https://www.facebook.com/986992121497965/

Tik Tik Talk with Pranita, Guwahati (2026)

10/06/2026

আজি নিচিঞৰো। অলপ ছিৰিয়াছ কথা। ভয়াৱহ ইংগিত পোৱা গৈছে। ইৰাণ-ইজৰাইল-আমেৰিকাৰ সংঘাতৰ নতুন আপডেট....

10/06/2026

"বাঁহফুল", এই পূৰ্ণাংগ নাট খন কৰা হৈছিল NSD WORKSHOP এটাৰ শেষত। সান্নিধ্য লাভ কৰিছিলো, আদিল হুছেইন, ৰবিজিতা গগৈ, মনিমালা গগৈৰ পৰা আৰম্ভ কৰি বহু শিল্পীৰ। নাটক খনত মোৰ চৰিত্ৰ টো আছিল বিনি নামৰ এজনী নিৰ্ভীক সাংবাদিকৰ। বন্ধু লেংদন আছিল কেমেৰা পাৰ্চন। বান্ধৱী কাজুৰি আছিল এগৰাকী অভিনেত্ৰী। আচৰিত ধৰণে আজি বান্ধৱী কাজুৰী এগৰাকী সফল অভিনেত্ৰী। ক্ৰাইম থ্ৰিলাৰ ছবিৰ পৰা আৰম্ভ কৰি শাহু বোৱাৰীৰ ধাৰাবাহিক আৰু বহু কেইখন ছবিত অভিনয় কৰিছে মোৰ বান্ধৱীয়ে। লেংদন সন্দিকৈ আজি অসমৰ নামি দামী VIDEO JOURNALIST, আৰু মোৰ কথা টো জানেই সকলোৱে। TIME8 ত কৰ্মৰত অৱস্থাত, মই প্ৰায়ে GS ROAD ৰে গণেশগুৰিলৈ খোজ কাঢ়ি আহোঁ। সন্ধিয়াৰ সময়ত বাটতে পাই কথাৰ মেলাত লাগি থাকোতে তোলা ফটো এইখন।

08/06/2026

ইৰাণ ইজৰাইল আমেৰিকাৰ যুদ্ধৰ খবৰ বাৰু দি থাকিম। এটা কথা কওকচোন,,, মনৰ ভিতৰত চলি থকা যুদ্ধ খনত আপুনি কিমান পৰাক্ৰম? ভালকৈ যুঁজিব পৰিছে নে? জিকিব পৰিছে নে? হাৰি যোৱা যেন লাগিছে নেকি? তেনেহ'লে মন কৰক,
Negativity ৰ পৰা দূৰৈত কেনেকৈ থাকিব? ইয়াৰ সমাধান উলিয়ালেই মনৰ যুদ্ধ খনত আপুনি জয়ী হব পাৰিব। আত্মবিশ্বাসী হৈ ইতিবাচক মনেৰে জীৱন জীয়াই থকাৰ মূলমন্ত্ৰ মোৰ এই লেখাটোত আগবঢ়াইছোঁ।

জীৱনত সকলোতকৈ ডাঙৰ যুদ্ধখন বাহিৰৰ পৃথিৱীৰ লগত নহয়, নিজৰ মনটোৰ লগত। বহু সময়ত আমি পৰিস্থিতিৰ বাবে নহয়, নিজৰ মনত জমা হোৱা ভয়, সন্দেহ, হতাশা আৰু নেতিবাচক চিন্তাৰ বাবে হাৰি যাওঁ। মানুহৰ জীৱনত সমস্যাৰ অন্ত নাই। কেতিয়াবা টকাৰ চিন্তা, কেতিয়াবা সম্পৰ্কৰ, কেতিয়াবা কৰ্মজীৱনৰ ষ্ট্ৰেছ, আকৌ কেতিয়াবা নিজৰ সপোন পূৰণ নোহোৱাৰ হতাশা। কিন্তু এটা কথা সদায় মনত ৰাখিব, সমস্যা একো ডাঙৰ নহয়, সমস্যাক লৈ মানুহে কৰা চিন্তাইহে বহু সময়ত মানুহক ভাঙি পেলায়।

