09/07/2025
এই গাড়ীখন হ'ল প্ৰয়াত হজৰত মৌলানা শেখ আহমদ আলী চাহাবৰ। গাড়ীখনৰ প্ৰতি আজিও আছে মানুহৰ যথেষ্ট আকৰ্ষণ আৰু আন্তৰিকতা। কিন্তু বহুতে নাজানে বৰ্তমান গাড়ীখন ক'ত আৰু কেনে অৱস্থাত আছে।
আজি মই আপোনালোকক গাড়ীখনৰ শেহতীয়া অৱস্থান আৰু স্থিতি সম্পৰ্কে জনাবলৈ প্ৰয়াস কৰিম।
হয়, ফটোত দেখা গাড়ীখন হ'ল আমাৰ অতি প্ৰিয় তথা সন্মানীয় ব্যক্তি পীৰে কামিল হজৰত মৌলানা শেখ আহমদ আলী চাহাবৰ। তেখেত বাঁশকান্দিৰ হুজুৰ হিচাপে সকলোৰে মাজত পৰিচিত আছিল।
জীৱনৰ অধিকাংশ সময় শ্বেখ চাহাবে এই গাড়ীখন তেওঁৰ প্ৰতিটো সামাজিক তথা সাংগঠনিক কামকাজত ব্যৱহাৰ কৰিছিল।গাড়ীখন একপ্ৰকাৰ তেখেতৰ জীৱনৰ সাৰথি হৈ পৰিছিল।
এই গাড়ীখনৰে প্ৰয়াত শ্বেখ চাহাবে অসমৰ চুকে কোনে ঘুৰি ফুৰিছিল। এইখন গাড়ীৰে অসহায় আৰু বিপদ গ্ৰস্থ মানুহৰ কাষত থিয় হৈছিল। বিভিন্ন জটিল পৰিস্থিতিৰ বুজ ল'বলৈ বা প্ৰাপ্য অধিকাৰৰ পৰা বঞ্চিত হোৱা মানুহৰ খবৰ ল'বলৈ এই গাড়ীখনে তেখেতক সদায় সঙ্গ দিছিল।
জমিয়তৰ ভেটি মজবুত কৰিবলৈ বা সাংগঠনিক কাম কাজ চোৱা চিতা কৰিবলৈ এই খনে আছিল তেখেতৰ একমাত্ৰ সাৰথি।
শেখ চাহাবৰ বেছিভাগ সামাজিক কাম কাজৰ সাক্ষী এই গাড়ীখন। যিখনৰ লগত জড়িত হৈ আছে শ্বেখ চাহাবৰ বহু স্মৃতি, বহু ত্যাগ আৰু সংগ্ৰামৰ কাহিনী , যি হয়তো আজিৰ প্ৰজন্মই নাজানে।
আজিও গাড়ীখন একেই আছে মাত্ৰ সলনি হৈছে ইয়াৰ ৰং। আগতে গাড়ী খনৰ ৰং বগা আছিল বৰ্তমান ইয়াৰ ৰং সলনি কৰি ক'লা কৰা হৈছে। কিন্তু গাড়ীখনৰ প্ৰতি মানুহৰ আবেগ বা আগ্ৰহ অকণো সলনি হোৱা নাই। সলনি হোৱা নাই মানুহৰ শ্ৰদ্ধা আৰু ভালপোৱা।
অসমৰ সমাজ জীৱনৰ প্ৰতি শ্বেখ চাহাবৰ অৱদান অতুলনীয়। সমাজৰ হকে তেখেতে বহু কাম কৰি গৈছে। সমাজ সংস্কাৰৰ বাবে শ্বেখ চাহাবে ওৰে জীৱন যুঁজ কৰি গৈছে। ইছলামৰ দৃষ্টিত এখন সুস্থ সৱল আৰু কুসংস্কাৰ মুক্ত সমাজ গঢ়ি তুলিবলৈ আহোপুৰুষাৰ্থ কৰিছিল।
শ্বেখ চাহাবে এখন সুস্থিৰ আৰু উন্নয়নশীল সমাজ ব্যৱস্থা গঢ়ি তুলিবলৈ দিনে নিশাই পৰিশ্ৰম কৰিছিল। যাৰ পৰিণাম আজি আমি কিছু পৰিমাণে হ'লেও উপভোগ কৰি আছোঁ।
আজিও গাড়ীখন চাবলৈ দুৰ দূৰণিৰ পৰা তেখেতৰ ভক্ত সকল আহে আৰু শ্ৰদ্ধা সহকাৰে গাড়ীখন চাই যায়। আৰু স্মৰণ কৰে প্ৰয়াত শ্বেখ চাহাবৰ কৰ্মৰাজী আৰু তেখেতৰ অৱদান।
শেখ চাহাবৰ মৃত্যুৰ বহু বছৰ অতিবাহিত হৈ গৈছে যদিও গাড়ীখন আজিও সযতনে সংৰক্ষণ কৰি ৰখা হৈছে হোজাইৰ আজমল হাউচত, যিখনৰ লগত জড়িত শ্বেখ আহমদ আলী চাহাবৰ বহু স্মৃতি বহু কথা আৰু বহু ত্যাগ।
যদি কেতিয়াবা হোজাই লৈ আহে তেন্তে হোজাই আজমল হাউচত থকা শ্বেখ চাহাবৰ অতি প্ৰিয় গাড়ীখন চাই যাব বুলি আশা কৰিলো।
🙏 ধন্যবাদ
