Catholic Telugu Content

Catholic Telugu Content పితయగు దేవుని మహిమార్థం

21/09/2025

Catholic Church in Bible

20/09/2025

Deyyam thokkinda mimmalni ?

17/09/2025

Catholic Church & Science, Big Bang Theory

16/09/2025

Dowry - should not be followed

స్వరూపాలను ముట్టుకోకూడదా ?అభివృద్ధి చెందిన దేశాల్లోనూ, కతోలిక శ్రీసభ అనాదిగా ఉన్న దేశాల్లోనూ స్వరూపాలను ముట్టుకునే ఆచారం...
15/09/2025

స్వరూపాలను ముట్టుకోకూడదా ?

అభివృద్ధి చెందిన దేశాల్లోనూ, కతోలిక శ్రీసభ అనాదిగా ఉన్న దేశాల్లోనూ స్వరూపాలను ముట్టుకునే ఆచారం పెద్దగా లేదు. అయితే మన భారత దేశంలో ఈ ఆచారం విరివిగా కనిపిస్తుంది. దీనిపై ప్రొటెస్టెంట్ సోదరులు విరుచుకు పడుతూ ఉంటారు. కొంతమంది పాస్టర్లైతే గౌరీ పట్నం, వెలాంకని పేర్లు ఎత్తుతూ అవమానిస్తూ కూడా ఉంటారు.

కతోలికుల్లో అధికశాతం మంది దళితులు. కొన్ని వందల సంవత్సరాల పాటు ఊరికి, గుడికి దూరంగా ఉంచిన పరిస్థితులను ఎదుర్కొన్న గుంపు ఇది. దేవుడ్ని తాకకూడదు, తాకితే దేవుడే మైల పడిపోతాడు అనే సమాజం నుంచి తెల్ల మిషనరీల ద్వారా క్రీస్తు వైపు వచ్చారు.

వారు తెచ్చిన స్వరూపాల్లో యేసు రూపం ఉంది. దేవుణ్ణి తాకవచ్చు, ఆయనకేమీ కాదు అనే విషయం వారికి తెలిసినప్పుడు, ఆ తొలి తర దళిత క్రైస్తవ విశ్వాసులు చవిచూసిన ఆనందం వెలకట్టలేనిది. అక్కడ నుంచి మరియ తల్లి, పునీతులు, యేసు స్వరూపాలను తాకే ఆచారం విరివిగా మొదలైంది. దేవుణ్ణి తాకకూడదు అనే నేపథ్యం నుంచి దేవుణ్ణి తాకవచ్చు అనే అవకాశం వచ్చినపుడు ఆనందంతో స్వరూపాలను తడిమినప్పుడు దేవుడు కూడా సంతోషించి ఉంటాడు. ఎందుకంటే అది మూఢ నమ్మకం నుంచి ఒక విడుదల.

ఈ నేపథ్యం వదిలేసి, సూటు బూటు తొడిగి, నాలుగు వాక్యాలు బట్టీ పట్టి, చరిత్రపై అవగాహన లేకుండా కొందరు అజ్ఞాన బోధకులు అజ్ఞాన వ్యాఖ్యలు చేస్తుంటారు. స్వరూపంలో దేవుడు ఉంటాడని ఎవరూ ఇక్కడ నమ్మడం లేదు. అవి భౌతిక రూపాలే అయినప్పటికీ, ఇతర దేశాలతో పోలిస్తే మన దేశంలో ఆ స్పర్శకు ప్రత్యేకమైన స్థానం ఉంది.

స్వరూపాలు పెట్టకూడదు అనే దమ్మున్న ప్రొటెస్టెంటులు ఎవరైనా ఉంటే.. మీ చర్చిలు, ఇల్లు, మొబైల్స్, పుస్తకాలు ఇలా అన్ని చోట్లా యేసు క్రీస్తు సహా శిలువ చిత్రాలను కూడా తీసేసి సువార్త చెప్పి, ప్రజలకు అర్థమయ్యేలా వివరించి అప్పుడు మాట్లాడండి. అలా మాట్లాడిన వాడు ఎవ్వడూ లేడు. లోగో దగ్గర నుంచి మొబైల్లో పాటల వరకూ అన్ని చోట్లా యేసు బొమ్మలు, శిలువ బొమ్మలు వాడతారు. బయటకొచ్చి మీరు బొమ్మలు పెట్టకూడదు అండీ అంటూ కథలు చెబుతారు.

వాగే వారు వాగండి.. మొరిగే వారు మొరగండి. ఆల్ ది బెస్ట్.

