23/08/2026
প্ৰতি,
সচেতন ৰাইজ 🙏
প্ৰথমে নমস্কাৰ গ্ৰহণ কৰিব।
বৰ্তমান আমাৰ সমাজখন এক ভয়াৱহ ধ্বংসৰ দিশে গতি কৰিছে। সমাজত দিনক দিনে বৃদ্ধি পোৱা হিংসা, হত্যা, অন্যায়-অত্যাচাৰ, দুৰ্নীতি, অপহৰণ আৰু ধৰ্ষণৰ লগতে পৰিয়ালকেন্দ্ৰিক সমস্যাসমূহে অতি ভয়ংকৰ ৰূপ ধাৰণ কৰিছে। ইয়াৰ কবলত পৰি প্ৰতিদিনে হাজাৰ হাজাৰ নিৰীহ লোক বলি হ’ব লগা হৈছে, যাৰ ফলত সমাজৰ শান্তি-সুৰক্ষা সম্পূৰ্ণৰূপে হেৰাই গৈছে। ঘৰৰ ভিতৰতেই হওক বা বাহিৰতেই হওক— পুৰুষ, মহিলা বা শিশু, আজি কোনেও কতো সুৰক্ষিত নহয়। যিখন সমাজত সন্তান নিজ পিতৃ-মাতৃৰ হাততেই সুৰক্ষিত নহয়, তেনেস্থলত আপুনি বা আপোনাৰ পৰিয়ালটো কেনেকৈ সুৰক্ষিত হ’ব?
সমাজত এনে সমস্যাসমূহ কিয় ইমান দ্ৰুতগতিত বৃদ্ধি পাইছে, সেই বিষয়ে আমি কেতিয়াবা গভীৰভাৱে চিন্তা কৰিছোঁনে? নিজৰ সমাজখনৰ শান্তি-সুৰক্ষাৰ বাবে প্ৰতিজন নাগৰিকৰে কিছুমান বিশেষ দায়িত্ব আৰু কৰ্তব্য থাকে। কিন্তু আজি বেছিভাগ লোকেই কেৱল চৰকাৰ বা আৰক্ষী-প্ৰশাসনৰ ওপৰত দোষ জাপি দি নিজৰ দায়িত্ব সামৰিব বিচাৰে। এই আধুনিক আৰু যান্ত্ৰিক যুগত সময় তথা সচেতনতাৰ অভাৱৰ বাবেই আজি সমাজৰ এই কৰুণ অৱস্থা হৈছে। যদি এতিয়াও ৰাইজ সজাগ-সচেতন নহয় আৰু নিজৰ সামাজিক দায়বদ্ধতাসমূহ সঠিকভাৱে পালন নকৰে, তেন্তে অতি কম দিনৰ ভিতৰত আমাৰ সমাজখন সম্পূৰ্ণৰূপে ধ্বংস হৈ পৰিব। আৰু তেনে এখন বিপৰ্যস্ত সমাজত মানুহৰ জীৱন যাত্ৰা কিমান ভয়াৱহ হ’ব, সেয়া আজি হয়তো কোনেও কল্পনাও কৰিব নোৱাৰিব।
সেয়েহে, এই ভয়াৱহ সমস্যাসমূহৰ বিৰুদ্ধে ৰাইজৰ মাজত এক 'গণ-জাগৰণ' সৃষ্টি কৰি এখন শান্তিপূৰ্ণ, সুন্দৰ আৰু সুৰক্ষিত সমাজ গঢ়ি তোলাৰ লক্ষ্যৰে গঠন কৰা হৈছে— "সমাজ সুৰক্ষা বাহিনী" (এক সামাজিক স্বেচ্ছাসেৱী সংগঠন)। এই সংগঠনে সমাজৰ সমস্যাসমূহৰ বিৰুদ্ধে সদায় ৰাইজৰ কাষত থাকি সকলো সময়তে, সকলো স্থানতে ৰাইজৰ সেৱা আৰু সুৰক্ষাৰ বাবে সম্পূৰ্ণ সামাজিক তথা শান্তিপূৰ্ণ পদ্ধতিৰে কাম কৰিবলৈ সংকল্পবদ্ধ হৈছে।
📌 আমাৰ লক্ষ্য:
সমাজৰ শান্তি তথা ৰাইজৰ সামাজিক নিৰাপত্তা নিশ্চিত কৰাৰ লগতে প্ৰকৃতিৰ সুৰক্ষা আৰু বিশ্ব শান্তি প্ৰতিষ্ঠা কৰা।
📌 আমাৰ উদ্দেশ্যসমূহ:
