23/02/2025
Apokpi Mamana Machanupi Thangna Lellaga Hatkhre
Yamna ngakpa hek Tabda thuk laoba amadi yamna nungaitba thoudok amada ngasi Thoubal District ki Khongjom PS ki manung channa leiba Khongjom Chingtham Maning Leikai da hek pokchaba macha nupibu mama na mangakta thangna lenduna hatkhre masasu thangna thinjinjduna sijnaba hotnarambdagi laikannakhre hairi.
Thoudok thokpham dagi fangba paogi matung inna angasi ayuk pung 6 taramdaida Chingtham (o) Priyadarshini (30) mapuroiba Chingtham Premjit, mahakna hek pokchaba chahi 5 tha 4 khakta ngairi (Class Kg) macha nupi bu mangakta thangna lellaga hatkhibani hairi.
Pao asina makha tana hai--- mapuroiba Indo Tibetan Border Police Force (ITBPF) ta thabak toubdagi houjik houjik Afghanistan da posting leiri. Handak marak Priyadarshini yamna kiba khangba toungalli, tumbadasu manglaknagalli haiduna mon (pillow) makhada thang suri ama thamlaga tummi. Ngarang numidang su lai khurumbagi thabak toukhi. Houkhiba asi asidu Priyadarshini gi apokpi na shangduna leirambani. Ngasi ayuk macha nupi bu tumba houdoklamlaga mayumda (chekpal amakhaktana khangba) chatkhibani. Ngaihak leiraga laobagi khonjel tanarakpdagi emung manung gi mioi sing chenjillubada angang adugi mangakta thangna lenbadgi ee taraga leptuna leiramba Priyadarahini su monmakhada thamba thang adu pairaga leiramba adu ubada makhoi sing adu kiba changba ngamdbadagi thang adu thammu khakta haikhi.
Mateina chensillaklaga angang adu louthoklaga mangonda da puthokrakkhi. Khudakta angang adu hospital punnaba tounaringeida mama adusu mapanda thoraklaga echasi eina toubani echagi thawai tadi kanbiyu hairamlaga waanthakhibani. Miyam adu chensillaga yengbada mahakki mabuktasu thangna thinbagi asokpa adu unarakkhi. Hospital da pukhatpagi lambida angang adu leikhidbani. Aduga mama adudi Raj Medicity gi ICU da laikannari hairi. Aduga leikhidraba angang adugi hakchang adu JNIMS ki mirenshang da thakhre hairi.
Thoudok asigi matangda Khongjom PS na case ama loukhatkhre. Loinana mafam aduda Forensic Science ki team amasu laktuna yengsinkhre hairi.
