https://www.instagram.com/mazhavil_malayalam, https://youtube.com/@mazhavilmalayalamnews?si=ClcDpHXDE_KSSk-J

Mazhavil Malayalam, kochi, Kochi (2026)

01/08/2026

ഉരുള്‍പൊട്ടൽ കവർന്നത് ഒരു കുടുംബത്തിന്റെ സന്തോഷം..കോട്ടയം കണ്ണീരിൽ 😢

കോട്ടയം പൂഞ്ഞാർ തെക്കേക്കര പഞ്ചായത്തിലെ പയ്യാനിത്തോട്ടത്ത് ശനിയാഴ്ച പുലർച്ചെയുണ്ടായ ഭീകര ഉരുള്‍പൊട്ടൽ നാടിന്റെ ഹൃദയം തകർത്തു. അതിതീവ്ര മഴയെ തുടർന്നുണ്ടായ ദുരന്തത്തിൽ മണപ്പാട്ട് ജോണിയുടെ ഭാര്യ റെജീനയും മകൻ ജോസഫിൻയും ദാരുണമായി മരണപ്പെട്ടു.

പുലർച്ചെ രണ്ടുമണിയോടെയാണ് ഉരുള്‍പൊട്ടൽ ഉണ്ടായത്. മണ്ണും കല്ലും കോൺക്രീറ്റ് പാളികളും ചേർന്ന് വീട് പൂർണമായും തകർന്നു മൂടുകയായിരുന്നു. മണിക്കൂറുകളോളം നീണ്ട അതീവ ദുഷ്കരമായ രക്ഷാപ്രവർത്തനത്തിനൊടുവിൽ രാവിലെ ഏഴുമണിയോടെ ആദ്യം മകൻ ജോസഫിന്റെ മൃതദേഹം കണ്ടെത്തി. തുടർന്ന് കോൺക്രീറ്റ് പാളികൾ മുറിച്ചുനീക്കി അഞ്ച് മണിക്കൂർ നീണ്ട പരിശ്രമത്തിനൊടുവിലാണ് അമ്മ റെജീനയുടെ മൃതദേഹവും പുറത്തെടുത്തത്.

ഉരുള്‍പൊട്ടലിന്റെ ശക്തിയിൽ വീട് ഏകദേശം 10 മുതൽ 12 മീറ്റർ വരെ ഒഴുകിപ്പോയി. വീട് നിലനിന്നിരുന്ന സ്ഥലത്ത് ഇപ്പോൾ കാണുന്നത് വെറും മൺകൂന മാത്രം. ഒരുകാലത്ത് അവിടെ ഒരു കുടുംബം സന്തോഷത്തോടെ ജീവിച്ചിരുന്നുവെന്ന് പോലും തിരിച്ചറിയാൻ കഴിയാത്തവിധം പ്രദേശം നാമാവശേഷമായി.

ദുരന്തസമയത്ത് വീട്ടിൽ റെജീനയും മകൻ ജോസഫിനും മാത്രമായിരുന്നു ഉണ്ടായിരുന്നത്. ഭർത്താവ് ജോണി സമീപത്തെ വയോധികന്റെ വീട്ടിൽ കൂട്ടുകിടക്കാൻ പോയിരുന്നതിനാൽ അത്ഭുതകരമായി രക്ഷപ്പെട്ടു. മറ്റൊരു മകൻ ജോലിക്കായി എറണാകുളത്തായിരുന്നതിനാൽ ദുരന്തത്തിൽ നിന്ന് രക്ഷപെട്ടെങ്കിലും, നാട്ടിലെത്തിയത് അമ്മയുടെയും സഹോദരന്റെയും ജീവനറ്റ ശരീരങ്ങൾ കാണാനായിരുന്നു.

ബന്ധുക്കളുടെയും നാട്ടുകാരുടെയും കണ്ണീരിനിടയിൽ അഞ്ച് ഫയർഫോഴ്സ് യൂണിറ്റുകളും നാല് ജെസിബികളും ചേർന്നാണ് മണിക്കൂറുകളോളം രക്ഷാപ്രവർത്തനം നടത്തിയത്. മഴ തുടരുകയും കൂടുതൽ മണ്ണിടിച്ചിലിന് സാധ്യത നിലനിൽക്കുകയും ചെയ്ത സാഹചര്യത്തിലും ജീവൻ പണയംവെച്ചായിരുന്നു രക്ഷാപ്രവർത്തകരുടെ പോരാട്ടം.

