Erumelymedia

28/05/2026

*"ത്യാഗത്തിന്റെ പെരുന്നാൾ"* എന്നറിയപ്പെടുന്ന ഈദുൽ അദ്ഹാ ഇസ്ലാം മതത്തിലെ രണ്ട് പ്രധാന പെരുന്നാളുകളിൽ ഒന്നാണ്.

പ്രവാചകൻ ഇബ്രാഹിം നബി അല്ലാഹുവിന്റെ കൽപ്പന അനുസരിച്ച് തന്റെ മകൻ ഇസ്മാഈലിനെ ബലിയർപ്പിക്കാൻ തയ്യാറായതിന്റെ ഓർമ്മയ്ക്കാണ് ഈദുൽ അദ്ഹാ ആഘോഷിക്കുന്നത്. അല്ലാഹു ഇബ്രാഹിമിന്റെ ഭക്തി കണ്ട് മകന് പകരം ഒരു ആടിനെ ബലിയർപ്പിക്കാൻ നൽകി. ഈ ത്യാഗത്തെയാണ് ഖുർബാനി എന്ന് പറയുന്നത്.

ഈദുൽ അദ്ഹാ നൽകുന്ന സന്ദേശം *ത്യാഗം, അനുസരണം, സഹജീവി സ്നേഹം* എന്നിവയാണ്. ഉള്ളത് ഇല്ലാത്തവരുമായി പങ്കുവെക്കണം എന്നാണ് പെരുന്നാൾ ഓർമ്മിപ്പിക്കുന്നത്.

27/05/2026

26/05/2026

*വഖഫ് ബോർഡ് പിരിച്ചുവിടണം : ഭാരതീയ ജനതാ പാർട്ടി.*

നിലവിലെ വഖഫ് ഭേദഗതി നിയമം പാലിക്കാതെ പിണറായി വിജയൻറെ നേതൃത്വത്തിലുള്ള ഇടതുപക്ഷ സർക്കാർ നിയമിച്ച വഖഫ് ബോർഡ് പിരിച്ചുവിടണമെന്ന് എറണാകുളം പ്രസ് ക്ലബ്ബിൽ നടത്തിയ വാർത്താ സമ്മേളനത്തിൽ ഭാരതീയ ജനതാ പാർട്ടി സംസ്ഥാന ഉപാധ്യക്ഷൻ അഡ്വ. ഷോൺ ജോർജ് പറഞ്ഞു.
വഖഫ് ഭേദഗതി നിയമം 2025 സെക്സ് 14 പ്രകാരം ബോർഡിൽ ഉണ്ടായിരിക്കേണ്ട വ്യക്തികളുടെ മാനദണ്ഡങ്ങൾ പാലിക്കാതെയാണ് മുൻ മുഖ്യമന്ത്രിയും നിലവിലെ പ്രതിപക്ഷ നേതാവുമായ പിണറായി വിജയൻറെ നേതൃത്വത്തിലുള്ള മുൻ സംസ്ഥാനസർക്കാർ നിയമിച്ചിട്ടുള്ളത്.
ഭാരതീയ ജനതാ പാർട്ടിയുടെ 3 നിയമസഭാ അംഗങ്ങളും നിലവിലെ വഖഫ് ബോർഡ് പിരിച്ചു വിടണം എന്ന് ആവശ്യപ്പെട്ടുകൊണ്ട് സംസ്ഥാന മുഖ്യമന്ത്രിക്ക് കത്തു നൽകുമെന്നും, സർക്കാർ ഈ വിഷയത്തിൽ നടപടി സ്വീകരിച്ചില്ലെങ്കിൽ ഭാരതീയ ജനതാ പാർട്ടി ഈ വിഷയവുമായി ബന്ധപ്പെട്ട് കേരള ഹൈകോടതിയെ സമീപിക്കും എന്നും ഷോൺ ജോർജ് പറഞ്ഞു.

