𝗔𝗞𝗦𝗛𝗔𝗥𝗔 𝗡𝗘𝗪𝗦

26/08/2024

ചെറുനാരങ്ങായുടെ വിപണി സാധ്യത കണ്ടെത്തി കൃഷി ചെയ്ത് നേട്ടം കൊയ്യുകയാണ് പുറ്റടി സ്വദേശി പൂവത്തുംമൂട്ടില്‍ ജോസ്.

ചെറുതോണി: ചെറുനാരങ്ങയ്ക്ക് കേരളത്തില്‍ ആവശ്യക്കാരേറെയാണ്. വേനല്‍ക്കാലത്ത് ചെറുനാരങ്ങയുടെ വിലയും കുതിച്ചുയരും.

എന്നാല്‍ ഇവിടെ ശീതളപാനീയവും അച്ചാറും തയാറാക്കാൻ നാരങ്ങ വേണമെങ്കില്‍ ആന്ധ്രയെയോ തമിഴ്നാടിനെയോ ആശ്രയിക്കണമെന്ന സ്ഥിതിയാണ്. ഇതോടെയാണ് ജില്ലയില്‍ ഒരു കർഷകൻ പരീക്ഷണാടിസ്ഥാനത്തില്‍ ചെറുനാരങ്ങാ കൃഷി ആരംഭിച്ചത്. ഏതു സമയത്തും ആവശ്യക്കാരുള്ള ചെറുനാരങ്ങായുടെ വിപണി സാധ്യത കണ്ടെത്തി കൃഷി ചെയ്ത് നേട്ടം കൊയ്യുകയാണ് പുറ്റടി സ്വദേശി പൂവത്തുംമൂട്ടില്‍ ജോസ്. പാട്ടത്തിനെടുത്ത ഭൂമിയിലാണ് ചെറുനാരകം കൃഷി ചെയ്ത് അദ്ദേഹം മികച്ച വിളവും വിലയും നേടുന്നത്.

തമിഴ്നാട്ടില്‍നിന്നു പഴവർഗങ്ങള്‍ എടുത്ത് എറണാകുളത്തും മറ്റു വില്‍പ്പന നടത്തിവരികയായിരുന്നു ജോസ്. ഇതിനു പുറമേ തമിഴ്നാട്ടില്‍ ഭൂമി പാട്ടത്തിനെടുത്ത് പപ്പായ കൃഷിയും നടത്തിയിരുന്നു. എന്നാല്‍ മുല്ലപ്പെരിയാല്‍ വിഷയത്തിന്‍റെ പേരില്‍ കേരള-തമിഴ്നാട് അതിർത്തി മേഖലകളില്‍ സംഘർഷം ഉണ്ടായപ്പോള്‍ ബിസിനസും കൃഷിയും ഉപേക്ഷിച്ച്‌ അവിടെനിന്നു പോരേണ്ടി വന്നു. ഇതോടെ ലക്ഷങ്ങളുടെ നഷ്ടവുമുണ്ടായി.

പിന്നീട് പുറ്റടിയില്‍ ആകെയുള്ള ഒരേക്കർ സ്ഥലത്ത് കൃഷി ചെയ്തു കഴിയുന്നതിനിടെയാണ് നെറ്റിത്തൊഴു മണിയൻപെട്ടിയില്‍ മൂന്നര ഏക്കർ സ്ഥലം പാട്ടത്തിനു നല്‍കാനുണ്ടെന്ന് അറിഞ്ഞത്. ഈ സ്ഥലം പാട്ടത്തിനെടുത്ത് ഏലവും കുരുമുളകും ഫല വൃക്ഷങ്ങളും കൃഷി ചെയ്യാനാരംഭിച്ചു. ഇതിനുപുറമേയാണ് പരീക്ഷണമെന്ന നിലയില്‍ 35 സെന്‍റ് സ്ഥലത്ത് ചെറുനാരകം കൃഷി ചെയ്യാനാരംഭിച്ചത്. കൃഷി വിജയകരമാകുമോയെന്ന ഉറപ്പില്ലാതെയാണ് ജോസ് ഇതിനു മുന്നിട്ടിറങ്ങിയത്. എന്നാല്‍ ജോസിന്‍റെ പരിശ്രമം ഫലം കണ്ടതോടെ മെച്ചപ്പെട്ട വരുമാനം നല്‍കുന്ന കൃഷിയായി ചെരുനാരങ്ങ മാറി.

