Purna Brahma पुरन' ब्रह्म

05/02/2025

Beautiful Dance on The Theme Song of the 4th Kokrajhar Literary Festival, 2025

01/06/2024

नोगोरनिफ्राय गामिफारसे सफैयो जेसेबांनो
सोमखोर समायनाया बांसिनो एसेबांनो।

23/05/2024

अखाफोरनि सोरांखौ मोजां मोनो होननानै
रिथि रिथा जोंनाय हाथरखिफोरखौ मोजां मोननानै
आं गावनि गोरबोखौबो फुवारनो हानायब्ला अख्रांबादि.. !

13/05/2024

Yesterday, at the 73rd Fungkha(फुंखा) Literary meet.

08/05/2024

गोबां समाव राजखान्थि हानजायाव थानानै गावारि मुलाम्फा मोननायनि सिमां सुजुनाय थै-थां राजखान्थियारि हाबा मावग्रा माखासे मावथिफोरा आंनि राजखान्थियारि सानस्रिखौ दांनायनो आरो मोनदांनो नाजानानै बायदि रोखोमनि आयदायाव सावरायफ्लायो। गावखौनो हारि सिबियारि सानग्रा बिसोर रावबो मिथियाखोमा आं गाव हारसिंनि थाखाय दोहोन आरजिनो बबेबा राजखान्थि हान्जाखौ मद'द होनाय नङा।
गावनि हारिनि बाथ्राखौ गोथौवै सानोब्लाथ' जोंहा मोदै ग'यो। बिखायाव बर', देहायाव थानाय बे बर'नि थैया एरैबादि बोरखांनो नागिरो.... (गावजों गाव मुखुब थानानै जों जोंनि गुबै गादबगिरि, नासयगिरिफोरनि होथेनाय बेरा बारनानै खर' दैखांनानै उदाङै हां लानायनि बै सिमां बुब्लिया जेन जानगारनायनिफ्राय जानगारलांगासिनोसो थायो)... हसिख्राव हसिख्राव रायनो लुबैयो। जोंनि दैदेनगिरिफोरनि बाथ्रा, बिसोरनि मावनाय आरो दानि गोरोग्दाव फावखौ साननानै लाजिखांनायबो मोनो। आं सानो आंबादि नेहाद मानसि सासेनि बोरखांनाया बिसोरनि बिखासे रंगिना सिमांनि रुजुनायाव जेबो बेसेन गैया। जोंनि साननायफोरा बिब्दिनो फिन बायस्रालाङो... फिसा फिसा थुख्रा थुख्रा जायो.. खायफा थुख्राखौ खन्थाइ महरै, खायफाखौ सल' महरै दोननो नाजायो आं। खायफा गोसो गोरबोआवनो थैसाम खानानै थायो....

[[ जिनिर नांनाय बुब्लिनि सावगारि ]]

जाइख्लं सिमां राननो
बे बुब्लिया बिब्दिनो फैयो,
फैयो आरो थाङो
नोंनि आंनि गेजेराव
जिनिर सारलालाङो..

जों जाय सिमांनि थाखाय
गासैखौबो बावगारो
बै सिमांनि रंगिना गाबा
दैज्लांनि जाख्रिसे अखाजोंनो
स्रइ सुस्रालांजायो
जाय सिमां होफैयो
बिसोरनि अट्टालिकाया
जौनायनिफ्राय जौलाङो
दैज्लां मेसें खोमथा गसङो..

दाखालिनो सख'हरनाय बुब्लिनि
गोरोबै दाजाब दानख'आव
गाबोन समफोरबो नायनाय नङा
नों आंनि मोखाङाव,
आंबो नोंखौ रायदावनाय नङा
बिब्दिनो जों गोजान जालायनानै थागोन
आंनि रंजानायाव नों रंजाफानाय नङा
नोंनि दुखुनि खौरां आंबो मिथिनाय नङा...

