09/06/2026
Follow Live Vision TV തൻ്റെ ശത്രു പോലും ഈ നരക അനുഭവത്തിൽ വരരുതേ എന്ന് നിലവിളിച്ചു പോകുന്ന അവസ്ഥ. നരകം ഒരു യാഥാർഥ്യം തന്നെ ആണ്. തീവ്രപരിചരണ വിഭാഗങ്ങളിലെയും ഗവേഷണ ശാലകളിലെയും നിഗൂഢതകളിലേക്ക് വെളിച്ചം വീശുന്ന ഒരു ഞെട്ടിക്കുന്ന വെളിപ്പെടുത്തലാണ് ഇപ്പോള് പുറത്തുവന്നിരിക്കുന്നത്. മരണത്തിന്റെ പടിവാതില്ക്കല് എത്തി തിരികെ ജീവിതത്തിലേക്ക് വന്നവര് കണ്ട നരകതുല്യമായ ദൃശ്യങ്ങള് കേവലം കെട്ടുകഥകളല്ലെന്നും, പൊതുവെ വിശ്വസിക്കപ്പെടുന്നതിനേക്കാള് എത്രയോ ഭീതിജനകമായ യാഥാര്ത്ഥ്യമാണിതെന്നുമാണ് ഒരു ശാസ്ത്രജ്ഞന് അവകാശപ്പെടുന്നത്. മരണാനന്തര ജീവിതത്തെക്കുറിച്ചുള്ള പുതിയ പഠനങ്ങള് മെഡിക്കല് ലോകത്ത് വലിയ ചര്ച്ചകള്ക്ക് വഴിതുറന്നിരിക്കുകയാണ്.
ന്യൂസിലന്ഡ് സ്വദേശിയായ പ്രമുഖ ശാസ്ത്രജ്ഞനും ഗവേഷകനുമായ ഡോ. ഓര്സണ് വെഡ്ജ് വുഡ് ആണ് ഈ വിസ്മയകരമായ കണ്ടെത്തലിന് പിന്നില്. ഹൃദയമിടിപ്പ് നിലച്ച് 'ക്ലിനിക്കല് മരണം' സംഭവിച്ചവരില് പത്ത് മുതല് ഇരുപത് ശതമാനം വരെയുള്ള ആളുകള്ക്ക് മാത്രമാണ് ശരീരത്തില് നിന്ന് ആത്മാവ് വേര്പെടുന്ന അനുഭവം ഉണ്ടാകാറുള്ളത്. ഇങ്ങനെയുള്ളവരില് വളരെ ചെറിയൊരു ശതമാനം ആളുകള് മാത്രമാണ് ഭീതിദമായ നരകദൃശ്യങ്ങള് കണ്ടതായി വെളിപ്പെടുത്തിയിട്ടുള്ളതെന്നും അദ്ദേഹം വ്യക്തമാക്കുന്നു.
എന്നാല്, നിലവിലുള്ള ഈ കണക്കുകള് പൂര്ണ്ണമായും ശരിയല്ലെന്നാണ് ഡോ. വെഡ്ജ് വുഡ് പ്രമുഖ മാധ്യമമായ ഡെയ്ലി മെയിലിനോട് വെളിപ്പെടുത്തിയത്. മരണത്തെ മുഖാമുഖം കണ്ട് തിരിച്ചെത്തിയ നിരവധി ആളുകള് ഭയാനകമായ നരകാനുഭവങ്ങളിലൂടെയും പിശാചുക്കളുടെ ക്രൂരതകളിലൂടെയും കടന്നുപോയിട്ടുണ്ടാകാമെന്നും, എന്നാല് അവരില് ഭൂരിഭാഗം പേരും ഇത് പുറത്തുപറയാന് മടിക്കുകയാണെന്നുമാണ് അദ്ദേഹത്തിന്റെ പക്ഷം. അപമാനഭയത്താലാണ് പലരും ഈ അനുഭവങ്ങള് രഹസ്യമാക്കി വെക്കുന്നത്. നരകത്തിന്റെ ഭീകരത അനുഭവിച്ചറിഞ്ഞ പലര്ക്കും പിന്നീട് അതിനെക്കുറിച്ച് ഓര്ത്തെടുക്കാന് കഴിയാത്തതിന് പിന്നില് 'ഡിസോസിയേറ്റീവ് അമ്നേഷ്യ' എന്ന മാനസികാവസ്ഥയാണെന്ന് ഡോക്ടര് ചൂണ്ടിക്കാണിക്കുന്നു. മനസ്സിനെ അത്രമേല് തളര്ത്തിയ ആ കൊടും ക്രൂരതകളുടെ ഓര്മ്മകള് വീണ്ടും ജീവിക്കാന് ആഗ്രഹിക്കാത്തതുകൊണ്ട് തലച്ചോറ് തന്നെ ആ ചിന്തകളെ ബോധപൂര്വ്വം മറച്ചുകളയുന്ന പ്രതിഭാസമാണിത്. മുതിര്ന്നവരെ അപേക്ഷിച്ച് ചെറുപ്പക്കാര് ഇത്തരം അനുഭവങ്ങള് കൂടുതല് കൃത്യമായി ഓര്ത്തെടുക്കുന്നതിന്റെ കാരണവും ഇതുതന്നെയാണ്.
