Sikkim television

03/04/2026

हार्दिक श्रद्धाञ्जली तथा शोक सम्वेदना
स्वर्गीय पदम क्षेत्रीको निधनको दुःखद समाचारले मन अत्यन्त मर्माहत भएको छ। उहाँप्रति हार्दिक श्रद्धाञ्जली अर्पण गर्दछु।
१९९३–९४ तिर सुनचरी दैनिक समाचारपत्रमार्फत उहाँसँग मेरो आत्मीय चिनजान र सहकार्यको सुरुवात भएको थियो। उहाँ त्यसबेला एक सक्षम सम्पादक हुनुहुन्थ्यो भने म सिक्किमबाट संवाददाताको रूपमा कार्यरत थिएँ। त्यतिबेला न त इन्टरनेट थियो, न मोबाइलको सुविधा—समाचार सम्प्रेषण आफैंमा एउटा चुनौतीपूर्ण प्रक्रिया थियो। फ्याक्स गर्न पनि कठिन, प्रायः टेलिफोन एक्सचेञ्ज वा ट्रंककल बुकिङ गरेर समाचार डिक्टेट गर्नुपर्ने अवस्था थियो।
यस्तो कठिन परिस्थितिमा पनि उहाँले सधैं धैर्यपूर्वक समाचार सुन्नु, पढ्नु र त्यसमा उत्साहजनक प्रतिक्रिया दिनुहुन्थ्यो। मैले पठाएका लामा विश्लेषणात्मक समाचार, कथा तथा लेखहरू पढेर उहाँले बारम्बार “सामसोनज्यु, तपाईंले राम्रो लेख्नुहुन्छ” भन्नुहुन्थ्यो—त्यो एउटा सानो वाक्यले पनि मलाई ठूलो प्रेरणा र ऊर्जा प्रदान गर्थ्यो।
आज उहाँ सशरीर हामीमाझ नरहनु भए तापनि, उहाँको स्नेह, प्रेरणा र सम्झना सधैं जीवित रहनेछन्।
शोकाकुल परिवारजनमा यस असह्य पीडाको घडीमा ईश्वरले धैर्य धारण गर्ने शक्ति प्रदान गरून् भन्ने कामना व्यक्त गर्दछु।
हार्दिक श्रद्धाञ्जली। 🙏🙏

