24/10/2025
ਸੰਤ ਹਰਜੀਤ ਸਿੰਘ ਗਿਰੀ ਵਿਰੁੱਧ ਦਰਜ ਹੋਏ ਮੁਕਦਮੇਂ ਦੀ ਪਿੰਡ ਮਕਸੂਦਪੁਰ ਦੀਆਂ ਸੰਗਤਾਂ ਨੇ ਕੀਤੀ ਸ਼ਖਤ ਨਿੰਦਾ
(ਅਗਰ ਜਲਦ ਮੁਕਦਮਾਂ ਖਾਰਜ ਨਾ ਕੀਤਾ ਤਾਂ ਕਰਾਂਗੇ ਸੰਘਰਸ਼ - ਸੰਗਤਾਂ)
ਹਲਕਾ ਭੁਲੱਥ ਦੇ ਪਿੰਡ ਮਕਸੂਦਪੁਰ ਦੇ ਸਾਬਕਾ ਸਰਪੰਚ ਤੇ ਉੱਥੇ ਦੇ ਮਾਂ ਚਿੰਤਪੁਰਨੀ ਮੰਦਿਰ ਦੇ ਮੁੱਖ ਸੇਵਾਦਾਰ ਬਾਬਾ ਹਰਜੀਤ ਸਿੰਘ ਗਿਰੀ ਵਿਰੁੱਧ ਥਾਣਾ ਬੇਗੋਵਾਲ ਵਿਖੇ ਦਰਜ ਹੋਏ ਮੁਕਦਮੇਂ ਦੀ ਪਿੰਡ ਮਕਸੂਦਪੁਰ ਦੀ ਸੰਗਤਾਂ ਨੇ ਸ਼ਖਤ ਸ਼ਬਦਾ ਵਿਚ ਨਿੰਦਾ ਕੀਤੀ। ਇਕੱਤਰ ਹੋਈ ਸੰਗਤਾਂ ਨੇ ਦੱਸਿਆ ਇਸ ਮੰਦਿਰ ਦਾ ਪੁਜਾਰੀ ਪਹਿਲਾ ਬਾਬਾ ਇਤਬਾਰ ਗਿਰੀ ਸਨ ਜੋ ਕਿ 65-70 ਸਾਲ ਤੋ ਮਾਤਾ ਚਿੰਤਪੁਰਨੀ ਜੀ ਅਤੇ ਭਗਵਾਨ ਸ਼ਿਵ ਸ਼ੰਕਰ ਜੀ ਦੀ ਸੇਵਾ ਕਰਦੇ ਸਨ। ਉਸ ਵੇਲੇ ਇਸ ਮੰਦਿਰ ਵਿੱਚ ਗਾਂਵਾ, ਮੱਝਾਂ, ਬੱਕਰੀਆਂ, ਬਾਂਦੀਆਂ, ਬਿੱਲੀਆ, ਕੁੱਤੇ ਅਤੇ ਹੋਰ ਵੀ ਜਾਨਵਰ ਰੱਖੇ ਹੁੰਦੇ ਸਨ ਤਾਂ ਕਰਕੇ ਇਸ ਡੇਰੇ ਨੂੰ ਬਾਂਦਰੀਆਂ ਵਾਲੇ ਬਾਬੇ ਦੇ ਨਾਮ ਤੋਂ ਵੀ ਜਾਣਿਆ ਜਾਦਾ ਹੈ। ਸੰਗਤਾਂ ਨੇ ਦੱਸਿਆ ਬਾਬੇ ਇਤਬਾਰ ਗਿਰੀ ਦੀ ਸੇਵਾ ਬਾਬਾ ਹਰਜੀਤ ਸਿੰਘ ਕਰਦਾ ਹੁੰਦੇ ਸਨ ਅਤੇ ਡੇਰੇ ਦੀ ਸੇਵਾ ਵੀ ਕਰਦੇ ਸਨ। ਬਾਬੇ ਇਤਬਾਰ ਗਿਰੀ ਨੇ ਸੇਵਾ ਭਾਵਨਾ ਨੂੰ ਦੇਖਦੇ ਹੋਏ ਬਾਬਾ ਹਰਜੀਤ ਸਿੰਘ ਗਿਰੀ ਨੂੰ ਆਪਣੇ ਜਿਉਂਦੇ ਜੀਅ ਆਪਣਾ ਛੋਟਾ ਸੇਵਾਦਾਰ ਰੱਖ ਲਿਆ ਅਤੇ ਆਪਣੇ ਜਿਉਂਦੇ ਜੀਅ ਉਹਨਾਂ ਦੇ ਨਾਮ ਇਕ ਵਸੀਅਤ ਕੀਤੀ ਸੀ। ਉਨ੍ਹਾਂ ਦੇ ਜੋਤੀ ਜੋਤ ਸਮਾਉਣ ਤੋ ਬਾਅਦ ਬਾਬਾ ਹਰਜੀਤ ਸਿੰਘ ਗਿਰੀ ਗੱਦੀ ਤੇ ਬੈਠ ਗਏ ਅਤੇ ਅੱਜ ਤੱਕ ਉਹ ਹੀ ਸੇਵਾ ਕਰ ਰਹੇ ਹਨ। ਜਦੋ ਕਿ ਪਹਿਲੇ ਮੰਦਿਰ ਦੀ ਹਾਲਤ ਖਸਤਾ ਸੀ ਤਾਂ ਬਾਬਾ ਹਰਜੀਤ ਗਿਰੀ ਨੇ ਮੰਦਿਰ ਦੀ ਦੁਬਾਰਾ ਉਸਾਰੀ ਕਰਵਾਈ, ਜਿੱਥੇ ਮਾਤਾ ਚਿੰਤਪੁਰਨੀ ਜੀ ਅਤੇ ਭਗਵਾਨ ਸ਼ਿਵ ਸ਼ੰਕਰ ਜੀ ਦੀ ਮੂਰਤੀ ਸਥਾਪਿਤ ਹੈ ਅਤੇ ਨਜਦੀਕ ਬਾਬਾ ਇਤਬਾਰ ਗਿਰੀ ਦੀ ਸਮਾਧੀ ਬਣੀ ਹੋਈ ਹੈ। ਉਹਨਾਂ ਦੀ ਯਾਦ ਵਿੱਚ 26 ਫਰਵਰੀ ਨੂੰ ਹਰ ਸਾਲ ਬਹੁਤ ਵੱਡਾ ਭੰਡਾਰਾ ਹੁੰਦਾ ਹੈ, ਜਿਸ ਵਿੱਚ ਵੱਡੀ ਗਿਣਤੀ ਸੰਗਤਾਂ ਤੇ ਸਾਧੂ ਤੇ ਸੰਤ ਆਉਦੇ ਹਨ। ਬਾਬਾ ਹਰਜੀਤ ਸਿੰਘ ਗਿਰੀ ਵੱਲੋਂ ਉਨਾਂ ਦਾ ਸੁਆਗਤ ਕੀਤਾ ਜਾਦਾ ਹੈ ਅਤੇ ਉਸੇ ਰਾਤ ਨੂੰ ਮਾਤਾ ਚਿੰਤਪੁਰਨੀ ਜੀ ਦਾ ਜਾਗਰਣ ਵੀ ਹੁੰਦਾ ਹੈ ਅਤੇ ਭਗਵਾਨ ਸ਼ਿਵ ਸ਼ੰਕਰ ਜੀ ਦੀ ਪੂਜਾ ਕੀਤੀ ਜਾਂਦੀ ਹੈ। ਇਸ ਮੰਦਿਰ ਦੇ ਸਾਹਮਣੇ ਬਾਬਾ ਹਰਜੀਤ ਸਿੰਘ ਦਾ ਕਮਰਾ ਬਣਿਆ ਹੈ ਅਤੇ ਇਕ ਰਸੋਈ ਹੈ। ਮੰਦਿਰ ਦੇ ਸਾਹਮਣੇ 10 ਮਰਲੇ ਜਗ੍ਹਾ ਹੈ ਜਿਸ ਵਿੱਚ ਇੰਟਰਲਾਕ ਟਾਈਲ ਲੱਗੀ ਹੈ ਅਤੇ ਸੰਗਤਾਂ ਵਾਸਤੇ ਚਾਹ - ਪਕੋੜੇ ਤੇ ਹੋਰ ਲੰਗਰ ਲਗਾਇਆ ਜਾਦਾ ਹੈ। ਇਸ ਦੀ ਬਾਹਰਲੀ ਸਾਈਡ ਤੇ ਲਹਿੰਦੇ ਪਾਸੇ ਗਾਵਾਂ, ਮੱਝਾਂ ਰੱਖੀਆ ਹਨ, ਜਿਸ ਦਾ ਵੱਖਰਾ ਗੇਟ ਹੈ ਜੋ ਮੰਦਿਰ ਦੀ ਚਾਰ ਦੀਵਾਰੀ ਤੋ ਬਾਹਰ ਹੈ। ਜਿੰਨਾਂ ਦਾ ਦੁੱਧ ਆਉਣ ਵਾਲੀਆ ਸੰਗਤਾਂ ਵਾਸਤੇ ਚਾਹ ਅਤੇ ਦੁੱਧ ਦਾ ਲੰਗਰ ਛਕਾਉਣ ਵਾਸਤੇ ਇਸਤੇਮਾਲ ਕੀਤਾ ਜਾਦਾ ਹੈ। ਸੰਗਤਾਂ ਨੇ ਦੱਸਿਆ ਕਿ ਹਰ ਮੰਗਲਵਾਰ ਤੇ ਐਤਵਾਰ ਨੂੰ ਬਾਹਰੋਂ ਅਤੇ ਪਿੰਡ ਦੀਆ ਬਹੁਤ ਸਾਰੀਆਂ ਸੰਗਤਾਂ, ਇਸ ਮੰਦਿਰ ਵਿੱਚ ਆਉਂਦੀਆ ਹਨ ਅਤੇ ਜਿਨਾਂ ਨੂੰ ਚਾਹ-ਪਕੋੜੇ ਦਾ ਲੰਗਰ ਛਕਾਇਆ ਜਾਦਾ ਹੈ। ਉਹਨਾਂ ਕਿਹਾ ਇਸ ਮੁਤਾਬਕ ਜੋ ਮੁਕਦਮਾਂ ਬਾਬਾ ਹਰਜੀਤ ਸਿੰਘ ਗਿਰੀ ਖਿਲਾਫ ਦਰਜ ਕੀਤਾ ਜਾਂਦਾ ਉਹ ਸਰਾਸਰ ਗਲਤ ਹੈ ਅਤੇ ਧੱਕੇਸ਼ਾਹੀ ਦਾ ਸਬੂਤ ਹੈ। ਉਹਨਾਂ ਪੁਲਿਸ ਪ੍ਰਸ਼ਾਸਨ ਨੇ ਮੁਕਦਮਾਂ ਖਾਰਜ ਕਰਨ ਦੀ ਗੁਜਾਰਿਸ਼ ਕੀਤੀ ਅਤੇ ਕਿਹਾ ਅਗਰ ਪੁਲਿਸ ਪ੍ਰਸ਼ਾਸ਼ਨ ਵਲੋਂ ਮੁਕਦਮਾਂ ਖਾਰਜ ਨਾ ਕੀਤਾ ਗਿਆ ਤਾਂ ਸੰਗਤਾਂ ਵੱਡੇ ਪੱਧਰ ਤੇ ਸ਼ੰਘਰਸ਼ ਕਰਨਗੀਆਂ ਅਤੇ ਪੁਲਿਸ ਅਫਸਰਾਂ ਦੇ ਦਫ਼ਤਰਾਂ ਦੇ ਘਿਰਾਉ ਕੀਤਾ ਜਾਵੇਗਾ। ਇਸ ਮੌਕੇ ਹਰਿੰਦਰਪਾਲ ਸਿੰਘ, ਲਖਵੀਰ ਸਿੰਘ, ਜਸਵੀਰ ਸਿੰਘ, ਜਗਤਾਰ ਸਿੰਘ, ਮਨਜੀਤ ਸਿੰਘ, ਰਾਜਿੰਦਰ ਸਿੰਘ, ਅਮਰਜੀਤ ਕੌਰ, ਮਲੂਕ ਸਿੰਘ, ਲਖਵਿੰਦਰ ਸਿੰਘ, ਗੁਰਵਿੰਦਰ ਸਿੰਘ ਤੂਰ, ਮੰਗਤ ਸਿੰਘ, ਅਵਤਾਰ ਸਿੰਘ ਤਾਰੀ, ਲਖਵੀਰ ਸਿੰਘ, ਦਲੀਪ ਸਿੰਘ, ਅਜੀਤ ਸਿੰਘ, ਚਰਨਜੀਤ ਸਿੰਘ, ਕੁਲਵਿੰਦਰ ਸਿੰਘ, ਗੁਰਪ੍ਰਗਟ ਸਿੰਘ, ਦੀਪ ਸਿੰਘ, ਕੈਪਟਨ ਲਖਵੀਰ ਸਿੰਘ, ਸੁਖਵਿੰਦਰ ਸਿੰਘ, ਪ੍ਰਕਾਸ਼ ਸਿੰਘ, ਅਸ਼ੋਕ ਕੁਮਾਰ, ਮਲਕੀਤ ਸਿੰਘ ਅਤੇ ਹੋਰ ਸੰਗਤਾਂ ਹਾਜਰ ਸਨ।