പത്തടി അകലത്തില്‍ 150 ഓളം തൈകളാണ് ജോസ് 35 സെന്‍റില്‍ കൃഷി ചെയ്തത്. എന്നാല്‍ കുറഞ്ഞത് 20 അടി അകലമെങ്കിലും ചെടികള്‍ തമ്മില്‍ വേണമെന്നാണ് ജോസിന്‍റെ അഭിപ്രായം. ചെടികള്‍ തമ്മില്‍ അകലം കുറഞ്ഞാല്‍ മുള്ളു കാരണം കൃഷിയിടത്തില്‍ പ്രവേശിക്കാൻ ബുദ്ധിമുട്ടാവും. ഒരു നാരകത്തില്‍ നിന്ന് വർഷം 15 കിലോയില്‍ കുറയാതെ നാരങ്ങ കിട്ടും.

നിലവില്‍ 90 രൂപ വരെ വില ലഭിക്കുന്നുണ്ട്. വേനല്‍ക്കാലത്താകട്ടെ മെച്ചപ്പെട്ട വിലയാണ് നാരങ്ങായ്ക്ക് ലഭിക്കുന്നത്. കടുത്ത വേനലില്‍ ഏറ്റവും കൂടുതല്‍ വിറ്റഴിയുന്ന ശീതളപാനീയം നാരങ്ങാവെള്ളമായതിനാല്‍ വിപണിയില്‍ 250-300 രൂപ വരെയാണ് ചെറു നാരങ്ങായുടെ വില. കഴിഞ്ഞ വേനലില്‍ മൊത്തക്കച്ചവടക്കാരില്‍ നിന്നും 150 രൂപ വരെ ഒരു കിലോ നാരങ്ങായ്ക്ക് ജോസിനു വില ലഭിച്ചു. മൊത്തക്കച്ചവടക്കാർ തോട്ടത്തിലെത്തി നാരങ്ങ വാങ്ങുന്നതിനു പുറമെ സമീപത്തെ കടകളിലും നാരങ്ങ വില്‍പ്പന നടത്തുന്നുണ്ട്.

കാര്യമായ ജലസേചനം ആവശ്യമില്ലായെന്നതാണ് ചെറുനാരങ്ങാ കൃഷിയുടെ പ്രത്യേകത. ചെടികള്‍ നടുന്ന സമയത്ത് നല്ല രീതിയില്‍ ജലസേചനം നടത്തണം. വളർച്ചയെത്തിയാല്‍ കൂടുതല്‍ വെള്ളം ഇവയ്ക്ക് ആവശ്യമില്ല. വള വർഷത്തില്‍ രണ്ടു തവണ വളപ്രയോഗം നടത്തണം. അഴുകല്‍ രോഗം പിടിപെടാനുള്ള സാധ്യതയുള്ളതിനാല്‍ ഇതിനുള്ള പ്രതിരോധ മരുന്നും നല്‍കണം. കൃഷിയില്‍ നിന്നും മികച്ച വരുമാനം ലഭിച്ചതോടെ കൃഷി കൂടുതല്‍ വ്യാപകമാക്കാൻ ജോസ് തയാറെടുക്കുകയാണ്. ചെറു നാരങ്ങായ്ക്കു പുറമെ സപ്പോട്ട, ഓറഞ്ച്, റംബുട്ടാൻ തുടങ്ങിയ പഴ വർഗങ്ങളും ജോസ് കൃഷി ചെയ്യുന്നുണ്ട്. ഭാര്യ ഷേർളിയും കൃഷിയില്‍ പിന്തുണയുമായി ജോസിനൊപ്പമുണ്ട്. തുഷാര, ഡോ.അമല്‍, ഹിമ എന്നിവരാണ് മക്കള്‍.

