலாக நீங்கள் வாங்கினாலும் நிலத்திற்கு revenue department(டாசில்தார், VAO )பட்டா மாற்றம் செய்து கொடுக்க மாட்டார்கள். எனவே ஜாக்கிரதை.

8. கோர்ட் attached property வாங்காதீர்.

9. டிவோர்சஸ் கேஸ் உள்ளவரிடம் நிலம் வாங்காதீர். அந்த நிலத்தை அவர் மனைவி maintenance(ஜீவனாம்சம்) வேண்டி மனு செய்து இருந்தால் நீங்கள் போட்ட பணம் காலி.

எனவே விற்பவர் இடம் இந்த விவரத்தை கேளுங்கள். ஒரிஜினல் பத்திரதை காட்டச்சொல்லி பத்திரத்தின் பின் புறம் கோர்ட் சீல் இருக்கா என்று பாருங்கள்.

---------------
10.அடுத்த step, அந்த நிலத்தின் சர்வே என்னை கொண்டுபோய் நிலம் அமைந்துள்ள கிராம VAO கிட்ட அந்த நிலத்தோட FMB, பட்டா, சிட்டா, A ரெகார்ட் வாங்குங்கள்.

11.அடுத்து VAO கிட்ட govt அந்த இடத்தில் ரோடு போட , டேங்க் அமைக்க .i e., பிற்காலத்தில் govt project க்கு எடுத்து கொள்ளுமான்னு கேளுங்கள்?.பாலுமாகேந்திரவின் "வீடு " படத்தை நினைவில் வைத்து கொள்ளுங்கள்.

அவர்(VAO) டாக்குமெண்ட் தர வில்லை என்றால்,

12. மேற்கூறிய டாக்குமெண்ட் அனைத்தின் அட்டெஸ்ட் copy வேண்டும் என்று VAO office மற்றும் டாசில்தார் ஆபீஸில் RPD போஸ்ட் அல்லது நேரடி மனுவோ அல்லது RTI யில் கேட்டு டாக்குமெண்ட் நகல் வாங்கி கொள்ளுங்கள்.(கண்டிப்பாக attest copy வேண்டும் )

13..அடுத்து நிலத்தின் 1858 காலத்து OSR, RSR A-Record எடுக்க முடிந்தால் இன்னும் நல்லது.

1908,1936 ஆண்டின் SLR, RSLR A- Record, FMB ஒரு 80 to 100 வருடத்திற்கு வேண்டும்.

1987 ஆம் ஆண்டின் FMB, A-record, சிட்டா அடங்கல் கட்டாயம் எடுக்கணும்.

இதன் நகல் மாவட்ட ஆட்சியர் அலுவலகத்தில் கேளுங்கள்.இது ஏன் கேட்க சொல்றோம் என்றால்

1.அது வெள்ளைக்காரன் காலத்தில் DC land @பஞ்சமி நிலம் ஆக இருந்தால் போட்ட பணம் எல்லாம் காலி. சுப்ரீம் கோர்ட் போனாலும் கேஸ் நிக்காது.

2. அடுத்து அது ஜமீன் ஒழிப்பு & கோயில் மானிய ஒழிப்பில் அரசால் எடுக்கப்பட்டு ஆனால் revenue record இல் அரசு நிலம் என்று பதிவேற்றம் செய்யப்படாமல் இருக்கும் நிலமா என்று பார்க்க வேண்டும்.

ஏன் என்றால் இவர்கள் revenue record இல் பதிவேற்றம் செய்யாத ஓட்டையை பயன்படுத்தி UDR சர்வே செய்ய வந்த தனியார் கம்பெனி அதிகாரிகளை கரெக்ட் செய்து UDR இல் திரும்பவும் ஜமீன் பெயரே ரயத்துவாரி யாக மாற்றி கொண்டார்கள்.

14.அடுத்து ரெஜிஸ்டர் ஆபிசில் அந்த நிலத்தின் மீது யாராவது பத்திரம் பண்ண கூடாதுனு தடை மனு கொடுத்து இருக்காங்களா கேட்டு confirm(உறுதி )பண்ணிக்கணும்.

15..அடுத்து அந்த பத்திரம் முழுமையானா ஆவணமா அதாவது பத்திரம் முழுமையான ஸ்டாம்ப் டூட்டி கட்டி இருக்கிறதா என்று confirm பண்ணுங்க.