১. সমাজৰ অসামাজিক তথা অপৰাধমূলক কাৰ্যকলাপৰ বিৰুদ্ধে ব্যাপক গণ-সজাগতা সৃষ্টি কৰা।
২. অন্ধবিশ্বাস, কুসংস্কাৰ আৰু অপসংস্কৃতি আদিৰ বিৰুদ্ধে বিজ্ঞানসন্মত চিন্তা-ধাৰাৰ প্ৰসাৰ ঘটোৱা।
৩. সামাজিক আৰু পাৰিবাৰিক বিবাদসমূহ শান্তি তথা আলোচনাৰ মাধ্যমেৰে সমাধান কৰিবলৈ যত্ন কৰা।
৪. দুৰ্নীতি, প্ৰৱঞ্চনা আৰু অনিয়ম আদিৰ বিৰুদ্ধে ৰাইজৰ মাজত সজাগতা সৃষ্টি কৰা।
৫. সমাজৰ প্ৰতিজন ব্যক্তি, বিশেষকৈ শিশু আৰু মহিলাৰ সুৰক্ষা নিশ্চিত কৰিবলৈ 'সমাজ প্ৰহৰী' হিচাপে কাম কৰা।
৬. প্ৰকৃতিৰ সুৰক্ষাৰ বাবে বৈজ্ঞানিক পদ্ধতিৰে বৃক্ষৰোপণ কৰা আৰু বন্যপ্ৰাণীৰ সুৰক্ষাৰ বাবে কাম কৰা।
৭. নিজৰ দেশৰ লগতে বিশ্বশান্তি আৰু মানৱ সমাজৰ কল্যাণৰ বাবে কাম কৰা।
📌 সদস্যসকলৰ বাবে সেৱা আৰু সুবিধাসমূহ:
(১) সামাজিক সুৰক্ষা: কোনো সদস্য বা তেওঁৰ পৰিয়ালৰ লোক কোনো সামাজিক সমস্যাৰ সন্মুখীন হ’লে সংগঠনৰ তৰফৰ পৰা সহায় কৰা হ’ব।
(২) অৰ্থনৈতিক সেৱা: আৰ্থিকভাৱে দুৰ্বল সদস্যসকলৰ আৰ্থিক ভেটি সৱল কৰিবলৈ বিভিন্ন ফলপ্ৰসূ পদক্ষেপ হাতত লোৱা হ’ব।
(৩) শিক্ষা ক্ষেত্ৰত সেৱা: ছাত্ৰ-ছাত্ৰী সদস্যসকলৰ উচ্চশিক্ষা আৰু দক্ষতা বিকাশৰ ক্ষেত্ৰত বিশেষভাৱে সহায় কৰা হ’ব।
(৪) ব্যৱসায়িক সেৱা: যিসকল সদস্যই নিজাকৈ ব্যৱসায় আৰম্ভ কৰিব বিচাৰে, তেওঁলোকক ঋণৰ সুবিধা, প্ৰশিক্ষণ আৰু মাৰ্কেটিং আদি বিভিন্ন দিশত সহায় কৰা হ’ব।
(৫) নিয়োগ সেৱা: শিক্ষিত আৰু নিবনুৱা সদস্যসকলক সংস্থাপনৰ সন্ধান দিয়াৰ লগতে ব্যক্তিগত খণ্ডৰ বিভিন্ন খালী পদত চাকৰিৰ সুযোগ প্ৰদান কৰাত সহায় কৰা হ’ব।
(৬) চিকিৎসা সেৱা: কোনো সদস্য জটিল ৰোগত আক্ৰান্ত হ’লে বা দুৰ্ঘটনাত পতিত হ’লে, তেওঁক বিশেষভাৱে চিকিৎসাৰ ক্ষেত্ৰত সহায় কৰিবলৈ চেষ্টা কৰা হ’ব।
(৭) আইনী সেৱা: যদি কোনো সদস্য অন্যায়ৰ চিকাৰ হয় বা আইনী সমস্যাৰ সন্মুখীন হয়, তেন্তে তেওঁক প্ৰয়োজনীয় আইনী পৰামৰ্শ আৰু সহায় আগবঢ়োৱা হ’ব।