24/08/2022

ഓണാഘോഷം സമൃദ്ധമാക്കാൻ ജനങ്ങൾക്കൊപ്പം സൗജന്യ ഓണക്കിറ്റുമായി സർക്കാരും കൈകോർക്കുന്നു. ആഗസ്റ്റ് 23, 24 തീയതികളിൽ എ.എ.വൈ (മഞ്ഞ കാർഡ്) കാർഡ് ഉടമകൾക്കും 25, 26, 27 തീയതികളിൽ പി.എച്ച്.എച്ച് (പിങ്ക്) കാർഡുകാർക്കും 29, 30, 31 തീയതികളിൽ എൻ.പി.എസ് (നീല) കാർഡുകാർക്കും സെപ്റ്റംബർ 1, 2, 3 തീയ്യതികളിൽ എൻ.പി.എൻ.എസ് (വെള്ള) കാർഡുടമകൾക്കും റേഷൻ കടകളിൽ നിന്ന് കിറ്റ് വാങ്ങാം.

ഈ ദിവസങ്ങളിൽ കിറ്റ് വാങ്ങാൻ സാധിക്കാത്ത എല്ലാ വിഭാഗത്തിലും ഉൾപ്പെട്ട കാർഡുടമകൾക്കും സെപ്റ്റംബർ 4 മുതൽ 7 വരെ വാങ്ങാം. സെപ്റ്റംബർ ഏഴിന് ശേഷം ഓണക്കിറ്റ് വിതരണം ഉണ്ടായിരിക്കില്ല. 87 ലക്ഷം റേഷൻ കാർഡുടമകൾക്കാണ് കിറ്റ് ലഭ്യമാവുക. സംസ്ഥാനത്തെ 890 ക്ഷേമസ്ഥാപനങ്ങളിലെ 37,634 പേർക്കും 119 ആദിവാസി ഊരുകളിലും കിറ്റുകൾ വീട്ടുപടിക്കൽ എത്തിക്കും. 425 കോടി രൂപയാണ് ഓണക്കിറ്റിനായി സർക്കാർ വകയിരുത്തിയിട്ടുള്ളത്.

500 ഗ്രാം വീതം വെളിച്ചെണ്ണ, ഉണക്കലരി, ചെറുപയർ, 250 ഗ്രാം തുവരപരിപ്പ്, 100 ഗ്രാം വീതം മുളക്പൊടി, മഞ്ഞൾപ്പൊടി, തേയില, ശർക്കരവരട്ടി /ചിപ്സ്, ഒരു കിലോ വീതം പഞ്ചസാര, പൊടിയുപ്പ്, 50 ഗ്രാം വീതം കശുവണ്ടിപ്പരിപ്പ്, നെയ്യ്, 20 ഗ്രാം ഏലയ്ക്ക, ഒരു തുണിസഞ്ചി എന്നിങ്ങനെ 14 ഇനങ്ങളാണ് കിറ്റിലുള്ളത്. ഇതിനു പുറമേ, ഓണത്തോടനുബന്ധിച്ച് മഞ്ഞ കാർഡുടമകൾക്ക് സ്പെഷ്യലായി 21 രൂപ നിരക്കിൽ ഒരു കിലോ പഞ്ചസാരയും കിലോക്ക് 10.90 രൂപ നിരക്കിൽ10 കിലോ അരിയും (5 കിലോ വീതം പച്ചരിയും പുഴുക്കലരിയും) ലഭ്യമാക്കുകയും ചെയ്യും. അർഹരായ എല്ലാവരും വീഴ്ച കൂടാതെ യഥാസമയം കിറ്റുകൾ കൈപ്പറ്റണം.