Negativity ঠিক অন্ধকাৰৰ দৰে। অন্ধকাৰক লাঠ মাৰি আঁতৰাব নোৱাৰি, কিন্তু আখৰ পোহৰ জ্বলালেই অন্ধকাৰ নিজেই আঁতৰি যায়। ঠিক তেনেদৰে নেতিবাচক চিন্তাক জোৰকৈ খেদিব নালাগে, তাৰ ঠাইত ইতিবাচক চিন্তা আৰু সুস্থ অভ্যাস গঢ়ি তুলিব লাগে।

আত্মবিশ্বাস কোনো জাদু নহয়। আত্মবিশ্বাস একেদিয়াই সৃষ্টি নহয়। আত্মবিশ্বাস জন্মে নিজৰ ওপৰত বিশ্বাস ৰখাৰ আৰম্ভণিৰ পৰা। যিদিনাই আপুনি নিজকে সন্মান কৰিবলৈ আৰম্ভ কৰিব, নিজৰ ভুলবোৰক শিক্ষা হিচাপে ল'ব, আনৰ লগত নিজকে তুলনা কৰা বন্ধ কৰিব, সেইদিনাৰ পৰাই আত্মবিশ্বাস বৃদ্ধি পাব। মনত ৰাখিব, আপোনাৰ যাত্ৰাটো কেৱল আপোনাৰ। আনৰ সফলতা আপোনাৰ ব্যৰ্থতাৰ প্ৰমাণ নহয়।

জীৱনত বহু মানুহ পাব যিয়ে ক'ব, হেই"তুমি নোৱাৰিবা", "এইটো তোমাৰ কাম নহয়", "তোমাৰ দ্বাৰা একো নহয়" ইত্যাদি। কিন্তু ইতিহাস সাক্ষী আছে। পৃথিৱীৰ ডাঙৰ ডাঙৰ সফলতাবোৰ সেইসকল মানুহেই লাভ কৰিছে যিসকলে আনৰ সন্দেহতকৈ নিজৰ বিশ্বাসক অধিক মূল্য দিছিল।

ইতিবাচক মন এটা গঢ়ি তুলিবলৈ কিছুমান অভ্যাস অতি প্ৰয়োজনীয়:

(১) প্ৰতিদিনে কৃতজ্ঞতা প্ৰকাশ কৰক নিজক।
(২) নিজৰ সৰু সৰু সফলতাবোৰক নিজেই উদযাপন কৰক।
(৩) নেতিবাচক মানুহ আৰু অযথা সমালোচনাৰ পৰা দূৰৈত থাকক। বিশ্বাস কৰক, কিছুমান নেতিবাচক মানুহেই আপোনাৰ জীৱনত বাধাৰ সৃষ্টি কৰে।
(৪) নিজৰ শৰীৰ আৰু মন দুয়োটাৰ যত্ন লওক। Health is wealth, মনত ৰাখিব।
(৫) প্ৰতিটো ব্যৰ্থতাক শেষ বুলি নহয়, নতুন শিক্ষা বুলি ভাবক।

কোনে কৈছে, সুখী মানুহৰ জীৱনত সমস্যা নাথাকে বুলি। তেওঁলোকে সমস্যাৰ মাজতো হাঁহিবলৈ শিকে। ধুমুহা অহাটো জীৱনৰ অংশ, কিন্তু ধুমুহাৰ মাজতো থিয় হৈ থকাটো সাহসী মানুহৰ পৰিচয়।

আপুনি যিমানেই অন্ধকাৰ সময়ৰ মাজেৰে পাৰ হৈ নাযাওক কিয়, বিশ্বাস ৰাখক, সূৰ্য পুনৰ উদয় হ'বই। হয়তো আজিৰ দিনটো আপোনাৰ নহয়, কিন্তু কাইলৈৰ দিনটো আপোনাৰ হ'ব পাৰে। হয়তো এই মুহূৰ্তত আপুনি হাৰি যোৱা যেন অনুভৱ কৰিছে, কিন্তু যুদ্ধ শেষ হোৱা নাই।

