https://www.facebook.com/374082583314492/

Hamro Sherpa Gaon, Gorubathan (2026)

10/05/2026

🌿 स्वच्छ समाज, स्वच्छ वातावरण 🌿

यसै नारालाई आत्मसात गर्दै अघि बढिरहेको माइपाते "थापसङ गैर-सरकारी संस्था"को आज ४०औँ श्रृंखलाअन्तर्गत गाउँको मूल सडकको दुवै किनारामा विभिन्न प्रकारका फलफूल तथा फूलका बिरुवाहरू रोप्ने कार्य सम्पन्न गरियो।

आज विशेष रूपमा आरूचा, फलेदो, पैयुँका बिरुवासँगै इन्जीलिया तथा क्यामेलिया फूलहरू रोपिएको छ। यस्ता अभियानहरूले गाउँको सौन्दर्य मात्र होइन, वातावरण संरक्षण र भावी पुस्ताका लागि हरियाली भविष्य निर्माणमा पनि महत्वपूर्ण योगदान पुर्‍याउने विश्वास लिइएको छ।

साथै, आजको यो सरसफाइ तथा वृक्षारोपण कार्यक्रम कुवापानी निवासी भाषा, संस्कृति र संस्कारका धनी व्यक्तित्व स्वर्गीय कुल बहादुर राईज्यूप्रति हार्दिक श्रद्धाञ्जली अर्पण गर्दै समर्पित गरिएको छ।

🙏 हार्दिक श्रद्धाञ्जली
🌱 हरियाली गाउँ, स्वच्छ वातावरण हाम्रो अभियान ।

10/05/2026

गोरूबथान समाबियोङ-घण्टीडाँडा सडकमा मोटरसाइकल दुर्घटना, दुई युवक गम्भीर घाइते

गोरुबथान खण्ड अन्तर्गत निम ग्राम पञ्चायतको सामावियोङ् चिया बगान क्षेत्रमा एक भीषण मोटरसाइकल दुर्घटना भएको छ। दुर्घटनामा कुवापानी निवासी वरदान राई देव कुमार राई गम्भीर घाइते भएका छन्।
आज केही घण्टा अघि भएको उक्त दुर्घटनामा मोटरसाइकल अनियन्त्रित भई दुर्घटनाग्रस्त बनेको बताइएको छ। दुर्घटनापछि स्थानीयवासीहरूले तत्काल उद्धार गरी दुवै घाइतेलाई उपचारका लागि कालेबुङ अस्पतालले सिलिगुडी रेफर गरेको छ।

हाल दुवैको अवस्था गम्भीर रहेको जनाइएको छ भने दुर्घटनाको वास्तविक कारणबारे थाहा लागेको छैन।

09/05/2026

जैसवाल कोचिङ सेन्टरको झोलीमा सफलताको सौगात।

गोरुबथान: हिजो मात्र पश्चिम बङ्गालमा माध्यमिक परीक्षाको परीक्षाफल घोषणा भएको छ। यसपटक पनि गोरुबथानको शैक्षिक क्षेत्रमा धेरै राम्रो परीक्षाफल भएको छ। विद्यार्थीहरूलाई उच्च अङ्क प्राप्त गर्नको निम्ति गोरुबथानमा पनि धेरैवटा कोचिङ सेन्टरहरु रहेको छ। जैसवाल कोचिङ सेन्टर गोरुबथामा अधययनरत विद्यार्थीहरु शत प्रतिशत उत्तीर्ण भएको जानकारी संस्थापक टिङ्कु जैसवालले दिएका छन्।
केही उच्चाङ्क प्राप्त गर्ने विद्यार्थीहरुमा क्रमैले इलोन मुखिया (८१.२%),अन्जली ठाकुर (६९.९%) बेनिसा विश्व (६३%) रिमा गुरुङ (६३%) रहेको छ।इलोन मुखिया कालिम्पोङ जिल्लाभरिमा सातौं स्थानमा रहेको छ भने उनी बाग्राकोट उच्चतर माध्यमिक विद्यालयका स्कुल टपर पनि रहेको छ। सम्पुर्ण सफल विध्यार्थीहरुलाई शुभकामना तथा उज्जवल भविष्यको कामना गर्दछौ।

08/05/2026

🔥 पश्चिम बंगालका नयाँ मुख्यमन्त्री सुवेन्दु अधिकारी

सुवेन्दु अधिकारीलाई पश्चिम बंगालको नयाँ मुख्यमन्त्रीको रूपमा औपचारिक रूपमा घोषणा गरिएको छ। उनको सपथ ग्रहण समारोह भोलि आयोजना हुने बताइएको छ।

[SuvenduAdhikari, WestBengal, ChiefMinister, BJP, Kolkata, BengalPolitics, OathCeremony, Political.

05/05/2026

टाँसी छौलिङ गुम्बा शेर्पा गाउँ ।

04/05/2026

Congratulations to Bharat Chhetri on being elected as the new Legislative Assembly Member from Kalimpong Assembly Constituency with a remarkable landslide margin of 21,000+ votes.

This decisive victory reflects strong public support and confidence in his leadership. Wishing him success in serving the people and contributing positively to the development of the region.

03/05/2026

।।🥀🥀 अन्त्येष्टि कार्य (घेवा) 🥀🥀।।

गोरूबथान अन्तर्गत झण्डी निवासी स्वर्गीय फुर दीकी शेर्पा (पति: दावा छिरिङ शेर्पा) को अन्त्येष्टि कार्य (घेवा) बुधबार मिति 13 मई 2026 का दिन उहाँकै निजी निवासमा सम्पन्न हुने जानकारी गराइन्छ।

यस दुःखद घडीमा उहाँलाई चिन्ने सम्पूर्ण इष्टमित्र, आफन्तजन, शुभचिन्तक तथा सहयात्री महानुभावहरूलाई उक्त दिन उपस्थित भई दिवंगत आत्माको चिरशान्तिको कामना गर्दै श्रद्धाञ्जली अर्पण गरिदिनु हुन हार्दिक अनुरोध गर्दछौं।

बिन्ती:
पति – दावा छिरिङ शेर्पा
तथा सम्पूर्ण शेर्पा परिवार

03/05/2026

🥀🥀 अन्त्येष्टि कार्य (घेवा) 🥀🥀

गोरूबथान अन्तर्गत शेर्पा गाउँ निवासी स्वर्गीय राम बाहादुर राईको (राई माइला) अन्त्येष्टि कार्य (घेवा) बिहीबार, 7 मई 2026 का दिन उहाँकै निजी निवासमा सम्पन्न हुने भएको छ।

यसर्थ उहाँलाई चिन्नु हुने सम्पूर्ण इष्टमित्र, आफन्तजन, शुभचिन्तकहरू तथा सहयात्रामा सामेल हुने सबै महानुभावहरूलाई उक्त दिन उपस्थित भई श्रद्धाञ्जली अर्पण गरिदिनुहुन हार्दिक अनुरोध गर्दछौं। 🙏

बिन्ती:
बीमला राई (छोरी)
मनिका राई (छोरी)
शान्ति राई (छोरी)
तथा सम्पूर्ण राई परिवार

02/05/2026

🥀🥀 हार्दिक श्रद्धाञ्जली 🥀🥀

गोरूबथान अन्तर्गत शेर्पा गाउँ निवासी स्वर्गीय राम बहादुर राई (राई माइला), पिता स्वर्गीय वीर बहादुर राईले आज बिहान सिक्किमको रोठे थाङ अस्पतालमा अन्तिम सास लिनु भयो।

उहाँको अन्तिम यात्रा उहाँकै आफ्नै निवासबाट मिति ०३/०५/२०२६ (आइतबार) का दिन दिउँसो १२ बजेपछि निकालिने जानकारी गराइन्छ।

यस दुःखद घडीमा शोकाकुल परिवारजनप्रति गहिरो समवेदना व्यक्त गर्दै दिवंगत आत्माको चिर शान्तिको कामना गर्दछौं। 🕊️

02/05/2026

गोचेला ट्रेल रनमा "थापसङ गैर-सरकारी संस्था"को सहभागीता

०२ मई २०२६, शनिबार योकसम मा सम्पन्न गोचेला ट्रेल रन मा गोरुबथानलाई प्रतिनिधित्व गर्दै माइपाते “थापसङ गैर-सरकारी संस्था”का धावकहरूले उत्साहजनक सहभागीता जनाए।

आफ्नो क्षेत्रमा विभिन्न सामाजिक कार्यक्रमहरू निरन्तर रूपमा सञ्चालन गर्दै आएको यस संस्थाले नयाँ पुस्तालाई नशामुक्त राख्ने र मोबाइलको लतबाट टाढा राख्ने उद्देश्यका साथ विभिन्न म्याराथनहरूमा सक्रिय रूपमा भाग लिँदै आएको छ।

यस प्रतियोगितामा देशका विभिन्न राज्यहरूबाट ३०० भन्दा बढी धावकहरूले भाग लिएका थिए। तीन विधामा सम्पन्न दौडमा—