24/08/2022

എം ആര്‍ എസ് മേട്രണ്‍-കം-റസിഡന്റ് ട്യൂട്ടര്‍ വാക് ഇന്‍ ഇന്റര്‍വ്യൂ

പട്ടികജാതി പട്ടികജാതി വികസന വകുപ്പിനു കീഴില്‍ ഇടുക്കി ജില്ലയില്‍ പീരുമേട് പ്രവര്‍ത്തിക്കുന്ന ഗവ. മോഡല്‍ റസിഡന്‍ഷ്യല്‍ സ്‌കൂളിലേക്ക് 2022- 2023 അദ്ധ്യായന വര്‍ഷത്തേയ്ക്ക് താമസിച്ച് കുട്ടികളെ പഠിപ്പിക്കുന്നതിന് മേട്രണ്‍-കം-റസിഡന്റ് ട്യൂട്ടര്‍മാരെ കരാര്‍ അടിസ്ഥാനത്തില്‍ നിയമിക്കുന്നതിന് ബിരുദവും, ബി.എഡും യോഗ്യതയുള്ള പട്ടികജാതി വിഭാഗത്തില്‍പ്പെട്ട ഉദ്യോഗാര്‍ത്ഥികളുടെ വാക് ഇന്‍ ഇന്റര്‍വ്യൂ ആഗസ്റ്റ് 26 ന് രാവിലെ 11 മണിക്ക് ഇടുക്കി ജില്ലാ കളക്ട്രേറ്റില്‍ പ്രവര്‍ത്തിക്കുന്ന ജില്ലാ പട്ടികജാതി വികസന ഓഫീസില്‍ നടത്തും. ഉദ്യോഗാര്‍ത്ഥികള്‍ വെള്ള പേപ്പറില്‍ തയ്യാറാക്കിയ അപേക്ഷ, ബയോഡാറ്റ, യോഗ്യത തെളിയിക്കുന്ന സര്‍ട്ടിഫിക്കറ്റുകളും പകര്‍പ്പുകളും സഹിതം അന്നേദിവസം ഹാജരാകണം. ഒഴിവുകളുടെ എണ്ണം 3 (ആണ്‍ - 2, പെണ്‍ 1) പ്രതിമാസ വേതനം 12,000/ രൂപ. നിയമനം തികച്ചും താത്കാലികമായിരിക്കും. ഫോണ്‍- 04862 296297

