Volongkom aji Abirta

30/10/2025

30/10/2025

Denarong taxi association amahang pathek pon tanglo.
Denarong town committee angkang along tame non penke denarong taxi car association along humri pon lote joike pen kedam kevang avarsai longpon ikpo.

Denarong taxi car association pinang an arni pen kachesik kachedang pon angthek pini phre acheklo niphai 29 arni denarong town angkang arat apharman aphan pura denarong taxi car association amahang pathek ponsi meiphu arpu welsing bey lapen chunbang baroi timung atum aphan arpu pek ponsi denarong lapen vothung-aji ahavar arat kedo an aphan isi birta keme vanpipon.

Lasonsi komane ahemtun atum tame angtan kedamji aphan car mate hem konglong akenangsot do pulote denarong taxi car association along humri pon lote joike pen kedam kevang avarsai long pon ikpo pusi than pachini pon.

Non amat denarong taxi car association along hum kreh pho sose ahem konglong do lasonsi bolero, alto, maruti ertiga pen chenglok pinang an ahem konglong longpon ikpo.

denarong taxi car association amahang kapathek pon along man-peng alohi denarong town committee chairman prodip engti lapen tourism board chairman dharamsing kro lapen hem konglong katevar abangphu kedo an atum chetong dunsi ingsamjin pen pachun pon longlo pusi nelitum apherangke Pansing Rongpi pen birta nang pale

30/10/2025

Legislative assembly Deputy speakers MLA Dr Numol momin Dolamara pen borjuri adak atover selam pon bom lo Dolomara arat ka choro pon MLA Dr Numol momin aphan
No 26 Duarbagori Constituency keparlo Dolomara pen Borjuri adak Tovar selam pon bom lo MLA DR NUMOL MOMIN ke ase chak chot arkli kledet pu abang kali Deputy speakers MLA Dr Numol momin

Dolamara pen borjuri adak atover kaselam pon 💯 percent angbong pen 80 percent an klem pon tanglo lapen non klem pon bom lo

Bangso Atovar ke klem pon chok ma chok che ma mema heno ma pusi neli tum apherangke pen arju dun lo

non amat ke thangnat pudun athai ave lang ning arong p*k lo pusi Dolamara pen borjuri adak kedam kevang atum pen Lam the nang che paklang dun

Koan ahok Dolomara pen Borjuri adak atover kedam kevang atum aphan karju dun alam the le angton pen arju ik tha

30/10/2025

Denarong havar amei ahinpen kethir kluk aklam adim kelong pon.

Denarong jutang havar amei ahinpen ingdeng thomkep ra kethom havar karbi riso nimso rong aje talon pon det aphi sitame kethir thip aklam kave pen pinang an kasiksak katora chetong pon nanglo bonsitame non kevangjilang aningkan pen abangke kethir thip aklam longpon tanglo

Denarong kcs zone ahinpen patirpi ponsi pini phre cheklo niphai 29 arni bithilangso govt l.p school achetai along rong throk arong asar lapen rong arat atum pen kethir thip pen havar karbi riso nimso rong aje katalon ponji aklam apharman amei along denarong jutang havar amei meiphu boron sing teron pen kachepahemphu pon amei along chunbang longbini rongpi pensi alohi kapachini apor enpon.

Bangso amei along rong throk arong asar lapen rong arat atum chedon sar pensi denarong jutang havar amei aphan kethir thip adim aklong pek pontanglo.

Bangso aklam amen longmukrang jutang aklam pusi lunsepo pansing kro ahinpen amen ir ponsi rat kachedon angthek paklang pon.

Bangso amei along denarong town committee chairman prodip engti lapen lunsepo anparta loh thanbang pansing kro, mohendra terang, mensing bey, kamsing engti lapen denarong jutang havar amei meiphu boron sing teron lapen chunbang longbini rongpi anparta rong throk arong asar lapen rong arat atum chetong dunsi ingsamjin pen pachun ponsi phurkimo adak long tok pon tanglo.

30/10/2025

All india karbi students union asong atum pen nilip along tovar kasalam sai ke-oi keklem ajok dharna kedo..

