Ktv Kalimpong

02/08/2026

August
३९ नम्बर समष्टिमा गोजमुमोको शक्ति प्रदर्शन, कास्योमबाट १५० परिवारको ‘घर वापसी’
कालेबुङ: ३९ नम्बर समष्टिअन्तर्गत कास्योम क्षेत्रमा करिब १५० परिवारले भागोप्रमो (BGPM) परित्याग गरी गोर्खा जनमुक्ति मोर्चा (गोजमुमो) मा प्रवेश गरेका छन्।
अर्जुन अशोक छेत्रीको नेतृत्वमा आयोजित कार्यक्रममा नवप्रवेशीहरूलाई पार्टीमा स्वागत गरिएको थियो। कास्योमलाई सभासद बिरे राईको बलियो राजनीतिक आधार क्षेत्र मानिँदै आएको अवस्थामा १५० परिवारको गोजमुमो प्रवेशलाई स्थानीय राजनीतिमा महत्त्वपूर्ण घटनाका रूपमा हेरिएको छ।
https://www.facebook.com/share/v/1SkLoKv8mt/

01/08/2026

August
सिक्किमका मुख्यमन्त्रीप्रति कालेबुङ ट्याक्सी एसोसिएसनको आभार
कालेबुङ : कालेबुङ–सिक्किम अल हाइवे ट्याक्सी ओनर–ड्राइभर वेल्फेयर एसोसिएसनले सिक्किममा सम्पन्न आठौँ सारथी दिवसमा आमन्त्रण तथा सम्मान प्रदान गरेकोमा सिक्किम सरकार र मुख्यमन्त्री प्रेमसिंह गोले तामाङप्रति आभार व्यक्त गरेको छ।
एसोसिएसनले पत्रकार सम्मेलनमार्फत कालेबुङ र सिक्किमबीचको यातायात सम्बन्धलाई थप सुदृढ बनाउँदै चालकहरूका लागि बीमा तथा विभिन्न आपत्कालीन सहुलियत उपलब्ध गराउँदै आएको जनाएको छ। कार्यक्रममा अध्यक्ष राजु गुरुङ, प्रवक्ता नवराज अधिकारीलगायत पदाधिकारीहरूको उपस्थिति रहेको थियो।
https://www.facebook.com/share/v/1F692wosXE/

01/08/2026

कालेबुङ केयरद्वारा धर्ना कार्यक्रम स्थगित, श्रमिकका अधिकांश माग सम्बोधन हुने प्रतिबद्धता।

कालेबुङ, ३१ जुलाई: कालेबुङ जिल्ला अस्पतालमा कार्यरत स्काभेन्जर (सफाइ) कर्मचारीहरूको हक, हित तथा अधिकारको संरक्षणको माग गर्दै कालेबुङ केयरले १ अगस्ट २०२६ देखि जिल्ला अस्पताल परिसरमा शान्तिपूर्ण धर्ना प्रदर्शन गर्ने घोषणा गरेको थियो। तर, सम्बन्धित पक्षबीच भएको छलफलमा श्रमिकहरूले उठाएका अधिकांश मागहरू सम्बोधन गर्ने सहमति तथा आवश्यक प्रतिबद्धता व्यक्त गरिएपछि उक्त धर्ना कार्यक्रम फिर्ता लिइएको छ।

३१ जुलाईका दिन जोइन्ट लेबर कमिश्नर तथा डेपुटी लेबर कमिश्नरको उपस्थितिमा सम्पन्न बैठकमा कालेबुङ केयरका प्रतिनिधि विकास क्षेत्री, कालेबुङ डिस्ट्रिक्ट सिभिल कन्स्ट्रक्सन वर्कर्स युनियनका प्रतिनिधि विकास क्षेत्री, रिचा इन्टरप्राइजका तर्फबाट उपस्थित अधिवक्ता तथा कालेबुङ जिल्ला अस्पतालका अस्पताल सुपरिन्टेन्डेन्ट, सहायक सुपरिन्टेन्डेन्टलगायत सम्बन्धित पक्षहरूको सहभागिता रहेको थियो।

बैठकमा श्रमिक पक्षले उठाएका अधिकांश मागहरू स्वीकार गरिनुका साथै आवश्यक पहल गर्ने प्रतिबद्धता जनाइएकाले कालेबुङ केयरले १ अगस्टदेखि गर्ने भनिएको धर्ना कार्यक्रम स्थगित गर्ने निर्णय गरेको जनाएको छ।