08/08/2022

ചെറുതോണി അണക്കെട്ടിന്റെ അഞ്ചു ഷട്ടറും തുറന്നപ്പോൾ

07/08/2022

07/08/2022

07/08/2022

07/08/2022

*ജില്ലാ ഇൻഫർമേഷൻ ഓഫീസ് ഇടുക്കി*

Sub : ഇടുക്കി അണക്കെട്ട്

കൂടുതൽ ഷട്ടറുകൾ ഉയർത്തും

ഇടുക്കി ജലവൈദ്യുത പദ്ധതിയുടെ ഭാഗമായി ഇടുക്കി ജലസംഭരണിയുടെ പൂർണ്ണ സംഭരണ ശേഷി 2403 അടിയാണ്. 06/08/2022 തിയതിയിലെ റൂൾ കർവ് (URL 2383.53 അടി) പ്രകാരം ബ്ലൂ അലേർട്ട് 2375.53 അടിയും, ഓറഞ്ച് അലേർട്ട് 2381.53 അടിയും റെഡ് അലേർട്ട് ലെവൽ 2382.53 അടിയുമാണ്. റെഡ് അലർട്ട് ലെവൽ എത്തിയതിനെ തുടർന്ന് 07/08/2022 രാവിലെ 10.00 മണിമുതൽ നിലവിൽ ഒരു ഷട്ടർ(നം.3 ) 75 സെന്റീമീറ്റർ ഉയർത്തി 50 ക്യൂമെക്സ് ജലം പുറത്തേക്കൊഴുക്കി വരുന്നതാണ്.
ഇടുക്കി അണക്കെട്ടിലെ നിലവിലെ ജലനിരപ്പ് 2384.46 അടിയും ആകെ സംഭരണ ശേഷിയുടെ 84.5 % ശതമാനത്തിൽ എത്തിയിട്ടുളളതുമാണ്.
ഇടുക്കി അണക്കെട്ടിന്റെ വൃഷ്ടി പ്രദേശത്ത് ശക്തമായ മഴ തുടരുന്നതിനാലും മുല്ലപ്പെരിയാർ അണക്കെട്ടിൽ നിന്ന് സ്പിൽവേയിലൂടെ ഒഴുക്കുന്ന വെളളത്തിന്റെ അളവ് വർദ്ധിപ്പിച്ചിട്ടുളളതിനാലും ഇടുക്കി അണക്കെട്ടിലേക്കുളള ജലനിരപ്പ് കൂടിവരുന്നതിനാൽ *07/08/2022 വൈകീട്ട് 4.00 മണി മുതൽ 4.30 വരെ ചെറുതോണി ഡാമിന്റെ ഒരു ഷട്ടർ (നം 3). 120 സെന്റീ മീറ്റർ ഉയർത്തി 75 ക്യുമെക്സ് വരെ ജലവും തുടർന്ന് 07/08/2022 വൈകീട്ട് 4.30 മണി മുതൽ 08/08/2022 -രാവിലെ 6 മണി വരെ ചെറുതോണി ഡാമിന്റെ ഷട്ടർ നം 3. - 75 സെന്റീമീറ്ററും ഷട്ടർ നം.2, 4 എന്നിവ 40 സെന്റീമീറ്റർ വീതം ഉയർത്തി 100 ക്യുമെക്സ് വരെ ജലവും* പുറത്തേക്കൊഴുക്കും.
ഈ സാഹചര്യത്തിൽ ചെറുതോണി ടൌൺ മുതൽ പെരിയാറിന്റെ ഇരുകരകളിലുമുള്ളവർ അതീവജാഗ്രത പാലിക്കണം .പൊതുജനങ്ങൾ പരിഭ്രാന്തരാകേണ്ടതില്ല. ആവശ്യമായ മുന്നൊരുക്കങ്ങൾ ജില്ലാ ഭരണകൂടം സ്വീകരിച്ചിട്ടുണ്ടെന്ന് ജില്ലാ കളക്ടർ അറിയിച്ചു

07/08/2022

*കേന്ദ്ര കാലാവസ്ഥാവകുപ്പിന്റെ അടുത്ത 5 ദിവസത്തേക്കുള്ള മഴ സാധ്യത പ്രവചനം*

*വിവിധ ജില്ലകളിൽ കേന്ദ്ര കാലാവസ്ഥ വകുപ്പ് മഞ്ഞ (Yellow) അലേർട്ട് പ്രഖ്യാപിച്ചിരിക്കുന്നു*

*07-08-2022: കോട്ടയം, ഇടുക്കി, തൃശൂർ, പാലക്കാട് ,കോഴിക്കോട്, വയനാട്, കണ്ണൂർ, കാസറഗോഡ്*

*08-08-2022: കോട്ടയം, ഇടുക്കി, തൃശൂർ, പാലക്കാട്, മലപ്പുറം ,കോഴിക്കോട്, വയനാട്, കണ്ണൂർ, കാസറഗോഡ്*

*09-08-2022: കോട്ടയം, ഇടുക്കി, തൃശൂർ, മലപ്പുറം ,കോഴിക്കോട്, വയനാട്, കണ്ണൂർ, കാസറഗോഡ്*

*10-08-2022: തൃശൂർ, പാലക്കാട്, മലപ്പുറം ,കോഴിക്കോട്, വയനാട്, കണ്ണൂർ, കാസറഗോഡ്*

*11-08-2022: മലപ്പുറം ,കോഴിക്കോട്, വയനാട്, കണ്ണൂർ, കാസറഗോഡ്*

എന്നീ ജില്ലകളിലാണ് മഞ്ഞ അലേർട്ട് പ്രഖ്യാപിച്ചിട്ടുള്ളത്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അർത്ഥമാക്കുന്നത്.

കഴിഞ്ഞ ദിവസങ്ങളിൽ വലിയ മഴ ലഭിച്ച പ്രദേശങ്ങളിൽ മണ്ണിടിച്ചിലിനും ഉരുൾപൊട്ടലിനും സാധ്യത നിലനിൽക്കുന്നതിനാൽ മലയോര മേഖലയിൽ ജാഗ്രത തുടരണം.