ഒരു രാത്രിയിലെ കനത്ത മഴ ഒരു കുടുംബത്തിന്റെ സ്വപ്നങ്ങളും ജീവിതവും തകർത്തു. ഈ വേദന വാക്കുകൾ കൊണ്ട് വിവരിക്കാനാവില്ല.
റെജീനയ്ക്കും ജോസഫിനും ആദരാഞ്ജലികൾ... 🌹

#കേരളം #കോട്ടയം

01/08/2026

മലയാളികളുടെ മനസ്സിൽ ഒരിക്കലും മായാത്ത ചിരിമുഖമായി നിറഞ്ഞുനിൽക്കുന്ന നടനും മിമിക്രി കലാകാരനുമായ കലാഭവൻ നവാസ്.. ഓർമയായിട്ട് ഇന്ന് ഒരു വർഷം. 🌹പൊട്ടിച്ചിരികളിലൂടെ പ്രേക്ഷകരുടെ ഹൃദയം കീഴടക്കിയ ആ കലാകാരൻ അപ്രതീക്ഷിതമായി വിടപറഞ്ഞ വാർത്ത മലയാളികളെ ഒന്നടങ്കം കണ്ണീരിലാഴ്ത്തിയിരുന്നു...😔

വെള്ളിത്തിരയിൽ മാത്രമല്ല, മിനിസ്‌ക്രീനിലും സ്റ്റേജ് ഷോകളിലും റിയാലിറ്റി ഷോകളിലെ വിധികർത്താവായും നവാസ് തന്റെ വ്യക്തിമുദ്ര പതിപ്പിച്ചു. മൂന്നു പതിറ്റാണ്ടിലേറെ നീണ്ട കലാജീവിതത്തിൽ ആയിരക്കണക്കിന് വേദികളും അനേകം കഥാപാത്രങ്ങളും അദ്ദേഹത്തെ മലയാളികളുടെ സ്വന്തം കലാകാരനാക്കി.

അദ്ദേഹത്തിന്റെ അവസാനമായി പുറത്തിറങ്ങിയ ചിത്രം ഡിറ്റക്റ്റീവ് ഉജ്ജ്വലൻ ആയിരുന്നു.

ചിരി സമ്മാനിച്ച ആ കലാകാരൻ ഇന്ന് ഓർമ്മയായി മാറിയെങ്കിലും, അദ്ദേഹത്തിന്റെ കഥാപാത്രങ്ങളും തമാശകളും മലയാളികളുടെ മനസ്സിൽ എന്നും ജീവിച്ചിരിക്കും.കലാഭവൻ നവാസിന് സ്നേഹാദരങ്ങളോടെ സ്മരണാഞ്ജലി.🌹🙏

01/08/2026

കനത്ത മഴയുടെ നടുവിൽ ഹൃദയം തകർത്ത ദുരന്തം; വീടിന് മുകളിലേക്ക് മണ്ണിടിഞ്ഞുവീണ് അമ്മയും മകനും മരിച്ചു🌹

കോട്ടയം ജില്ലയിലെ പൂഞ്ഞാർ തെക്കേക്കരയെ കണ്ണീരിലാഴ്ത്തിയ ദുരന്തത്തിൽ അമ്മയും മകനും ജീവൻ നഷ്ടമായി. പയ്യാനിത്തോട്ടം വണ്ടൻപ്ലാവിൽ വീടിന് മുകളിലേക്ക് മണ്ണിടിഞ്ഞുവീണുണ്ടായ അപകടത്തിലാണ് മണപ്പാട്ട് ജോണിയുടെ ഭാര്യ റെജീനയും മകൻ ജോസഫും ആണ് മരിച്ചത്.

കാലിന് പരിക്കേറ്റ് ചികിത്സയിലായിരുന്ന ജോസഫ് വീട്ടിൽ വിശ്രമിക്കുമ്പോഴായിരുന്നു അപ്രതീക്ഷിത ദുരന്തം. കനത്ത മഴയ്ക്കിടെ മണ്ണിടിഞ്ഞ് വീട് തകർന്ന് വീണതോടെ ഇരുവരും മണ്ണിനടിയിൽപ്പെടുകയായിരുന്നു.

അപകടസമയത്ത് ജോണി സമീപത്തെ വീട്ടിലായിരുന്നതിനാലും മറ്റ് മക്കളായ ജോമിറ്റും സോമിറ്റും വീട്ടിലില്ലാതിരുന്നതിനാലും അവർ അത്ഭുതകരമായി രക്ഷപ്പെട്ടു. എന്നാൽ ഒരു നിമിഷം കൊണ്ട് ഭാര്യയെയും മകനെയും നഷ്ടപ്പെട്ട ജോണിയുടെ ജീവിതം കണ്ണീരിലായി.

വിവരമറിഞ്ഞെത്തിയ ഫയർഫോഴ്‌സ്, പൊലീസ്, റവന്യൂ ഉദ്യോഗസ്ഥർ മണിക്കൂറുകളോളം രക്ഷാപ്രവർത്തനം നടത്തിയെങ്കിലും ഇരുവരുടെയും ജീവൻ രക്ഷിക്കാനായില്ല. ദുരന്തവാർത്ത അറിഞ്ഞ് നാട്ടുകാരും ബന്ധുക്കളും സംഭവസ്ഥലത്ത് എത്തി. കണ്ണീർ മാത്രമായിരുന്നു അവിടെ നിറഞ്ഞുനിന്നത്.

