18/09/2026
32 കിലോ ഹൈബ്രിഡ് കഞ്ചാവ് കടത്ത്: നാർക്കോട്ടിക് കൺട്രോൾ ബ്യൂറോ തിരയുന്ന പ്രധാന പ്രതി തളിപ്പറമ്പിൽ അറസ്റ്റിൽ.
തളിപ്പറമ്പ്:
ബംഗളൂരു കേന്ദ്രീകരിച്ച് നടന്ന കോടിക്കണക്കിന് രൂപയുടെ മയക്കുമരുന്ന് കടത്തുമായി ബന്ധപ്പെട്ട് നാർക്കോട്ടിക് കൺട്രോൾ ബ്യൂറോ (NCB) അന്വേഷിച്ചിരുന്ന മുഖ്യപ്രതി തളിപ്പറമ്പിൽ പിടിയിൽ. അമ്മാകുളം സ്വദേശി ആൽവിൻ ബിജുവാണ് പോലീസിന്റെ പിടിയിലായത്.
സംഭവത്തിന്റെ പശ്ചാത്തലം:
32 കിലോ ഹൈബ്രിഡ് കഞ്ചാവ് കടത്തിയ കേസിൽ നാല് പേരെ നേരത്തെ ബംഗളൂരുവിൽ വെച്ച് എൻ.സി.ബി അറസ്റ്റ് ചെയ്തിരുന്നു. ഇവരെ ചോദ്യം ചെയ്തതിൽ നിന്നാണ് ലഹരിമരുന്ന് റാക്കറ്റിലെ പ്രധാന കണ്ണിയായ ആൽവിനെക്കുറിച്ചുള്ള നിർണ്ണായക വിവരങ്ങൾ അന്വേഷണ സംഘത്തിന് ലഭിച്ചത്. തുടർന്ന് ബംഗളൂരു എൻ.സി.ബി അധികൃതർ തളിപ്പറമ്പ് ഡിവൈഎസ്പിക്ക് ഇതുസംബന്ധിച്ച വിവരം കൈമാറുകയായിരുന്നു.
പിടികൂടിയത് ഷാഡോ പോലീസ്:
തളിപ്പറമ്പ് ഡിവൈഎസ്പി പി.പി. സുമേഷിന്റെ മേൽനോട്ടത്തിൽ, ഷാഡോ പോലീസ് സംഘാംഗങ്ങളായ പി.വി. വിജേഷ്, കമലേഷ് എന്നിവരടങ്ങുന്ന സംഘമാണ് പ്രതിയെ വലയിലാക്കിയത്.
തുടർ നടപടികൾ:
പ്രതിയെ അറസ്റ്റ് ചെയ്ത വിവരം ബംഗളൂരുവിലെ നാർക്കോട്ടിക് കൺട്രോൾ ബ്യൂറോയെ ഔദ്യോഗികമായി അറിയിച്ചിട്ടുണ്ട്. എൻ.സി.ബി സംഘം ഉടൻ തന്നെ തളിപ്പറമ്പിലെത്തി പ്രതിയെ കസ്റ്റഡിയിൽ വാങ്ങുമെന്നാണ് ലഭിക്കുന്ന വിവരം.
കൂടുതൽ വാർത്തകൾക്കായി ഫാഗാ ന്യൂസ് (FAGA News) തുടർന്നും സന്ദർശിക്കുക.