10/03/2026

सम्पादकीय
सुरतको दुःखद घटना: एआई, युवा मानसिक स्वास्थ्य र हाम्रो सामाजिक जिम्मेवारी
गुजरातको Surat शहरमा हालै घटेको एक हृदयविदारक घटनाले प्रविधि, समाज र मानव मनोविज्ञानबीचको जटिल सम्बन्धलाई पुनः गम्भीर रूपमा सोच्न बाध्य बनाएको छ। दुई कलेज छात्रा स्थानीय Swaminarayan Temple परिसरको शौचालयभित्र मृत अवस्थामा फेला परेपछि यो घटना केवल एउटा व्यक्तिगत त्रासदी मात्र रहेन; यसले कृत्रिम बुद्धिमत्ता, सामाजिक दबाब र युवाहरूको मानसिक स्वास्थ्यबारे व्यापक बहस जन्माएको छ।
प्रारम्भिक अनुसन्धानअनुसार ती युवतीहरूले लोकप्रिय एआई च्याटबोट ChatGPT प्रयोग गरेर आत्महत्यासम्बन्धी जानकारी खोजेको आशंका गरिएको छ। यद्यपि कुनै पनि प्रविधि आफैं दोषी ठहरिन सक्दैन, तर यस घटनाले एउटा गम्भीर प्रश्न अवश्य उठाउँछ—प्रविधिको विकाससँगै यसको नैतिक प्रयोग र सुरक्षा कति सुदृढ बनाइएको छ?
आजको डिजिटल युगमा कृत्रिम बुद्धिमत्ता हाम्रो दैनिकीको अभिन्न हिस्सा बनिसकेको छ। शिक्षा, स्वास्थ्य, सञ्चार, अनुसन्धानदेखि सिर्जनात्मक क्षेत्रसम्म यसको प्रयोग तीव्र गतिमा बढिरहेको छ। तर प्रविधिको यही तीव्र विस्तारसँगै यसको नैतिक सीमारेखा र सामाजिक उत्तरदायित्व पनि त्यत्तिकै महत्त्वपूर्ण बन्दै गएको छ। विश्वका धेरै प्रविधि विशेषज्ञहरूले एआईको प्रयोगमा स्पष्ट नैतिक मार्गदर्शन आवश्यक रहेको बताएका छन्। यस सन्दर्भमा उद्यमी Elon Musk लगायतका प्रविधि चिन्तकहरूले पनि एआई सुरक्षा र नियन्त्रणबारे बारम्बार चेतावनी दिँदै आएका छन्।
तर प्रश्न केवल प्रविधिको मात्र होइन। यो घटनाले हाम्रो समाजको अर्को गहिरो समस्या पनि उजागर गर्छ—युवाहरूको मानसिक स्वास्थ्य। आजका युवाहरू तीव्र प्रतिस्पर्धा, पारिवारिक अपेक्षा, सामाजिक तुलना र डिजिटल संसारको दबाबबीच जीवन गुजारिरहेका छन्। बाहिरबाट उनीहरू आधुनिक, सक्षम र आत्मविश्वासी देखिए पनि भित्रभित्रै धेरै युवाहरू एक्लोपन, निराशा र असुरक्षासँग संघर्ष गरिरहेका हुन सक्छन्।
यही कारणले गर्दा आत्महत्या केवल व्यक्तिगत कमजोरीको विषय होइन; यो समाज, परिवार, शिक्षा प्रणाली र मानसिक स्वास्थ्य संरचनासँग गहिरो रूपमा जोडिएको समस्या हो। यदि युवाहरूलाई आफ्ना समस्या खुलस्त राख्ने वातावरण, भावनात्मक सहयोग र समयमै परामर्श उपलब्ध गराउन सकियो भने यस्ता दुःखद घटनाहरू धेरै हदसम्म रोक्न सकिन्छ।
सुरतको यो घटना हामी सबैका लागि एउटा चेतावनी हो। प्रविधि विकासको गति रोक्न सकिँदैन, तर यसको जिम्मेवार प्रयोग सुनिश्चित गर्न सकिन्छ। एआई प्रणालीहरूमा कडा सुरक्षा मापदण्ड, संवेदनशील विषयमा सावधानीपूर्ण नियन्त्रण र प्रयोगकर्तालाई मानसिक स्वास्थ्य सहयोगतर्फ मार्गदर्शन गर्ने संयन्त्र आवश्यक छ।
त्यसैगरी परिवार, विद्यालय, कलेज र समाजले पनि युवाहरूको मनोवैज्ञानिक अवस्थालाई गम्भीरतापूर्वक बुझ्नुपर्छ। संवाद, सहानुभूति र भावनात्मक समर्थनको वातावरण निर्माण गर्नु आजको सबैभन्दा ठूलो आवश्यकता हो।
अन्ततः, प्रविधि केवल एउटा उपकरण हो—यसको दिशा र प्रभाव मानव समाजले निर्धारण गर्छ। त्यसैले सुरतको यो दुःखद घटनालाई केवल समाचारका रूपमा मात्र होइन, भविष्यका लागि एउटा गम्भीर पाठका रूपमा लिन आवश्यक छ।
यदि हामीले अहिलेबाट नै प्रविधि, नैतिकता र मानव संवेदनशीलताको सन्तुलन कायम गर्न सकेनौं भने यस्ता घटनाहरू फेरि दोहोरिन सक्छन्। तर यदि समाज, प्रविधि कम्पनीहरू र नीति–निर्माताहरू मिलेर जिम्मेवार कदम चाल्छन् भने डिजिटल युगलाई मानव हितका लागि सुरक्षित र सकारात्मक बनाउनु सम्भव छ।

