04/05/2026
''हे विघ्नहर्ता ''या भक्तिमय गीताच्या पोस्टरचे आज विमोचन"
========================================
लेखक व गायक राजेश गडकर यांचे ''हे विघ्नहर्ता” या भक्तिमय गीताच्या पोस्टरचे विमोचन सोहळा आज संध्याकाळी ५. ०० वाजता सोयो सिस्टिम्स, एमआयडीसी येथे पार पडला जळगावातील प्रसिद्ध उद्योगपती, सोयो गृप ऑफ कंपनीजचे संचालक श्री. किशोर ढाके यांच्या शुभहस्ते या पोस्टरचे विमोचन करण्यात आले.
' हे विघ्नहर्ता” हे भक्तिमय गीत गायक व लेखक राजेश गडकर यांनी स्वतः लिहुन डी. जे. उदय यांच्या स्टुडिओ मध्ये स्वरबद्ध केलेले असून सुमारे चार मिनिटांच्या या गाण्यात एका मुलाच्या आयुष्यात घडलेल्या सत्य घटनेवर आधारित कथा मांडण्यात आली आहे. जीवनातील अडचणी, संघर्ष आणि विघ्नहर्त्यावरील श्रद्धा यांचे सुंदर चित्रण या गीतातून करण्यात आले आहे.
यात मुख्य कलाकार म्हणून पियुष पाटील यांनी काम केले आहे या पोस्टर विमोचन प्रसंगी जळगाव पोलीस दलात सेवारत असलेले व सुप्रसिद्ध कलावंत श्री. अमित माळी तसेच तांत्रिक सहाय्यक रोहित ठाकरे, मुकेश राठोड यांची विशेष उपस्थिती होती या संपूर्ण प्रकल्पाला माध्यम सहकार्य म्हणून प्रचिती मीडिया यांनी महत्त्वपूर्ण साथ दिली असून, त्यांच्या माध्यमातून हे गीत अधिकाधिक रसिकांपर्यंत पोहोचणार आहे. ''हे विघ्नहर्ता ''या गाण्याला लोकांनी पाहून इतर जास्तीत जास्त लोकांन पर्यंत पोहचवण्याचे आवाहन प्रचिती मीडियाचे संचालक श्री. सचिन घुगे यांनी केले आहे.