തുടർച്ചയായി പെയ്യുന്ന കനത്ത മഴ കേരളത്തിന്റെ പല ഭാഗങ്ങളിലും വലിയ നാശനഷ്ടങ്ങൾ വിതയ്ക്കുമ്പോൾ, പൂഞ്ഞാറിലെ ഈ ദുരന്തം പ്രകൃതിയുടെ മറ്റൊരു ക്രൂരമുഖമായി മാറിയിരിക്കുകയാണ്. ഒരേ വീട്ടിൽ അമ്മയും മകനും ഒരുമിച്ച് വിടപറഞ്ഞത് നാടിന്റെ മനസ്സിൽ തീരാനൊമ്പരമായി അവശേഷിക്കുന്നു.

പ്രിയപ്പെട്ട റെജീനയ്ക്കും ജോസഫിനും ആദരാഞ്ജലികൾ. ദുഃഖത്തിൽ കഴിയുന്ന കുടുംബാംഗങ്ങൾക്ക് ആത്മാർത്ഥമായ അനുശോചനം.🌹🙏

01/08/2026

കോഴിക്കോട് നഗരമധ്യത്തിൽ കത്തിക്കുത്ത്; വ്യാപാരിക്ക് ദാരുണാന്ത്യം, സുഹൃത്തുമായുണ്ടായ വാക്കുതർക്കം കൊലപാതകത്തിൽ കലാശിച്ചതായി വിവരം😔

കോഴിക്കോട് നഗരമധ്യത്തിൽ ഉണ്ടായ കത്തിക്കുത്തിൽ യുവ വ്യാപാരി കൊല്ലപ്പെട്ട സംഭവം നാടിനെ നടുക്കി. കോഴിക്കോട് നടുവട്ടം സ്വദേശിയും മിഠായിത്തെരുവിൽ വ്യാപാരം നടത്തി വന്നിരുന്ന ആദിൽ റോഷൻ (39) ആണ് മരിച്ചത്.

വെള്ളിയാഴ്ച രാത്രി മാവൂർ റോഡ് ജംഗ്ഷനിലായിരുന്നു സംഭവം. സുഹൃത്തുക്കൾ തമ്മിലുണ്ടായ ചെറിയ വാക്കുതർക്കമാണ് ഒടുവിൽ കൊലപാതകത്തിൽ കലാശിച്ചതെന്നാണ് പുറത്തുവരുന്ന പ്രാഥമിക വിവരം. കൊല്ലം സ്വദേശിയായ സുഹൃത്താണ് ആക്രമിച്ചതെന്നാണ് സൂചന. എന്നാൽ ഇക്കാര്യത്തിൽ പൊലീസിന്റെ ഔദ്യോഗിക സ്ഥിരീകരണം ഉണ്ടായിട്ടില്ല.

കത്തിക്കുത്തേറ്റ ആദിൽ രക്തത്തിൽ കുളിച്ച നിലയിൽ റോഡരികിൽ വീണുകിടക്കുകയായിരുന്നു. സമീപത്തുണ്ടായിരുന്ന ഓട്ടോറിക്ഷ തൊഴിലാളികൾ ഉടൻ തന്നെ നഗരത്തിലെ സ്വകാര്യ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.

ആക്രമണത്തിന് ശേഷം പ്രതി ഓട്ടോറിക്ഷയിൽ കയറി രക്ഷപ്പെട്ടതായാണ് വിവരം. സംഭവത്തിൽ കേസ് രജിസ്റ്റർ ചെയ്ത നടക്കാവ് പൊലീസ് അന്വേഷണം ഊർജിതമാക്കിയിട്ടുണ്ട്. ഒളിവിലുള്ള പ്രതിയെക്കുറിച്ച് നിർണായക വിവരങ്ങൾ ലഭിച്ചതായും ഇയാളെ ഉടൻ പിടികൂടാനാകുമെന്ന പ്രതീക്ഷയിലാണെന്നും പൊലീസ് അറിയിച്ചു.