22/02/2026

नेपाली साहित्य परिषद्, सिक्किमको १४औँ कार्यकारिणी समितिको निर्वाचनमा विजयी हुनु भएका सम्पूर्ण कार्यकारिणी सदस्यज्यूहरूलाई हार्दिक बधाई तथा सफल कार्यकालका लागि मंगलमय शुभकामना व्यक्त गर्दछु।
यसै अवसरमा, मलाई आत्मीय हृदयबाट समर्थन जनाई मताधिकार प्रयोग गर्नु भएका सम्पूर्ण मतदाता तथा शुभेच्छुक मित्रहरू प्रति हार्दिक आभार तथा धन्यवाद व्यक्त गर्न चाहन्छु। यहाँहरूको विश्वास, सद्भाव र प्रेरणाले मलाई अझ जिम्मेवार, प्रतिबद्ध र सक्रिय रहन उत्साहित बनाएको छ। हार र जीत भन्दा बढी परिषद् परिवारको महत्व रहन्छ।
विशेष रूपमा, यसपटक सम्पन्न निर्वाचन प्रक्रिया अत्यन्तै पारदर्शी, निष्पक्ष, अनुशासित र उच्चस्तरीय कार्यप्रणालीको उदाहरणका रूपमा स्थापित भएको छ। यसका लागि नेपाली साहित्य परिषद्ले निर्वाह गरेको भूमिका प्रशंसनीय छ। विशेषतः निर्वाचन आयोगको भूमिका अत्यन्त सराहनीय र उदाहरणीय रह्यो।
सम्पूर्ण नेपाली साहित्य परिषद्का सदस्यज्यूहरूमा पुनः हार्दिक धन्यवाद ज्ञापन गर्दै, नव-निर्वाचित कार्यकारिणी समितिले निर्वाचन अवधिभर प्रस्तुत गरिएका विचार, मत तथा कार्ययोजनाहरूलाई गम्भीरतापूर्वक मनन गरी परिषद्लाई नयाँ ऊर्जा, उत्साह र दूरदृष्टिका साथ अगाडि बढाउनेछन् भन्ने पूर्ण अपेक्षा व्यक्त गर्दछु।
पुनः एकपटक सबै विजयी सदस्यज्यूहरूलाई हार्दिक बधाई तथा सफल कार्यकालका लागि शुभकामना।
सादर,
सामसोन गुरुङ