यसैबीच, तलब नपाएको कारण अस्पताल सुपरिन्टेन्डेन्टबाट बिदा स्वीकृत गराई बसेका १३ जना सफाइ कर्मचारी भोलिदेखि पुनः आफ्नो नियमित ड्युटीमा फर्किने जानकारी दिइएको छ। उनीहरू ड्युटीमा फर्किने क्रममा ज्योति कार्कीकी छोरी टिट्टू वा रिचा इन्टरप्राइजको तर्फबाट कुनै प्रकारको अवरोध, दुर्व्यवहार, तमासा वा कानून तथा शान्ति–सुरक्षामा असर पर्ने गतिविधि भए त्यसको सम्पूर्ण जिम्मेवारी रिचा इन्टरप्राइज र अस्पताल प्रशासनले नै वहन गर्नुपर्ने कालेबुङ केयरले चेतावनी दिएको छ।

कालेबुङ केयरले आफू सधैं श्रमिकहरूको हक, अधिकार र सम्मानको पक्षमा दृढतापूर्वक उभिएको उल्लेख गर्दै भविष्यमा पनि कानुनी तथा शान्तिपूर्ण माध्यमबाट श्रमिकहरूको न्यायका लागि निरन्तर आवाज उठाइरहने प्रतिबद्धता व्यक्त गरेको छ।

01/08/2026

नयाँ पार्टी निर्माण समितिको निर्णय: गोर्खाल्याण्डको विकल्प अस्वीकार्य, सर्वदलीय बैठकमा नजाने घोषणा।

कालेबुङ, ३१ जुलाई: गत २८ जुलाई २०२६ मा गोर्खा जनमुक्ति मोर्चा (GJM) द्वारा आह्वान गरिएको सर्वदलीय बैठकसम्बन्धी पत्र नयाँ पार्टी निर्माण समितिले पनि प्राप्त गरेको जनाएको छ। उक्त पत्रमा उल्लेख गरिएका विषयवस्तुहरूबारे समितिभित्र गहिरो छलफल गरिएको बताइएको छ।

छलफलका क्रममा गोर्खा जनमुक्ति मोर्चाद्वारा पठाइएको पत्रमा गोर्खाल्याण्डको विकल्पको कुरा उल्लेख गरिएकोप्रति समितिले आपत्ति जनाएको छ। गोर्खाल्याण्डको कुनै पनि विकल्प स्वीकार्य नहुने स्पष्ट धारणा राख्दै नयाँ पार्टी निर्माण समितिले आगामी २ अगस्ट २०२६ मा हुने सर्वदलीय बैठकमा सहभागी नहुने निर्णय गरेको छ।

समितिले भनेको छ कि यदि छुट्टै राज्य गोर्खाल्याण्डको विषयमा कुनै पनि सभा वा छलफलका लागि आमन्त्रण गरिएमा जहाँसुकै उपस्थित हुन आफूहरू तयार रहेको छ।

नयाँ पार्टी निर्माण समितिले आफ्नो मूल मुद्दा नै गोर्खाल्याण्ड रहेको पुनः स्पष्ट पार्दै यसै उद्देश्यका लागि निरन्तर संघर्ष जारी रहने जानकारी समेत दिएको छ।

31/07/2026

कालेबुङ खण्ड–१ पञ्चायत समितिमा भाजपाको बोर्ड गठन, सुजा खवास सभापति र रेस्मा शर्मा उपसभापति चयन।

कालेबुङ, ३१ जुलाई : कालेबुङ खण्ड–१ पञ्चायत समितिमा औपचारिक रूपमा भारतीय जनता पार्टी (भाजपा) को बोर्ड गठन भएको छ। हिज सम्पन्न चयन प्रक्रियामा सुजा खवास सभापति तथा रेस्मा शर्मा उपसभापतिमा निर्वाचित भएका हुन्।
यसअघि नै भाजपाले कालेबुङ खण्ड–१ पञ्चायत समितिमा बहुमत कायम गर्दै आफ्नो राजनीतिक दबदबा स्थापित गरेको थियो। त्यसक्रममा तत्कालीन सभापति ममता गुरुङ र उपसभापति उत्तम राईविरुद्ध अविश्वास प्रस्ताव पारित भएपछि दुवै जना पदमुक्त भएका थिए।
उक्त पद रिक्त भएपछि हिजो सम्पन्न निर्वाचन प्रक्रियामार्फत भाजपाले आफ्ना उम्मेदवार सुजा खवासलाई सभापति र रेस्मा शर्मालाई उपसभापतिको जिम्मेवारीमा चयन गरेको हो।
नवनिर्वाचित सभापति र उपसभापतिलाई पार्टीका नेता, जनप्रतिनिधि तथा समर्थकहरूले बधाई दिँदै जनताको अपेक्षा अनुरूप विकासमुखी र पारदर्शी कार्यसम्पादनको शुभकामना व्यक्त गरेका छन्।