নিজৰ ওপৰত বিশ্বাস ৰাখক। নিজৰ সপোনবোৰক মৰিবলৈ নিদিব। নিজৰ মনটোক নেতিবাচকতাৰ কাৰাগাৰত বন্দী নকৰিব। জীৱনটো অমূল্য। ইয়াক ভয়, সন্দেহ আৰু হতাশাৰ হাতত সমৰ্পণ নকৰি সাহস, আত্মবিশ্বাস আৰু ইতিবাচক চিন্তাৰে আগুৱাই নিয়ক।

কাৰণ জীৱনত জিকিবলৈ প্ৰথমে পৃথিৱীক নহয়, নিজৰ মনটোক জিকিব লাগে। শুভৰাত্ৰি।

07/06/2026

সংকট! ইন্ধন সংকটৰ ছাঁ ঘনীভূত… বিশ্ব বজাৰ কঁপি উঠিছে, ঘৰতো চাপ বাঢ়িছে! আজি পুনৰ বাঢ়িল ঘৰুৱা LPG চিলিণ্ডাৰৰ দাম। ঘৰৰ চৌকা জ্বলাবলৈ এতিয়া সাধাৰণ মানুহে আগতকৈ বেছি টকা খৰচ কৰিবলগীয়া হৈছে। ইফালে বাণিজ্যিক চিলিণ্ডাৰৰ দাম ইতিমধ্যে ৩ বাৰকৈ বৃদ্ধি পাইছে। ফলত হোটেল, ধাবা, ক্ষুদ্ৰ উদ্যোগ সকলোতে চাপ বাঢ়িছে। গুৱাহাটীত ১২০০ ত কৈ অধিক হোটেল বন্ধ হৈ গল।
এয়া কেৱল মূল্যবৃদ্ধি নহয়… ইন্ধন সংকটৰ গভীৰ সংকেত!

বিশ্বত ভয়ংকৰ Energy Crisis, Supply Chain ভাঙি পৰাৰ আশংকা। বিশ্বৰ বহু অঞ্চলত যুদ্ধ আৰু উত্তেজনাই তেল-গেছৰ যোগান শৃংখল (supply chain) অস্থিৰ কৰি তুলিছে। জাহাজ চলাচলৰ খৰচ বাঢ়িছে, সময়ো বেছি লাগিছে।
মধ্যপ্ৰাচ্যৰ সংঘাত আৰু ইউৰোপ-এচিয়াৰ ভূ-ৰাজনৈতিক টেনচনে তেল উৎপাদন আৰু পৰিবহন দুয়োটাতে অনিশ্চয়তা সৃষ্টি কৰিছে। Hormuz Strait হৈছে বিশ্বৰ ইন্ধন জীৱন-ৰেখা। বিশ্বৰ প্ৰায় ২০–৩০% তেল-গেছ যোৱা এই সংকীৰ্ণ পথত যিকোনো ধৰণৰ উত্তেজনা মানেই বিশ্ব বজাৰত লগে লগে দাম বাঢ়ে। supply slow হয়। দেশবোৰে সঞ্চয় কৰিবলৈ বাধ্য হয়। অৰ্থনৈতিক চাপ বাঢ়িছে বিশ্বজুৰি। Dollar শক্তিশালী, আমদানি ব্যয় বৃদ্ধি আৰু geopolitical uncertainty এ ইন্ধনক অধিক ব্যয়বহুল কৰি তুলিছে। বিশ্বত ইন্ধন এতিয়া আগৰ দৰে সহজে পোৱা বস্তু হৈ থকা নাই। যুদ্ধ, টেনচন আৰু supply risk এ লাহে লাহে এটা “crisis commodity”লৈ ৰূপান্তৰ কৰিছে।