20/02/2026

“हितने सहितम्, सहितम् साहित्यस्य”
“ साहित्य भनेको केवल शब्दहरूको संयोजन होइन, यो हितभावना, परस्पर समन्वय र लोकमंगलको माध्यम हो।“
नेपाली साहित्य परिषद् सिक्किमको चौधौं कार्यकारी समितिको नयाँ चुनाव प्रक्रियामा लामो अन्तरालपछि सहभागी बन्न लागेको यो क्षण मनमा अनेक भावनाहरू जागृत भइरहेका छन्। जीवनको उत्तरार्ध गाउँमै बिताउने निर्णय गरेपछि आफू अलि पर भएको, नौलो भएको जस्तो भान भए पनि, गाउँको माया त हृदयको गहिराइ र मानसपटलमै सधैं अंकित रहन्छ।
वर्ष १९९६ को भानुजयन्ती समारोहमा आफ्नो सहभागिता सम्झँदा परिषद्को त्यसबेलाको स्वरूप र वर्तमान अवस्थाको तुलना मनले स्वतः गरिरहेको हुन्छ। मूल्यांकन कसरी गर्ने? समय बद्लिन्छ, संरचना बदलिन्छ, तर मूल्य र आदर्श जोगाइराख्ने दायित्व सधैं उस्तै रहन्छ।
१९८६ सालतिर सक्रिय रूपमा पत्रकारितामा होमिँदा सरकारी जागिर समेत त्यागेर सिक्किममा प्रथम टेलिभिजन समाचार प्रसारणदेखि आकाशवाणी गान्तोकमा अस्थायी संलग्नता, राष्ट्रिय स्तरका टेलिभिजन च्यानलहरूसँग सहकार्य, अंग्रेजी–हिन्दी–नेपाली पत्रपत्रिका तथा ‘त्रिवेणी’ साप्ताहिकको सम्पादन–प्रकाशन गर्दै झण्डै २५ वर्ष सेवा गर्ने अवसर पाएँ। आज पनि पत्रकारिता क्षेत्रमै सक्रिय छु। यसलाई आत्ममूल्यांकनको मापदण्ड नठानियोस्; बरु पत्रकारिता पनि साहित्यकै एक विधा भएको नाताले परिषद् जस्ता अग्रज साहित्यकार र विज्ञजनहरूको छत्रछायामा बसेर केही सिक्न, केही योगदान गर्न पाऊँ भन्ने लोभ मात्र हो।
तर त्योभन्दा पनि बढी, समय र परिस्थितिलाई मध्यनजर राखेर परिषद्ले केही नयाँ पहल गरोस् भन्ने सदिच्छा हो। यदि यी विचारहरू कसैले एकपटक सोचिदिनु भए पनि मेरो उद्देश्य पूरा हुनेछ।
केही विनम्र प्रस्तावहरू
१. सम्बद्धता (Affiliation) प्रणालीको प्रारम्भ
आज सिक्किममा विभिन्न स्वतन्त्र पहलहरू—जस्तै लघुकथा समाज, प्रकाशन गृह, जातीय भाषिक–साहित्यिक संस्था तथा सांस्कृतिक मञ्चहरू—आ-आफ्नो क्षमताले सञ्चालन भइरहेका छन्।
नेपाली साहित्य परिषद्ले सम्बद्धता (Affiliation) प्रणाली सुरु गरी यस्ता संस्थाहरूलाई औपचारिक संरक्षण र प्रोत्साहन प्रदान गर्न सके सुदृढ समन्वय सम्भव हुनेछ।
२. आफ्नै सञ्चार माध्यम स्थापना
परिषद्को आफ्नै रेडियो, पोडकास्ट वा टेलिभिजन केन्द्र स्थापना गर्ने जमर्को कसो होला?
यस माध्यमबाट:
• नयाँ तथा पुराना कृतिहरू प्रसारण गर्न,
• प्रसारित सामग्री संकलन गरी प्रकाशन गर्न,
• अन्य प्रान्तका भाषा–साहित्यका व्यक्तित्व र संस्थालाई जोड्न,
• अनुवाद तथा अन्तरभाषिक सहकार्यलाई प्रोत्साहन दिन
महत्वपूर्ण योगदान पुग्न सक्छ।
३. बहुभाषिक छाता संस्थाको भूमिका
सिक्किम एउटा विशिष्ट राज्य हो जहाँ भोटिया, लेप्चा, लिम्बु, तामाङ, गुरुङ, राई, मंगर, नेवाः, सेर्पा लगायतका भाषाहरूले मान्यता पाएका छन्।
परिषद्ले छाता संस्थाको भूमिका निर्वाह गर्दै यी भाषाहरूका लागि राष्ट्रिय स्तरको संरक्षण, सम्बर्द्धन र अनुसन्धान केन्द्र स्थापना गर्ने दिशामा पहल गरेमा:
• भाषासाहित्यको विकास,
• अन्तरभाषिक आदानप्रदान,
• युवा पुस्ताका लागि रोजगारीका अवसर
समेत सिर्जना हुन सक्छन्।
यसका अतिरिक्त पनि समयानुकूल अनेक विषयहरू छन्, जुन आगामी कार्यसमितिले संस्थागत रूपमा अगाडि बढाउन सक्नेछ।
मेरो प्रतिबद्धता
म, सामसोन गुरुङ, यस चुनावमा सचिव (प्रशासन एवं विधि) पदका लागि उम्मेदवारी दिएको छु।
यो कुनै पदलोलुपताको अभिव्यक्ति होइन; बरु समन्वय, पारदर्शिता र संस्थागत सुदृढीकरणमा सानो योगदान गर्ने आकांक्षा मात्र हो।
मतदानका दिन तपाईंहरूको अमूल्य मतले साथ दिनु भयो भने म कृतज्ञ रहनेछु।
“खुसुक्क” पारिदिनु भयो भने त्यो मौन समर्थन नै मेरो लागि सबैभन्दा ठूलो शक्ति हुनेछ — किनकि साँचो शक्ति प्रायः मौनमै निहित हुन्छ।
सादर,
सामसोन गुरुङ
सम्पर्क # ८२५०५३१८८४(मो०)