മുനമ്പം ഭൂമി ഉമീദ് പോർട്ടലിൽ രജിസ്റ്റർ ചെയ്തതുമായി ബന്ധപ്പെട്ട് ഈ റജിസ്റ്ററിൽ ന്യായമായ വസ്തുക്കൾ എന്തെങ്കിലുമുണ്ടെങ്കിൽ അത് നീക്കം ചെയ്യാനുള്ള അധികാരം കേന്ദ്രസർക്കാരിനുണ്ട്, ഈ വിഷയത്തിൽ ന്യായമായ കാര്യങ്ങൾ ഉള്ളതിനാൽ അത് നീക്കം ചെയ്യണം ആവശ്യപ്പെട്ടുകൊണ്ട് കേന്ദ്ര ന്യൂനപക്ഷകാര്യ മന്ത്രി കിരൺ റജുവിന് ഭാരതീയ ജനതാ പാർട്ടി സംസ്ഥാന അധ്യക്ഷൻ ശ്രീ രാജീവ് ചന്ദ്രശേഖർ കത്തു നൽകിയും അതിനുമേൽ നടപടി ഉണ്ടാകുമെന്നും പ്രതീക്ഷിക്കുന്നതായി അഡ്വ. ഷോൺ ജോർജ് പറഞ്ഞു.

വഖഫ് നിയമത്തിലെ സെക്ഷൻ 3 B അനുസരിച്ച് പാലിക്കപ്പെടേണ്ടതായ ഒരു മാനദണ്ഡങ്ങളും പാലിക്കാതെയാണ് വഖഫ് ബോർഡ് മുനമ്പം ഭൂമി ഉമീദ് പോർട്ടലിൽ രജിസ്റ്റർ ചെയ്തിട്ടുള്ളത്. അതിൽ ഏറ്റവും പ്രധാനമായത് മുക്തവല്ലിയെനിയമിച്ചതാണ്. ഈ ഭേദഗതി അപ്‌ലോഡ് ചെയ്യാൻ നിയമപരമായ അധികാരം മുക്തവല്ലിക്കാണ്, ഇവിടെ മുക്തവല്ലി ഫാറൂഖ് കോളേജ് ആണ്. മുക്തവല്ലിയെ മാറ്റി നിയമിക്കാൻ നിയമമുണ്ട്, പക്ഷേ അത് കൃത്യമായി നോട്ടീസ് നൽകി ഒരു ജുഡീഷ്യൽ പ്രോസസ്സിലൂടെ മാത്രമേ സാധിക്കു. സ്വയം മുക്തവല്ലിയായി നിയമിക്കപ്പെടണമെങ്കിലും കൃത്യമായ മാനദണ്ഡങ്ങൾ പാലിക്കേണ്ടതുണ്ട് അത് വഖഫ് ആക്ടിൽ കൃത്യമായി പറഞ്ഞിട്ടുണ്ട്. ഈ നിയമങ്ങൾ ഒന്നും പാലിക്കാതെയാണ് വഖഫ് ബോർഡ് സ്വയം മുക്തവല്ലിയായി തീരുമാനിച്ചുകൊണ്ട് ഉമീദ് പോർട്ടലിൽ രജിസ്റ്റർ ചെയ്തിട്ടുള്ളത്. ഈ വിഷയവുമായി ബന്ധപ്പെട്ട് ന്യൂനപക്ഷകാര്യമന്ത്രാലയത്തിനും ന്യൂനപക്ഷ കാര്യമന്ത്രിക്കും ശ്രീ രാജീവ് ചന്ദ്രശേഖർ നേരിട്ട് കത്ത് നൽകിയിട്ടുണ്ട് . പിണറായി വിജയൻ ഗവൺമെൻറ് പോകുന്നതിന് തൊട്ടുമുൻപേ 4/2/2026ൽ ആണ് ഈ ഗസറ്റ് നോട്ടിഫിക്കേഷൻ ഇറക്കി ഈ വക്കം ബോർഡിനെ നിയമിച്ചിട്ടുള്ളത്. ഈ നിയമനത്തിനുശേഷം അവസാനം പറഞ്ഞിട്ടുള്ളത് കേന്ദ്രം മാനദണ്ഡപ്രകാരം രണ്ടുപേരെയും നിയമിക്കാതെ മാറ്റി നിർത്തിക്കൊണ്ടുള്ള ഒരു ബോർഡ് ആണ് നിലവിൽ വന്നത്. സമാനമായ ബോർഡ് മദ്രാസിലും നിലവിലുണ്ടായിരുന്നു ആ ബോർഡ് പിരിച്ചുവിടാൻ മദ്രാസ് ഹൈക്കോടതി ഉത്തരവായിട്ടുണ്ട്. അതുകൊണ്ടുതന്നെ ബഹുമാനപ്പെട്ട മുഖ്യമന്ത്രിയോട് ഭാരതീയ ജനതാ പാർട്ടിക്ക് ആവശ്യപ്പെടാൻ ഉള്ളത് ഈ ഗസറ്റ് നോട്ടിഫിക്കേഷൻ റദ്ദ് ചെയ്ത് വഖഫ് ബോർഡ് പിരിച്ചുവിടണം എന്നാണ്. കേന്ദ്ര നിയമപ്രകാരമുള്ള മാനദണ്ഡങ്ങൾ പാലിക്കാതെ നിയമിച്ച ഈ വഖഫ് ബോർഡിനെ പിരിച്ചു വിട്ടില്ല എങ്കിൽ ഭാരതീയ ജനതാ പാർട്ടി ഈ വിഷയവുമായി ബന്ധപ്പെട്ട് കേരള ഹൈക്കോടതിയിൽ ഹർജി നൽകുവാൻ തീരുമാനിച്ചതായി ഭാരതീയ ജനതാ പാർട്ടി സംസ്ഥാന ഉപാധ്യക്ഷൻ ശ്രീ ഷോൺ ജോർജ് പറഞ്ഞു. എറണാകുളം പ്രസ് ക്ലബ്ബിൽ നടന്ന പത്രസമ്മേളനത്തിൽ ഭാരതീയ ജനതാ പാർട്ടി ജില്ലാ അധ്യക്ഷൻ ശ്രീ കെ എസ് ഷൈജു, ന്യൂനപക്ഷമോർച്ച ജില്ലാ അധ്യക്ഷൻ കെ ഡി ഡെമീഷ്, ജില്ലാ മീഡിയ സെൽ കൺവീനർ നവീൻ ശിവൻ എന്നിവർ പങ്കെടുത്തു.