जोंनि गोरोबै सानजादनि बिबाङा
बांलांगासिनो थायो
बेनि अनजिमाफोरा
मालाय दिनै नङा गाबोन
बेयो बैजों गोरोबहैगोन
मुंसेया मुंजि, मुंजौवा रोजा जाहैगोन
गंसे टेबुलाव, गंसे थोरसियावनो जामुं जालायगोन..

🔷🔷🔷

03/03/2024

"बड' सावथुन मुलुग" लाइसिखौ मोनबाय। आदा मेन्देला निसिम गोजोननायजों गोरबोनि साबायखर बाउहरबाय।

01/03/2024

Had an Opportunity to read my Short stories at Akashvani Kokrajhar..

19/02/2024

[[ आंनि दा समनि सानस्रियाव....]]

गुबुन गुबुन बिसम्बि, खुगा लाइसि आरो लाइसिफोराव सुजुगिरिफोरनि खावलायनायबादि लिरहरनाय लिरबिदांफोरखौ गांसेयावनो जथायनानै दोननो नाजानानै गांसेनि उनाव गांसे बिजाब सेबखांबोनाय जादों। खरसा रांफोरखौ मोनफिननाय आरो माबा बान्थानि मिजिंनि सानस्रिया बिजाब सेबखांनो लानाय समाव माब्लाबाबो जाखांफेरा। बान्थानि थाखाय बिजाब दैथायहरनोबो लाजिखुमायो सिरि सिरि। नाथाय खायफा एरैबादि सुबुंफोरबो दं जाय अरायबो थुलुंगा होयो आरो बान्थानि थाखाय बिजाब दैथायहरनाय-हरैखौ खौरां लानानै दैथायहरनो बोसोन आरो बिथोन होयो। एखनब्ला लोगो मोनबाय थाग्रा लिरगिरि लोगोफोरखौ बोलो होफानोबो दैथायहरफानो गोनां जायो।
बान्थानि थाखाय सायख'जायोब्ला गोसोनि सानस्रि आरो सानदांथिनि दोहौआ थारला जुदायै बोहैयो। मावबिबान मोनदांथियाबो लिरदोसिन जायो। बेयाव नाथाय गोजोननायबो दंथारो। आंनि बिजाबखौबो बेसेन होनायनि थाखाय बर' रेबग्रा जथुम, बिथांमोननि बान्था सायख'ग्रा आफादनि बयनिसिमबो सिबिनाय आरो साबायखर बाउहरबाय। नोंथांमोननि थुलुंगा आरो बेसेनथिया आरोबाव थुलुंगा जानानै थासिगोन।

11/02/2024

I was Privileged to attend the 70th Fungkha Literary meet at BAGADHAR BRAHMA KISHAN COLLEGE, JALAH... Baksa, along with some renowned personalities.
We are thankful to the College's Unit ABSU for hosting such a colourful program. Photos show The winners of Inter college students self composed poem competition.

27/01/2024

आइनानि सैथोथिखौ रावबो गनाया..
नोंबो गनाया
गनाया आंबो,
नांगौब्ला महर सोलाय सोलाय
थावनि सोलाय सोलाय नायगोन
आइनानि सेराव गसंनानै ;
गावखौ फोलानो बे नंथारै नाजानाया
जोबनाय गैयै हाबिलानि मोनसे गांखं....

सावगारि : बाथौ फोरबो फालिथाइ, बाथौफुरि-बाकसायाव बेरायहैनाय (26-01-24)

26/01/2024

अयध्यानि अख्राङाव गेरुवा गाब गानाय
लैथोनि रुगुङाबो गोजोननायजों मोसाग्लांननाय
लांगोना सिथ्ला जेरावबो हाथर्खिनि मोसाग्लांफैनाय
रामखौ थिस'नफिननाय दहमसे सनाथि नुथाइनि बोदोरजों
गोसो गोरबो बारग्लांनाय
गोजोननि गोथार मोदै बोहैनाय ....

बोसोर(2024)नि सुबुंखान्थि सानाव बयनिसिमबो गोजोन हामलायनाय बाउहरबाय 💐🙏🙏

20/01/2024