07/07/2026
ഈജിപ്ത് രണ്ടാം ഗോൾ ലീഡിലേക്ക്,
ജീവിതത്തിനും മരണത്തിനുമിടയിലെ ബാക്കി പതിമൂന്ന് മിനുറ്റ്,
സ്വാഭാവികമായും ലോകമെമ്പാടുമുള്ള അർജൻ്റീനാ ആരാധകർ തലകുമ്പിടുന്നു, ഇനിയൊരു തിരിച്ച് വരവില്ല എന്ന് ഏറക്കുറെ ഉറപ്പിക്കുന്നു, പതിയെ തുടങ്ങിയ ട്രോളുകൾ അതിൻ്റെ അവസാനത്തിലെത്തുന്നു
ഈയൊരു രാത്രിയും നാളത്തെ പകലും എങ്ങനെ അതിജീവിക്കും എന്ന് ചിന്തിക്കാത്ത അർജൻ്റീന ആരാധകരുണ്ടാകുമോയെന്ന് സംശയമാണ്,
പക്ഷെ,
പിന്നീടുള്ള പതിമൂന്ന് മിനുറ്റും എക്സ്ട്രാ ടൈമും മിശിഹയും പിളേളരും തോൽക്കാൻ മനസ്സില്ലാതെ പൊരുതി, വീണ്ടും വീണ്ടും പൊരുതി, അവസാന വിസിലും കഴിയുമ്പോൾ ഈജിപ്ത് വലയിൽ അർജൻ്റീനയുടെ എണ്ണം പറഞ്ഞ മൂന്ന് ഗോളുകൾ, രണ്ട് ഗോളിന് പിന്നിലായിരുന്നവർ മൂന്ന് ഗോളടിച്ച് വിജയികളായി തിരിച്ച് കയറുന്നു,
ഈ രാത്രി എങ്ങനെ മറക്കും?
മെസ്സി എന്ന മാന്ത്രികനെ എങ്ങനെ ഹൃദയത്തിൽ കൊണ്ട് നടക്കാതിരിക്കും?
ആകാശനീലയും വെള്ളയും ചേർന്ന ഇന്നത്തെ രാത്രിയെ മനോഹരമാക്കിയ പ്രിയപ്പെട്ട അർജൻ്റീനാ.....
നന്ദി.!!❤️