വനത്തിലും മലയോരങ്ങളിലും മഴ തുടരുന്നതിനാലും അണക്കെട്ടുകളിൽ നിന്ന് നിയന്ത്രിത അളവിൽ വെള്ളം പുറത്തേക്ക് ഒഴുക്കുന്നതിനാലും നദികളിലെ ഒഴുക്ക് ശക്തമായിരിക്കും. ആയതിനാൽ യാതൊരു കാരണവശാലും ആരും ജലാശയങ്ങളിൽ ഇറങ്ങാൻ പാടില്ല.

*പുറപ്പെടുവിച്ച സമയം: 01.00 PM, 07-08-2022*

*IMD-KSEOC-KSDMA*

07/08/2022

ഷട്ടർ ഇല്ലാത്ത ഇടുക്കി ഡാം തുറക്കുമ്പോൾ;
മൂന്നാമത്തെ ഷട്ടർ 70 സെ.മീ തുറന്നു

ഇടുക്കി ജില്ലയിൽ കഴിഞ്ഞ കുറച്ചു ദിവസങ്ങളായി പെയ്യുന്ന കനത്ത മഴയെ തുടർന്നും മുൻ കരുതൽ എടുക്കുന്നതിന്റെ ഭാഗമായും ഇന്ന് ഡാമിന്റെ ഒരു ഷട്ടർ തുറക്കുന്നു. ഇടുക്കി ഡാമിന്റെ ഷട്ടർ തുറക്കുന്നു എന്നു പറയുമ്പോളും സത്യം മറ്റൊന്നാണ്. ഇടുക്കി ഡാമിനു ഷട്ടറുകളില്ല. ചെറുതോണി, കുളമാവ് അണക്കെട്ടുകൾ ഇടുക്കി ആർച്ചു ഡാം എന്നിവ ചേർന്നതാണ് ഇടുക്കി ജലവൈദ്യുത പദ്ധതി. ഇവിടെ വെള്ളം നിറയുമ്പോൾ ചെറുതോണി ഡാമിന്റെ ഷട്ടറുകളാണ് തുറക്കുന്നത്. ഭൂകമ്പത്തെ ചെറുക്കുന്നതിനായുള്ള പ്രത്യേക സാങ്കേതിക വിദ്യകൾ, ഉപയോഗിച്ചാണ് പെരിയാറിനു കുറുകെ ഇത് നിർമ്മിച്ചിരിക്കുന്നത്.

ജില്ലയിലെ മറ്റു ഡാമുകളെ പോലെയല്ല ഇടുക്കി ഡാം. ഓരോ തവണ തുറക്കുമ്പോഴും അത് ചരിത്രമാണ്. വർഷങ്ങൾ കൂടുമ്പോഴാണ് ഡാം തുറക്കേണ്ട അവസ്ഥ ഉണ്ടാവാറുള്ളത്. എന്നാൽ കഴിഞ്ഞു കുറച്ചു വർഷങ്ങളായി ഡാം ചെറിയ കാലയളവിൽ തുറന്നു.
1981 ൽ രണ്ട് വട്ടം ഡാം തുറന്നിരുന്നു. 32.88 മില്യൺ ക്യൂബിക് മീറ്റർ ജലമാണ് അന്ന് ഒഴുക്കി വിട്ടത്. ഒക്ടോബർ 29 മുതൽ നവംബർ 5 വരെ 23.42 മില്യൺ ക്യൂബിക് മീറ്റർ ജലവും, നവംബർ 10 മുതൽ 14 വരെ 9.46 മില്യൺ ക്യൂബിക് മീറ്റർ ജലവുമാണ് തുറന്നു വിട്ടത്. 11 വർഷങ്ങൾക്ക് ശേഷം 1992 ലാണ് പിന്നെ ഡാം തുറന്നത്. അന്ന് 78.57 മില്യൺ ക്യൂബിക് മീറ്റർ ജലമാണ് തുറന്നു വിട്ടത്. ഒക്ടോബർ 12 മുതൽ 16 വരെ 26.16 മില്യൺ ക്യൂബിക് മീറ്റർ ജലവും നവംബർ 16 മുതൽ 23 വരെ 52.41 മില്യൺ ക്യൂബിക് മീറ്റർ ജലവുമാണ് തുറന്നു വിട്ടത്.

26 വർഷങ്ങൾക്ക് ശേഷം 2018-ലെ പ്രളയത്തിനാണ് പിന്നീട് ഡാം തുറക്കുന്നത്. അതൊരു ചരിത്രമായിരുന്നു. റെക്കോർഡ് വെള്ളമാണ് അന്ന് ഡാമിൽ നിന്ന് തുറന്നു വിട്ടത്. 1068.32 മില്യൺ ക്യൂബിക് മീറ്റർ ജലമാണ് അന്ന് തുറന്നത്. ഓഗസ്റ്റ് 10 മുതൽ സെപ്റ്റംബർ 8 വരെ 1063.23 മില്യൺ ക്യൂബിക് മീറ്റർ ജലവും ഒക്ടോബർ 7 മുതൽ 9 വരെ 5.09 മില്യൺ ക്യൂബിക് മീറ്റർ ജലവുമാണ് തുറന്നത്. 2021 ൽ ഡാം തുറന്നത് ഏറെ ചർച്ചചെയ്യപ്പെട്ടിരുന്നു. അടുപ്പിച്ചു 3 മാസത്തിനുള്ളിൽ 4 തവണയാണ് അന്ന് ഡാം തുറന്നത്. ഒക്ടോബർ 19 മുതൽ ഒക്ടോബർ 27 വരെ 46.29 മില്യൺ ക്യൂബിക് മീറ്റർ ജലവും, നവംബർ 14 മുതൽ 16 വരെ 8.62 മില്യൺ ക്യൂബിക് മീറ്റർ ജലവും നവംബർ 18 മുതൽ 20 വരെ 11.19 മില്യൺ ക്യൂബിക് മീറ്റർ ജലവും, ഡിസംബർ 7 മുതൽ 9 വരെ 8.98 മില്യൺ ക്യൂബിക് മീറ്റർ ജലവുമാണ് അന്ന് തുറന്നു വിട്ടത്.

ഒരു വർഷത്തിന് ശേഷം ഇന്ന് ( 7.8.22) 11 മത്തെ തവണയാണ് ഡാം തുറക്കുന്നത്. മൂന്നാമത്തെ ഷട്ടർ 70 സെ.മീ. തുറന്ന് സെക്കൻ്റിൽ 50 ഘനയടി ജലമാണ് ജലവിഭവ വകുപ്പ് മന്ത്രി റോഷി അഗസ്റ്റിൻ, ജില്ലാ കളക്ടർ ഷീബ ജോർജ്, ജില്ലാ പോലീസ് മേധാവി കെ.വി.കുര്യാക്കോസ്, ഡാം സുരക്ഷാ വിഭാഗം അധികൃതരുടെ സാന്നിദ്ധ്യത്തിൽ രാവിലെ 10 മണിക്ക് ഇത്തവണ തുറന്നു വിട്ടത്.

06/08/2022

ഇടുക്കി ഡാമിൽ ജലനിരപ്പ് 2382.52 അടിയിൽ എത്തിയതിനാൽ ഇന്ന് രാവിലെ 7.30 എ. എം മുതൽ റെഡ് അലെർട്ട് പ്രഖ്യാപിച്ചിരിക്കുന്നു. ഇടുക്കി ഡാമിന്റെ ആകെ സംഭരണ ശേഷിയുടെ 82.89% ആണ് ഇപ്പോൾ ജലനിരപ്പ്. ആശങ്കപ്പെടേണ്ട സാഹചര്യം നിലവിലില്ല എല്ലാവിധ മുന്നൊരുക്കങ്ങളും ജില്ലാ ഭരണകൂടം സ്വീകരിച്ചിട്ടുണ്ട്.

06/08/2022

https://www.facebook.com/100050575430742/posts/702340774795097/