Mufti Harunrashid Qasmi

02/01/2026

ختم بخاری کے موقع پر دارالعلوم دیوبند کے طالب علم کی عبارت ملاحظہ فرمائیں

#

02/01/2026

01/01/2026

01/01/2026

مادر علمی دارالعلوم دیوبند کے دورہ حدیث والے سال الوداعی ترانہ پڑھتے ہوئے احقر حسان احسن کشن گنجی

01/01/2026

Qoumi ekta sammelan

01/01/2026

امیر الہند، فدائے ملت مولانا سید اسعد مدنی - نور اللہ مرقدہ- کی شخصیت اس دور میں جہد مسلسل اور حق کی حمایت کے لئے شبانہ روز محنت اورجدوجہد کا عنوان تھی۔ آپ کی ۸۰/سالہ زندگی کے بیشتر لمحے قوم و ملت کے لئے وقف رہے، آپ کی مخلصانہ اور دور اندیشانہ رہنمائی سے ملت اسلامیہ برابر مستفیض ہوتی رہی۔

مولانامرحوم اپنے عظیم والد کے نقشِ قدم پر چلتے رہے، جب کبھی دین و ملت کے خلاف کوئی نازیبا بات سامنے آتی، وہ سینہ سپر ہوجاتے اور آواز اٹھاتے، تاریخ میں ایسی شخصیات کم گزری ہیں، جنھوں نے سیاست کے ساتھ اصلاحِ باطن کو بھی جمع کیا، اور عوامی و سماجی زندگی میں رہتے ہوئے بھی علمی اشغال اور تزکیہٴ نفس کی طرف توجہ کی، حضرت مولانا سید حسین احمد مدنی نے مسلمانوں کے مسائل کو حل کرنے کے لئے پوری ایمانی جرأت و جمعیت کے ساتھ انگریزوں سے مقابلہ کیا تھا، اور متعدد بار جیل بھی گئے، وہ ایک ربانی بزرگ اور دارالعلوم دیوبند کے شیخ الحدیث اورہندوستان کی جنگ آزادی کے عظیم رہنما تھے، دوسری طرف تربیت و تزکیہٴ نفس اور دعوت واصلاح کا کام بھی کرتے تھے، ان سب خصوصیات کو ان کے فرزند اکبر مولانا سید اسعد مدنی نے اپنے اندر جمع کرلیا تھا۔ چنانچہ وہ تعلیم و تدریس سے بھی وابستہ رہے، انھوں نے دعوت و اصلاح کے کام کے ساتھ سیاست کے میدان کو بھی اختیار کیا، جس کی انھوں نے ملت کے فلاح و بہبود کے لئے ضرورت سمجھی۔

ملی خدمت کا کوئی میدان ایسا نہیں ہے، جہاں آپ کی جدوجہد کے روشن نقوش موجود نہ ہوں، آپ نے جمعیة علماء ہند کی قیادت ایسے وقت سنبھالی، جب کہ جماعت کے صف اوّل کے قائدین دنیا سے رخصت ہوچکے تھے، اور ملک کے طول و عرض میں ہولناک فسادات نے ملک کو دہشت زدہ کردیاتھا، آپ ملک میں امن وامان کے قیام اور قومی یکجہتی قائم رکھنے اور سیکولر اقدار وروایات کی حفاظت کے لئے آخری دم تک محنت کرتے رہے، اسی دوران آپ نے جمعیة علماء کو ایک ہمہ گیر، بلکہ عالم گیر تنظیم کی شکل میں تبدیل کردیا۔