17/02/2026

प्रेस विज्ञप्ति

सदाम टुरिज्म डेभलपमेन्ट सोसाइटी
सादाम, दक्षिण सिक्किम
मिति: १७ फेब्रुअरी २०२६
सदाम टुरिज्म डेभलपमेन्ट सोसाइटीद्वारा तयार पारिएको समग्र मास्टर प्लान अन्तर्गत १२ नम्बर मेली निर्वाचन क्षेत्रको तारेभीर–देउराली क्षेत्रमा प्रस्तावित “ड्रिम प्रोजेक्ट” सहितका पर्यटन पूर्वाधार तथा प्रवर्द्धन योजनाबारे आज मिति १७ फेब्रुअरी २०२६ का दिन माननीय पर्यटन मन्त्री श्री T.T. Bhutia ज्यूसँग उहाँकै सरकारी आवासमा भेटघाट गरी औपचारिक रूपमा ज्ञापनपत्र पेश गरिएको छ।
उक्त भेटघाट सोसाइटीका अध्यक्ष श्री दुर्गा बहादुर बस्नेत र महासचिव श्री सामसोन गुरुङको उपस्थितिमा सम्पन्न भएको हो। यसअघि मिति १६ फेब्रुअरी २०२६ का दिन १२, मल्ली निर्वाचन क्षेत्रका माननीय विधायक तथा कृषि, बागवानी, पशुपालन तथा मत्स्य पालन विकास विभागका सल्लाहकार श्री N.B. Pradhan ज्यूसँग भएको विस्तृत छलफल तथा उहाँबाट प्राप्त सुझाव अनुरूप आजको भेटघाट आयोजना गरिएको हो।
भेटका क्रममा माननीय पर्यटन मन्त्रीज्यूले प्रस्तुत मास्टर प्लानलाई कार्यान्वयनको चरणमा अघि बढाउन सम्माननीय मुख्यमन्त्री श्री P.S. Tamang (गोले) ज्यूसमक्ष स्वयं क्षेत्रीय विधायकज्यू र मन्त्रीज्यूले संयुक्त रूपमा भेट गरी योजनालाई उच्च प्राथमिकतामा अनुमोदन गराउने प्रतिबद्धता व्यक्त गर्नुभएको छ। साथै, आवश्यक कार्य अगाडि बढाउन सम्बन्धित विभागीय सचिव तथा अन्य सरोकारवाला अधिकारीहरूलाई यथाशीघ्र आवश्यक निर्देशन दिने आश्वासन पनि प्रदान गर्नुभएको छ।
ज्ञापनपत्रमा सादाम टुरिज्म डेभलपमेन्ट सोसाइटीको तर्फबाट जम्मा १९ वटा सम्भावित पर्यटकीय स्थलहरूको विकास, पूर्वाधार सुदृढीकरण, रोजगार सृजना, स्थानीय उत्पादनको प्रवर्द्धन, धार्मिक तथा सांस्कृतिक पर्यटनको विस्तार, र निर्वाचन क्षेत्रभरिका समग्र पर्यटन विकाससम्बन्धी विस्तृत कार्ययोजना समावेश गरिएको छ।
सोसाइटीले प्रस्तुत मास्टर प्लानमार्फत सादाम तथा वरपरका क्षेत्रलाई दिगो, व्यवस्थित र रोजगारीमुखी पर्यटन गन्तव्यका रूपमा विकास गर्ने लक्ष्य लिएको छ। यसले स्थानीय युवाहरूलाई स्वरोजगारका अवसर प्रदान गर्नुका साथै क्षेत्रीय आर्थिक समृद्धिमा टेवा पुर्‍याउने विश्वास सोसाइटीले व्यक्त गरेको छ।
अन्त्यमा, सादाम टुरिज्म डेभलपमेन्ट सोसाइटीले माननीय पर्यटन मन्त्रीज्यू तथा क्षेत्रीय विधायकज्यूबाट प्राप्त सकारात्मक आश्वासनप्रति हार्दिक आभार प्रकट गर्दै आगामी दिनहरूमा राज्य सरकारसँग समन्वय गर्दै योजनालाई व्यवहारमा उतार्न प्रतिबद्ध रहेको जनाएको छ।
–सामसोन गुरुङ
महासचिव
सदाम टुरिज्म डेभलपमेन्ट सोसाइटी
दक्षिण सिक्किम

14/01/2026

कुकुरले टोक्दा मृत्यु भएमा राज्यले क्षतिपूर्ति दिनुपर्ने चेतावनी

गाउँ तथा राज्यका विभिन्न शहरहरूमा कुकुरको रगरगी दिनोदिन बड़्दैछ। देशका ठूलाठूला शहरहरूमा कुकुर ठूलो समस्या हुनथालेको छ। कुकुरले कतिबेला टोक्छ कसैले भनिहाल्न सक्दैन। यस अन्तर्गत दिल्लीको एनसीआरसहित देशका धेरैवटा राज्यहरूमा कुकुरको आतङ्क बड़ेको छ। फलस्वरूप मानिसहरूको हिँड़ाइमा कुकुरले ठूलो चुनौती खड़ा गरेको छ। यो मामिलालाई लिएर भारतको सर्वोच्च न्यायालयले मंगलवार सुनवाई गरिरहेको समय एक अहम् फसेला लिएको छ। सर्वोच्च न्यायालयले कुकुरले टोकेपछि क्षतिपूर्ति दिनुपर्ने निर्देश सुनाएको छ। कुनै कुकुरले टोकेको कारण बालक तथा बुजुर्गको मृत्यु भएको खण्डमा सम्बन्धित राज्यले क्षतिपूर्ति उपलब्ध गराउनुपर्छ भन्ने सर्वोच्च न्यायालयले चेतावनी दिएको छ।
सर्वोच्च न्यायालयका जस्टिस विक्रम नाथले मामिलामाथि टिप्पणी गर्दै भने, कुकुरलाई खाना खुवाउने व्यक्ति यो घटनाको जिम्मेवारी हुने छन्।(साभार: हाम्रो वार्ता )