26/05/2026

എരുമേലി. തുമരംപാറ കടുംബശേരിൽ അഷിതയ്ക്ക് പ്ലസ് ടു പരീക്ഷയിൽ എല്ലാ വിഷയങ്ങൾക്കും എ പ്ലസ്.... പോലീസ് ഉദ്യോഗസ്ഥനായ ജയകുമാറിന്റെ മകളാണ് അഭിനന്ദനങ്ങൾ...

26/05/2026

എരുമേലി.സ്വദേശിയായ മിഥുൻ മോഹൻ സപ്ലൈകോയിൽ ഇന്ന് ജോലിയിൽ പ്രവേശിച്ചു. ഡോക്ടർ മോഹനന്റെയും മണി ടീച്ചറിന്റെയും മകനാണ്
ആശംസകൾ.

25/05/2026

താൽക്കാലിക ഒഴിവ്

കോട്ടയം: പട്ടികവർഗ്ഗ വികസന വകുപ്പിന് കീഴിൽ കാഞ്ഞിരപ്പള്ളി ഐ.റ്റി.ഡി.പി പ്രോജക്ട് ഓഫീസിന്റെ നിയന്ത്രണത്തിൽ പ്രവർത്തിക്കുന്ന ഏറ്റുമാനൂർ മോഡൽ റസിഡൻഷ്യൽ സ്‌കൂളിൽ കുക്ക്, ആയ, എഫ്.റ്റി.എസ്, മെസ്സ് ഗേൾ, വാച്ച്മാൻ, ഗാർഡനർ കം സ്‌കാവഞ്ചർ തസ്തികകളിൽ ദിവസ വേതനാടിസ്ഥാനത്തിൽ നിയമനം നടത്തുന്നു. പി.എസ്.സി നിഷ്‌കർഷിച്ചിട്ടുള്ള യോഗ്യതയുള്ളവരായിരിക്കണം. പ്രായപരിധി 18-40. എസ്.സി/എസ്.ടി വിഭാഗത്തിലുള്ളവർക്ക് ഉയർന്ന പ്രായപരിധി 45 വയസ്. പട്ടികവർഗ്ഗ വിഭാഗത്തിൽപ്പെട്ടവർക്ക് മുൻഗണന. വെളള പേപ്പറിൽ തയ്യാറാക്കിയ അപേക്ഷ (തസ്തിക വ്യക്തമാക്കണം) വിദ്യാഭ്യാസം, ജാതി / പ്രവൃത്തിപരിചയം, യോഗ്യതകൾ എന്നിവ തെളിയിക്കുന്ന സർട്ടിഫിക്കറ്റുകളുടെ പകർപ്പും അസ്സലും സഹിതം മേയ് 29ന് രാവിലെ 10ന് ഏറ്റുമാനൂർ മോഡൽ റസിഡൻഷ്യൽ സ്‌കൂളിൽ എത്തണം. ഫോൺ: 8075400423.