30/07/2026

रेफ्रीमाथि दुर्व्यवहार गर्ने खेलाडीलाई दुई म्याच प्रतिबन्ध।

कालिम्पोङ, ३० जुलाई : कालिम्पोङ डिस्ट्रिक्ट फुटबल एसोसिएसनले अनुशासन उल्लङ्घन तथा रेफ्रीमाथि दुर्व्यवहार गर्ने खेलाडीमाथि कडा कारबाही गरेको छ।

गत केही दिनअघि सम्पन्न भानु बराल मेमोरियल लिगको फाइनल खेलका क्रममा रेफ्रीमाथि हातपात गरेको तथा कुटपिट गरेको प्रमाणित भएपछि नाडुङ भुटिया फुटबल एकेडेमीका खेलाडी एरोन सुब्बालाई कालिम्पोङ डिस्ट्रिक्ट फुटबल एसोसिएसनद्वारा आयोजित कुनै पनि प्रतियोगितामा दुई म्याच खेल्न नपाउने गरी प्रतिबन्ध लगाइएको एसोसिएसनले जनाएको छ।

एसोसिएसनले खेलमा अनुशासन, खेलभावना र रेफ्रीको सम्मानलाई सर्वोच्च प्राथमिकता दिँदै भविष्यमा यस्ता गतिविधि दोहोरिन नदिन आवश्यक परे अझ कडा कारबाही गरिने पनि स्पष्ट गरेको छ।

30/07/2026

July
कालेबुङ। भारतीय जनता पार्टी (भाजपा) को समर्थन सभा कालेबुङस्थित माडवार प्यालेसमा सम्पन्न भएको छ। उक्त अवसरमा गोर्खाल्यान्ड क्षेत्रीय प्रशासन (जिटिए) का ११ जना सभासद् औपचारिक रूपमा भारतीय जनता पार्टीमा सामेल भएका छन्।
https://www.facebook.com/share/v/1CK4bHaNVF/

30/07/2026

सिन्देबुङ ग्राम पञ्चायतमा भाजपाको नेतृत्व स्थापित, भगत बहादुर विश्वकर्मा प्रधान र चरित्र पाख्रीन उपप्रधान चयन।

कालेबुङ जिल्लाको सिन्देबुङ ग्राम पञ्चायतमा भारतीय जनता पार्टी (भाजपा) को नेतृत्व औपचारिक रूपमा स्थापित भएको छ। विभिन्न ग्राम पञ्चायत तथा पञ्चायत समितिहरू लगातार भाजपाको पक्षमा आउँदै गरेको क्रममै सिन्देबुङ ग्राम पञ्चायत पनि केही समयअघि नै भाजपाको समर्थनमा आएको थियो।

भाजपाले पञ्चायतमा बहुमत कायम गरेपछि तत्कालीन प्रधान र उपप्रधानलाई पदबाट हटाइएको थियो। त्यसपश्चात् हिजो आयोजित विशेष बैठकमा नयाँ प्रधान तथा उपप्रधान चयन गर्ने प्रक्रिया सम्पन्न भयो।

भाजपामा सामेल भएका पूर्व प्रधान भगत बहादुर विश्वकर्मालाई पुनः प्रधानमा चयन गरिएको छ भने चरित्र पाख्रीन उपप्रधानमा निर्वाचित भएका छन्।

यस चयन प्रक्रियामा पञ्चायत सदस्यहरू जोंमित लेप्चा, कुमारी भुजेल तथा मेरिना सुब्बाको समेत उपस्थिति रहेको थियो भने सभासद पाल्देन तामाङ अनि बोङ डुङ्ग्रा मण्डल पद्मा सुब्बा पनि उपस्थित रहेका थिए अनि वहाँहरुले दुवै प्रधान अनि उप प्रधानलाई बधाई टक्राएका छन् ।

29/07/2026

July
कालेबुङ, २९ जुलाई।
भारतको ८०औँ स्वतन्त्रता दिवसको अवसरमा कालेबुङमा आयोजित हुने कार्यक्रमबारे स्वतन्त्रता दिवस समारोह समितिले पत्रकार सम्मेलन आयोजना गरेको छ।
https://www.facebook.com/share/v/18AEkvTGMS/

29/07/2026