ശാസ്ത്രത്തിന് മരണാനന്തര ജീവിതത്തെക്കുറിച്ച് കൃത്യമായ തെളിവുകള് നല്കാന് കഴിഞ്ഞിട്ടില്ലെങ്കിലും, ഈ മരണാസന്ന അനുഭവങ്ങള് തികച്ചും യാഥാര്ത്ഥ്യമാണെന്നാണ് ഡോ. വെഡ്ജ് വുഡിന്റെ ഗവേഷണങ്ങള് തെളിയിക്കുന്നത്. ഇത്തരം നെഗറ്റീവ് അനുഭവങ്ങളെ വെറും ഭാവനയായി തള്ളിക്കളയുന്നത് അപകടകരമാണെന്നും, ഒരുപക്ഷേ മനുഷ്യന് കാണുന്ന നരകത്തിന്റെ ആദ്യ ദൃശ്യങ്ങള് തന്നെയാകാം ഇതെന്നും ഓര്ഗാനിക് മെഡിസിനല് കെമിസ്ട്രിയില് പിഎച്ച്ഡിയുള്ള ഈ ശാസ്ത്രജ്ഞന് മുന്നറിയിപ്പ് നല്കുന്നു. തന്റെ പുതിയ പുസ്തകത്തിലൂടെ ശാസ്ത്രീയ പഠനങ്ങളെയും ജീവനോടെ തിരിച്ചെത്തിയവരുടെ സാക്ഷ്യപത്രങ്ങളെയും അദ്ദേഹം ആഴത്തില് വിശകലനം ചെയ്തിട്ടുണ്ട്. മരണത്തിന്റെ നിമിഷങ്ങളില് ആളുകള് കണ്ട സ്വര്ഗ്ഗ-നരക ദൃശ്യങ്ങള് കേവലമൊരു തോന്നലല്ലെന്ന് അദ്ദേഹം സമര്ത്ഥിക്കുന്നു. നരകദൃശ്യങ്ങള് കണ്ടവരില് ഭൂരിഭാഗം പേരും പങ്കുവെച്ച ഒരു പൊതു കാര്യം, അവിടെ വെച്ച് തങ്ങളെ വേട്ടയാടിയ അങ്ങേയറ്റം ക്രൂരന്മാരായ അദൃശ്യ ജീവികളെക്കുറിച്ചുള്ള ഭയപ്പെടുത്തുന്ന ഓര്മ്മകളാണ്. ആശുപത്രി കിടക്കയില് വെച്ച് തന്റെ ശരീരം വേര്പെട്ടുപോയതായി അനുഭവിച്ച ഒരു രോഗിയുടെ സാക്ഷ്യം ഡോക്ടര് പുസ്തകത്തില് വിവരിക്കുന്നുണ്ട്.