আৰু তাৰেই ছাঁ এতিয়া ঘৰতো পৰিছে। গেছ চিলিণ্ডাৰৰ দাম বাঢ়ি সাধাৰণ পৰিয়ালৰ বাজেটত আঘাত দিছে।

ইৰাণ আমেৰিকাৰ সংঘাত যদি আৰু বৃদ্ধি পায়, সঁচাই অধিক ভয়াৱহ হব পাৰে পৰিস্থিতি। বিশেষজ্ঞৰ সতৰ্কবাণী।

06/06/2026

খং নকৰিব। মই দৌৰি দৌৰি, চিঞৰি চিঞৰি, Background Music লগাই Breaking News পঢ়োঁ। 😄"এটা কথা সঁচাকৈ কওকচোন... মোৰো চিন্তা হৈছে বাবেই সুধিছোঁ। আজিকালি News Channel বোৰে News দেখুৱাই নে Drama?" এইটো আপোনালোকৰ প্ৰশ্ন। মোৰ প্ৰশ্নটো হৈছে মানুহে নিউজ চাই ভাল পায় নে ড্ৰামা?
মই চিঞৰ বাখৰ কৰিয়েই নিউজ পঢ়োঁ।
কিন্তু কেতিয়াবা নিজকে নিজেই প্ৰশ্ন কৰোঁ
মানুহে আচলতে তথ্য বিচাৰে নে থ্ৰিল?
শান্তভাৱে পঢ়া এটা গুৰুত্বপূৰ্ণ খবৰ দিলোঁ। ৫ হাজাৰ মানুহে চায়। কিন্তু "JISKA DAR THA WOHI HUA!" বুলি চিঞৰি পঢ়ি দিলোঁ ৫ লাখ View আহিল। যুদ্ধত এইবাৰ নৰেন্দ্ৰ মোদীৰ ধাচু
এন্ট্ৰী বুলি চিঞৰি দিলোঁ, মিলিয়ন। খবৰ শুদ্ধ, কেৱল পঢ়া শৈলী টো বদলাই দিলোঁ। আগতে মই satellite channel ত প্ৰাইম টাইম লৈ স্বাগতম, ষ্টুডিওত মই প্ৰণীতা বুলি গহীনত পঢ়োতে কিমান মানুহে চাইছিল?

দোষ কাৰ?

Channel ৰ? নে Audience ৰ?
দৰ্শকে কি চাব আমিটো সেয়াই দিম। অৱশ্যে সস্তীয়া কণ্টেণ্ট ৰ পৰা মই বহু দূৰত। মিলিয়ন কি বিলিয়ন আহিলে ও নবজাও সেইবোৰ।

গতিকে News Channel বোৰে Drama কৰিছে ... নে মানুহে Drama বেছি ভাল পায়?

Comment ত নিজৰ সঁচা মতামত দিয়ক।

(আৰু হয়, মোকো গালি দিব পাৰে। মইও সেই Drama Department ৰে কৰ্মচাৰী। 😄)

05/06/2026

সেই সময়ত ইণ্টাৰনেট এভেইলেৱেল তেনেকৈ হোৱাই নাছিল। ফেচবুক ইউজাৰো আছিল আজিতকৈ বহুগুণে কম। ২০১৭ত TIMEএ আৰম্ভ কৰিছিল এখন নতুন সাম্ৰাজ্য। উত্তৰ-পূৱৰ প্ৰথমটো DIGITAL PLATFORM TIME8....মানুহে তেতিয়া কৈছিল আৰে... ফেচবুকত NEWS? মানুহে এতিয়া কয় আমাৰ ঘৰত এতিয়া TV CONNECTION নাই। FACEBOOK, INSTAGRAM, YOUTUBE ইত্যাদিবোৰতেই এতিয়া বাতৰি। DIGITAL MEDIA ৰ দ্ৰুত উত্থানৰ কথা আমি নুই কৰিব নোৱাৰো। অগণন OPTIONS, মানুহে আঙুলিৰে স্ক্ৰল কৰি গৈছে কেৱল। TIME8এ আজি সম্পূৰ্ণ কৰিলে ৯ টাকৈ বছৰ 🥳☺️
এই বিশেষ ক্ষণত TIME8 পৰিয়ালৰ প্ৰতিগৰাকী সদস্যক আৰু দৰ্শক সকলক জনালোঁ আন্তৰিক শুভেচ্ছা আৰু অভিনন্দন।