(കെഐഒപിആർ 813/2026)

താൽക്കാലിക ഒഴിവ്

കോട്ടയം: മെഡിക്കൽ കോളജ് ആശുപത്രി വികസന സമിതിയുടെ കീഴിൽ ഐ.ടി. സിസ്റ്റം അഡ്മിനിസ്ട്രേറ്റർ തസ്തികയിൽ ഓപ്പൺ വിഭാഗത്തിൽ ഒരു താൽക്കാലിക ഒഴിവുണ്ട്. പ്രതിമാസ വേതനം: 30,000 രൂപ.
പ്രായ പരിധി: 21-41. യോഗ്യത-ബി.എസ്.സി ഇലക്ട്രോണിക്സ് വിത്ത് കമ്പ്യൂട്ടർ ഹാർഡ്‌വേർ അല്ലെങ്കിൽ തത്തുല്യം, സിസ്റ്റം അഡ്മിനിസ്ട്രേഷനിൽ (ഹാർഡ്‌വേർ ആൻഡ് നെറ്റ്‌വർക്കിംഗ്) കുറഞ്ഞത് പത്തു വർഷത്തെയും ഇ-ഹെൽത്തിൽ കുറഞ്ഞത് മൂന്നു വർഷത്തെയും പ്രവൃത്തപരിചയം. ടെക്നിക്കൽ സ്‌കിൽ- ഒപ്റ്റിക്കൽ ഫൈബർ സപ്ളൈസിംഗ്, സർവ്വർ മാനേജ്‌മെന്റ് (വിൻഡോസ്/ലിനക്സ്), നെറ്റ് വർക്ക് റൂട്ടിംഗ്/സ്വിച്ചിംഗ്. ഉദ്യോഗാർഥികൾ ജൂൺ അഞ്ചിനകം അതാത് എംപ്ലോയ്മെന്റ് എക്സ്ചേഞ്ചിൽ അസ്സൽ സർട്ടിഫിക്കറ്റുകളുമായി നേരിട്ടെത്തി പേര് രജിസ്റ്റർ ചെയ്യണം.
(കെഐഒപിആർ 814/2026)

അപേക്ഷ ക്ഷണിച്ചു

കോട്ടയം:ഐ.എച്ച്.ആർ.ഡിയുടെ കീഴിലുള്ള മറ്റക്കര(0481 2542022,8547005080), മോഡൽ പോളി ടെക്നിക് കോളജിലെയും പൂഞ്ഞാർ എൻജിനീയറിംഗ് കോളജിലെയും ത്രിവത്സര ഡിപ്ലോമ കോഴ്സുകൾക്ക് അപേക്ഷ ക്ഷണിച്ചു. കോഴ്സുമായി ബന്ധപ്പെട്ട സംശയങ്ങൾക്ക് 8547005000 എന്ന ഫോൺ നമ്പരിലോ അതത് കോളജുകളിലോ ബന്ധപ്പെടണം.

(കെഐഒപിആർ 815/2026)

20/05/2026

എരുമേലിക്ക് ഇന്ന് അഭിമാന ദിവസം എരുമേലി സ്വദേശിയായ മുഹമ്മദ് ഷാ ഇന്ന് അഡീഷണൽ അഡ്വക്കേറ്റ് ജനറലായി തെരഞ്ഞെടുക്കപ്പെട്ടു..

20/05/2026

എരുമേലി. റാന്നിപാതിയിൽ ശ്രീനിപുരത്ത് മൺതിട്ട ഇടിഞ്ഞുവീണിട്ട് ഇന്ന് നാലാം ദിവസം വാഹനങ്ങളിൽ യാത്ര ചെയ്യുന്നവർ സൂക്ഷിച്ച് യാത്ര ചെയ്യുക.

18/05/2026

എരുമേലി. വർദ്ധിച്ചു വരുന്ന വാഹനാപകടത്തെ തുടർന്നുണ്ടാകുന്ന മരണങ്ങൾ ഒഴിവാക്കാൻ വാവർ മെമ്മോറിയൽ സ്കൂളിന്റെ നേതൃത്വത്തിൽ നടന്ന ബോധവൽക്കരണ പരിപാടിയിൽ സ്കൂൾ മാനേജരായ നാസർ പനച്ചിയുടെ അധ്യക്ഷതയിൽ എരുമേലി പേട്ട കവലയിൽ കൂടിയ യോഗത്തിൽ എരുമേലി എസ് ഐ നെൽസൺ ഉദ്ഘാടനം ചെയ്തു.