16.அடுத்து நிலம் இருக்கும் இடத்தை குறைந்தது 10தடவை பாருங்கள். அக்கம் பக்கம் இருப்பவர்களிடம் நிலத்தின் மீது ஏதாவது பிரச்சனை, வில்லங்கம், ஆக்கிரமிப்பு இருக்கிறதா என்று கேளுங்கள்?.இதை ஏற்கனவே யாராவது வாங்கி இருக்கிறார்களா, தற்போதைய owner யார் என்றும் கேளுங்கள்

17.அடுத்துநிலம் விற்பவர் வீட்டுக்கு அருகில் இருப்பவர்களிடம் அவருக்கு எத்தனை உடன்பிறத்தோர்,மனைவி, குழந்தைகள், விற்பவருக்கு இந்த நிலம் எப்படி வந்தது . அந்த சொத்தில் விற்பவரின் உடன் பிறந்தோர் க்கு பங்கு இருக்கா?என்று கேளுங்கள்

18.அடுத்து நான் கூறிய டாக்குமெண்ட் எல்லாம் வாங்கி விட்டு உங்கள் நிலத்தின் ரெஜிஸ்ட்டர் ஆபிஸ் ஏரியாவின் நல்ல சிவில் lawyer பாருங்கள்.

நல்ல லாயர் எப்படி கண்டு பிடிப்பது?.

உங்களுக்கு lawyer refer செய்கிறவரிடம்,

லாயர் எங்கு படித்தார்,
எந்த ஆண்டில் இருந்து practise செய்கிறார், எத்தனை பத்திரம் பதிந்து இருக்கிறார், எத்தனை லீகல் ஒப்பீனியன் கொடுத்து இருக்கிறார் போன்ற கேள்விகள் கேளுங்கள்.புரோக்கர் சொல்லும் லாயர் இடம் செல்லாதீர்.

மேற்கூறிய கேள்விகளுக்கு உங்களால் பதில் கண்டுபிடிக்க முடியும் என்றால் நல்ல லாயாரை கண்டுபிடித்தீர்கள் என்று வைத்துக்கொள்ளலாம்.

கண்டுபிடிப்பது உங்கள் சமர்த்தியம்.

Lawyer க்கு பணம் கொடுக்க அழுக கூடாது. அந்த பணம் தான் நிலத்தின் முதலீடு.நீங்கள் விற்பவருக்கு கொடுக்கும் பணம் அல்ல.

19. எல்லாம் சரியாக அமைந்து விட்டால் அடுத்து ஒரு govt registered surveyor பாருங்க. அவர் நிலத்தை அளந்து, encroachment, deviation எல்லாம் சொல்லுவார் பின்பு படத்தை வரைந்து தருவார்.

20. தயவு செய்து டாக்குமெண்ட் writer வைத்து பத்திரம் எழுதலாமா என்று நிதானமாக யோசிக்கவும்..பத்திரம் எழுதிற license govt 1990களில் இருந்து தரவில்லை என்று கேள்வி . சந்தேகம் என்றால் லைசெஸ் நம்பர் கேளுங்கள்.

பாதி பேர் 10வது தாண்டதவர் . மீதி பேர் காலேஜ் ஹே போகாமல் 700KM தள்ளி இருக்கும் ஆந்திர, கருநாடகவில் பணம் கொடுத்து LLB டிகிரி வாங்கினவர்.எல்லாம் பழைய டாக்குமென்டில் இருந்து copy paste செய்கிறார்கள். உங்களுக்கு என்று draft செய்வது குறைந்த நபர்களே.

========
காசு போனாலும் நல்ல சிவில் லாயர் வைத்து எழுதுங்கள்.சில ஆயிரம் advocate பீஸ் க்கு கஞ்ச படாதீர்கள். கொஞ்சம் மிஸ் ஆனாலும் பல லட்சம், கோடி நஷ்டம்.

திரும்பவும் சொல்றேன் நல்ல லாயர் கண்டு பிடிப்பது உங்கள் சமர்த்தியம்.

========
நாம் டாக்குமெண்ட் வேண்டி govt ஆபிஸ் க்கு நடப்பது நமது வருங்கால நன்மைக்கே.அதனாலே அலுத்துக்கொள்ளதீர்.

*********
நான் சொன்ன ஆவணங்கள் இல்லாமல் நிலம் வாங்காதீர்.

அடுத்து லாயர், surveyor consulting, நிலம் விற்கும் நபரின் அண்டை வீட்டார், நிலம் இருக்கும் இடத்தின் அண்டை வீட்டார் இடம் பேசாமல் இல்லாமல் புதிய சொத்து வாங்காதீர்....

இந்த சர்வே சிஸ்டம், revenue records எல்லாமே வெள்ளைகாரன் போட்ட பிச்சை. வெள்ளைக்காரன் அளவுக்கு தமிழ்நாட்டை, இந்தியாவை நிர்வாகம் செய்தவர் எவரும் இல்லை.

Address

Dindigul

Telephone

+919626221999

Website

Alerts

Be the first to know and let us send you an email when S chinnaraj Dindigul posts news and promotions. Your email address will not be used for any other purpose, and you can unsubscribe at any time.

Contact The Business

Send a message to S chinnaraj Dindigul:

Shortcuts

Share