19/07/2025
:
अलग राज्य समन्वय समितिको बैठक कालेबुङमा सम्पन्न, केन्द्र र जिल्ला तहमा समिति विस्तार
“माटो बचाउ मञ्च” को प्रतिबद्धता कार्यान्वयनतर्फ महत्वपूर्ण कदम
कालेबुङ, १९ जुलाई — आज कालेबुङमा सम्पन्न भएको अलग राज्य समन्वय समितिको बैठकले केन्द्र तथा जिल्ला तहमा संगठनात्मक विस्तार गर्दै विभिन्न विभागहरूमा नयाँ जिम्मेवारी तोकेको छ। समितिको बिस्तार अन्तर्गत युवा विभाग, सञ्चार सेल, सह-समन्वयक, पर्यवेक्षक, कोषाध्यक्ष, प्रवक्ता, विद्यार्थी विभाग लगायतका संयन्त्रहरू गठन गरिएका छन्।
उक्त बैठक केही दिनअघि गठित “माटो बचाउ मञ्च” सँग SSCC (Separate State Coordination Committee) को तर्फबाट गरिएको प्रतिबद्धतालाई व्यवहारमा उतार्ने उद्देश्यले आयोजना गरिएको हो। “माटो बचाउ मञ्च” ले चियाबगान क्षेत्रमा भइरहेको ५ डिसिमिल गैरकानुनी जग्गा वितरणको विरोधमा व्यापक जनआन्दोलन चलाइरहेको छ, जसलाई गोरखाली समुदायको अस्तित्वमाथि गम्भीर खतरा स्वरूप हेरिएको छ।
नयाँ नियुक्त पदाधिकारीहरूले दार्जिलिङ, तराई र डुवर्सका गोरखा समुदायको अधिकार र पहिचानका पक्षमा इमानदारीपूर्वक काम गर्ने दृढ सङ्कल्प व्यक्त गरेका छन्।
नयाँ नियुक्त SSCC पदाधिकारीहरू यसप्रकार छन्:
मुख्य पर्यवेक्षक : हेमचन्द्र सुब्बा
सह-संयोजक : पूर्णसिंह राई
सह-संयोजक : अजय दाहाल गोर्खा
प्रेस तथा मिडिया सचिव : चन्दन परियार
मिरिक प्रभारी : रामचन्द्र राई
दार्जिलिङ प्रभारी : तिलक छेत्री
तराई प्रभारी : सञ्जय लामा
युवा विभाग प्रभारी (कालेबुङ) : दावा तामाङ
युवा विभाग प्रभारी (दार्जिलिङ) : किरण प्रधान
युवा विभाग प्रभारी (केन्द्र) : सन्दीप छेत्री
कोषाध्यक्ष : अधिवक्ता प्रभा राई
प्रवक्ता : सिद्धान्त गोर्खा राई
विद्यार्थी विभाग प्रभारी : अर्पण प्रधान
यस बिस्तारित समितिले अब चियाबगान क्षेत्रमा भइरहेको अन्याय, गोरखाली समुदायको अधिकार तथा पहिचानको संरक्षण, र पृथक राज्य निर्माण आन्दोलनलाई सशक्त बनाउँदै लैजाने अपेक्षा गरिएको छ।