Lakha 25th nilip mac countituency keparlo bhitor kaliani along All India karbi students union mate thihek pen (AIKSU) atum pen patirpi ponsi dharna kangnipon. bangso dharna kangni nangkok athe ke sanglangkehat pen merabhiti an tovar kasemar pon sai ke-oi keklem parp*k ajok si dharna kangni pon. Lapen bangso atovar along contractor lake Monoj Pareek lapen PWD department engineer Bidu bey sitame bangso dhaarna kedo pon along chetong dun. Bonsita isi manghu meme bangke Monoj pareek abang vang amat thang chingki chethan Ave pin si puthot chedam thu jui p**a nang than dun.. lapen bangso atovar kadokave 5km an ajak do lapen tovar kaselam abang sai ke-oi keklem parp*k ajok ningkan isi amat pen chetharplung lasi bangjok le lapuson acontractor atum sai ke-oi ke klem pulote black list bi vek nang ji p**a (A.I.K.S.U)lapen Rong arat atum pen karbi Anglong autonomous council mate KAAC Kechari bom atum phan sitame sodak pen kehang pado pon. lapen jongsi bangso alam aputhak council pen thang asai kedeng pon Ave pulote kewangji lang arni sitame sodak pen chesong pon ji p**a nelitum pherangke athengno nang than pachini dun.
Bangso along diphu pen Esterson tisso (A.I.K.S.U) lapen arisangho atum pen chenglok Thana OC , bhitor kalioni kedo arong arat atum pen ongdung armu chetong dun.

Tangte angton alam the klardak pen arju pon sinang.

29/10/2025

Lahorijan along kurja akhai Drugs abiha keklem atum aphan hamphang asong atum pen ahem arit pen pache oh tekanglo

29/10/2025

Inut bihek abongso Alvini Terangpi keso kacholonglok pen operation nangji pu amat api apo atum kematha kisung. Sonsi

Phuloni Constituency keparlo Hanbokaanboka arong amekar Dibison Terang asopi kedamtang arni apor ahut keso kacholonglok ajok, Diphu Medical College & Hospital along bongso Alvini Terangpi aphan ponlo, bonta keso abang non. Bangke operation klem nangji pusi Doctor atum kepachini ajok, api apo atum tangka maha kadure det non, operation keklem ji aphan kasiksak, lasi Karbi anglong along Ning keme abangphu bangphi atum Dihin mate Tangka masap oh vet sitame nang cherap cheto duntha pusi birta nang pale.

29/10/2025

Phuloni Constituency APHLC aro Atum pen Pherangke amei kangni pon.

29/10/2025

Langpher ahavar kaparlo Jilangso ahavar along BJP atum pen Mass joining ajaimek kepado pon.

28/10/2025

Volongkom Aji Jamuna Irrigation adung Arai kedo atum aphan ladam pen kepadam ji aphan phuloni revenue circle atum pen lamthe pachini pon tanglo.

28/10/2025

Nijut Maina 2 aputhak live screening lapen Cheque Distribution ajaimek padopon .

Pini phre 27 arni Langkung Habe Memorial Town Hall ,Diphu , along Nijut Moina-2 aphuthak Assam a Chief Minister Dr Himanta Biswa Sarma pen Livescreening lapen Cheque Distribution ajaimek padopon .

Labangso ajaimek jatmeset Diphu Government college a long charli bang arlosomar atum aphansi pi pajirpon .

Jaimek along alohi sarpo aman pen KAAC a CEM Dr.Tuliram Ronghang alar KAAC Education Department a EM Richard Tokbi si chetong pi dun .

Lason thakthaksi Karbi-Anglong a Deputy Commissioner Sangpi Nirola Phangchopi tame chetong dunsi mei ardi pidun .

27/10/2025

SeSTA NGO lapen HDFC cherapsi project kimi kangpu .

Phre niphai 27 arni Jirsong Asong Conference hall along SeSTA NGO lapen HDFC Bank atum chelangsi project kimi ingpu pon .
SeSTA NGO lapen HDFC Bank atum chelangpetsi LUMBAJONG Dev Block lapen Langsomepi Dev Block arlo kadokave Rong 12 aphan isi project kimi vanpisi pini kangpu ajaimek dengpon .
Bangso along KAAC a CEM Dr.Tuliram Ronghang setame chetong dunsi bangso ajaimek ardi pidun .

Halapu SeSTA NGO a EXECUTIVE OFFICER Vincent Rongpi pen SeSTA NGO akemang lapen keklem pon bom asai aphuthak pherangke angno lamthe jaipon ,laso. Thak thaksi Field officer SeSTa Porunia Boruah pentame SeSTA keklem pon asai amukha lamthe jaipon