11/01/2026

POCSO मा ‘रोमियो–जुलियट’ प्रावधान ल्याउन सर्वोच्च अदालतको केन्द्र सरकारलाई आग्रह

नयाँ दिल्ली, ९ जनवरी : बालबालिकाको संरक्षणका लागि बनाइएको कानुनको दुरुपयोग रोक्न महत्वपूर्ण कदमका रूपमा भारतको सर्वोच्च अदालतले बाल यौन शोषणबाट संरक्षण ऐन (POCSO) मा संशोधन गर्न केन्द्र सरकारलाई आग्रह गरेको छ। अदालतले किशोर–किशोरीबीचका वास्तविक सहमतिपूर्ण सम्बन्धलाई ऐनका कडा आपराधिक प्रावधानबाट अलग राख्ने उद्देश्यले ‘रोमियो–जुलियट’ प्रावधान समावेश गर्न सुझाव दिएको हो।
न्यायाधीश संजय करोल र एन. कोटिश्वर सिंह सम्मिलित इजलासले POCSO ऐनको “व्यापक दुरुपयोग” भइरहेको उल्लेख गर्दै भने, बाल संरक्षणका लागि यो ऐन अत्यन्तै आवश्यक भए पनि यसलाई व्यक्तिगत प्रतिशोध साध्न हतियारका रूपमा प्रयोग गरिँदै आएको छ। अदालतले समाजमा देखिएको चिन्ताजनक विभाजनतर्फ पनि ध्यानाकर्षण गरायो, जहाँ सुविधा सम्पन्न वर्गले कानुनको दुरुपयोग गरी अरूलाई निशाना बनाउने गर्छन् भने गरिबी र सामाजिक कलंकका कारण हाशियामा परेका वास्तविक पीडितहरू मौन बस्न बाध्य छन्।
दुरुपयोग रोक्ने र युवाको संरक्षण
“यस समस्यालाई नियन्त्रण गर्न कदम चाल्न विचार गरियोस्, जसअन्तर्गत वास्तविक किशोर–किशोरीबीचका सहमतिपूर्ण सम्बन्धलाई यस ऐनको कडाइबाट मुक्त गर्ने ‘रोमियो–जुलियट’ प्रावधान समावेश गर्न सकिन्छ,” इजलासले फैसलासँगै कानून सचिवलाई दिएको निर्देशनमा भन्यो। साथै, दुर्भावनापूर्ण उद्देश्यले कानुनको दुरुपयोग गर्नेहरूलाई कारबाही गर्न आवश्यक संयन्त्र बनाइनुपर्नेमा अदालतले जोड दियो।
जमानत चरणमा अनिवार्य उमेर परीक्षण होइन
उही फैसलामा सर्वोच्च अदालतले इलाहाबाद उच्च अदालतले सबै POCSO मुद्दामा जमानत चरणमै पीडितको चिकित्सकीय उमेर निर्धारण परीक्षण अनिवार्य गरेको निर्देशन रद्द गरिदियो। सर्वोच्च अदालतले पीडितको उमेर निर्धारण गर्नु जमानत सुनुवाइको विषय नभई मुद्दाको विचारण (ट्रायल) चरणको विषय भएको स्पष्ट गर्‍यो।
इजलासले उच्च अदालतहरूले जमानत अधिकार प्रयोग गर्दै “मिनी–ट्रायल” गर्न वा कानुनले तोकेको अधिकारविपरीत प्रोटोकल जारी गर्न नसक्ने ठहर गर्‍यो। यद्यपि, उक्त मुद्दामा अभियुक्तलाई दिइएको जमानतसम्बन्धी आदेश भने सर्वोच्च अदालतले यथावत् राख्यो।
यस फैसलाले बालबालिकाको सुरक्षा सर्वोपरि भए पनि कानुनले यौन शोषणजस्ता आपराधिक कृत्य र किशोर–किशोरीबीचका सहमतिपूर्ण सम्बन्धबीच स्पष्ट भेद गर्नुपर्ने न्यायालयको दृष्टिकोणलाई सुदृढ गरेको छ।