ഒരു നിമിഷത്തെ വാക്കുതർക്കം ഒരു കുടുംബത്തിന് തീരാനൊമ്പരമായി മാറിയിരിക്കുകയാണ്. ആദിലിന്റെ വേർപാട് ബന്ധുക്കളെയും സുഹൃത്തുക്കളെയും ദുഃഖത്തിലാഴ്ത്തി🌹🙏

01/08/2026

പൂഞ്ഞാർ പയ്യാനിത്തോട്ടത്ത് വീടിന് മുകളിലേക്ക് മണ്ണിടിഞ്ഞുവീണ് ഉണ്ടായ ദാരുണ അപകടത്തിൽ ജോസഫിൻ ജോണി മരണത്തിനു കീഴടങ്ങി🌹💔

ഒരു മാസം മുൻപ് ഈരാറ്റുപേട്ടയില്‍ വച്ചുണ്ടായ ബൈക്ക് അപകടത്തില്‍ കാലിന് പരുക്കേറ്റതിനെ തുടർന്ന് വീട്ടില്‍ വിശ്രമത്തിലായിരുന്നു. മാതാവ് റെജീനയും ജോസഫിൻനുമാണ് വീട്ടിലുണ്ടായിരുന്നത്. വീട്ടില്‍ കുടുങ്ങിക്കിടന്ന റെജീനയുടെ മൃതദേഹവും ലഭിച്ചു. ഭർത്താവ് എം.ജെ.ജോണി അടുത്ത വീട്ടിലായതിനാല്‍ രക്ഷപ്പെട്ടു. മക്കളായ ജോമിറ്റും സോമിറ്റും വീട്ടിലുണ്ടായിരുന്നില്ല.

രണ്ടാമത്തെ മകനാണ് ജോസഫിൻ ജോണി. ചൂണ്ടച്ചേരി എൻജിനിയറിങ് കോളജ് കന്റീൻ ജീവനക്കാരനാണ്‌അമ്മ റെജീന പയ്യാനിത്തോട്ടം ഹോളിസ്പിരിറ്റ് സ്കൂളിലെ ജീവനക്കാരിയാണ്. അച്ഛൻ ജോണി സ്കൂള്‍‍ ബസ് ഡ്രൈവറാണ്. ഇളയ പെണ്‍കുട്ടി സഹോദരിയുടെ വീട്ടിലേക്ക് പോയതിനാലാണ് രക്ഷപ്പെട്ടത്. ഇടമല ഭാഗത്തുനിന്നാണ് ഉരുള്‍ വന്നത്. സാധാരണ ഉരുള്‍പൊട്ടാത്ത പ്രദേശമാണെന്നു നാട്ടുകാർ പറയുന്നു.

വീടിന് മുകളിലേക്ക് മണ്ണിടിഞ്ഞുവീണ് ഉണ്ടായ അപകടത്തിൽ ജീവൻ നഷ്ടമായ ജോസഫിൻ ജോണി മണപ്പാട്ടിന്റെ വേർപാട് ഏവരെയും ദുഃഖത്തിലാഴ്ത്തി. അപ്രതീക്ഷിതമായ ഈ ദുരന്തത്തിൽ കുടുംബാംഗങ്ങളുടെയും സുഹൃത്തുക്കളുടെയും നൊമ്പരം
വാക്കുകൾക്കതീതമാണ്.

ജോസഫിൻ ജോണി മണപ്പാട്ടിന് ആദരാഞ്ജലികൾ അർപ്പിക്കുന്നു. ദുഃഖത്തിൽ കഴിയുന്ന കുടുംബാംഗങ്ങൾക്കും പ്രിയപ്പെട്ടവർക്കും ആത്മാർത്ഥമായ അനുശോചനം രേഖപ്പെടുത്തുന്നു. പരേതയുടെ ആത്മാവിന് നിത്യശാന്തി നേരുന്നു. 🌹🙏

ആദരാഞ്ജലി🌹

01/08/2026

സ്ത്രീധനം, ഗാർഹിക പീഡനം, 63 ലക്ഷം രൂപയുടെ സാമ്പത്തിക തട്ടിപ്പ്;🥺വിവാഹജീവിതത്തിലെ ദുരനുഭവങ്ങൾ തുറന്നുപറഞ്ഞ് യുവതി😔

വിവാഹത്തിന്റെ പേരിൽ സ്ത്രീധനം ആവശ്യപ്പെടുകയും പിന്നീട് ലക്ഷങ്ങൾ തട്ടിയെടുക്കുകയും കടുത്ത ഗാർഹിക പീഡനത്തിന് ഇരയാക്കുകയും ചെയ്ത ഭർത്താവിനെതിരെ ഗുരുതര ആരോപണങ്ങളുമായി യുവതി. ചാർട്ടേഡ് അക്കൗണ്ടന്റായ യുവതിയാണ് താൻ നേരിട്ട ദുരനുഭവങ്ങളും അതിജീവനത്തിന്റെ കഥയും വെളിപ്പെടുത്തിയത്.

26-ാം വയസ്സിൽ തന്നെ രണ്ട് സംരംഭങ്ങൾ വിജയകരമായി ആരംഭിച്ചിരുന്ന യുവതി ഒരു മാട്രിമോണിയൽ സൈറ്റിലൂടെയാണ് ഇതേ മേഖലയിൽ ജോലി ചെയ്യുന്ന യുവാവിനെ പരിചയപ്പെടുന്നത്. തുടർന്ന് ഇരുവരുടെയും വിവാഹം നിശ്ചയിച്ചു.