✍️ సృజన్ సెగెవ్

పిల్లల కోడి దగ్గర ఉండి, దాని పిల్లల్ని పట్టుకోవాలని చూస్తే అది ఊరుకోదు. ఎగిరి పొడవడానికి, తన్నడానికి వెనుకాడదు. మరి నే...
12/09/2025

పిల్లల కోడి దగ్గర ఉండి, దాని పిల్లల్ని పట్టుకోవాలని చూస్తే అది ఊరుకోదు. ఎగిరి పొడవడానికి, తన్నడానికి వెనుకాడదు. మరి నేను దాని పిల్లలతో ఆడుకుంటున్నప్పుడు అది నన్నెందుకు ఏమీ అనలేదు ? ఎందుకు వాటి పిల్లలని నా దగ్గరకు రావడానికి అనుమతిచ్చింది ??

కాసేపు ఆ కోడి మెదడులోంచి ఆలోచిద్దాం.

అది ఉంటున్న మా ఇంటినే తన ఇల్లు అనుకుంటుంది. తన ఇంటి దగ్గర ఉండే వ్యక్తులమే మేమని దానికి తెలుసు. ప్రతి రోజు దానికి గింజల రూపంలో ఆహారం అందిస్తామని తెలుసు. అందుకే నా దగ్గరకి దాని పిల్లలని తీసుకున్నా కూడా ఏమీ అనలేదు.

బైబిల్లో దేవుడు చెప్పింది కూడా అదే. కోడి తన రెక్కల కింద పిల్లలను కాపాడుకున్నట్లు విశ్వాసులను కాపాడుకుంటాను అని. మరి ఎవరో గుర్తు తెలియని వ్యక్తులు, సైతాను, చెడిపోయిన వ్యక్తులు వచ్చి తన బిడ్డలతో ఆడుకోవాలని చూస్తే దేవుడు ఒప్పుకుంటాడా ?

మరియమ్మ, జోజప్ప, అపోస్తలులు, పునీతులు, చుట్టూ ఉండే బోధకులు వీళ్ళందరినీ కతోలికులు కీర్తిస్తూ, వారి ప్రార్థనా సహాయాన్ని కోరుతుంటే.. ఒకవేళ అది తప్పు అయితే దేవుడు చూస్తూ ఊరుకుంటాడా ? రెండు వేల సంవత్సరాల నుంచి పునీతుల ప్రార్థనా సహాయాన్ని కతోలికులు కోరుతున్నారు. ఆ పునీతులు అంతా బయట వారు, తనకు సంబంధం లేదు అని దేవుడు భావిస్తే అసలు ఈ పాటికి సొదొమాలాగే కతోలిక శ్రీసభను నాశనం చేసేవారు కదా ?

ఈ కోడి ఎలాగైతే నన్ను శత్రువుగా భావించలేదో.. అలాగే దేవుడు కూడా మరియమ్మ, పునీతులకు ప్రార్థనలు చేయడాన్ని విరోధముగా భావించడం లేదు. సహాయం చేసేందుకే నేను ఉన్నానని కోడి ఎలా భావించిందో.. పునీతులు కూడా విశ్వాసులకు సహాయం చేయడానికి ఉన్నారని దేవుడికి తెలుసు. పునీతులు సొంతంగా ఏ వరాన్నీ ఇవ్వలేరని, ప్రజల తరఫున మోషే వలె ప్రార్ధించడమే వారి పని అని దేవుడికి తెలుసు.

కాబట్టి పునీతుల ప్రార్థనా సహాయాన్ని అడగడంలో, పొందడంలో వెనుకంజ వేయవద్దు.

✍️ సృజన్ సెగెవ్

12/09/2025

Infant Baptism in Bible

11/09/2025

Latria, Hyper Dulia, Dulia explained

వారు ఆయన కొరకు అన్నీ ప్రక్కలను వెదికి, ఆయనను కనుగొనుటకై దేవుడు ఇట్లు చేసెను. అయిననూ దేవుడు నిజముగా మనలో ఏ ఒక్కరికీ దూరము...
21/10/2024

వారు ఆయన కొరకు అన్నీ ప్రక్కలను వెదికి, ఆయనను కనుగొనుటకై దేవుడు ఇట్లు చేసెను. అయిననూ దేవుడు నిజముగా మనలో ఏ ఒక్కరికీ దూరముగా లేడు. ఏలయన -"ఆయన యందే మనము జీవించుచు, సంచరించు చున్నాము. ఉనికిని కలిగి ఉన్నాము. మీలో కొందరు కవులు చెప్పినట్లుగా మనమును ఆయన బిడ్డలమే. "
(అపో. చ. 17:27-28)

Address

Hyderabad

Telephone

+919100365399

Website

Alerts

Be the first to know and let us send you an email when Catholic Telugu Content posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Catholic Telugu Content:

Shortcuts

Share

Category