18/07/2023
కాకినాడ జిల్లా జగ్గంపేట:
ఇటీవల తోట నరసింహం మళ్ళీ కోలుకోవడంతో జగ్గంపేటలో పార్టీ కార్యకర్తలతో ఆత్మీయ సమ్మేళనం నిర్వహించారు. ఈ సందర్భంగా ఆయన కుమారుడు రాంజీ మాట్లాడుతూ, “పంది ఎంత బలిసినా అది పందే అవుతుంది తప్ప ఏనుగు కాలేదు. ఇక్కడ పరిస్థితి కూడా సరిగ్గా ఇదే.
ఆయన ఇక్కడ మరో పదేళ్ళు కాదు ఇరవై ఏళ్ళు తిరిగినా మా తండ్రిగారికే ప్రజలు, కార్యకర్తలు మద్దతు ఉంటుంది. ఆయన మా నాన్నగారి గురించి ఏదేదో వాగుతున్నారు. వాటికి నేను కాదు మా నాన్నగారే సరైన సమాధానం చెపుతారు. వచ్చే ఎన్నికలలో జగ్గంపేట నుంచి ఆయనే పోటీ చేయబోతున్నారు. ఇది తధ్యం. కనుక ఆయనే నీ లెక్కలన్నీ తేల్చేస్తారు,” అని హెచ్చరించారు.
తోట నరసింహం మాట్లాడుతూ, “రాజకీయాలు మాకేమీ కొత్తకాదు. అవి మా రక్తంలోనే ఉన్నాయి. ఒక్క గంట టైమ్ ఇస్తే చాలా నీ సంగతి తేల్చేస్తాను. 100 ఎకరాలు ప్రభుత్వ భూమి కబ్జా చేశావని ప్రతిపక్ష నేత జ్యోతుల నవీన్ ఆరోపించినప్పుడు సమాధానం చెప్పుకోలేకపోయావు కదా?కనీసం నీ అనుచరులు ఎవరూ కూడా వారి ఆరోపణలను ఖండించలేకపోయారు.
ప్రతిపక్షాలను చూస్తే భయపడేవాడివి నువ్వా నా గురించి మాట్లాడేది? నా గురించి మాట్లాడాలంటే పది జన్మలు ఎత్తాలని గుర్తుంచుకో. నాకు ఆరోగ్యం బాగోలేకపోవడం వలననే ఇంతకాలం రాజకీయాలకు దూరంగా ఉండిపోయాను. పూర్తిగా కొలుకున్నాను పార్టీ అవకాశం ఇస్తే జగ్గంపేట నుంచి పోటీ చేస్తాను.