মোৰ জীৱনৰ এটা অতি গুৰুত্বপূৰ্ণ অধ্যায় জড়িত হৈ আছে TIME8-ৰ সৈতে। প্ৰায় ২ বছৰ ৭ মাহ এই প্ৰতিষ্ঠানটোৰ সৈতে কাম কৰাৰ সৌভাগ্য হৈছিল। TIME8 মোৰ বাবে আছিল এক শিক্ষানুষ্ঠান, এটা পৰিয়াল আৰু সাংবাদিকতাৰ বাস্তৱ পাঠশালা।

নিউজৰুমৰ ব্যস্ততা, ব্ৰেকিং নিউজৰ চাপ, নিশা-দিন একাকাৰ কৰি কাম কৰাৰ দিনবোৰ, লাইভৰ পূৰ্বৰ উৎকণ্ঠা, ডেডলাইনৰ সৈতে যুদ্ধ- এই সকলোবোৰ মনত সতেজ। বহুতে আমাৰ মুখবোৰ চিনি পায়, কিন্তু আঁৰত থকা অক্লান্ত পৰিশ্ৰম, ত্যাগ আৰু মানসিক চাপৰ কাহিনী খুব কম মানুহেই জানে।

আজিও TIME8-ৰ ল'গ'টো চকুত পৰিলে, বহু স্মৃতি একেলগে মনত ভাহি আহে। কেতিয়াবা সফলতাৰ হাঁহি, কেতিয়াবা ক্লান্তিৰ মাজতো কৰা কামৰ তৃপ্তি, কেতিয়াবা সহকৰ্মীসকলৰ সৈতে কটোৱা অমূল্য সময়বোৰ।

মই হয়তো আজি TIME8-ৰ অংশ নহয়, কিন্তু TIME8 সদায় মোৰ যাত্ৰাৰ এটা গৌৰৱময় অংশ হৈ থাকিব। এই প্ৰতিষ্ঠানটোৱে মোক কেৱল পেছাগতভাৱে নহয়, ব্যক্তিগতভাৱেও বহু কথা শিকাইছে।

৯ বছৰৰ এই সফল যাত্ৰা আগলৈও অব্যাহত থাকক। নতুন নতুন মাইলষ্টোন স্পৰ্শ কৰি TIME8 আগবাঢ়ি যাওক— এয়াই আন্তৰিক কামনা।

Happy 9th Foundation Day, TIME8.

04/06/2026

Tik Tik 1, Tik Tik 2, Tik Tik 3... Again... ভাবক আৰু বুজক। ইৰাণ-ইজৰাইল-আমেৰিকাৰ সংঘাতৰ প্ৰভাৱ বিশ্বত...

04/06/2026

মন্ত্ৰীত্ব নাপালে প্ৰদ্যুৎ বৰদলৈ আৰু ভূপেন বৰাই
১২জনীয়া মন্ত্ৰীৰ তালিকা প্ৰকাশ মুখ্যমন্ত্ৰীৰ
1. অশ্বিনী ৰায় সৰকাৰ
2. অশোক সিংহল
3. বিমল বৰা
4. বিশ্বজিৎ দৈমাৰী
5. জয়ন্ত মল্ল বৰুৱা
6. কৌশিক ৰায়
7. কেশৱ মহন্ত
8. কৃষ্ণেন্দু পাল
9. নীলিমা দেৱী
10. পীযুষ হাজৰিকা
11. ড ৰণোজ পেগু
12. সুশান্ত বৰগোহাঁই