എന്നാൽ വിവാഹത്തിന് ഒരു മാസം മുൻപ് തന്നെ ഭർത്താവും കുടുംബവും സ്ത്രീധനം ആവശ്യപ്പെട്ടതായി യുവതി പറയുന്നു. കാർ, അഞ്ച് ലക്ഷം രൂപ, ബന്ധുക്കൾക്ക് നൽകാൻ വെള്ളി നാണയങ്ങൾ എന്നിവയാണ് ആവശ്യപ്പെട്ടത്. പണവും കാറും നൽകാൻ യുവതി വിസമ്മതിച്ചെങ്കിലും വെള്ളി നാണയങ്ങൾ നൽകാൻ കുടുംബം തയ്യാറാവുകയായിരുന്നു.

വിവാഹശേഷം യുകെയിലെ സർവകലാശാലയിൽ ഉപരിപഠനത്തിനായി ഇരുവർക്കും പ്രവേശനം ലഭിച്ചു. ഇതിനായി യുവതിയുടെ പേരിൽ 50 ലക്ഷം രൂപയുടെ വിദ്യാഭ്യാസ വായ്പയും വിസ നടപടികൾക്കെന്ന പേരിൽ യുവതിയുടെ അമ്മയിൽ നിന്ന് 13 ലക്ഷം രൂപയും ഭർത്താവ് വാങ്ങിയെന്നാണ് ആരോപണം. ആകെ 63 ലക്ഷം രൂപയാണ് ഇയാൾ തട്ടിയെടുത്തതെന്നും യുവതി പറയുന്നു.

യുകെയിലേക്ക് പോകാൻ മൂന്ന് ദിവസം മാത്രം ബാക്കിയുള്ളപ്പോൾ ഭർത്താവ് അപ്രത്യക്ഷനാവുകയും പിന്നീട് തിരിച്ചെത്തി വിസ പേജ് മനഃപൂർവം കീറി യാത്ര മുടക്കുകയും ചെയ്തതായി യുവതി ആരോപിച്ചു. പഠനത്തിനല്ല, പണം തട്ടിയെടുക്കാനായിരുന്നു പദ്ധതിയെന്നും ഇയാൾ പിന്നീട് സമ്മതിച്ചുവെന്നും യുവതി വെളിപ്പെടുത്തി.

ഇതിന് പിന്നാലെ ശാരീരിക പീഡനവും രൂക്ഷമായതായി യുവതി പറയുന്നു. ശരീരത്തിൽ മുറിവുകൾ വരാത്ത രീതിയിൽ മർദിക്കുകയും ഭീഷണിപ്പെടുത്തുകയും ചെയ്തിരുന്നുവെന്നാണ് ആരോപണം. ഒടുവിൽ പൊലീസിൽ പരാതി നൽകിയതിനെ തുടർന്ന് ഭർത്താവിനെ അറസ്റ്റ് ചെയ്തെങ്കിലും പിന്നീട് ജാമ്യത്തിൽ പുറത്തിറങ്ങിയതായി യുവതി വ്യക്തമാക്കി.

കഴിഞ്ഞ രണ്ട് വർഷത്തിനിടെ സാമ്പത്തികമായും മാനസികമായും വലിയ നഷ്ടങ്ങൾ നേരിട്ടെങ്കിലും കരിയറിലും ആത്മവിശ്വാസത്തിലും വിശ്വാസം വെച്ച് ജീവിതം തിരിച്ചുപിടിക്കാനുള്ള ശ്രമത്തിലാണ് താനെന്ന് യുവതി പറഞ്ഞു. ഒരു സോഷ്യൽ മീഡിയ പേജിലൂടെയാണ് യുവതി തന്റെ അനുഭവങ്ങൾ പങ്കുവെച്ചത്.

31/07/2026

കൂടത്തായി കൊലപാതക പരമ്പര കേസ്: വിസ്താരത്തിനിടെ അന്വേഷണ ഉദ്യോഗസ്ഥന് ദേഹാസ്വാസ്ഥ്യം;🥺 ആശുപത്രിയിൽ പ്രവേശിപ്പിച്ചു...

കേരളത്തെ നടുക്കിയ കൂടത്തായി കൊലപാതക പരമ്പര കേസിന്റെ വിചാരണയ്ക്കിടെ നിർണായക സംഭവവികാസം. കേസിന്റെ അന്വേഷണത്തിന് നേതൃത്വം നൽകിയ ഉദ്യോഗസ്ഥനായ ആർ. ഹരിദാസന് വിസ്താരത്തിനിടെ ദേഹാസ്വാസ്ഥ്യം അനുഭവപ്പെട്ടതിനെ തുടർന്ന് ആശുപത്രിയിൽ പ്രവേശിപ്പിച്ചു.