جمعیة علماء ہند کے مختلف اجلاس عام کے خطباتِ صدارت اور دیگر کانفرنسوں کی صدارتی و افتتاحی کلمات مولانا مرحوم کی بیدار مغزی، ژرف نگاہی اور بصیرت افروزی کے عمدہ نمونے ہیں، ان کی قیادت میں جمعیة علماء مسلمانوں کی موثر ترجمان اور تعمیر ملت کی داعی تنظیم کی حیثیت سے ابھری، فسادات اور قدرتی آفات کے متاثرین کی باز آباد کاری میں تاریخی و مثالی رول ادا کیا ہے، انسانی حقوق کی پاسداری، اور کمزور طبقوں کی تعلیمی و اقتصادی ترقی کے لئے ان کے کام سے جمعیة کو بڑا وقار اور احترام ملا، ان کے عہد نظامت و صدارت میں ملک و ملت کا شاید کوئی مسئلہ ہو، جو جمعیة علماء ہند کا مرکز توجہ نہ بنا ہو، وقت کے تمام مسائل اس کے احاطہٴ جدوجہد میں رہے ہیں، سیکڑوں دینی، سماجی، فلاحی اداروں کی سرپرستی و رکنیت کا انھیں شرف حاصل رہا ہے، کانگریس ورکنگ کمیٹی، راجیہ سبھا کی ضوابط کمیٹی، سرکاری یقین دہانی کمیٹی، علی گڑھ مسلم یونیورسٹی کورٹ، رابطہ عالم اسلامی مکة المکرمہ، مجمع البحوث الاسلامیہ قاہرہ، موٴتمر اسلامی تیونس، مجلس شوریٰ دارالعلوم دیوبند، جامعہ قاسمیہ شاہی مراد آباد، مرکزی وقف کونسل، اردو کونسل، ہمدرد ٹرسٹ، مرکزی حج کمیٹی کے رکن ہونے کے علاوہ مسلم پرسنل لا بورڈ، اور آل انڈیا مسلم مجلس مشاورت کے بانی ارکان میں سے تھے۔ مولانا مدنی کی شخصیت مختلف شعبہ ہائے زندگی کو محیط اور ملک و بیرونِ ملک میں رہنے والے مسلمانوں کی دینی، ملی رہنمائی، دعوت و تبلیغ، روحانی تربیت سب ان کا محورتھیں۔

حضرت مولانا سید اسعد مدنی رحمة اللہ علیہ نے اپنی نظر اور اپنے اثر کو، مسلمانوں کے مسائل کو جمعیة علماء ہند کی وساطت سے قومی اسٹیج تک لے جانے کی کوشش کی، جمعیة علماء ہند کی نمائندہ حیثیت منوانے کے لئے مسلمانوں کے مسائل کو مسلم محلوں کی گلیوں تک محدود نہیں رکھا، اسی احساس کے تحت جمعیة علماء ہند کے مرکزی دفتر کو گلی قاسم جان سے وہ آئی ․ ٹی ․ او کے قریب مسجد عبدالنبی میں لے گئے، یہ شہر کا مرکزی مقام ہے۔ وہ مسلمانوں کے مسائل کو مسلمانوں کی نظر سے دیکھنے اور دکھانے کے قائل نہیں تھے۔ یہی خصوصیت ان کی قیادت میں جمعیة علماء ہند کو مسلمانوں کی دیگر تنظیموں سے ممتاز کرتی ہے۔ مولانا کا یہ کارنامہ معمولی نہیں کہ انھوں نے جمعیة کادفتر ایسی جگہ پر بنادیا، جس پر ساری دنیا کی نظر پڑتی ہے۔

31/12/2025

جانشین خطیب الاسلام حضرت مولانا محمد سفیان قاسمی صاحب دامت برکاتہم (مہتمم دارالعلوم دیوبند وقف) درس مسلسلات دیتے ہوۓ۔
حضرت نے جملہ شرکاۓ دورۂ حدیث شریف کو اپنی جملہ اسناد سے اجازت حدیث عنایت فرمائی۔

31/12/2025

جانشینِ فدائے ملت — قائدِ جمیعت، حضرت مولانا سید محمود اسعد مدنی صاحب (صدر جمیعت علمائے ہند)

31/12/2025

کل ان شاء اللہ استاذ محترم نمونۂ اسلاف حضرت مولانا مفتی ابوالقاسم نعمانی دامت برکاتہم العالیہ مہتمم وشیخ الحدیث رسالۃ الاوائل کا درس دیں گے ان شاء اللہ