09/08/2025

I got over 20 reactions on one of my posts last week! Thanks everyone for your support! 🎉

04/04/2025

https://youtu.be/8vwr-lMrGlQ?si=YH1ommCVMgJEfcPr

ROMEO IN SIKKIM, a Hindi Feature Film was produced from Sikkim.

29/09/2024

Sikkim State Designated Agency Inaugurates Sikkim’s First Super ECBC Building in Lagyap


Ranipool, Sikkim – September 27, 2024 – The Power Department, a State Designated Agency (SDA), under the aegis of Bureau of Energy Efficiency, Ministry of Power, Govt. of India proudly inaugurated Sikkim’s first Super Energy Conservation Building Code (ECBC) building today at Lagyap, Ranipool. This landmark event marks a significant achievement in the state’s commitment to energy efficiency and sustainable development. The event was graced by Shri Sanjeet Kharel, Hon'ble Advisor to the Power Department, as the chief guest, alongside Shri Tenzing Norbu Lamtha, Hon'ble MLA, who served as the guest of honor.
The inauguration ceremony commenced with a warm welcome address from Shri Pemba Lepcha, Chief Engineer-cum-Nodal Officer of the SSDA. In his opening remarks, Shri Lepcha highlighted the importance of the Super ECBC building as a symbol of Sikkim’s dedication to modern, energy-efficient infrastructure. He emphasized that the building not only adheres to national standards but also sets a benchmark for future projects in the region.
The event featured a comprehensive video presentation showcasing the innovative design and features of the Super ECBC building. Attendees were given an in-depth look at the building’s energy-efficient systems, sustainable materials, and advanced architectural techniques that reduce energy consumption while maximizing comfort and functionality.
Shri Prabhakar Verma, Commissioner-cum-Secretary (Revenue), Power Department delivered the keynote address. In his speech, he underscored the critical role of energy conservation in combating climate change and achieving sustainable development goals. He called upon all stakeholders to embrace energy-efficient practices and to work collaboratively towards a greener future for Sikkim.

Following the keynote address, a special segment of the program was dedicated to honouring the contributions of retired officials of the SDA including Shri Dilip Kumar Sharma, Retd. Principal Chief Engineer-cum-Nodal Officer, SDA; Shri D.P. Deokota, Retd. Chief Engineer-cum-Nodal Officer SDA and Shri P.M. Sharma, Secretary SSERC. Their years of dedicated service were recognized with heartfelt accolades, showcasing the appreciation SDA holds for their commitment to promoting energy efficiency in the state. Additionally, project members who played key roles in the development of the Super ECBC building were also felicitated, recognizing their hard work and dedication.
As the chief guest, Shri Sanjeet Kharel, Hon'ble Advisor to the Power Department, took the stage to express his thoughts on the significance of this achievement. In his address, he commended the SSDA for its visionary approach in developing the Super ECBC building. He remarked, “This building is not just a structure; it is a testament to our commitment to sustainability and energy conservation. It serves as a powerful example of how we can incorporate innovative energy-efficient measures into our infrastructure.”
Shri Kharel further emphasized the importance of leadership in energy efficiency, stating that such initiatives will pave the way for future developments in Sikkim. He encouraged all government departments and stakeholders to adopt similar practices, fostering a culture of sustainability throughout the state.
The program concluded with a vote of thanks delivered by Smt. Sigratha Pradhan, Executive Engineer of SSDA. She expressed her gratitude to all officials, dignitaries, and attendees for their participation and support in making the event a success. Smt. Pradhan reaffirmed SSDA’s commitment to advancing energy conservation initiatives and promoting sustainable practices across Sikkim.
The inauguration of the Super ECBC building stands as a landmark achievement for Sikkim, marking a proactive step towards enhancing the state’s energy efficiency landscape. This building not only sets a precedent for future constructions but also reinforces Sikkim’s position as a forerunner in sustainable development.

27/09/2024