06/10/2025
ইংৰাজী ০৫-১০-২০২৫ , দেওবাৰে শিৱসাগৰ জিলাৰ গেলেকী নাট্য মন্দিৰত "কুড়মালি সাহিত্য সভা অসম"কেন্দ্ৰীয় সমিতিৰ সাধাৰণ সভা আৰু ৰূপালী জয়ন্তী প্ৰস্তুতি বৰ্ষৰ বিশেষ অনুষ্ঠান অনুষ্ঠিত কৰা হয়। সভাখনত নিৰ্দিষ্ট বক্তা ঝুমইৰ গুৰু ভদ্ৰ ৰাজোৱাৰ ডাঙৰীয়া, অনাতৰ শিল্পী বাবা কুড়মি ডাঙৰীয়া, সুদূৰ ঝাঢ়খণ্ডৰ পৰা মাইনগৰ মনুজ মাহাতোসহ প্ৰায় দহ গৰাকী অতিথি উপস্থিত থাকে। ইয়াৰোপৰি, কেন্দ্ৰীয় সমিতিৰ — সভাপতি শ্ৰী লোকনাথ কুড়মি, প্ৰধান সম্পাদক শ্ৰী সুৰেশ কুড়মি, সহ সম্পাদক শ্ৰী শিৱৰাম কুড়মি, প্ৰচাৰ সম্পাদক শ্ৰী ৰাম কুড়মি, সদস্য শ্ৰী বিতুল কুড়মি, তদুপৰি জিলা সভা আৰু শাখা সভাসমূহৰ পৰা সভাপতি, সম্পাদক আৰু বিষয়ববীয়া সকল উপস্থিত আছিল।
মূল কাৰ্যসূচীসমূহ তথা আলোচিত বিষয়সমূহ:
১. ৰুপালী জয়ন্তী (২৫ বছৰীয়া) বৰ্ষৰ বিশেষ প্ৰস্তুতিৰ বিষয়ে আলোচনা
২. কুড়মালি সাহিত্য সভাৰ বৰ্তমান কাৰ্যকলাপ আৰু আগন্তুক পৰিকল্পনা
৩. সাহিত্য, সংস্কৃতি আৰু ভাষা সংৰক্ষণৰ নীতি-নির্দেশনা
৪. আজীৱন সদস্যসকলক সন্মান প্ৰদান
৫. কুড়মালি ছমহীয়া ছাৰ্টিফিকেট কোৰ্ছত উত্তীৰ্ণসকলক মাৰ্কচিত আৰু ছাৰ্টিফিকেট প্ৰদান কৰা হয়৷
সভাত গুৰুত্বপূৰ্ণ আলোচনা আৰু কেইবাটাও গুৰুত্বপূৰ্ণ প্ৰস্তাৱ গ্ৰহণ কৰা হয় ৷
