07/08/2026
আজি মাননীয় মুখ্যমন্ত্ৰী ড° হিমন্ত বিশ্ব শৰ্মা ডাঙৰীয়াই বান পৰিস্থিতিৰ ক্ষয়-ক্ষতিৰ সঠিক নিৰূপণৰ বাবে অনুষ্ঠিত "ম'বাইল এপৰ জৰিয়তে ক্ষয়-ক্ষতিৰ দ্ৰুত মূল্যায়ন সমীক্ষাৰ প্ৰশিক্ষণ" (Training on Rapid Assessment Survey of Damages using Mobile App) কাৰ্যসূচীত অংশগ্ৰহণ কৰে।
এই বিশেষ কাৰ্যসূচীত যোৰহাট, শিৱসাগৰ, চৰাইদেউ আৰু গোলাঘাট জিলাৰ বিভাগীয় বিষয়াসকলক ম'বাইল এপৰ ব্যৱহাৰেৰে বানপানীৰ ফলত হোৱা ক্ষয়-ক্ষতিৰ দ্ৰুত আৰু বিজ্ঞানসন্মত মূল্যায়নৰ বিষয়ে প্ৰশিক্ষণ প্ৰদান কৰে।
বানপানীৰ ক্ষয়-ক্ষতিৰ জৰীপ জিলা পৰ্যায়ত প্ৰশিক্ষণৰ পাছত ক্ষয়-ক্ষতিৰ জৰীপ আৰম্ভ হ’ব আৰু প্ৰথম পৰ্যায়ৰ জৰীপ ৯ আগষ্টৰ পৰা ৩০ আগষ্টলৈ চলিব বুলি উল্লেখ কৰে। লগতে তেখেতে স্বচ্ছ আৰু ডিজিটেল জৰীপ ব্যৱস্থাৰ জৰিয়তে প্ৰতিটো ক্ষতিগ্ৰস্ত পৰিয়ালৰ সঠিক তথ্য সংগ্ৰহৰ বাবে কম্পিউটাৰাইজড প’ৰ্টেল আৰু এপ ব্যৱহাৰ কৰা হ’ব বুলিও জনায়।
বানত ক্ষতিগ্ৰস্ত বিদ্যালয়সমূহৰ প্ৰাথমিক মেৰামতিৰ বাবে প্ৰতিখন বিদ্যালয়লৈ ২ লাখকৈ প্ৰদান কৰাৰ লগতে পাঠদান কৰিব নোৱৰা বিদ্যালয়ৰ ছাত্ৰ-ছাত্ৰীক ওচৰৰ বিদ্যালয়ত পাঠদানৰ ব্যৱস্থা কৰা হ’ব বুলি উল্লেখ কৰে।
লগতে কৃত্ৰিম বানপানী ৰোধত চৰকাৰ-ৰাইজৰ সমন্বিত প্ৰচেষ্টাৰ বিষয়ে উল্লেখ কৰে।