💡 বিশেষ দ্ৰষ্টব্য: যদি কোনো ব্যক্তিয়ে একেৰাহে অন্ততঃ ৭ বছৰ "স্বেচ্ছাসেক" হিচাপে সক্ৰিয় দায়িত্ব পালন কৰে, তেন্তে সেই সদস্যগৰাকী আৰু তেওঁৰ পৰিয়ালৰ সামাজিক সুৰক্ষাৰ ক্ষেত্ৰত 'সমাজ সুৰক্ষা বাহিনী'য়ে বিশেষ দায়িত্ব পালন কৰিব। তদুপৰি, কোনো সক্ৰিয় সদস্যৰ অকাল মৃত্যু হ’লে, তেওঁৰ বৃদ্ধ পিতৃ-মাতৃ, পৰিয়াল তথা সন্তানৰ ভৱিষ্যত সুৰক্ষা আৰু সকলো প্ৰকাৰৰ সহায়ৰ বাবে সংগঠনে সৰ্বোচ্চ চেষ্টা কৰিব।
এই কাম-কাজসমূহ সুচাৰুৰূপে পৰিচালনা কৰিবলৈ প্ৰতিটো অঞ্চলতে স্থানীয় সচেতন ৰাইজ তথা যুৱক-যুৱতীসকলক লৈ 'সমাজ সুৰক্ষা বাহিনী'ৰ অধীনত তলত দিয়া উপ-বাহিনীসমূহ গঠন কৰা হ’ব:
(১) সদস্য সেৱা বাহিনী
(২) নাৰী সুৰক্ষা বাহিনী
(৩) ছাত্ৰ সুৰক্ষা বাহিনী
(৪) কৃষক সুৰক্ষা বাহিনী
(৫) শ্ৰমিক সুৰক্ষা বাহিনী
(৬) চালক সুৰক্ষা বাহিনী
(৭) ব্যৱসায়ী সুৰক্ষা বাহিনী
(৮) শিল্পী সুৰক্ষা বাহিনী
(৯) খেলুৱৈ সুৰক্ষা বাহিনী
(১০) কৰ্মচাৰী সুৰক্ষা বাহিনী
(১১) শিশু সুৰক্ষা বাহিনী
(১২) যুৱ সুৰক্ষা বাহিনী
(১৩) জ্যেষ্ঠ নাগৰিক সুৰক্ষা বাহিনী
(১৪) ক্ষুদ্ৰ উদ্যোগী সুৰক্ষা বাহিনী
(১৫) পৰিৱেশ সুৰক্ষা বাহিনী
(১৬) সাংস্কৃতিক সুৰক্ষা বাহিনী
(১৭) জাতীয় সম্পদ সুৰক্ষা বাহিনী
(১৮) কবি-সাহিত্যিক সুৰক্ষা বাহিনী
(১৯) সংবাদকৰ্মী সুৰক্ষা বাহিনী
(২০) সমাজকৰ্মী সুৰক্ষা বাহিনী
(২১) সাংস্কৃতিককৰ্মী সুৰক্ষা বাহিনী
🤝 আপোনালৈ আমাৰ বিনম্ৰ আহ্বান:
বৰ্তমানৰ এই জটিল সময়ত সমাজখনক সম্পূৰ্ণৰূপে সুৰক্ষিত কৰাটো এক কঠিন কাম, কিন্তু এই অসম্ভৱক সম্ভৱ কৰিব নোৱাৰিলে এই সমাজত আমাৰ-আপোনাৰ কাৰোৰে জীৱন যাত্ৰা নিৰাপদ হৈ নাথাকিব। সেয়ে সময় থাকোতেই আমি প্ৰতিজন নাগৰিক সজাগ-সচেতন হ’ব লাগিব। নিজৰ সমাজখনৰ প্ৰতি থকা সামাজিক দায়বদ্ধতা সক্ৰিয়ভাৱে পালন কৰিবলৈ প্ৰতিজন সচেতন ব্যক্তিয়ে আগবাঢ়ি আহিব লাগিব। তেতিয়াহে সমাজৰ লগতে আমি নিজক আৰু নিজৰ আপোন পৰিয়ালটোক সুৰক্ষিত কৰিব পাৰিম।
আহক, আমি সকলোৱে জাতি-ধৰ্ম-ভাষা-বৰ্ণ নিৰ্বিশেষে একত্ৰিত হৈ এখন শান্তিপূৰ্ণ আৰু সুৰক্ষিত সমাজ প্ৰতিষ্ঠাৰ বাবে সংকল্পবদ্ধ হওঁ। আপোনালোকৰ আশীৰ্বাদ, দিহা-পৰামৰ্শ, সহায়-সহযোগিতা আৰু সক্ৰিয় অংশগ্ৰহণ আমি আন্তৰিকতাৰে কামনা কৰিলোঁ।
(আপোনাৰ যিকোনো মতামত, পৰামৰ্শ বা অভাৱ-অভিযোগৰ বিষয়ে জনাবলৈ আমালৈ 8133070020 নম্বৰত SMS বা WhatsApp কৰিব পাৰে।)