ജോളി ജോസഫ് ഒന്നാം പ്രതിയായ റോയ് തോമസ് വധക്കേസിന്റെ അവസാനഘട്ട വിചാരണ പുരോഗമിക്കുമ്പോഴാണ് സംഭവം. ആർ. ഹരിദാസന്റെ വിസ്താരം നടക്കുന്നതിനിടെയുള്ള ഇടവേളയിൽ അസ്വസ്ഥത അനുഭവപ്പെട്ടതിനെ തുടർന്ന് അദ്ദേഹത്തെ ആശുപത്രിയിലേക്ക് മാറ്റുകയായിരുന്നു.

കൂടത്തായി കേസുകളിൽ ആദ്യമായി വിധി വരാൻ പോകുന്നത് റോയ് തോമസ് വധക്കേസിലാണ്. ഇതിനോടകം 130-ലധികം സാക്ഷികളെ കോടതി വിസ്തരിച്ചുകഴിഞ്ഞു. 2011 സെപ്റ്റംബറിലാണ് റോയ് തോമസ് ദുരൂഹ സാഹചര്യത്തിൽ മരിച്ചത്.

2019-ലാണ് കേരളത്തെ നടുക്കിയ കൂടത്തായി കൊലപാതക പരമ്പരയുടെ ചുരുളഴിയുന്നത്. 2002 മുതൽ 2016 വരെ ഒരേ കുടുംബത്തിലെ ആറുപേരുടെ മരണത്തിന് പിന്നിൽ ദുരൂഹതയുണ്ടെന്ന കണ്ടെത്തലാണ് അന്വേഷണത്തിന് വഴിതെളിച്ചത്.

റിട്ട. അധ്യാപികയായ അന്നമ്മ തോമസ്, ഭർത്താവ് ടോം തോമസ്, മകൻ റോയ് തോമസ്, അന്നമ്മയുടെ സഹോദരൻ എം.എം. മാത്യു, ഷാജുവിന്റെ ആദ്യ ഭാര്യ ഫിലി, ഒരു വയസുള്ള മകൾ ആൽഫൈൻ എന്നിവരുടെ മരണങ്ങളാണ് കേസിന്റെ ഭാഗമായത്.

ഈ ആറു മരണങ്ങളിലെയും ദുരൂഹത പുറത്തുകൊണ്ടുവരുന്നതിൽ അന്നത്തെ സ്പെഷ്യൽ ബ്രാഞ്ച് സബ് ഇൻസ്പെക്ടർ ജീവൻ ജോർജ് തയ്യാറാക്കിയ അന്വേഷണ റിപ്പോർട്ടും പിന്നീട് നടത്തിയ ശാസ്ത്രീയ പരിശോധനകളും നിർണായക വഴിത്തിരിവായി മാറുകയായിരുന്നു.

ഇപ്പോൾ സംസ്ഥാനം ഉറ്റുനോക്കുന്നത്, കേരളത്തിലെ ഏറ്റവും ശ്രദ്ധേയമായ കൊലപാതക പരമ്പര കേസുകളിലൊന്നായ കൂടത്തായി കേസിലെ ആദ്യ കോടതി വിധിയിലേക്കാണ്.അതെ സമയം ജോളിയുടെ രൂപ മാറ്റവും ഇപ്പോൾ സോഷ്യൽ മീഡിയയിൽ വലിയ ചർച്ചയാണ്....

#കൂടത്തായി #കൂടത്തായികേസ് #ജോളിജോസഫ്

31/07/2026

സ്കൂൾ വാർഷികാഘോഷത്തിനായുള്ള നൃത്തപരിശീലനത്തിനിടെ കുഴഞ്ഞുവീണ പ്ലസ് വൺ വിദ്യാർഥിനി മരണപ്പെട്ട സംഭവം നാടിനെ കണ്ണീരിലാഴ്ത്തി. തിരുവല്ലം ക്രൈസ്റ്റ് നഗർ ഹയർ സെക്കൻഡറി സ്കൂളിലെ പ്ലസ് വൺ വിദ്യാർഥിനിയായ ആർ. ആവണി (16) യാണ് അപ്രതീക്ഷിതമായി വിടപറഞ്ഞത്.💔🌹

വ്യാഴാഴ്ച വൈകിട്ട് മൂന്നുമണിയോടെയായിരുന്നു ഹൃദയഭേദകമായ സംഭവം. സഹപാഠികൾക്കൊപ്പം സ്കൂൾ പരിപാടിക്കായി നൃത്തപരിശീലനം നടത്തുന്നതിനിടെയാണ് ആവണിക്ക് പെട്ടെന്ന് ദേഹാസ്വാസ്ഥ്യമുണ്ടായി കുഴഞ്ഞുവീണത്. പരിഭ്രാന്തരായ അധ്യാപകരും സഹപാഠികളും ഉടൻ തന്നെ വിദ്യാർഥിനിയെ അമ്പലത്തറയിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