03/06/2026

মনত পৰিল Punch মাৰি বজাৰ কৰিবলৈ যোৱা আৰু চাহ খাবলৈ যোৱাৰ নামত দুঘণ্টা কাৰ্যালয়ৰ বাহিৰত থকা পুৰণি কিছু সহকৰ্মীৰ কথা। অ মাজত চিনেমা চাই অহা মানুহো আছিল। সাংবাদিকতাত সৰু-বৰ বুলি একো নাই। প্ৰায়বোৰ সাংবাদিকেই নিজৰ নিজৰ স্থানত কষ্ট কৰে, দায়িত্ব পালন কৰে। কিন্তু মোৰ ব্যক্তিগত অভিজ্ঞতাত, সৰু অনুষ্ঠানত কাম কৰা মানুহৰ কষ্ট বহু ক্ষেত্ৰত অধিক। কাৰণ তাত প্ৰতিজন মানুহে একেলগে বহু দায়িত্ব (MULTIPLE WORK) কঢ়িয়াব লাগে।

মই প্ৰায় ৯ বছৰ ধৰি Satellite Channel-ত কাম কৰাৰ সুযোগ পাইছোঁ। সেই সময়ছোৱাত নিউজৰুমৰ চাপ, ডেডলাইন, লাইভৰ উত্তেজনা, দিন-ৰাতিৰ পাৰ্থক্য নোহোৱা কৰ্মব্যস্ততা—এই সকলোবোৰ অতি ওচৰৰ পৰা দেখিছোঁ। পিছত দিল্লীত কাম কৰাৰ সুযোগ লাভ কৰি নতুন কৰ্মসংস্কৃতি, নতুন চিন্তাধাৰা আৰু ডিজিটেল মাধ্যমৰ দ্ৰুত পৰিৱৰ্তনো বুজিবলৈ শিকিলোঁ।

আজিও মনত আছে, নিউজৰুমত আমাৰ দিনবোৰ কেৱল নিউজক লৈয়ে আৰম্ভ আৰু শেষ হৈছিল। দৌৰা-দৌৰি, ষ্ট্ৰেছ, ব্ৰেকিং আপডেটৰ পিছত দৌৰা—এইবোৰেই আছিল দৈনন্দিন জীৱনৰ অংশ। সেই struggle হয়তো বুজিবলৈ কঠিন, ( Punch মাৰি বজাৰ কৰিবলৈ যোৱা আৰু চাহ খাবলৈ যোৱাৰ নামত দুঘণ্টা কাৰ্যালয়ৰ বাহিৰত থকা পুৰণি কিছু সহকৰ্মীৰ কথা। অ মাজত চিনেমা চাই অহা মানুহ) তেওঁলোকৰ বাবে যিসকলে নিৰ্দিষ্ট সময় পাৰ কৰি Punch মাৰি ঘৰলৈ উভতি যাব পাৰে।

সময় সলনি হৈছে। সংবাদ মাধ্যমো সলনি হৈছে। যিদৰে এসময়ত Radio-ই নিজৰ আধিপত্য হেৰুৱাই নতুন মাধ্যমক ঠাই এৰিবলগীয়া হৈছিল, তেনেদৰে Satellite Channel-সমূহেও এতিয়া ডিজিটেল যুগৰ বাস্তৱতাৰ সন্মুখীন হৈছে। এই পৰিৱৰ্তনক অস্বীকাৰ কৰি লাভ নাই। নতুনৰ লগত খাপ খুৱাব নাজানিলে পিছ পৰি ৰোৱাটো নিশ্চিত।