മുറിയുടെ കോണിലുള്ള വാതിലിനപ്പുറത്തുനിന്ന് കേട്ട സൗഹൃദപരമായ ശബ്ദം കേട്ടാണ് അയാള് അങ്ങോട്ട് പോയത്. എന്നാല് പെട്ടെന്ന് ആ ശബ്ദങ്ങളുടെ ഭാവം മാറുകയും, ഭൗതിക ശരീരം ഇല്ലായിരുന്നിട്ടുകൂടി ആ ജീവികള് അയാളെ കഠിനമായി പീഡിപ്പിക്കാന് തുടങ്ങുകയും ചെയ്തു. ആ വേദനയും ഭയവും തികച്ചും യഥാര്ത്ഥമായിരുന്നു എന്നാണ് അയാള് വ്യക്തമാക്കിയത്. അബോധാവസ്ഥയിലാകുന്ന സമയത്ത് മനുഷ്യന്റെ ബോധമനസ്സ് ശരീരത്തില് നിന്ന് വേര്പെടുന്നു എന്നതിന് ഡോക്ടര്മാരും ആരോഗ്യവിദഗ്ദ്ധരും സാക്ഷ്യപ്പെടുത്തിയ നിരവധി തെളിവുകളുണ്ടെന്ന് ഡോ. വെഡ്ജ് വുഡ് അവകാശപ്പെടുന്നു. ഹൃദയമിടിപ്പ് നിലച്ച ശേഷവും മനുഷ്യന്റെ തലച്ചോറ് സജീവമായിരിക്കുമെന്ന 2023-ലെ എന്വൈയു ലാംഗോണ് സ്കൂള് ഓഫ് മെഡിസിന്റെ പഠന റിപ്പോര്ട്ടും അദ്ദേഹം ഇതിനായി ചൂണ്ടിക്കാണിക്കുന്നുണ്ട്. സിപിആര് നല്കുന്ന സമയത്ത് തലച്ചോറിലെ ചിന്താശേഷിയുമായി ബന്ധപ്പെട്ട തരംഗങ്ങള് ഉയര്ന്നതായി ഈ പഠനത്തില് കണ്ടെത്തിയിരുന്നു. മരണാസന്ന നിമിഷങ്ങളിലെ പോസിറ്റീവ് അനുഭവങ്ങളും നെഗറ്റീവ് അനുഭവങ്ങളും ഒരേ സ്വഭാവമുള്ളതാണെന്ന് 2019-ല് 'മെമ്മറി' എന്ന ജേണലില് പ്രസിദ്ധീകരിച്ച പഠനവും വ്യക്തമാക്കുന്നുണ്ട്. സമയമില്ലായ്മ, 360 ഡിഗ്രി കാഴ്ചശക്തി, ഉണര്ന്നുപ്രവര്ത്തിക്കുന്ന ഇന്ദ്രിയങ്ങള് എന്നിവ രണ്ട് അവസ്ഥയിലും തുല്യമാണ്; എന്നാല് നരകാനുഭവങ്ങളില് സന്തോഷത്തിന് പകരം കടുത്ത ഭീതിയും നിരാശയും മാത്രമായിരിക്കുമെന്ന് മാത്രം.
ഇത്തരം യാഥാര്ത്ഥ്യങ്ങളെ അവിശ്വസിക്കാന് പലരും ശ്രമിക്കുന്നത് മരണശേഷം ക്രൂരമായൊരു വിധി തങ്ങളെ കാത്തിരിക്കുന്നുണ്ടെന്ന സത്യം ഉള്ക്കൊള്ളാനുള്ള ഭയം കൊണ്ടാണ്. മരണത്തിന്റെ നിഴലില് നിന്ന് തിരിച്ചെത്തിയവര് നല്കുന്ന ഈ നരകസാക്ഷ്യങ്ങള് മനുഷ്യരാശിക്ക് വലിയൊരു മുന്നറിയിപ്പാണെന്നാണ് ഡോക്ടര് വിശ്വസിക്കുന്നത്. തന്റെ ശത്രുക്കള് പോലും ഒരിക്കലും ആ ഭീകരതയിലേക്ക് ചെന്നെത്തരുതെന്ന് ആഗ്രഹിക്കുന്നു എന്നും മനുഷ്യരെല്ലാവരും ഈ ഭയാനകമായ അവസ്ഥയില് നിന്ന് എങ്ങനെ രക്ഷപെടണമെന്ന് ബോധവല്ക്കരിക്കുകയാണ് ഇനി തന്റെ ജീവിത ലക്ഷ്യം എന്നും ഡോ. ഓര്സണ് വെഡ്ജ് വുഡ് പറയുന്നു.
ബൈബിളിൽ യേശു പറയുന്നു. പിശാചിൻ്റെ വഞ്ചനയാൽ പാപത്തിനും അനന്തരഫലമായ ശാപത്തിനും രോഗത്തിനും മരണത്തിനും നിത്യ മനരണത്തിനും അടിമപ്പെട്ട് പോയ മനുഷ്യനെ വീണ്ടെടുക്കുവാൻ ദൈവം മനുഷ്യ വേഷമെടുത്ത് ദൈവ പുത്രനായി ഭൂമിയിൽ അവതരിച്ചു. തന്നിൽ വിശ്വസിക്കുന്ന ഏവനും നശിച്ചു പോകാതെ നിത്യ ജീവൻ പ്രാപിക്കേണ്ടതിന് ദൈവം അവനെ നൽകുവാൻ തക്കവണ്ണം ലോകത്തെ സ്നേഹിച്ചു. നമ്മൾ അനുഭവിക്കേണ്ട ശിക്ഷ യേശു ഏറ്റു വാങ്ങി. രക്ഷയുടെ വഴി യേശു മാത്രം ആകുന്നു. യേശുവിൻ്റെ വിശ്വസിച്ചാൽ മരിച്ചാലും പ്രതീക്ഷ നൽകും ഉണ്ട്. കൂടുതൽ വിവരങ്ങൾക്ക് 097444 46630
