30/10/2025
*कालेबुङ जिल्लाका पाँच कराते खेलाडीहरू क्षेत्रीय राष्ट्रिय कराते च्याम्पियनशिपको लागि पश्चिम बंगाल राज्यको प्रतिनिधित्व गर्न छनोट भएका छन्।*
३१ अक्टोबर देखि २ नोभेम्बर २०२५ सम्म ओडिशाको भुवनेश्वरमा आयोजना हुने क्षेत्रीय राष्ट्रिय "५ औं पूर्वी भारत कराते च्याम्पियनशिप-२०२५" को लागि पश्चिम-बङ्गाल राज्यको प्रतिनिधित्व गर्न कालिम्पोङ जिल्लाका पाँच कराते खेलाडीहरू छनोट भएका छन्।
प्रशिक्षक शिहान सुशन थापासहित पाँच खेलाडीहरू प्रतियोगिताको लागि आज ओडिशा प्रस्थान गरेका छन्।
पूर्वी भारत कराते च्याम्पियनशिप-२०२५ पूर्वी भारत कराते संघद्वारा कराते भारत संगठन (KIO) को तत्वावधानमा र ओडिशा कराते संघद्वारा आयोजित हुन गइरहेको छ।
विभिन्न विद्यालयका निम्न विद्यार्थीहरूलाई पछिल्लो राज्य च्याम्पियनशिप "२७ औं पश्चिम बंगाल राज्य कराते च्याम्पियनशिप-२०२५" बाट छनोट गरिएको छ जुन कराते-डो एसोसिएसन अफ बंगाल (KAB) र मान्यता प्राप्त बंगाल ओलम्पिक एसोसिएसनद्वारा आयोजित गरिएको थियो।
छनोट भएका खेलाडीहरूमा
न्यू राइज एकेडेमी, काश्येमका मास्टर हेब्रोन राई,ग्रेस इङ्लिस स्कूल, पेडोङका मास्टर सुदर्शन गुरुङ,रकभेल एकेडेमीका मास्टर प्रियदर्शन थापा,टाइनी टोट्स इङ्लिस स्कूल, भालुखोपकी मिस श्रेया क्षेत्री,सेन्ट जर्ज एच.एस स्कूल, पेडोङकी मिस आराधना बागदास रहेका छन्।
प्रशिक्षक शिहान सुशन थापाले यो पनि जानकारी दिए कि यस च्याम्पियनशिपका पदक विजेता विद्यार्थीहरू आगामी डिसेम्बर १ र २ मा नयाँ दिल्लीमा हुने अन्तर क्षेत्रीय राष्ट्रिय कराते च्याम्पियनशिप-२०२५ को लागि छनोट हुनेछन्।