সাংবাদিকতাৰ মূল শক্তি মাধ্যম নহয়, মানুহ। শিকি থাকিব লাগিব, সলনি হ'ব লাগিব, আৰু সময়ৰ লগত আগবাঢ়িব লাগিব। এইটো attitude ত থাকিলে নহ'ব যে মই satellite ৰ মানুহ। ডাঙৰ প্ৰতিষ্ঠানৰ মানুহ। প্ৰতিষ্ঠান হিচাপে নহয় আজিকালি মানুহক individually চিনি পোৱা যায়। আপুনি কত কাম কৰিছে matter নকৰে। কি কৰিছে আৰু কেনেকৈ কৰিছে সেইটো matter কৰে।

আগতে ৩/৪ ঘণ্টীয়া বুলেটিন, ৫/৬ টাকৈ HEADLINES PCR ৰ পৰা 3,2,1 GO, ৰ পাছত TP চাই শুৱলা কণ্ঠত ৯ বছৰ SATELLITE ত বাতৰি পঢ়াৰ পৰা এতিয়া ডিজিটেলত মোৰ Tik Tik 1, Tik Tik 2, Tik Tik 3 লৈকে, হয় মই সলনি হৈছো। ছিৰিয়াছ হৈ গহীন গম্ভীৰ ভাৱে বাতৰি পঢ়ি থকা সময়ত ৯ বছৰত মোক শলাগ লোৱা মানুহ নোলাল। চিনি পোৱা মানুহ আঙুলিৰ মুৰত গণিব পৰা আছিল। মোক লৈ ভাল আলোচনা নহ'ল। কিন্তু এতিয়া সকলোৰে মুখে মুখে মোৰ আলোচনা × সমালোচনা ✓

এতিয়া মোক গালি পাৰিবলৈ আৰম্ভ কৰিব পাৰে।

ধন্যবাদ। 🙂

02/06/2026

মূল্যবৃদ্ধিৰ বাবে কেৱল চৰকাৰক দোষ দিলেই হ'বনে?
সকলোৱে আজি ভাৰতৰ মূল্যবৃদ্ধিৰ বাবে চৰকাৰক দোষাৰোপ কৰি আছে। কিন্তু কোনোবাই ভাবিছে নে ইৰাণ আমেৰিকাৰ যুদ্ধৰ বাবে বহু দেশত বেছি মূল্য দি বস্তু কিনিবলৈও যোগানেই নাই। তীব্ৰ নাটনি। সংকট। কিন্তু আমি যে দাম দি হ'লেও সকলো পাই আছো। হৰমুজ ক্ৰাইচিছৰ বাবেই আমি অধিক দামত বস্তু কিনিব লগা হৈছে। মুদ্ৰাস্ফীতি হৈছে। মূল্যবৃদ্ধি স্বাভাৱিক।

প্ৰধানমন্ত্ৰী নৰেন্দ্ৰ মোদীৰ আহ্বান- আমি এই পৰিস্থিতিৰ সৈতে যুঁজিব লাগিব। মুখ্যমন্ত্ৰী ড০ হিমন্ত বিশ্ব শৰ্মাই ক'লে আমি অধিক ভয়ংকৰ পৰিৱেশৰ দিশে গতি কৰিছো। যুদ্ধ যদি শেষ নহয় সঁচাই পৰিৱেশ অভাৱনীয় হ'ব। কিন্তু চৰকাৰে মিতব্যয়িতাৰ চিন্তা কৰি আছে।
আজি দেশত অত্যাৱশ্যকীয় সামগ্ৰীৰ মূল্যবৃদ্ধি, ইন্ধনৰ দাম বৃদ্ধি আৰু দৈনন্দিন জীৱনৰ ব্যয় বৃদ্ধি লৈ বহুতে চৰকাৰক সমালোচনা কৰিছে। কিন্তু বিশ্ব পৰিস্থিতিৰ দিশটোও আমি চাব লাগিব।

বৰ্তমান ইৰাণ-আমেৰিকা সংঘাত আৰু হৰমুজ প্ৰণালীৰ সংকটে বিশ্ব অৰ্থনীতিক কঁপাই তুলিছে। বিশ্বৰ প্ৰায় ২০% তেল আৰু বৃহৎ পৰিমাণৰ গেছ এই পথেদি পৰিবহণ হয়। এই পথত বিঘিনি ঘটাৰ ফলত তেলৰ মূল্য বৃদ্ধি পাইছে আৰু বিশ্বজুৰি যোগান ব্যৱস্থা বিপৰ্যস্ত হৈছে।