11 رجب المرجب 1447ھ
یکم جنوری 2026 بروز جمعرات بعد نماز مغرب

31/12/2025

السلام علیکم و رحمۃ اللّٰہ وبرکاتہ
امید ہے کہ آپ معزز حضرات خیر و عافیت سے ہوں گے اللّٰہ تعالیٰ آپ کو صحت و سلامتی کے ساتھ رکھے آمین
الحمدللہ احقر نے ایک چھوٹا سا کاروبار شروع کیا ہے باری
تعالیٰ سے دعا کریں اللّٰہ تعالیٰ کامیابی و برکت دے ۔
اور احباب سے درخواست ہے اس کے متعلق رہبری فرمائیں

31/12/2025

دارالعلوم وقف دیوبند کے طالبِ علم کا عظیم الشان اور تاریخی کارنامہ

دارالعلوم دیوبند، جو برصغیر ہی نہیں بلکہ پوری دنیا میں علومِ اسلامیہ کا ایک عظیم مرکز ہے، ہمیشہ سے ایسے باصلاحیت، باکردار اور باعمل علماء و طلبہ پیدا کرتا رہا ہے جن کے کارنامے امتِ مسلمہ کے لیے باعثِ فخر ہوتے ہیں۔ اسی عظیم علمی روایت کی ایک روشن مثال حال ہی میں سامنے آئی ہے۔

دارالعلوم وقف دیوبند کے دورۂ حدیث شریف کے طالبِ علم، مولوی محمد توفیق بن ناصر الدین، ساکن تیکڈا، پوسٹ کوتھیراکلم، ضلع تروندرم پورم، صوبہ کیرالہ نے ایک نہایت ہی عظیم، نادر اور قابلِ تحسین سعادت حاصل کی ہے۔ موصوف نے غیر معمولی محنت، کامل توجہ، خلوصِ نیت اور قلبی وابستگی کے ساتھ اپنے مبارک ہاتھوں سے مکمل قرآنِ مجید تحریر فرمایا اور اسے بطورِ ہدیہ دارالعلوم وقف دیوبند کی مرکزی لائبریری میں پیش کیا۔

قرآنِ کریم کو اپنے ہاتھ سے لکھنا محض ایک علمی مشق نہیں بلکہ یہ ایک عظیم روحانی عبادت، عشقِ قرآن کا مظہر اور اللہ تعالیٰ کے کلام سے گہری نسبت کی دلیل ہے۔ یہ کام صبر، استقامت، طہارتِ قلب، حسنِ نیت اور مسلسل محنت کا تقاضا کرتا ہے۔ مولوی محمد توفیق بن ناصر الدین نے اس کارنامے کو انجام دے کر یہ ثابت کر دیا کہ وہ علم کے ساتھ ساتھ عمل، ادبِ قرآن اور خدمتِ دین کے جذبے سے بھی سرشار ہیں۔

یہ تحریر کردہ قرآنِ کریم اب دارالعلوم دیوبند اور دارالعلوم وقف دیوبند کی مرکزی لائبریری میں محفوظ رہے گا، جہاں یہ نہ صرف آنے والی نسلوں کے لیے یادگار ہوگا بلکہ طلبہ، علماء اور زائرین کے لیے باعثِ برکت اور ترغیب بھی بنے گا۔ بلا شبہ یہ ہدیہ دارالعلوم کے علمی ورثے میں ایک بیش قیمت اضافہ ہے۔

ہم اس عظیم سعادت پر مولوی محمد توفیق بن ناصر الدین کو دل کی گہرائیوں سے مبارک باد پیش کرتے ہیں اور اللہ تعالیٰ کے حضور دعا گو ہیں کہ:

اللہ تعالیٰ ان کی اس کاوش کو قبول فرمائے،
قرآنِ کریم کو ان کے لیے دنیا و آخرت میں شفیع بنائے،
ان کے علم و عمل میں مزید برکت عطا فرمائے،
انہیں دینِ اسلام کی سچی خدمت کی توفیق دے
اور ان کے والدین، اساتذہ اور اہلِ خانہ کو بھی اس کا اجرِ عظیم عطا فرمائے۔ آمین یا رب العالمین۔

بلاشبہ ایسے کارنامے طلبۂ علومِ دینیہ کے لیے مشعلِ راہ ہیں اور یہ پیغام دیتے ہیں کہ اگر نیت خالص ہو تو علم عبادت بن جاتا ہے اور قلم بھی صدقۂ جاریہ بن جاتا ہے۔
منقول