५० किमीमा ८१ जना

३० किमीमा ८८ जना

१२ किमीमा १८४ जना धावकहरूको सहभागिता रहेको थियो।

संस्थाका जम्मा पाँच जना धावकहरूले १२ किमी दौडमा भाग लिएका थिए। जसमा:

दिपेन राई – दोस्रो स्थान

उदय राई (सनिप) – चौथो स्थान

हेमन्त – पाँचौँ स्थान

बिकाश राई – दशौँ स्थान

स्वरनम मंगर – निर्धारित समयभित्र दौड पूरा

बिना औपचारिक प्रशिक्षण आफ्नै मेहनत र प्रयासबाट शीर्ष दशभित्र स्थान बनाउनु अत्यन्तै गर्वको विषय हो।

यस प्रतियोगिता Smile Sikkim र Jai Balaji Group को संयुक्त आयोजनामा सम्पन्न भएको थियो, जसलाई International Trail Running Association द्वारा मान्यता प्राप्त थियो।

कार्यक्रममा Tshering T. Bhutia प्रमुख अतिथिका रूपमा उपस्थित हुनुहुन्थ्यो। साथै “म्याराथन म्यान अफ सिक्किम” Amar S***a र Primus Bhatia ले सहभागी भई धावकहरूलाई हौसला प्रदान गर्नुभयो।

यस कार्यक्रममा सहभागी गराउन Amar S***a को विशेष सहयोग रहेको छ भने निरन्तर साथ र प्रेरणा दिने मित्र रमेश गिरीलाई संस्थाको तर्फबाट हार्दिक धन्यवाद व्यक्त गरिएको छ।

अन्तमा Yuksom Pala Homestay का सञ्चालकहरूलाई समेत सहयोगको लागि विशेष धन्यवाद ज्ञापन गरिएको छ।

👉 युवा पुस्तालाई खेलकुदतर्फ आकर्षित गर्दै स्वस्थ जीवनशैलीतर्फ प्रेरित गर्ने यस्तो पहल प्रशंसनीय छ।

02/05/2026

🌸 गर्वको क्षण… हाम्रो गाउँ, हाम्रो परिवार 🌸

शेर्पाटार राई गाउँ आज खुशीले झुमिरहेको छ। यही गाउँकी होनहार तथा प्रतिभाशाली छोरी प्रियंका थापाले हालै West Bengal Judicial Service परीक्षा उत्तीर्ण गरी इतिहास रचेकी छिन्। हाल उनी कालेबुङ न्यायालयमा सिभिल जज (जुनियर डिभिजन) पदमा प्रोबेसन अवधिमा सेवारत छिन्।

बाबु दिलिप र आमा तीर्थकी दुई सन्तानमध्ये प्रियंका कान्छी हुन्—आज उनको यो उपलब्धिले सिंगो परिवार मात्र होइन, सम्पूर्ण गाउँकै शिर उच्च बनाएको छ।

त्यसैगरी, सोही गाउँका प्रतिभाशाली विद्यार्थी विनायक मगरले ISC (बार्हौँ) परीक्षा २०२६ मा मानविकी संकायबाट ९५.५% जस्तो उत्कृष्ट अंक हासिल गरेका छन्। उनी St. Francis School Jorethang का छात्र हुन्।

बाबु के.बी. मगर र आमा नीतिका एक्ला सन्तान विनायकको यो सफलता पनि अत्यन्त प्रेरणादायी बनेको छ।

यी सफलताहरू केवल अंक र पद मात्र होइनन्…
यी त ती अनगिन्ती रातहरूको कथा हुन्, जहाँ निद्राभन्दा ठूलो थियो सपना;
ती संघर्षका क्षणहरू हुन्, जहाँ हार मान्नुभन्दा अघि बढ्ने साहस रोजिएको थियो।

अभिभावकहरूको त्याग, परिवारको साथ, शिक्षकहरूको अमूल्य मार्गदर्शन र आफ्नै अटल मेहनतको फलस्वरूप आज यो गौरवपूर्ण उपलब्धि सम्भव भएको हो।

🙏 हामी सबैका लागि प्रेरणाको ज्योति बनेका प्रियंका र विनायकलाई हार्दिक बधाई तथा उज्ज्वल भविष्यको शुभकामना व्यक्त गर्दछौं। 🌟

Hamro Sherpa Gaon

10/05/2026

10/05/2026

09/05/2026

08/05/2026

05/05/2026

04/05/2026

03/05/2026

03/05/2026

02/05/2026

02/05/2026

02/05/2026

Address

Telephone

Website

Alerts

Shortcuts

Share

Category