പുഞ്ചിരിയോടെ കൂട്ടുകാർക്കൊപ്പം പരിശീലനത്തിൽ പങ്കെടുത്തിരുന്ന ആവണി ഏതാനും നിമിഷങ്ങൾക്കകം എല്ലാവരെയും കണ്ണീരിലാഴ്ത്തി വിടപറഞ്ഞത് കുടുംബത്തിനും സഹപാഠികൾക്കും അധ്യാപകർക്കും താങ്ങാനാവാത്ത വേദനയായി. ഈ അപ്രതീക്ഷിത വിയോഗം സ്കൂൾ സമൂഹത്തെയാകെ ദുഃഖത്തിലാഴ്ത്തിയിരിക്കുകയാണ്.

മുട്ടയ്ക്കാട് കോളിയൂർ ചുനക്കര രവീന്ദ്രൻ നായർ റോഡിലെ തിരുവാതിര വീട്ടിൽ സിറ്റി ഡിപ്പോയിലെ കണ്ടക്ടറായ അഭിലാഷിന്റെയും, ക്രൈസ്റ്റ് നഗർ സ്കൂളിലെ ഹൈസ്കൂൾ അധ്യാപികയായ എസ്. രാജിയുടെയും മകളാണ് ആവണി. സഹോദരി:അഥിതി.

പ്രണാമം, ആവണി..നിന്റെ ഓർമ്മകൾ എന്നും ഹൃദയങ്ങളിൽ ജീവിക്കും..🌹🙏

#ആദരാഞ്ജലികൾ🌹 #ആവണി #തിരുവല്ലം

31/07/2026

ബാലരാമപുരത്തെ കണ്ണീരിലാഴ്ത്തിയ ഹൃദയഭേദക സംഭവം. അച്ഛന്റെ വിയോഗം താങ്ങാനാകാതെ മണിക്കൂറുകൾക്കകം മകനും മരണത്തിന് കീഴടങ്ങി. ബാലരാമപുരം ഐത്തിയൂർ തുണ്ടുവിളാകത്ത് വീട്ടിൽ ഗോപി നാടാർ (83), മകൻ ശെൽവരാജ് (49) എന്നിവരുടെ അപ്രതീക്ഷിത വിയോഗമാണ് ഒരു നാടിനെ മുഴുവൻ ദുഃഖത്തിലാഴ്ത്തിയത്.

ഗുരുതരമായ അസുഖത്തെ തുടർന്ന് തിരുവനന്തപുരം മെഡിക്കൽ കോളേജ് ആശുപത്രിയിൽ ചികിത്സയിലായിരുന്ന ഗോപി നാടാർ ബുധനാഴ്ച രാത്രി 10.30ഓടെയാണ് അന്തരിച്ചത്. വ്യാഴാഴ്ച മൃതദേഹം വീട്ടിലെത്തിച്ചതോടെ ബന്ധുക്കളും നാട്ടുകാരും അവസാനമായി പ്രിയപ്പെട്ടവനെ കാണാൻ ഒഴുകിയെത്തി. വീടും പരിസരവും ദുഃഖത്തിൽ മുങ്ങിനിന്ന നിമിഷങ്ങളായിരുന്നു അത്.

എന്നാൽ ആ കണ്ണീരിന് മണിക്കൂറുകൾ പോലും പ്രായമാകുന്നതിന് മുമ്പ് കുടുംബത്തെ വീണ്ടും തേടിയെത്തിയത് മറ്റൊരു ദുരന്തം. അച്ഛന്റെ മൃതദേഹം വീട്ടിലെത്തിച്ച് ഒരു മണിക്കൂർ തികയുന്നതിന് മുൻപ് മകൻ ശെൽവരാജ് പെട്ടെന്ന് കുഴഞ്ഞുവീഴുകയായിരുന്നു. ഉടൻ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.

ഹൃദ്രോഗബാധിതനായിരുന്ന ശെൽവരാജ് ചികിത്സയിലായിരുന്നു. അടിയന്തര ശസ്ത്രക്രിയയ്ക്ക് വിധേയനാകാനിരിക്കെയാണ് ഈ അപ്രതീക്ഷിത മരണം സംഭവിച്ചത്. അച്ഛന്റെ വേർപാടിൽ ഉണ്ടായ കടുത്ത മാനസിക ആഘാതവും ദുഃഖവും ആരോഗ്യനിലയെ കൂടുതൽ വഷളാക്കിയിരിക്കാമെന്നാണ് പ്രാഥമിക നിഗമനം.