তেলৰ দাম বৃদ্ধি মানে কেৱল পেট্ৰ'ল-ডিজেলৰ দাম বৃদ্ধি নহয়। পৰিবহণ খৰচ বাঢ়ে, কাৰখানাৰ উৎপাদন ব্যয় বাঢ়ে, খাদ্য সামগ্ৰী, ঔষধ, নিৰ্মাণ সামগ্ৰী, ইলেক্ট্ৰনিক সামগ্ৰী আদি সকলো বস্তুৰ দাম ক্ৰমে বৃদ্ধি পায়। ফলস্বৰূপে মুদ্ৰাস্ফীতি বৃদ্ধি পায় আৰু সাধাৰণ মানুহৰ জীৱনত চাপ পৰে।

ভাৰতৰ দৰে শক্তি আমদানিনিৰ্ভৰ দেশসমূহে এই সংকটৰ অধিক প্ৰভাৱ অনুভৱ কৰিছে। হৰমুজ সংকটৰ ফলত ভাৰতীয় শোধনাগাৰসমূহেও বিকল্প উৎসৰ পৰা অধিক মূল্যত খাৰুৱা তেল সংগ্ৰহ কৰিবলৈ বাধ্য হৈছে।

বিশ্বৰ বহু উন্নত দেশো এতিয়া অৰ্থনৈতিক অনিশ্চয়তাৰ সন্মুখীন হৈছে। আমেৰিকা, ইউৰোপ, এছিয়াৰ বহু দেশত মুদ্ৰাস্ফীতি বৃদ্ধিৰ আশংকা দেখা দিছে। অৰ্থনীতিবিদসকলে সতৰ্ক কৰি দিছে যে যদি এই সংঘাত দীঘলীয়া হয়, তেন্তে বিশ্ব অৰ্থনীতি অধিক দুৰ্বল হ'ব পাৰে আৰু মূল্যবৃদ্ধিৰ ঢৌ অব্যাহত থাকিব পাৰে।

সেয়ে মূল্যবৃদ্ধিৰ বাবে চৰকাৰক সমালোচনা কৰাৰ অধিকাৰ নিশ্চয় জনসাধাৰণৰ আছে। কিন্তু একে সময়তে এইটোও বুজিব লাগিব যে বৰ্তমানৰ সংকট কেৱল কোনো এখন দেশৰ নীতিৰ ফল নহয়; ই এক বৃহৎ আন্তঃৰাষ্ট্ৰীয় অৰ্থনৈতিক আৰু ভূ-ৰাজনৈতিক সংকটৰ অংশ।

আজিৰ বিশ্ব এখন গাঁৱৰ দৰে। মধ্যপ্ৰাচ্যত যুদ্ধ লাগিলে তাৰ প্ৰভাৱ গুৱাহাটী, দিল্লী, লণ্ডন, টকিঅ' বা নিউয়ৰ্ক—সকলো ঠাইতে পৰে।

এই কঠিন সময়ত আতংকিত নহৈ, বাস্তৱ পৰিস্থিতি বুজি, ধৈৰ্য আৰু সচেতনতাৰে আগবাঢ়িব লাগিব। বিশ্ব অৰ্থনীতি যিমানেই চাপৰ সন্মুখীন নহওক, সংকটৰ সময়ত ঐক্য, সংযম আৰু সঠিক তথ্যই হৈছে আটাইতকৈ ডাঙৰ শক্তি।

Tik Tik Talk with Pranita

10/06/2026

10/06/2026

08/06/2026

07/06/2026

06/06/2026

05/06/2026

04/06/2026

04/06/2026

03/06/2026

02/06/2026

Address

Website

Alerts

Contact The Business

Shortcuts

Share

Category