ജീവിതകാലം മുഴുവൻ മകനെ ചേർത്തുപിടിച്ച അച്ഛനും, അച്ഛന്റെ വേർപാട് സഹിക്കാനാകാതെ പിന്നാലെ യാത്രയായ മകനും... ഒടുവിൽ മരണത്തിലും വേർപിരിയാതെ ഒരേ വീട്ടുവളപ്പിൽ, അരമണിക്കൂർ ഇടവേളയിൽ ഇരുവരുടെയും സംസ്കാരചടങ്ങുകൾ നടന്നു. ആ കാഴ്ച കണ്ടുനിന്ന ബന്ധുക്കളുടെയും നാട്ടുകാരുടെയും കണ്ണുകൾ നിറഞ്ഞു. ബാലരാമപുരം ഇന്നും ആ ഇരട്ടവിയോഗത്തിന്റെ വേദനയിൽ നിന്ന് മുക്തമായിട്ടില്ല.

അച്ഛനും മകനും ആദരാഞ്ജലികൾ. 🌹

#ബാലരാമപുരം #അച്ഛനുംമകനും #വിയോഗം #ആദരാഞ്ജലികൾ #കേരളവാർത്ത #മലയാളംന്യൂസ്

31/07/2026

കൂടത്തായി കേസ് പ്രതി ജോളി പുതിയ മേക്കോവറിൽ; ബിരുദ പരീക്ഷ എഴുതാൻ കോടതിയിലെത്തിയപ്പോൾ കൗതുകമായി കാഴ്ച🙄

കേരളത്തെ നടുക്കിയ കൂടത്തായി കൊലപാതക പരമ്പരയിലെ മുഖ്യപ്രതി ജോളി ജോസഫ് വീണ്ടും വാർത്തകളിൽ. ബിരുദ പരീക്ഷ എഴുതുന്നതിനായി കണ്ണൂർ വനിതാ ജയിലിലേക്ക് കൊണ്ടുപോകുന്നതിനിടെയാണ് ജോളിയുടെ പുതിയ മേക്കോവർ ശ്രദ്ധ നേടിയത്.

ജീൻസും ടോപ്പും ധരിച്ച് ആത്മവിശ്വാസത്തോടെ പോലീസ് ഉദ്യോഗസ്ഥർക്കൊപ്പം എത്തിയ ജോളിയെ കാണാൻ നിരവധി പേർ സ്ഥലത്ത് തടിച്ചുകൂടി. ആളുകളുടെ തിരക്ക് വർധിച്ചതോടെ സുരക്ഷാ കാരണങ്ങളാൽ പോലീസ് ജോളിയെ ഉടൻ തന്നെ കോടതിക്കുള്ളിലേക്ക് മാറ്റി.

സ്ഥലത്ത് ഉണ്ടായിരുന്നവരുടെ ശ്രദ്ധ തനിക്കുനേരെയാണെന്ന് മനസിലാക്കിയ ജോളി, പോലീസ് ഉദ്യോഗസ്ഥരോട് തമാശ പറഞ്ഞും പുഞ്ചിരിച്ചും പെരുമാറിയതായും ദൃക്സാക്ഷികൾ പറയുന്നു. സ്പൈറൽ ബൈൻഡ് ചെയ്ത പഠന നോട്ടുകളുമായി എത്തിയതും ശ്രദ്ധേയമായി.

ഇന്ദിരാ ഗാന്ധി നാഷണൽ ഓപ്പൺ യൂണിവേഴ്‌സിറ്റിയുടെ (IGNOU) ബി.എ. ഹിസ്റ്ററി കോഴ്‌സിന്റെ രണ്ടാം വർഷ വിദ്യാർത്ഥിനിയാണ് ജോളി. ബിരുദ പരീക്ഷ എഴുതുന്നതിനായാണ് കോഴിക്കോട് സബ് ജയിലിൽ നിന്ന് കണ്ണൂർ വനിതാ ജയിലിലേക്ക് എത്തിച്ചത്.

പ്രീഡിഗ്രി വിദ്യാഭ്യാസം മാത്രമായിരുന്നു ജോളിയുടെ മുൻ വിദ്യാഭ്യാസ യോഗ്യത. ജയിലിൽ കഴിയുന്നതിനിടെയാണ് അവർ ബിരുദ പഠനം ആരംഭിച്ചത്.

2002 മുതൽ 2016 വരെയുള്ള കാലയളവിൽ കുടുംബാംഗങ്ങളായ ആറു പേരെ സയനൈഡ് നൽകി കൊലപ്പെടുത്തിയെന്ന കേസിലാണ് ജോളി ജോസഫ് പ്രതിയായിരിക്കുന്നത്. കേസിന്റെ വിചാരണ നടപടികൾ തുടരുന്നതിനിടെയാണ് ജോളി ബിരുദ പഠനവും പരീക്ഷയും തുടരുന്നത്..

Mazhavil Malayalam

01/08/2026

01/08/2026

01/08/2026

01/08/2026

01/08/2026

01/08/2026

31/07/2026

31/07/2026

31/07/2026

31/07/2026

Address

Telephone

Website

Alerts

Contact The Business

Shortcuts

Share

Category

Listing takedown request